雪梨sherry的个人专页

麥當勞三重芝士安格斯包，只可以形容滿足我味蕾！裏面有我鍾意食嘅芝士條同埋牛肉，芝士條都夠熱同脆，裏面嘅芝士可以拉絲～ 個包整體幾好食！今次你麥當勞主要係因為朱古力批，由細到大我都好鍾意食朱古力！ 佢呢個批仲要係酥皮食得出有幾層 裏面嘅朱古力餡都甜甜地…查看更多

呢度$60-100已經有一個餐，仲要非常足料!! 性價比極高✨晏晝坐滿晒人估唔到夜晚都有好多人過來聚會，同朋友家人過來慶祝也非常合適🎉‼️《薯仔碎蛋沙律🥔🥚》：薯仔蛋大大粒，再配埋沙律麻醬超正！ 仲好食過平時朝早食嘅薯仔碎蛋三文治，因為呢度大大粒好有口感😍《青口伴黑松露白汁海鮮意大利飯🍚》 : 呢個意大利飯充斥着濃黑松露味道，每一啖飯都好香～ 白汁幼滑，有蜆肉、墨魚圈、蝦，最記得青口都有五大隻，都只係$93🤩呢個份量兩個人都食唔晒，冇咗一粒星星係因為份量太多《羅宋湯🍅》：第一啖飲落去已經好重黑胡椒味道，再加上大大粒嘅蘿蔔 西芹 蕃茄，味道少少酸味味，幾好飲！《煎厚切肉眼扒 》：配意粉/飯 +雜菜沙律🥗我地叫咗肉眼扒7成熟，我地食開七成扒，因五成個人怕有點生而全熟當然會老。食佢哋嘅煎厚切肉眼扒覺得好滿足，特別係肥膏位類似入口即溶，而肉位鬆軟容易入口，價錢合理大大塊扒！有食到汁係扒裏面😍 再配上蒜香味凸出嘅意粉~ 講一講佢嘅秘製牛肝菌汁，餐廳職員話我知係佢哋自家製造值得一試，於是我就揀咗呢個汁，就咁食個汁鹹味比較重，當配上肉眼扒有非常夾～ 會想繼續食！《滷水雞翼》：味道香濃，剛剛好皮滑身嫩。《奶凍》：食得出超香濃奶味，可惜我自己唔好牛奶方面嘅嘢🥹《巨峰提子梳打 凍檸茶》：飲落去好似飲緊大大粒巨峰提子咁，好爽！凍檸茶茶味重甜度剛剛好，老公仲話好飲過茶餐廳！🪧⭐️⭐️⭐️⭐️⭐️ …查看更多

嗰晚老公放假，佢已經安排好食啲咩，就帶咗我嚟呢間大排檔，聽講食評唔錯，所以就嚟試吓！環境氣氛非常好，有啲係啱啱放工，有啲係一家人，大排檔嘅環境。蝦醬炒鮮魷西蘭花，蝦醬味道重，蝦仁新鮮，西蘭花爽脆。黃金茄子，唔係周圍都有，好想食返細個嘅味道，有得食已經好滿足！黃金即係鹹蛋黃唔夠，包唔住成條茄子，但係味道都OK嘅。菠蘿生炒骨，味道唔錯！唔會太酸太甜調低，啱啱好雨乳鴿，皮脆鑽石山轉兩杯凍檸茶懂得均勻，喺冰室飲到嘅味道😊呢度買單都要五百幾，個人覺得都算貴。…查看更多

而家每個商場都會有一間百分百嘅集團，意樂我都經常食，但係講真價錢貴，但味道係真係唔錯嘅！ 今次食呢個龍蝦湯海鮮麵，佢個湯底真係好好飲，蝦同埋蜆都足料！ 麵係天使麵，幼身，我幾鍾意食小朋友都食得好開心舔舔脷，但係唔夠分。另外杯嘢飲係柚子梳打？超級酸！為加咗一半水都仲係好酸。 整體佢其他餐都係好好食嘅今日…查看更多

開餐啦，每逢去買餸經過都會食一碗！平時食開牛筋牛腩米，今次試吓食牛雜米，咩都唔錯，但未話去到非常好食牛肉不過不失，不是崩沙腩，$50 內埋單服務方面因為都幾多人，但職員盡心盡力回答客人要求。…查看更多

