Pink Witch的個人專頁

今日難得放假,所以約葵芳同事一齊食午餐。自從去了灣仔返工後因為價錢太貴關係已經很少午餐鋸扒,所以今日就決定去茜廊懷念一下。我叫了羅宋湯+西冷牛扒配薯菜黑椒汁。羅宋湯及蒜蓉包水準跟之前差不多味道不太差,而牛扒不知是否物價高漲關係份量比之前少了,但味道仍然不錯而黑椒汁做得仍然很香黑椒很濃。以HK$65價錢食到自己想食的,與自己想見的朋友這樣傾傾講講的一餐午餐真的很開心,一小時很快便過去。…查看更多

這裡並不是第一次光顧,所謂的牛肉餅其實就是壓扁了的牛丸,這裡的是店家自家打成再壓扁成餅狀,餅狀和丸狀的其實味道沒有不同,但餅狀比較易夾不易掉落真的很方便。另外亦試了同事推介的墨魚頭,應該是新鮮的所以味道不錯,再加上自製的辣椒油及炸蒜粒。今次加埋一枝細可樂HK$35亦是灣仔區比較經濟的選擇。…查看更多

今日同事提議到新星飲茶,到埗後由同事落單很快便有得食。牛肉包:味道好淡,完全食唔到牛肉味,但個皮就做得唔錯。流沙包:我無食,但同事評價不錯。炸春卷:新鮮炸起,唔太油又夠脆,餡料味道亦唔錯。鮮蝦腐皮卷:又係新鮮炸起,唔太油又夠脆,餡料食到幾隻蝦而味道亦唔錯。叉燒腸粉:普普通通,唔係好特別。鮮蝦菠菜餃:普普通通。同蝦餃好似,但蝦餃好食一點。蒸蘿蔔糕:食到粒粒蘿蔔而味道亦不錯。燒賣:有蝦而沒有太多豬肉,比例及水準亦是不錯。煎蘿蔔糕:跟蒸蘿蔔糕差不多。雪菜肉絲炆米:味道不錯又王不太油膩。蒸鳳爪:汁味濃郁,雖然好味但比較油膩。杞子桂花糕:我無食,同事評價桂花味香不錯。酒樓環境唔錯,食物水準亦不差但部分應該加有味精,食後回到公司感覺口渴。五人埋單每位只需要HK$55,萛是一個不錯的選擇。…查看更多

已聽聞豚王大名多時,亦有幾位朋友陸續光顧過,但因為地點與排隊問題而遲遲未動身。直至計劃了今日放半天假後,便提議跟三位要好的同事去試一下,當然隊仍然是要排的。我自己先於12點25分左右才到達,排隊人數只係一般唔萛好多,現場所見職員提供凍水﹑紙巾﹑扇﹑雨傘及大約八張椅子給拉排隊的人,萛幾細心周到。整間店舖只有16個位,排了差不多35分鐘左右便可以入座,排隊中途職員已經找提供order紙各自寫好自己拉麵及要求,所以一坐好已經可以立即入單。很快拉麵已經上枱,我所選擇的是"豚王"拉麵加糖心雞蛋及一份黑木耳,先試了一口湯不太油又很濃郁唔錯,麵質選了普通硬度覺得剛剛好,而糖心雞蛋亦很好食因為真的是"流心"蛋。另外兩位同事點了加了墨魚汁的"黑王"及一位和我一樣食"豚王"。在香港食日本拉麵價錢一向比較貴,所以這裡價格在HK$79~90之間亦萛正常。但因為此店是半露天的,如果天氣再熱就會食得辛苦了。今次大家都一致讚好,但如果要再食的話只有等放假可以早一點排隊及天氣不太熱的時候了。…查看更多

一個於大角咀工作的朋友相約午餐,通常都會係大角咀食茶餐廳常餐。今日突然想食越式粉麵,所以由朋友帶了來這裡。我食了香茅豬扒河粉加一杯咸檸七。雖然係下午茶餐但係份量不少湯中有香葉炸蔥味道亦不錯,七喜是罐裝並不是杯裝的汽水。最驚喜係下午茶餐竟然贈送每人兩件粉包,味道同樣不差。埋單每人只係HK$26,真係覺得好抵食。…查看更多

