Calvinchu的個人專頁

因某些原因, 是日只能吃蔬菜及牛肉. 下午本來想去莎樂美, 過馬路後比較近扒王之王, 便順道看看有沒有適合的餐, 竟然見到還有午餐供應, 便改在此用膳.牛扒午餐有鐵板或商務選擇, 本想選個平的, 但最衰鐵板的牛扒要跟雞或豬扒, 我朋友又不想吃這兩樣, 便叫商務牛柳餐, 朋友叫咗個沙爹牛肉蛋烏冬下午茶.商務午餐有餐湯(今次叫了羅宋湯), 牛油餐包(給了朋友吃, 她說唔夠熱及軟), 沙律(全是新是蔬菜, ok, 可選沙律醬或油醋汁, 今次選了油醋汁另上), 主菜是7成熟的牛柳加什菜跟黑椒汁, 可能什菜是用水煮且過熟過"淋", 跟牛柳放在一起, 令我覺得牛柳好像也是水煮一樣, 而且外形很奇特, 一般牛扒是一塊過, 但這件牛柳本身已不平, 一邊厚, 一邊薄, 厚一邊是有2個切口, 好像是怕不熟, 特別橫切一刀讓它快點熟, 不過, 值得一讚是它很有"牛"味, 不像一般扒店將牛扒醃至只有梳打粉味, 本身的牛肉鮮味全蓋掉, 而且不"酥", 點黑椒汁一起吃還好.另外, 朋友說她的沙爹牛肉也很有"牛"味, 跟我的牛柳差不多, 如果是真的話, 她這個下午茶餐只需HK$19便很抵, 我個餐要HK$62:(, 下次我都要食下午茶餐- 有牛肉的.此餐廳還供應外賣飯盒, 由十幾蚊起, 好似好抵, 但限時出售.…查看更多

見到下面的食評, 今日特登去試, 下午5點多, 人不算多, 但裡面的枱已滿人, 只有近門口的2張枱, 可能近出麵位及門口通道, 這2張枱跟出麵位有一段距離, 很濶落, 雖然幾個阿姐全都圍在出麵位處, 坐得還很舒服.叫了鯪魚球加牛筋雙併米(HK$16), 一次過試哂我想食的, 不出一分鐘便到 , 鯪魚球應是剛淥好, 咬下去很彈牙很熱, 完全唔腥, 我見有個阿姐在我枱上加調味後吃, 還問其他人好唔好食, 就更加肯定是新鮮做及新鮮煮好, 今次來的時間啱啱好. 牛筋很"淋"很入味, 腩汁好味, 而且個湯都好熱, 但米粉份量比其他店少了些, 不過以這個價錢來說, 有這個質素已很超值. 臨走時見到有個阿姐拿了2袋通菜出來, 不是樓下說只有生菜供應, 我想這店可能是每天只預備一款菜. 如果不是因為個肚唔舒服, 今餐加多碟菜便更完美了. …查看更多

之前去冒險樂園玩有coupon送, 下午茶有HK$3折扣, 是日決定去太興買下午茶, 想食燒味, 見飯餐要HK$4X , 轉食米粉, 叫咗义燒燒肉米, 外賣湯另上, 但不知道燒肉也放在米粉內, 因回家後有事做, 到食時燒肉皮已"淋"咗 :(, 叮熱湯再倒在米粉內, 米粉過了段時間還很爽口, 沒有碎, 很好, 义燒及燒肉偏瘦, 但都好好味:), 如果燒肉皮無"淋"就好la, 另外點了凍奶茶, 茶味偏苦, 一般.Coupon另有晚飯HK$10折扣, 揾日去食燒味飯, 下次要食燒腩仔.…查看更多

早前又食咗金華菠蘿包, 是日姐姐改在這間買, 另外再買墨西哥奶皇包及我選了流沙雞尾包回家享用.每個包都有獨立紙袋, 每個都布滿油. 尤其是個流沙雞尾包, 包底已吸滿了油, 剛吃下去還可以, 但唔算流沙, 再吃下去至差不多一半終於看見雞尾餡, 它不是流沙, 是流油, 而且個餡仲超甜, 要"倒"出來後才能繼續食, 雖然味道不錯, 但真的很肥, 如果要keep fit, 千萬別吃這個包, 因我連續2日菠蘿包及這個包已肥了2磅:(, 食前請三思.另此間的菠蘿包個皮偏甜及牛油味較"SO", 我家小B不太喜歡. …查看更多

