亞力士@POPCORNS的个人专页

入到去望餐牌，見到佢有中式小菜0既套餐，有湯有飯有野飲，不過個湯就真係好麻麻地，要再搞搞佢喇~因為真係好淡口.....講返主題，我一眼就見到有梅菜扣肉，於是點左一個來試，唔使十分鐘，D野都0黎齊晒，扣肉一入口，即時感覺好有口感，肥豬肉入口即溶，肉汁多到即時將你個口腔包圍，感覺好實在，試過以前食過一D梅菜扣肉一係咸過頭，一係就煮得唔夠透，呢間世興就各方面都做得好好，梅菜靚入口甜，唔好唔記得個汁，用來撈飯真係一流，本身來叫阿姐俾多少少飯我，不過我都係驚人笑我大食，最後冇叫到>_<埋單都係34蚊(凍飲加左兩蚊)，呢一餐真係正!…查看更多

今日下晝撞左入去近大涌道0既好景茶餐廳，坐底見到有下午茶餐，諗都唔諗就點左個干炒牛河0黎試，人地話要知個師傅夠唔夠料，要睇佢干炒牛河好唔好味。一食之下，覺得牛肉好滑又唔老身，味道好，有時食到D干炒牛河係會太鹹，但0係好景呢度就剛剛好! 河粉面身又唔太油，剛剛好0既，而且河粉亦冇咩炒斷，證明師傅有返咁上下功力。加上份量十足，有D茶餐廳下午茶時段0既野食明顯份量會縮水，但好景呢條牛河份量十足，我食牛河之餘，仲食到0個份誠意。加凍飲埋單都只係$26蚊! 又平又好味，問你去邊度搵。…查看更多

前日女友為我賀生日，我們去了在銅鑼灣的財記辣蟹，早以聞名其辣蟹之鮮味，今次一嘗，真的沒有來錯地方。館子的阿叔細心介紹，好禮貌而且又風趣，最後我們點了三味菜，避風塘炒蟹、椒絲腐乳通菜、炸大腸。阿叔轉眼變傳了一道避風塘炒蟹過來，還細心的給我們一碗檸茶用來洗手，炒蟹兩個人吃剛剛好夠份量，那肉蟹的蟹鉗真的厚肉非常，味鮮，肉彈，我們點的是小辣，香口但不會太辣，而且絕對新鮮，因為海鮮騙不到人的，如用雪藏的，蟹肉是會"痴"殼。椒絲腐乳通菜味道也恰到好處，別的館子煮得很鹹，就像椒絲通菜炒腐乳，而不是椒絲腐乳炒通菜。炸大腸又是一味好菜，大腸炸得剛剛好，入口就是很脆而香，大腸這東西搞得不好就會騷，這館子就煮得非常好，還伴著一小碗甜酸醬伴吃，哈!最後發現炸大腸是用菠蘿墊底的，吃過香口的炸大腸，來一塊菠蘿，味覺就像坐過山車一樣。吃辣蟹要來財記，因為別的館子會更貴。 …查看更多

尋日膽粗粗同女友去左食南亞, 本身以為普通一間餐廳，食物都會唔見得好味!原來我大錯特錯!先講價錢，佢地二人晚餐都算係抵食，148蚊(未計加一)，我地揀左個餐有兩個主菜一個小食一個餐湯0既~先來一個肉骨茶，同我0係大馬飲到0既一模一樣，但如果可以用一小節油炸鬼伴住會仲正。d湯見到佢係好足料，沙參、紅棗、杞子~中藥味濃但又不失肉香味。蝦膏炒雜菜，好夠鑊氣呢，蝦膏味又濃，每塊菜都索晒d汁，好惹味!辣椒膏炒什錦海鮮，酸酸辣辣好開胃，d蝦同魚都唔錯~雞肉串燒，d雞肉有肉汁，個汁0既味好特別! 伴碟仲有青瓜，記得唔好嘥左d汁，要用d青瓜點埋0黎食~正!食到我好飽好飽呢~食完再走出門口，先知南亞係由銅鑼灣過0黎0架~唔怪之得咁有水準!留意餐廳其實好多上左年紀0既老伙計，佢地好好服務，時時都笑笑口，有一種買唔到0既親切感，見到佢開心時,我又食得開心!hehe~我下次一定要再0黎食其他好野!^^…查看更多