是日部門第二季生日午餐,一到食飯時間已經同同事立即出發~一去到先拿了熟食,有咸豬手﹑燒豬仔骨﹑焗雜菜薯仔﹑鴨胸﹑豬柳﹑酸辣魚柳﹑白汁魚柳﹑吉烈魚柳。特別推介係咸豬手好脆之後想再拿已經沒有了,鴨胸亦不錯感覺不是雪藏貨,其實所有都好好味。第二轉拿了壽司﹑刺身﹑青口﹑蝦﹑翡翠螺﹑煙三文魚。壽司刺身的確很新鮮最好是三文魚,而青口﹑蝦﹑翡翠螺都不錯,煙三文魚普普通通但香草味就太咸了。第三轉先去拿冷盤,有露筍﹑磨菇﹑風乾火腿﹑風乾牛肉﹑合核芝士﹑磨菇湯。所有都不錯特別係個磨菇湯好香好好味,其實有其他冷盤但已經有八成飽食唔到咁多。仲試了海鮮濃湯,以為會係類似龍蝦湯味道點知係蕃茄湯少少酸味,覺得不太啱自己胃口反而磨菇湯更好飲。最後一轉當然係甜品,自己唔係款款甜品都食所以只拿了豆腐芝麻布甸﹑綠茶布甸﹑芒果布甸﹑焦糖燉蛋﹑tiramisu﹑芝士蛋糕﹑雪糕及一些生果。我所拿的甜品全部味道也不錯不萛太甜,比較突出是芝士蛋糕但布甸應該冷藏住會比較好,質感有一點溶。今季有六位同事生日唔使比錢埋單其他人每人HK$278,以一個午餐來計的確很貴但食物的確是物有所值。…查看更多

今晚有事一個人到深水埗走一轉,想起很久沒有光顧這間麻辣米線店便行過來。第一次來這店應該是大約在2007年,由當時住在此店附近一個同樣喜歡吃麻辣的同事推介而來,現在這舊同事已搬遷但我偶爾想起仍然會過來吃。今晚叫了豬腩肉牛肉麻辣米線(小辣),湯底很濃米線韌度適中不會過淋,豬腩肉其實有少許過咸不過仍然不錯,而牛肉中規中矩不會太淋亦有牛肉香,自己很喜歡這裡芽菜比其他米線店多又很好吃。可能是在這裡吃了人生第一碗覺得好吃的麻辣米線而種下情意結吧~雖然此店比較偏僻而現在亦常常光顧譚仔,但有時經過附近而需要吃東西時仍然會想起這裡。…查看更多

同朋友行完街決定去食糖水,見到呢度環境唔錯就入去幫襯。我們叫了榴槤金露及榴槤雪花,之後聽到店主講主打榴槤,證明我們沒有叫錯。榴槤金露分兩層,下層應該是榴槤雪糕好香好好味,中間仲有榴槤肉連埋附上的蒟蒻珠一齊食好特別,而上層應該是牛奶雪糕連埋下層一齊食亦不錯。而榴槤雪花一樣好香榴槤味但感覺比較清,加埋西瓜﹑涼粉及紅豆很清涼亦不錯。整體感覺唔錯下次可以試其他甜品,以此質素來說埋單HK$86都萛可以接受。…查看更多

今晚要到紅磡打拳,因時間尚早所以跟朋友決定先吃飯。因為有太多時間,想找一間可以慢食甚至吃完亦可以坐的地方,最後選擇了沒有太多人的大快活。本身想食吉野家一人火鍋,所以見到大快活有一人火鍋便即刻決定試一試。朋友叫了西檸雞中式套餐,份量真是少得很大部分是薯仔雞肉只有數件,味道亦一般。而我的一人火鍋份量亦萛可以,但湯底味道普通。以大家價錢差不多計算,吉野家的一人火鍋味道的確比較好而份量感覺亦比大快活多。下次都係試其他食店,唔好貪方便。…查看更多

今晚有事要到旺角名及太子,順便約埋有事到旺角的同事一齊食飯,而大家都鍾意食辣又未食過傷心酸辣粉所以就決定上去試下。平時已經聽到好多朋友介紹但係一直未有機會,我們差不多8點上到去唔使等位,不過其實都已經好多人。我們叫了兩個套餐,另外再加一個酸辣貢菜(中辣)1. 麻辣豬肚絲(小辣)+酸辣粉(小辣)+凍檸茶2. 麻辣豬腸(中辣)+泡椒米線+凍檸茶酸辣貢菜很爽口味道不錯,份量亦不少。麻辣豬肚絲及麻辣豬腸同樣都不錯,而味道應該是一樣的,豬腸是用厚身的,口感有肉但係唔會太膩。酸辣粉同平時食差不多,唔錯但係無驚喜。泡椒米線第一次食,估唔到咁辣但係覺得好好味。整體都萛唔錯份量亦中等,因為我自己唔太鍾意食酸味而呢度酸辣唔太酸很啱口味。埋單每人$57都萛中等價錢,下次可以叫多兩個朋友一齊可以莓試多幾款。…查看更多