今日去葵芳食壽司, 順道往波仔買糖水, 在同一商場內, 可能剛裝修好, 見到有很多新舖, 每間都很新及很寬敞, 其中有一間很大的麵包店, 我家小B喜歡食菠蘿包個皮, 便買一個給他試. 另外買了丹麥條及北海道鮮奶包. 付款時見到有奶凍換購(HK4/杯, 原價HKD9), 又買了個伯爵朱古力奶凍. 菠蘿包 - 皮有點脆, 很香, 小B差唔多食哂所有皮, 我食了一啖剩餘的麵包, 嘩, 麵包超鬆軟及有牛油味, 只食包也很好味, 而且還有一個硬紙托底吸油, HKD3個都扺. 丹麥條 - 是用酥皮來做, 但面不夠脆及欠缺果占, 不過, 跟一些用一般麵包來做的店來說, 這已很好了. 北海道鮮奶包 - 沒有食, 但姐姐說都很軟熟. 伯爵朱古力奶凍 - 茶味OK, 奶凍很滑, 甜度適中, 食落口感覺很涼快, 在熱天時食會有消暑的作用. 唯一要彈是奶凍上的朱古力碎, 很"鞋"及無味, 建議用其他靚的朱古力或唔要好過, 以免影響此奶凍的質素.…查看更多

今日姐姐買了豬心, 豬脷, 大小生腸及魷魚回家, 因我家小B很喜歡食豬心及豬脷, 差不多被他全吃掉, 我搶到一件豬脷, 幾鮮甜, 難怪小B這麼喜歡. 大生腸及小生腸的質感真的很不同, 但又有各自的特別, 明白姐姐為何2款一起買. 今次的醬料是有小袋分別裝好, 不會混在食物中, 現在肥姐的服務有改善, 不錯! …查看更多

因為需在7月3日或之前儲印花續會, 今天又到元氣食午餐. 之前在荃灣千色店分店食到怕, 以為新開張食物會新鮮啲, 點知, 只是2次, 一次比一次失望, 所以是次去番葵芳食.家姐先取位, 去到已可直入有位座, 她仲留咗2件壽司俾我. 不知會否今天是父親節的關係, 雖然滿座但等位的人比以前少, 所以今日食咗一個鐘都唔會俾人催.元氣現時promote緊9蚊碟的壽司, 有大元貝, 大螺片, 蟹肉三文魚子軍艦, 池魚等, 一般都會有放在迴轉台, 但今日剛到時竟然無, 所以便order大元貝及蟹肉三文魚子軍艦再加2個軟殼蟹手卷. 大元貝 - 很新鮮, 不像在荃灣食到有腥味, OK.蟹肉三文魚子軍艦 - 先試蟹肉有點腥, 但整件一起食又OK, 但就唔覺有食到三文魚子, 有點奇怪. 軟殼蟹手卷 - 軟殼蟹還暖, 一貫水準, 得. 特價的鮟鱇魚肝軍艦 - 新出壽司, 魚肝很乾, 雖有青瓜放在一起, 但都是偏乾, 只是貪新鮮試北寄貝及三文魚 - 一般, 本想再食三文魚, 但今日出很少且不夠肥美, 所以今日是食最少三文魚的一餐 三文魚皮小食 - 我的至愛, 勁脆及沒有油, 這才是元氣應有的質素, 上次去荃灣食要用紙巾去吸油, 仲要一件用2張紙巾吸先得, 超級失敗. 炸墨魚咀 - 本來想叫炸公魚, 點知隔離位走後便見到有碟炸公魚到, 睇到侍應拿回廚房, 怕order後會送回同一碟來, 所以便點墨魚咀, 這個炸得過乾, 差些是次2個人食咗HK$153, 剛好有3個印花:), 但還未足夠, 在7月3日前還要再食多1,2次. 唉! …查看更多

己經食過此店的包點很多次, 尤其喜歡菜肉包, 餡料菜肉平均, 有肉汁, 又夠大個, 1個當早餐已足夠:). 另麥皮饅頭是素食健康之選. 不過早前試過馬拉盞, 過實及乾, 還是馬拉糕較好. 之前家人農曆生日, 也在此買過壽包, 味道雖不及酒樓, 但用以加強生日氣氛也不錯. …查看更多

睇了之前的食評, 跟家人特別來此聚餐. 叫了以下食物:孖寶A - 卥水拼盤及豉汁倉魚, 兩款OK, 尤其是魚, 很滑. 若拼盤有鵝便最好蠔仔粥 - 掂, 但蠔仔不夠鮮味. 最後在沒有選擇下都翻叫椒鹽九肚魚 - 正:), 只是份量一般炸蠔餅 - 有些好脆, 有些厚的便麻麻, 不夠味, 點魚露又過鹹什菌煲 - 水汪汪, 有點怪豉椒炒蜆 - 無鑊氣, 蜆不鮮甜及細碟除了炸物外, 整體來說沒有預期好, 一般 …查看更多

