幸福ㄑ小公主的个人专页

這間充滿人情味的餐廳，這個熟悉的地方。久違了⋯在得知政府將要重新裝修這個熟食街市，就急不及待的來吃最後一次的下午茶。這個地方月底，就會沒有了。那香噴噴又吸引又肥膩的鮮油奶多士，那剛好味道恰當的凍檸茶，還有那我最愛的四寶。那熟悉的味道，究竟還能流傳多久?價錢嗎？比起出邊的粉麵檔茶記，還要更經濟，$30-40塊就吃到一份下午茶的茶記不多了。店員友善嘅對待，充滿人情味嘅這份心意，哪還有？就算店舖即將沒有，當中那份味道那份人情，依舊在我心中長存。…查看更多

意外的中伏…. 本身諗唔到食咩，就Openrice 下..睇到d 食評唔錯咁 。menu 正常 就照入左去了。Menu同上網嘅見到一樣，order咗A餐黑松露蟹鮮蘆筍意粉，B 餐 雞扒蛋飯 。A餐份量可以再大啲，魷魚唔好冇味就好了。B 餐冇影相，朋友太肚餓好快就食咗，雞扒有雪味….❌❌❌❌不能稱得上好味。唔會再翻桌..環境可圈可點，如果係坐低靜靜地時OK的。當普通Cafe坐吓….女僕方面..好似淨係重點去咗一台客度。明明睇食評大贊，可惜實際有出入。服務：最記得嘅係廚房係咁叮叮叮，野食出餐，但冇人拎。員工咬字唔清晰好多懶音。聽嘢講嘢要重複兩三次。仍然有好大進步空間。…查看更多

經過朋友推介呢一間餐廳。入到去坐低環境懷舊融合新鮮感由於相片只能最多12 張，所以沒有太多環境相。話說整體人流都唔錯，平日時段竟然都爆場。小菜精緻迷你，就算你兩三個人食都可以嗌多幾款。味道偏向重口味人士，配送啤酒更佳。員工友善，服務一流，有禮爆燈，值得加分。推介菜式小炒王，燉牛尾，多春魚。不推介蒜蓉粉絲魷魚，過於重口味...會否再來？飲啤酒吃小菜都ok既～價錢方面大概人均約2 百尾到三百頭，抵食程度許可。…查看更多

相隔兩年再一食評，好耐冇見大家了。很懶惰，沒有一個很想很想寫食評既心，就擺底了 …..試吓慢慢重拾先，你會鼓勵我嗎？一個人的早餐並不沉悶。很享受。之前都嚟過呢間食午餐，今次係第二次嚟，睇完Menu之後點左一個炒蛋腸仔多士，加咗錢要埋煙肉通粉。然後飲咗杯熱洋甘菊茶。話說點完餐啲嘢食都上得好快，好有效率。我一個人，佢俾左窗口位可以睇吓風景？（其實都冇野睇，因為隔籬就係大廈。😂😂）起碼唔使左右都係人先😀如果細食嘅話，唔加通粉都OK ，只不過今次唔想食飽啲🤭🤭不過不失啦，正正常常早餐😌 唔知係咪因為啲煙肉擺左通粉到所以好林，食落去唔熱氣。多士牛油份量幾好我鍾意（有啲餐廳好少㗎，我本身鍾意食牛油）環境影咗幾張，自己睇啦，我坐嘅係木凳，sofa 應該舒服啲嘅。冇特別要求啫，如果有位我諗都應該可以。至於服務員嘅態度，幾好啊，我企門口嘅時候唔會特別刻sale，亦都留意到你企咗喺門口睇吓有冇需要招呼你。落單方面都係qp code 了，都電子化。呢個趨勢應該都好普遍。未去到特別好食又唔係唔好食，會唔會返頭？都可以啊（因為近工作地方🤭🤭🤭）…查看更多

