yanwai的个人专页

今朝要去荃灣做嘢，食早餐，第一次試呢間，未坐落見隔離連鎖店七八成枱有客但呢間就得一兩枱客，都有啲猶疑，但想幫襯多啲非連鎖店，都姑且一試，食完覺得大有改善空間。沙爹牛五香肉丁麵，奶茶，要$40，已經覺得貴，唔緊要，都試下。結果牛肉同肉丁都超少，麵太硬，奶茶太重茶味無奶味。或者早餐唔係佢主打啦。…查看更多

呢間自助餐由開張起，我已經食過四次，多數係晚餐，亦有試過午餐，食物質素一向都幾好。最近知道做緊promotion，所以噚晚再去，價錢比以往平，但就發覺明顯將貨就價。雖然種類依然足夠，但個別食品的質素就下降咗。例如主打嘅牛肉，肉味較以往淡，每樣牛肉款式食完一round已沒有太大興趣再來，只有即燒澳洲和牛比較好。鱈場蟹腳似乎雪得太耐，只係食倒雪味，連瞓覺蟹都係咁。生蠔就太瘦，而且無鮮味。翡翠螺就更慘不忍賭，完全無味，係我食過嘅翡翠螺之中最差，唉！就連辣酒煮嘅東風螺都係霉霉哋。意料之外係個橙酒班戟的確唔錯，不要錯過。一分錢一分貨，永遠都係真理。如果未去過嘅，應該都會覺得Ok，因為的確係平，尤其係用信用咭八折後只係$251一位。但我呢啲舊客就有啲失望囉。…查看更多