se7engo的个人专页

近年酸辣水煮風味令好多人迷試左，今次試左附近聽講係學生哥至愛之選-麻王。鋪面唔大，堂食座位得5-7個到，環境都算迫同暗，所以坐得唔係咁舒服，不過為美食唔緊要啦。今次同友人分別叫左酸菜魚同水煮蜆，都跟紅薯粉。同預期唔同佢係細既薯粉唔係粗薯粉，不過都煙煙un un既。蜆肉同魚肉都算多，另外有d娃娃菜配菜咁，味道無特別驚艷到，屬不過不失之作。…查看更多

一向知尖沙咀韓國街多正宗韓食，今次就試下呢間據稱係韓國人開既韓食店。鋪面唔算大，都要等一等位先入到去。朋友今次試左豆腐海鮮湯，就跟左小食跟飯既，味道正正常常無乜特別。我就叫左個辣海鮮湯麵，海鮮足料都多既，以為會跟普通既配料，點知小食到有2隻鍋貼煎餃😏都幾好幾好。小食就叫左年糕同泡菜煎餅，掛住食唔記得影年糕。年糕咁normal既韓食就難唔到個大廚既，味道都normal無特別難忘。最最最驚艷到既係佢個泡菜煎餅，暫時黎講應該係我係香港食咁多間韓食店入面最好味既泡菜煎餅。😍😍😍😍😍佢唔會好似其他鋪既泡菜煎餅咁糊左一pat一舊舊咁既口感，佢煎得好香脆之餘有泡菜既小小辣味係入面，食落脆口之餘又爽脆，仲食到一塊塊既泡菜。佢個汁先係世界級😋咸辣咸辣超級惹味，泡菜煎餅點左d汁有飯係到真係爬多2啖😋值得一讚既係，係咁忙既時候一個眼神唔使用言語溝通個侍應已經好識do咁幫我refill個汁！而且個泡菜煎餅超大份係抵食之選👍🏽絕對係我下次黎會encore之選！…查看更多

雖然個人唔係melody fans😏個人就鐘意kurumi多d既，無點解只因卡通入面melody太綠茶😂但聽聞竟然有鋪頭咁大勇氣成間整到粉紅色做melody特色限定，咁都要黎挑戰下既。入到去職員都恥力爆登著左件pink pink 印有melody大頭既t shirt，respect respect😂鋪入面簡直比粉紅色沖擊晒你既視線，友人同我就叫左同一個醬油湯底既拉麵。麵上面有melody既鳴門卷同印有melody樣既紫菜，一心諗住黎試伏，點知飲落個醬油湯底有驚喜😋濃味得黎甜甜地唔會過咸，又有醬油既香，麵掛湯都唔錯。麵質不過不失都有咬口唔會太淋，麵量唔太多所以友人同我都分別加左10蚊加麵底。另外叫左個小食雞翼，甜甜地又脆脆地但就normal左d。野飲呢就加錢要左個melody杯既蜂蜜綠茶，打卡必備都cute cute既😏…查看更多

疫情期間想去主題樂園又驚太多人迫，黎銅鑼灣既悉尼樂園就岩晒。café 入面有好多打卡位，睇得出佈置係擺左心機落去既，唔同米奇影相試下同偽米奇影相啦😂今次叫左個海鮮意大利飯， 明太子意粉同小食拼盤。份量唔會話太大，岩晒港女小鳥胃，大食既仲可以食多餐添。小食拼盤好豐富有4種小食，有2隻醬一隻係蛋黃醬另一隻甜甜地就唔知咩醬黎但幾好味。海鮮意大利隻既海鮮都無花假，有大大隻蝦係面入面亦都有魷魚青口好多海鮮😋risotto煮得夠入味而且唔會硬身呢個真係合晒我口味。明太子意粉味道都唔錯叫不過不失之作，同場都仲有其他果茶啊梳打既特色野飲，黎到都可以試下既😏…查看更多