今日係一個好悠閒嘅一天，去咗南丫島行吓，然後行嘅途中其實經過左呢間Cafe兩次，咁啱就想搵間Cafe坐下,入去之前仲專登睇吓OpenRice呢間會唔會有蛋糕之類。門口坐咗10幾人好熱鬧。我就打開門入去，係個小朋友招呼我。頭先呢個小朋友仲幫手拎咖啡比出邊嘅客人添，一個好乖嘅小朋友幫屋企人手。示意一張枱我坐低，之後老闆娘就拎咗個牌過嚟，原來個牌係講喺餐廳入邊要安靜寧靜，淨心bb,可能就係頭先嗰個小朋友個名，仲有埋佢張相添搞笑🥸一心諗住食甜品再加飲嘢嘅，我見到原來Menu寫住有最低消費，所以都問吓啦，好似80定88左右？咁我就揀咗心太軟同埋一個朱古力咖啡，老闆娘仲好細心咁提示我心太軟已經好甜可以揀一個冇咁甜嘅飲品。咁我就轉左抹茶咖啡，反正都啱飲。然後呢都冇一陣老闆娘就走返過嚟講原來冇心太軟，當下其實覺得有啲失望🙍🏽‍♂️因為係除咗心太軟之外咩甜品都已經冇晒，任何蛋糕仔都冇啦。得返二人份量嘅窩夫....點食呢..咁就轉咗做炸薯條🍟又一陣間見到老闆好努力咁沖咖啡比出邊嘅客人，都唔算耐嘅時間亦都輪到我杯抹茶咖啡。我心諗早知叫返朱古力咖啡啦都冇咗心太軟🥲不過唔緊要啦..然後冇幾耐我嘅炸薯條都到啦，等嘢食嘅時間都唔算耐，可能我叫嘅嘢都好簡單。環境呢都幾好嘅，有陶笛音樂做背景，仲要係老闆出手雖然只係播放😂睇得出亦都感受到個老闆應該都好鍾意音樂。熱愛添。然後都有一啲嘅陶笛買賣品，鍾意嘅人真係值得一去嘅。整體來講嘢食賣相都幾好，不過我杯嘢飲個心心好似唔係好見到，變咗一堆野咁，最明顯嘅就係老闆lee 個字😅老闆娘好有禮貌。因為佢哋本身要求間餐廳係要寧靜，所以佢哋咁岩廚房嗰邊有啲嘢壞咗要整理，我專登走過來同我講聲，怕會嘈親我。走之前借埋廁所，環境上有啲狹窄，不過咁樣比較起來都唔算係我去過最窄嘅餐廳嘅廁所。嘢食好唔好味，普通炸薯條姐，如果咁樣都難食就好慘。咖啡正常，冇特別。禮貌評分10分。溫馨提醒如果想搵間Cafe坐下吹吓水嘅話，記得要坐出邊…查看更多

有冇一啲野好似失卻左好耐突然間又想搵返咁？話說好耐冇喺呢度寫食評，突然間有返想重新寫食評既心。因為轉左工作環境，所以最近喺第一城食嘢嘅時間都比較多，亦都會開始試唔同嘅餐廳。呢間韓國餐廳都係咁啱見到，就走左入去試吓。好多職員都係韓國人。一個人食嘢包場....星期日都咁靜....靜靜地都好嘅，我都鍾意食嘢寧靜。未入餐廳之前已經見到有個蟹子飯好似唔錯，已經諗埋食咩先入去。當然都會再望吓Menu。最後都係揀返原本想食嗰個芝士蟹子飯。開頭仲誤會咗佢套餐係有嘢飲，原來佢套餐係配泡菜同埋湯🤣一個人食唔到咁多野所以淨係嗌左一樣野..入邊有一個員工係bar 位，出餐嗰陣聽到佢叫另一個員工，仲講出一句野（我冇戴口罩唔係咁方便）但係佢係入邊係拎住我嘅嘢食....我心諗唔係淨係佢出餐嗰陣先應該要戴口罩囉。宜家呢個時勢，就算係整嘢食或者係中間傳遞嘢食嘅嗰個員工都應該要帶。咁大個人唔係需要我講到出口啊.....因為好得閒得我一個客所以啲員工招呼完我就繼續用佢哋嘅韓文去傾偈。都好正常嘅冇嘢做吖嘛。間餐廳環境睇到啦唔多講，都OK呀正正常常咁冇咩特別。嘢食方面，賣相唔差都OK喎，味道方面又冇d 網民講得咁差姐。不過不失啦。喺碗野入邊都有啲泡菜所以成碗野都係辣辣地，都算開胃嘅。加埋芝士仲有d 流添。所以最後食唔晒。你問我會唔會再食，或者啦。始終唔係差嘅，不過又未去到好好味🙃價錢方面韓國嘢來講50幾蚊一個算係咁啦⋯⋯到比錢嗰陣見到啲車仔係幾得意嘅所以影咗相…查看更多