一行5人, 原本想去和民食飯, 但星期日比較多人等位, 最終因這先有位便到此用餐.因沒有料到來此, 初時大家也不知叫什麼, 看完餐牌, 還是覺得叫set扺啲, 最後叫咗2個滙x信用咭優惠的2人餐及另加田螺薯蓉, 食物如下:2個忌廉湯及2個酥皮龍蝦湯 - 只飲龍蝦湯, OK, 今次唔太"漏":)炸海鮮籃 - 新鮮炸起, 夠熱Pizza - 出奇地好味, 批底脆, 芝士夠 田螺薯蓉 - 有三片多士, 將料放在多士上好夾煙三文魚沙律 - 無食豬仔骨薯角 - 豬仔骨無味:(, 之前食過已不喜歡, 但家人想試便沒反對 黑松露香煎雞扒意式飯 - 推介之選, 汁很香, 飯有咬口, 只是雞扒一般4杯飲品全改為特飲, 每杯都有特色, 不過坐在冷氣風口位, 頗凍, 凍到有些飲品都不能飲完. 我本想加個tiramisu, 但賣完, 他曾建議芝士餅, 但之前在另一間食過很難食, 無落搭.偶然到此食還可, 不過下次都要去和民試.…查看更多

之前已很想試金水, 知道油麻地開了新舖, 5月尾特地在下午茶時段來 (因有半價).因要等人, 先叫軟殼蟹沙律, 螺肉及什錦刺身咩壽司(唔記得正確名), 不知是否新開張, 速度奇慢, 好在有叫螺肉, 差不多吃完後沙律及壽司才到, 軟殼蟹沙律很清新, 真的是沙律菜加沙律醋, 軟殼蟹新鮮炸, 很好, 但個咩壽司好一般, 仲要半價後HK$1X, 頗貴, 不值.跟著點了些壽司, 一般, 三文魚像紙一樣薄, 但HK$5一碟確是無得挑剔, 見到別人order蟹子沙律很大碟, 半價後只需HK$11左右, 便order一客加燒魚鮫. 其實當時已飽, 但眼寛肚窄個魚鮫新鮮燒, 很熱, 很好味. 但蟹子沙律便過酸, 可能食慣元氣鹹鹹哋的味道, 不過真的很大碟, 算扺.仲有很多食物未試, 但2個人已很飽, 唯有下次再嚟過. …查看更多

最近promote的百香果茶(還未弄清是綠茶, 紅茶?), 今天已是第3次幫襯, 茶內有大珍珠, 棷果QQ及荔枝QQ, 大杯裝只需HK$14, 好扺飲 (其他飲品加珍珠等都要收HK$3), 今天買了2杯回家, 3個人飲都夠, 正!…查看更多

荃灣又開一間元氣, 端午節當天去試. 可能到達時間有點尷尬, 在下午茶與晚飯之間(5點3左右), 在迴轉line只有少量sushi, 所以便另外order. 首先order新推大元貝壽司, 螺壽司及炸魚皮小食. 等咗成5分鐘都未有, 其實客人不多, 當時我真的蠻肚餓, 最衰俾我哋見到在迴轉line已有新放的大元貝壽司, 但我哋order還未到, 便追單, 不需一陣便來了, 都唔知係唔係漏單. 另外見迴轉的三文魚唔多新鮮, 又落order2碟加熟帶子及榮螺壽司. 點知又要等, 連隔離客人遲點的軟殼蟹手卷都要比我哋快, 唉, 壽司到時見到三文魚紙咁薄, 仲要好似放了一段時間, 熟帶子size比一般的細及又無味(大元貝壽司大件及好味好多), 榮螺不及其他店新鮮, 仲以為新開張的食物會新鮮啲:(還有15分鐘差不多到6點, 客人多了, 在迴轉line上開始有很多壽司, 其中有三文魚, 嘩, 跟剛才我哋的新鮮好多及又肥又厚, 肯定之前落order的三文魚壽司在迴轉line上取的. 早知便拍下照片來做比較.講真, 我哋在下午來食, 付的也是正價, 但食品質素卻比晚市差, 仲要服務速度慢, 迴轉line上又沒有選擇, 這算是什麼service. …查看更多

下午6點左右有些肚餓, 但要回家吃飯, 所以2個人選擇了這裡吃脆炸蘿白糕及點了2杯綠茶. 綠茶一般, 普通杯比come buy中杯還要少, 以前蘿白糕的脆面很脆, 是次雖熱但唔夠脆及落了很多胡椒粉, 有點失望. 脆炸蘿白糕已由HK$17加至HK$20及綠茶加至HK$19, 埋單要HK$58, 在逆市中靜靜地加價, 難怪會越來越少人. …查看更多

今日中午有事出旺角, 辦好後立即去花園街, 到達時約2點, 終於給我見到細光酥餅啦, 好彩早啲到, 只賣剩幾包咋. 買了3包回家, 1包是留給阿哥既, 因他也是fans. 回家立即開嚟食, 嘩, 好好味呀, 連我家刁嘴的小狗都食埋一份, 就知道有幾好味!…查看更多