黎到鮮芋仙，基本上係必嗌芋圓4號😋😋芋圓煙un得黎有淡淡既芋頭同蕃薯味，加埋珍珠好咬口，綿綿既紅豆芋頭，夠晒口感豐富。冰黎講有陣陣甜甜既味道絕對唔會食到口淡淡，一啖冰要加唔同既料擺晒入口，直頭入面開party咁😋好味…查看更多

雖則鋪名叫mamaday但野食就唔會麻麻地既😏菜名同鋪名一樣都好有趣😂今次同友人就叫左有蟹go又有蟹肉既蟹蟹蟹意大利扁麵 ( $126 ) 。意粉蟹肉好足料都做到啖啖蟹肉咁濟，食落甜甜地，唔錯唔錯。 另外叫左個黑到爆炸魷魚圈墨魚滑墨汁燉飯 🦑 ($128)，risotto 黎講個人就鍾意淋身d既但呢個墨魚汁risotto就略硬身左小小，偶然食到一兩粒意大利飯硬既飯芯。但值得一讚係d墨魚滑好鮮甜，混左係個飯入面有多一重口感都幾好。亦都叫左個小食避風塘雞翼 ( $68 )，呢個超級好味😋雖然話係2隻辣椒🌶️咁辣但食落都ok雞翼好脆口之餘入面肉汁仲保留到，面頭既炸蒜令個雞翼更惹味。去到絕對推介試下！野像飲叫左個檸檬茶沙冰，味道幾特別。友人個紫薯latte都唔會話太甜，唔鍾意甜野既朋友都可以試下既。…查看更多

逐所周知港女都鐘意食韓國野既，今日就黎到企敦覓食😏星星pho cha位置呢就啦算就腳既一邊既鋪面就負責外賣，另一邊鋪面就負責堂食既。入到去主要就外藉既員工黎但都可以用廣東話溝通既。今日就同好朋友一齊叫左星星芝士炒辣雞🍗🍳($188) 同烤牛肉紫菜包飯 ($68)，當係lunch set咁叫加野飲可以唔使正價都幾好😍芝士辣雞有好多入味雞似同洋蔥年糕撈埋，雞肉juicy 年糕煙un，認真唔錯。 點埋佢旁邊同粟米溶為一體既芝士，小小辣好味得黎拉絲又可以打卡。 仲有2粒太陽蛋比你撈中間既紫菜飯，好味好味。紫菜包飯係我見過最足料既韓食店，目測牛肉魚糕青瓜醃蘿蔔等等成7-8樣餸，又包得實，十分好味。總括，除左地理位置唔太就腳，食物質素唔錯唔錯值得encore😋…查看更多

太安樓多野食就眾所周知，今日就黎試下呢間小麵站！收銀姐姐好和善，全程笑笑口咁。今次嗌左2個淨酸辣粉加佢地餐牌到寫既佢既鎮店既靈魂餃子同湯。餃子黎講個皮薄索到湯，但個餡就唔太令人難忘。但有驚喜既係佢個酸辣粉，個碗細細地咁但d薯粉好似食極都仲有咁，唔錯唔錯。最抵讚既係佢個湯，酸酸辣辣令人一飲再飲，配落d薯粉到真。係。好。夾。好。好。味！！！絕對係encore之選！惹味到一個女仔食晒一碗都無難度！堂食期間見keep住有人嗌外賣食，期待下次試下佢其他麵食😋😋😋😋…查看更多

難得黎石澳，除左去同彩色屋仔，石澳沙灘同情人橋打卡，而家又有一個選擇啦！入到去成個環境好靚好舒服，侍應又好好禮貌，會主動幫你拉埋椅，真係咁大個女都未試過。等緊野食既時候有間唔時有涼風吹入黎都好舒服嫁。今次就叫左個seafood pizza同牛肉burger。😋Seafood pizza就話用左自家製cocktail sauce, 都幾期待。Pizza一上即刻比佢大大粒帶巧吸引左，唔係一般既雜錦海鮮，食落帶有炭烤味，個汁酸酸辣辣好開胃。Burger入面塊扒好厚身，食落邊邊脆脆地入面又好juicy，值得一試😋…查看更多