有啲乜嘢驅使下大寫文章？一：食物冇得彈二：惡劣三：心情四：環境是但一點都有機會廢話唔多講，歡迎大家去相，啦啦啦，嘢食就一陣先，睇吓個環境，幾有文藝氣氛，主人家係咪文青黎架呢？左看右看前看後看，入埋廁所去看，不得了的，偷偷影下相片，洗手間內很貼心窩心，連女士用品都有提供，睇得出員工方面很細心另外，男女店員們都好吸晴（呢點可以當埋環境嗎？)小食方面，點了店員推介嘅蝦沙律，兩客不同味道的薯條（黑松露&芝士）桌面上有一個Apps，download完即時可以送食物，所以有免費水牛城雞翼好開胃嘅沙律，酸酸辣辣，泰國feel 。薯條好香口，炸到好似薯角既味道，本公主好鍾意啲醬料雞翼醬汁微辣，惹味，食完又想再食小食方面又幾唔錯喎！不過上菜嘅時間真係有待改善.......小食係正常嘅時間，主菜......等了又等......時日秒秒......大約order 左一小時左右，還未等到，收來一個震驚的消息⋯⋯焗爐壞了壞了壞了，很重要，所以重覆三次.....扒類整唔到其實我地真係唔趕時間......但係真係失望.....食唔到想食既....要轉野食.....本來好想食豬鞍....沒有了轉左海鮮意大利飯....當再有嘢食嘅時候已經太肚餓了.....大家都知道好意外，員工都好體貼咁為我地送上蒜蓉包，雖然係送嘅不過都想講真係有啲窿....未影相之前已經比朋友好快咁叉左一舊，原本有六塊的。因為大家都肚餓所以冇特別是對方的主菜了，可能本身份量唔多所以全部都清左。海鮮意大利飯唔算多海鮮，不過個飯嘅汁我都幾鍾意，好似係南瓜味？定係咩味呢唔識講，不過係公主👸🏼鍾意嘅味道:)然後每人點左一杯飲品，沒有多影相了。價錢正正常常，人頭150至250。門口有個擺設，係幾得意嘅不過啱啱一打開𨋢門就有，肥d 都入唔到。意思係如果有小眼友帶車入去冇咁方便，不過肯收車就冇問題，仲有可愛的high chair 會唔會再嚟？或者都會嘅？不過幾時就唔知啦…查看更多

年初五的這天，小公主同朋友走咗入嚟赤柱享受新年的氣氛，離市區遠遠的...朋友好想食嘅呢間餐廳，大約早上11點左右到達，地方比想像中難搵，因為係個鐵皮屋下面，經過真係會睇漏眼。明明睇餐廳應該開咗，不過出面有間水果檔的阿姨，卻告訴我們兩點左右再來，還未開舖。所以大家去食嘅話，聽聞好似每日開嘅時間都唔同，唔好預早餐時間嚟大約兩點左右，真的再回來這間店舖，門口已經有人龍，大約五至六人左右，等左大約15分鐘，入邊嘅座位比較少，環境上比較逼....朋友話一定要試西多士！所以落order，一份西多唔該，因為肚餓緣故，每人點左一個麵，朋友的餐蛋麵，我的肉丁麵。仲加左杯凍檸茶，飲管好長，同隻杯完全唔襯，不過係幾好飲(朋友仲話有d 肉丁味，夠晒風味）笑了！廚房聽閒就係老闆同老闆娘兩個，因為人客好多佢哋兩個都踢晒腳，老闆娘負責上菜同整麵，老闆一個負責西多士:)最有趣的是：每次上菜的時候，嗰碗麵，個杯野飲，都好似飛埋嚟咁，喺枱度溜冰咁。如果呢一間係高級餐廳，呢一點絕對不能接受，不過呢間比較細小又狹窄嘅餐廳，我又接受到個麵普普通通，中規中矩冇咩特別，因為本身想食沙嗲牛肉，午餐肉都冇....好似剩係得火腿蛋同肉丁，所以其實係局叫最出名嘅西多士終於黎啦，如果趕時間嘅話千祈唔好嚟食，因為多人囉order需要嘅時間都有啲耐，但係真係好好味，好特別哦！喺隔離就咁睇住個老闆打蛋白，就係用蛋白黎整西多士，味道吸引！係度食野，極具風味，幾樣野加埋$100唔使，90幾蚊啦，如果你問我會唔會再嚟，或者都會嘅…查看更多