以前係葵芳返工都有食開芝脆雞,但係都已經好耐無食過。灣仔分店地點比較僻人流並不多,我們去到不用等已經可以叫食物,之後再上一層到樓上坐好等食。我們叫了一個三人餐(9"啖啖肉Pizza﹑香辣海鮮意粉﹑百里香燒豬排骨配脆薯皇﹑忌廉火腿粟米湯),另外加一個辣鮮露雞翼。Pizza餡料及芝士都萛多熱辣辣時最好食,百里香燒豬排骨亦很好食唔會太多醬太咸配脆薯皇亦係熱辣辣新鮮炸起好味,而辣鮮露雞翼就有驚喜,可能因為我自己都鍾意食鮮露所以辣鮮露汁真係好惹味~ 正香辣海鮮意粉同忌廉火腿粟米湯感覺只係普普通通,不過水準都唔太差。總數$210四個人的確幾抵食,而且今次食唔到炸雞所以下次一定再去。…查看更多

今晚要去紅磡,自己想食麻辣米線所以一早已經上嚟搵資料,之後就搵到呢間去試一試。去到只係六點半,叫了一碗宮廷豬軟骨麻辣米線+蘿蔔(小辣),而七點之前仲有飲品送。其實本身湯底唔差,但係我想食麻辣就完全唔麻,只係一碗加了辣椒油的米線。豬軟骨份量多而味道亦唔錯,蘿蔔煮得好淋但係明顯係白煮。其實整體味道唔錯亦會再去,不過下次想食麻辣就唔會選擇呢度。…查看更多

之前看到團購以優惠價$38購買原價$86的意式三文治,見幾特別所以買了一張試下。今日有時間就過去中環換取,有煙三文魚、帕爾馬火腿、意大利熟火腿三個選擇,我選了帕爾馬火腿飲熱檸茶。團購只可外賣自取不可堂食(堂食有加一服務費),大約等了五分鐘服務員就送上已包裝好的三文治,之後拿出來食時有一點點奇怪,因為帕爾馬火腿通常都唔會熱食,但三文治已經烤過。中間除了帕爾馬火腿之外還有蕃茄﹑沙律菜,真係估唔到熱食都幾好食,而個包因為係厚身所以就萛烤過都係外脆內軟。而杯熱檸茶亦不差,用上英國茶包,茶味好飲就萛我無加糖都唔會澀。本身正價$86對我來說只係三文治餐太貴了,未必會再去。不過如果再有團購,價錢可以都會買。…查看更多

之前行過嘉蘭圍見到佢裝修已經開始留意,因為個格局極似於韓國的燒烤店,早幾日行過見到已經開始做緊生意。今晚約了表妹食飯而她亦想食韓國燒烤就即刻想起這裡...入到去個環境真係好似韓國本土燒烤店,坐低之後見到周圍都係韓國人,只有我們兩個香港人而侍應大部分亦是韓國人,感覺真係好似去了韓國一樣。我們叫了烤豬皮﹑烤豬頸肉﹑海鮮豆腐辣湯,因為我們只有兩個人怕食唔到咁多。烤豬皮經店舖處理好及醃過,燒熟後口感似橡皮糖加埋黃豆粉甜甜的很特別,我係韓國已經食過而表妹就第一次食感覺亦都良好。烤豬頸肉跟我們平時見到的豬頸肉不同,豬肉本身沒有醃過燒熟後仍然食到很香豬肉味,唔錯。而個海鮮豆腐辣湯唔係好辣湯入面見到有蜆味道唔錯,個湯跟一碗飯及水泡菜,食得出係珍珠米一樣好味,而水泡菜在香港比較少見。呢度最好係跟韓國一樣無限添加前菜(只係得泡菜﹑椰菜花同薯絲三款)﹑辣椒﹑蒜片﹑生菜﹑芝麻葉﹑麵豉醬~因為今日新開張佢送咗個不知名豬肉凍,好好食~ 如果之後餐牌有會再叫。仲有一碟彩色韓式米糕都好好味,之後問過韓國朋友這兩個都係韓國人特別日子先會食的。另外仲有一份4個糕點可以帶走,又係新開張送我們一人一份。埋單之後老闆娘竟然又送我們一人一大盒韓國糕點!!今餐真係好抵食,又食又拎!! (所有贈品贈食只係第一日開張先有得送,之後就無)…查看更多

因為同事要求ENCORE,所以未夠一個就再去。一早已經打電話訂了12點半,去到當然即刻可以入座,同上次一樣未落order已送一人碗好似碗仔翅的湯,熱辣辣味道唔錯,今次記得影相。今次係一人一個餐自己食,見到隔離枱的炒河粉好香又出晒煙就決定ORDER.味道改良了,炒河粉的汁香辣惹味而辣度亦剛好,海鮮亦沒有雪味~ 今次真係好食過上一次好多。飲品今次試了比較特別的香茅薑蜜,香茅味好濃但係薑味真係唔夠又太甜,下次都係飲返青檸梳打比較好。最後另外亦用$25加了一個炸魚餅,好香泰國香料味而魚肉亦很鬆,明顯不是現成貨。下次一定要試埋佢個蝦餅~…查看更多