呢排突然好想食燒肉，燒肉梗係唔小得韓國燒烤啦，今日一於試下呢間oppa 韓國燒肉啦。一入到去佢既椅子就好似韓國咁係一d可以打開既鐵罐，袋可以擺入去防止索到d燒肉味，佢亦都好貼心咁派左d口畢袋比我地裝口罩。一入去已經聽到kpop歌，氣氛都幾好。今日叫左佢個燒肉加海鮮既套餐，上菜速度都算ok快，生菜小菜既renew都有自動自覺，唔錯唔錯。佢既豬肉無so味，肉質肥美，燒到表面脆卜卜之後食真係一流。牛肉都好鮮味，d肉放係個牛形既盤到好搞笑。佢d海鮮亦都唔錯算新鮮，唔識燒會有職員黎協助你燒落埋牛油仲香d添！可以唔係任食未夠喉，建議各位大食既朋友仔可以去大埔有任食既，咁就夠喉d！佢個泡菜蛋！一！定！要！試！真係好好味😍…查看更多

身邊既朋友成日介紹我去食鰹烏冬，一直未有機會試。今日經過駱駝漆😏就梗去要去試下，地方位於工廠區都算就腳。入到去都幾full好彩咁岩有2個位，唔使等，正！今日落雨涼涼地就想食番d熱野，就叫熱烏冬食啦，今次揀左佢個鰹魚湯熱烏冬同隻大雞髀😋佢每枱都會有一壺茶既，飲落有陣煎茶味都唔錯。佢個湯清清地但唔會淡唔會無味，飲落好鮮甜唔似味精湯。 烏冬佢就話係即場製作既， 食落有咬口又掛湯，perfect match！雞髀面頭有d七味粉，肉食落有d薑味。期待下次黎試埋個凍烏冬同咖哩烏冬…查看更多

因為佢做買一送一個優惠所以去試下..d炸雞好好味夠脆，雞又唔會乾，唔錯唔錯值得一讚既係佢既野飲啊😍係相打上面加條雪條😍😍媽啊真係好特別！！飲飲下又會隨著雪條溶而有唔同既味，絕對值得一試。…查看更多

不得不提呢間冰室既菠蘿包水準一流，係童年時食好好味既菠蘿包，一次過食10個都無問題。本身只係經過見肚餓，隨機揀左呢間既菠蘿包食。一食超級有驚喜！！ 上面個脆皮脆卜卜，唔似外面其他麵包舖d菠蘿包咁淋晒。個包又熱辣辣暖笠笠，個包又夠軟熟，咬開入面仲要唔係空心係啖啖包，認真真材實料！！仲要只係賣6蚊炸！！經過既朋友真係10級推薦去買，係我自細細個就無再食到既好味菠蘿包。唔講咁多我去買番10個做下午茶先！！…查看更多

本身係本住隔離太多人排隊咁就入去食下既心態，點知食落都有驚喜都幾好味。佢個凍烏冬份量都ok，味道都唔錯。小食方面最推薦係佢個雞翼啊真係好好味好香口，黎到絕對要一試！個辣雞扒都唔錯既幾入味，小小辣岩岩好。但個餃子就係今餐既一個敗筆，因為唔好食，個皮唔脆有d硬而個餡都味道一般，黎到可以唔使叫。…查看更多

今次係我第n次encore呢間山西刀削麵皇，咁都估到係幾咁好味先成日encore！外賣同堂食質素都一樣，好好味😋堂食有個好處就係可以係佢個開放式廚房到見到師傅係到削面，都算幾特別。今日我就叫左佢個口水雞冷撈刀削麵，佢既刀削麵好好咬口，個汁又夠味，間唔時仲有d青瓜絲中和下有d清新感覺咁。 媽媽就叫左個東坡肉熱湯刀削麵，個東坡肉好入味好軟熟，一夾就化開，食落甜甜地，真係唔錯，值得一試。…查看更多