認真嘅，其實一個環境一個外觀，亦都可以吸引左我去一間餐廳🍴Tiffany Blue藍色嘅呢間餐廳外觀我就係吸引我入去嘅原因下午茶4 點左右時段，冇咩人，要求就可以坐sofa 位好舒服😌點左個通粉沙律再加錢要左杯latte 轉個眼杯latte 就已經到左，係葉黎架！！其實我鐘意心形多d 🤣唔緊要啦，都拉得好令！野食等多左一陣都有，通粉啱我口味，口感不錯，原來有埋薯角食到我好似呢個公仔咁🤣沙律方面我就覺得仲有進步空間，汁可能太多比較酸,雖然真係幾開胃嘅不過真係感覺太酸。個通粉食，下邊都仲好熱因為佢完咗個類似緩刑嘅兜裝住，幾好總括而言，很不錯！…查看更多

話說純粹去到旺角兆萬附近，懶得諗食咩嘅時候先決定不如食放題，即刻上一上OpenRice睇吓，八至10樓都唔錯咁喎！然後就揀咗呢間。晚上大約八點時間每位$279+1。呢日係年初三，唔知道有冇比平時貴左。有時候價錢都唔係問題，最緊要係啲嘢好唔好食。通常首先就係會叫刺身先。（圖片如下.....）外觀幾唔錯啊！所以影左一張相咁大把！不過啲刺身唔係咁新鮮！象拔蚌感謝梅梅地.........然後d 甜蝦都一樣不新鮮的刺身就已經咁樣好失望......然後開始點壽司熟食等等.....火焰壽司都唔錯幾好食！似番啲樣跟住又來超粉既天富羅......omg......仲有好多未開晒既炒蜆.....花枝卷我估計係冇，但係冇員工講比我知，因為點完兩次都冇嘅時候仲要埋左張單都冇黎到，自己估嘅啫.....仲有超級正嘅人蔘雞湯，冇人蔘味又冇雞味嘅湯.....我究竟飲緊啲咩其實八點係咪好晏呢？啤酒飲咗一罐已經冇存貨唔係呀嘛.....心太軟又係極品！一啲都唔心太軟蛋糕都唔似囉⋯⋯我食緊乜嘢最後甜品揀咗好耐先揀到一個甜筒，因為想食嘅雪糕糯米糍都冇。。。終於終於有樣嘢覺得好食啦可惜呢啲唔係飽肚既野！仲有員工態度方面都叫做唔差嘅，不過叫個員工拎濕紙巾呢頭應完我嗰頭就冇咗回事，叫另一個員工拎杯熱水俾我....微暖嘅，算啦....好過冇.....環境方便其實都已經農曆新年點解仲係聖誕節嘅佈置，都冇所謂啦黎得呢啲地方都係食環境，衛生情況就咁睇都覺得OK嘅，抵唔抵食就自己衡量啦…查看更多

想食呢間餐廳一段時間，然後終於有一天試到了。然後繁忙嘅生活，使我放下寫食評一段時間，但再回到這個頁面，我繼續記着要給這間餐廳寫出一個食評。題目說出不公的對待：就在一個晚上大約傍晚八點左右時分，就和我的愛人走進這間餐廳。最近lift 口就有位置，所以已經再沒有進入餐廳內部看看。環境上都挺舒服的。然後就隨心點了我們的晚餐，咖喱牛，仲有一個晚餐set ，所以有暮蓉鵝肝沙律再加甜品。都幾多嘢食嘅！但食緊個薯蓉嘅時候，聽到個經理同隔離枱介紹生蠔。做個西餐廳嘅過來人我即刻同我愛人講點解佢唔同我地介紹，係咪覺得我哋個樣唔會食生蠔呢？乜唔係每張枱都應該要介紹嘅咩？呢啲叫咩啊以貌取人？呢一點我已經唔係咁鍾意。不過算啦我就試吓你啲嘢食。食物上高都有七80分，鵝肝好惹味不過個咖喱牛好一般，嗰塊牛薄到....就嚟同張紙有得揮...仲要俾我食到半路嘅時候發現左隔離個牆既牆紙........真係好核突啦點解你一間好地地嘅西餐廳要用啲訂書機嘅釘咁樣釘住即刻又扣左分......你問我下次會唔會再食或者都會再俾機會你間餐廳嘅因為見佢九點過後好似有七折…查看更多