前日同女友無厘頭去左呢度食，諗住試一試呢度得唔得。哎! 又OK喎!叫左一SET安格斯牛肉鐵板燒($188)，呢個SET包埋燒大頭蝦、燒生蠔、煙肉粒炒飯，仲有麵豉湯，安格斯牛肉薄薄地，夾住D煮過0既蔥碎，都幾好味。燒大頭蝦就幾鮮味，入口先係有D牛油味，然後就食到D蝦味，燒完之後都唔覺好乾，仲有肉汁。燒生蠔就細粒左D，還可以.....煙肉粒炒飯幾爽口0架，煙肉粒又香，唔係太油。幾OK女友食左個燒鯖魚配冷麵0既SET，包一碗福袋同埋海蜆麵豉湯，燒鯖魚一食就覺得係多肉汁囉~我諗係因為佢係完整一條燒0既關係，D肉汁又保留到，以前食過其他地方做0既鯖魚，都係乾乾地咁樣~但呢次食落都真係幾唔錯。蕎麥麵OK啦~(其實係冇咩特別~)海蜆麵豉湯都係咁啦，普普通通，女友話隻蜆食落時好似有D痰包住咁樣，哈哈!整體0黎講呢度都係OK~不過你就唔好望佢環境係靜，都OK嘈，實在係好多師奶BELIBALA。好在檯同檯0既空間都幾闊，都唔會好聽到佢地嘈緊D咩野。野食份量中等啦，因為日本野食本身就係細細份，你幾時會去日本食野食到D勁大份0既野食?(有時見到其他人講D野食太細份，大佬呀! 你估係食緊廣東菜咩!)侍應服務都OK0既~都會好醒目加下茶。呢度80分啦!總好過去板前，我望入去都覺得迫，仲點會食得開心。…查看更多

同女友叫左個10安士西冷扒($188)，泰式炸蝦(唔記得幾錢)，一杯朱古力特飲($49)，一杯可樂($42)個steak真係唔係好得，肉質好麻麻，碟上0既焗薯還可以，西蘭花林過蔡依林，又要唔夠味，成碟野又貴又唔好食。個泰式炸蝦味道還可以，但又係喪貴，得10隻蝦仔收成舊水。唯一可取係一杯可樂如果跟一個主菜order係可以免費添飲。…查看更多

今日同女友去食維園0既下午茶，開一7毫無頭緒食d咩野，哈!後尾都係食左碟乾炒牛河。不過呢d牛肉煮得有d老老地，但一整碟0黎講都係中上呢~因為而家興少油少鹽0既食野方法，我食晒成碟都唔覺得好油同好咸，因為有好多餐廳炒牛河都會落好多油，相反呢間就0岩0岩好~不過可以的話，0的牛肉唔好煮咁老哎!佢地服務真係要讚一讚，我坐落時知道我張櫈有d唔乾淨，侍應見到就即刻抺，好細心，order前後都連聲多謝。服務都算幾好!呢樣野真係要讚下!…查看更多

用"差"0黎形容呢間野真係最好不過，點解?!因為有次同女友0黎食野，一心諗住要食蟹，叫左個咖哩蟹啦!點解ORDER左之後先話冇肉蟹，得返D奄仔蟹都算啦~點知0黎到之後，一食就知唔對路，D肉係連晒蟹殼，即係D蟹係隔夜呢~只有雪過0既蟹先會唔離殼，仲要個咖喱蟹唔夠熱，好似用微波爐叮左就算咁樣，仲有個馬介休炒飯，真係咸到出汁，馬介休係澳門咸魚，但都唔係咸成咁~好似淨係用鹽炒咁樣，唔係我誇張，大家"哈佬喂"可以去試下，一定會俾佢地D野食難食到嚇親!…查看更多