archu0.0的个人专页

呢間餐廳已經係食過幾次，原因多選擇，服務好好👍👍特別適合家庭聚會！琴晚家人話想晚餐想食咖哩，我第一時間都諗起呢間餐廳。有尼泊爾咖哩同Naan仲有西餐！我地一行四人叫左個4人餐，set dinner係人頭計算，而4人餐既價錢係$808免加一。有沙律揀一，頭盤揀一，主菜揀四，最後有四杯飲品。沙律簡簡單單 都多雞肉同牛油果！👍餐湯 有啲南瓜味落左黑椒會入味啲 都好飲👍開胃小食 咖哩葉炒蜆之前食過 有驚喜大部分蜆都有蜆肉，都入到味，足料👍個咖哩葉好香😍去到主菜，我地叫左羊肉Kabab自己唔食羊，家人話都好好食，羊肉唔會好韌反而自己不停食個薯條，炸得好脆切都切得好靚😁材料平均！主菜二 美國牛肉漢堡飽呢個第一次試，有驚喜包皮外脆內軟個牛肉易咬有牛味同埋其他配料一齊食令口感好豐富主菜三 海鮮pizza海鮮味道不重 普普通通呢個pizza味道偏淡同埋都係鍾意海鮮配翻千島醬多啲！不過芝士好重手 主菜四 尼泊爾咖哩 揀左雞肉配香蒜Naan 呢款咖哩好溫和 好適合港人唔辣又未去到日本咖哩有甜岩岩好 配埋佢地既Naan勁正不過啲雞肉就有啲雞羶味超正 手拉最正 口感煙韌有咬口👍👍👍環境晚餐時間燈光偏暗…查看更多

今日起身想整翻個包類醒神下，突然間諗起呢間Toasting。翻到公司就叫呢間外賣吧😋之前都幫襯過一次，吐司名有趣，之前就試左 ‘Simply Refreshing’內有牛油果、乳酪、西式滑蛋口感非常豐富，滑蛋足料，熟度岩岩好。本身會好抗拒乳酪味，擔心會搶左個蛋味，但出黎效果唔會好勁，有少少甜度👍牛油果份量適中，同滑蛋絕對夾到啦！去到包身方面，外賣送到黎都係仲脆身，而且包內本身好似都塗咗陣牛油，就算食到得翻包底都唔會好dry！外脆內軟感覺！另外，好鍾意佢包底係封實，所以食既尾時候就絕對唔會漏汁漏餸，讚！飲品方面，味道太淡，有待改善。外賣送過嚟嘅時候，飲品四濺，唔建議用呢種杯。衞生問題需要改善，有隻蚊喺入面。另外咖啡都嘛嘛，似係罐裝雀X咖啡味道。今日就試左’Crunchy American吐司’內有煙肉、薯餅、西式滑蛋飲品就叫左柚子蜜一如既往，口感好豐富，今次食到生菜好爽口！不過薯餅既薯味唔夠出，但有煙肉滑蛋配搭夠都唔錯👍食到尾仲食到包內有牛油同少少沙律醬既甜味，滿足😋但有個問題就食完個吐司，唔知係咪太脆，牙肉有少少𠝹到損左😖飲品方面，都係淡，柚子味唔夠，更不論蜜味。最後，我覺得專心做好吐司，整體味道豐富，配料足夠！飲品真係用翻紙包/罐裝以免影響店舖品質。…查看更多

本身自己好少會俾差評，最多只會話ok，但係今日發生既事，令我俾左個差評。今日出尖沙咀，天氣都好熱，諗住買翻杯野飲爽翻下先😋行到厚福街，行行下見到有人拎住杯出煙既野飲，幾有趣，可以打卡！到店舖，見到新開張，仲大大個電視寫住開張優惠買一送一，優惠吸引，加上有’香港人加油’，裝修舒服，單張有趣，黃店當然要支持一下💛！！到落order 既時候，男店主坐住冇示意我可以落單，反而要我上前問翻:係咪可以落單? (前面冇人排隊) 令人感覺冇乜誠意做生意。😧我同友人叫左香檳葡萄氣泡水$28，另一杯富士蘋果氣泡水$28，兩杯都係有個’like’喺menu。合共收左$56。買完之後，我發現，咦？唔係買一送一既咩？😧店內都冇清晰條款細則，送邊款、要做啲咩先達到優惠，店員都冇特別去為顧客介紹優惠，令人有誤導成份。期後先睇到收銀位置下面貼左張紙寫follow ig/fb先會有優惠。我同友人都覺得有中伏同被欺騙感覺，加上店員態度較懶散，所以都要求void單。未料，男店員竟話：老闆唔喺度冇得void單。我感到驚訝，咁如果落錯單收多錢係咪要老闆喺度先可以再作行動？男店員明顯’嫌麻煩唔想做’既態度令我同友人大感不滿。飲品到既時間，男店員已經入左入面整野飲，而女店員轉做收銀，本人再三查詢係咪冇得void單同冇優惠？🥲女店員話要follow ig/fb先會有。本人再問:咁落單果陣冇講明，我都係俾電視大大隻字有優惠同黃店吸引先過嚟。然後女店員再答:咁唔係個個人都用ig所以冇問，不如你試左好冇飲先啦(不停叫本人試左先).......Fine.試下佢咩料先！賣相麻麻。只係擺左乾冰令到有出煙效果。味道方面，一飲落去，嘩好X甜！！😰😰甜到完全冇果味既死甜，葡萄？富士蘋果？😧我同友人第一下反應都係好甜！未試過飲左一啖就掉左杯野飲！！懷疑有心加料。而且order果陣，店員都唔會問甜度份量冰份量。超級失望既飲品體驗！尤其係店員態度，簡直俾錢買難受😡！！只係飲左一啖，嗰種甜仲留喺條脷度好耐好耐........又口乾.......另外間野標榜台灣，亦都唔知杯野飲邊個位有關台灣。其實出新張優惠但求大家開開心心互相支持，如果想打正旗號做黃店，可以先從食物品質、服務入手。希望唔好再標榜黃店去呃人。…查看更多

有野做就出左尖沙咀 ，去咗美麗華商場，晚餐唔知食咩好，俾佢既餃子同明太子蛋卷相片吸引左！而且價錢都好便宜所以同友人二人入去了。叫左個晚市拉麵二人套餐$3xx，可以有兩款主食(拉麵為主)，仲可以揀多兩款小食。主食方面，咁我地就叫左一個特製博多豬骨湯拉麵同新推出黑松露撈麵(餐牌上寫有松露醬和松露油）撈面賣相可以。味道正正常常，冇話特別出色，都係落左松露醬入去撈，同埋啲麵一舊舊好難夾。而拉麵方面，友人話唔好食，湯好淡，肉有三塊。小食叫左明太子蛋卷同埋牛舌明太子卷明顯失望的。以為係熱辣辣既蛋一層層包上去，原來係凍食有種甜，冇蛋味冇明太子味。牛舌味道可以，留意既係好薄的，似吉x家牛肉。最後叫左自製餃子 推廣價$23入面係韮菜豬肉，食落去第一反應咦？八方x集?個皮煎得脆的，但都係正常野。最後感受，本身對開喺美麗華商場入面餐廳會有一定期望，但呢間係失望的。不過夠飽肚，價錢便宜，服務員態度幾好。…查看更多