其實食完呢間餐廳一段時間不過一路都好忙但係又想放下留言故此憶往過去既味蕾和記憶由於早早就book咗位，所以可以坐卡位然後餐廳裏面嘅環境是我很喜歡的，抬頭望向那個大燈！尤如公主城堡的設計，然後再看看枱上的花，雖然沒有玫瑰的美，卻有着優雅芬芳的感覺再來員工友善的對待，感覺無比溫暖來吧！我的美食！朋友不想飲餐湯，所以菜餚都是散點的。有沙律，魚，鵝肝，豬，菇意粉，甜品有豆腐芝士餅&心太軟野食全名就唔多寫啦，真係去，就到時慢慢研究下啦。沙律上面的小魚偏鹹，不要單獨吃小魚一定要加埋沙律，魚，煎得好吃夠香，鵝肝好肥美我最愛，豬很厚肉，切呀切切切，好似切極都有咁嘅然後個意粉都唔錯啲汁好好味好溫和，唔會太稀又唔會太杰真係食到我舔舔脷甜品又係一個驚喜！豆腐芝士餅，豆腐本身個味道唔係太重再混合芝士餅又唔會太流，值得讚嘅地方！心太軟就普普通通，都係食流心呢個諗唔到啲咩評語，不過覺得好食啦下次去元朗又想食西餐可以再食嘅…查看更多

今次自己來吃晚餐！話說之前喺Facebook已經見到有個芝士飯好吸引好想食！今次終於忍唔住要試吓啦芝士鰻魚鐵鍋飯！去相！首先佢會放咗啲蛋同埋芝士係枱面，等到個飯完成左嚟到嘅時候就會有員工幫我到埋啲芝士同蛋落去一次過撈撈撈！冇錯就係個員工係我前面完成左....所以影相淨係影到個完成品睇落去就唔係咁美觀。不過食落口好好味呀好正好芝士好鍾意食到我舔舔脷值得推介下次可以再食:)然後叫咗一杯朱古力飲落去好好味好甜！呢間餐廳真係抵讚：）員工冇咩特別啦，態度友善！環境錯落去都唔差嘅，細細地咁晚餐時間多幾多人流加埋嘢飲都係＄73，正常價錢…查看更多

路過路過，仲未完下午茶時間就走左入去啦因為已經下晝五點幾啦有啲地方呢個時間已經冇下午茶。都係食返公主最想食嘅嘢啦，餐蛋治唔該身體不適要戒奶茶所以叫好立克冇乜特別啲正正常，可能肚餓關係個三文治都幾好食！午餐肉煎得好香口，如果厚d 更佳物價上升嘅緣故呢個下午茶都要＄30，完畢。員工好友善。一入到黎就介紹仲有下午茶！不過清潔上有進步空間，因為明明唔算忙但係枱面都係好似上一手食完之後冇抹....環境上都坐得舒適嘅。人不太多所以可以坐卡位下次再路過都可以再試嘅！…查看更多

由開張開始已經想試好幾次，今日就係食個午餐啦環境上幾好呀清清靜靜唔太多人。食物方面值得一讚嘅係個湯好濃郁結結地，質感又幾好，雖然用杯裝好特別，但係個人認為都應該要小匙。然後食嘢主菜，依個價錢來講同食物相配嘅，咁當然食物嘅質素可以更加好，汁方便都係比較水，即係個汁好希，唔係好夠味如果整日第一餐來講就勉強接受。雜菌唔算太入味，大啡菇睇落好吸引但係食落一般，然後牛肉都算幾好，都幾煙韌，只係同樣都係汁教希。飲品方面，個杯幾靚貓頭鷹，不過咁講啦奶茶嘅話始終西餐係唔及中餐出色。然後是日花茶：今日係菊花茶冇乜特別環境方面：唔知係咪近門口啦都有蚊好想飛去我嘅嘢食度，抑或其他原因就唔知啦⋯⋯最後埋單129，咁西餐來講都OK啦。不過如果想我再食多次就有啲難道啦，始終未吸引到我…查看更多