嗰次我哋放學啱啱好2:30就有下午茶，都知道好多人落單，所以叫完之後都等咗一段時間先到，因為下午茶真係特別抵！我叫個餐好似$78，詳細唔記得價錢，已經有六件壽司、一個烏冬、一個小食！佢嘅下午茶套餐離不開都係50至$100超級抵食！當然如果有啲數先唔想食都冇辦法，因為固定咗。記得我叫個套餐係有兩件燒三文魚，一件三文魚，同埋貝類，味道唔錯！ 應該仲有個烏冬我就同小朋友一人一半，值得一提嘅係個三粒炸蝦波，裏面熱辣辣，啲蝦好滑！呢個係最好味…查看更多

呢到8件已經$130，可能我太耐冇食貴野，所以真心覺得小貴。好啦味道方面係滿分嘅，其實我最鍾意食佢個三文魚腩刺身，但而家加咗價好貴唔捨得食佢哋又厚身、又大嚿、重三文魚味、非常鮮味！今次叫咗2件海膽壽司、2件芥辣八爪魚壽司、2件黃金魷魚壽司、同埋兩件蟹膏柱貝壽司。海膽壽司—— 足料 唔孤寒 大大嚿 鮮芥辣八爪魚壽司——大大粒 但唔夠芥辣黃金魷魚壽司—— 今日突然好想食呢個，因為黃金魷魚啲魷魚口感好特別，爽口淋身之間。蟹膏柱貝壽司—— 蟹膏好香，但係唔係用帶子刺身，所以唔夠鮮味。一直都食開佢哋雖然食評有缺點有優點，只不過係客觀嘅意見，我仍然會再幫襯佢哋～…查看更多

今日全家去咗堅信號上海生煎皇呢度食下午，首先講吓服務態度，態度還可以，因為樓面職員只有一個已經很忙碌，但經理望住其他地方，還企喺度看似懶惰，不清楚內情，多次舉手要求幫助，但他也看似很忙，但又不忙。食物方面我叫咗酸辣魚午餐，冇睇清楚初時以為有飯食，點知原來係闊身嘅薯粉，每一啖都好難吞落肚，但係個湯濃郁、夠辣、好飲！魚肉非常嫩滑！ 另外叫咗兩個小籠包裏面多汁肉好味、屋企人叫咗口水雞餐，雞肉又係嫩滑，味道適中，剛剛好！ 另一位屋企人叫做炸魚米線套餐，佢話好好食～ 飲品我哋叫咗豆漿幾好飲，唔會話太甜。…查看更多

又係掛住食 唔記得影相，同兩個女最中意食元氣，佢哋鍾意食蟹柳壽司同埋腐皮烏冬食完佢地就好滿足，每次食嘅時候都好專心佢哋話因為好好味！我就一定會叫蟹膏蒸蛋！因為蛋超級滑，蟹膏味濃，成個配搭好襯 跟住再叫軟殼蟹牛油果果卷，呢個就冇乜特別，但都幾好食！最鍾意食燒三文魚，今次嗌咗蒜蓉燒三文魚同埋黑椒燒三文魚，諗返起真係流晒口水！之後叫咗期間限定嘅燒帶子，大大粒好鮮味！最後唔夠喉，叫埋芥辣八爪魚，佢哋嘅街啦，八爪魚同出邊唔同呢度嘅八爪魚好大粒！ 跟住再叫軟殼蟹牛油果果卷，呢個就冇乜特別，但都幾好食！最後滿足小朋友嘅慾望，叫咗巨峰梳打同埋期間限定嘅爆炸糖雪糕 ！個雪糕$25我覺得幾貴，但係食落有好沖牛奶味，所以都值得嘅。…查看更多

三日唔埋兩日我就會食傷心酸辣粉～每一碗都有足料嘅肉碎、榨菜、花生🥜，仲有一大碗嘅薯粉。每次我都會揀雞軟骨，或者辣豬肚絲，尋日就試吓食海蜇豬耳，食咁多次最鍾意呢一聲！ 海蜇豬耳，超夠辣，味道有夠，總之就係香辣而家一路寫食評一路流口水啦 而我老公就係食口水雞，佢話啲雞唔夠滑有少少鞋，但係整體都比碗薯粉加晒分！如果下次再嚟我會想再食海蜇豬耳，配一杯凍椰汁多冰！ 環境方面，昆蟲都有，但小。另外職員服務態度一般每一個侍應態度都唔同🫡 不過唔緊要啦過嚟都係為咗食傷心酸辣粉😳…查看更多

雖然粟米細細杯，但係已經好好味，牛油撈得好均勻！嚟到我最鍾意食雙層芝士漢堡，其他我未試過淨係試過，我嚟過四次四次都係食呢個包，同M記唔同，我覺得佢哋呢個包好軟熟，芝士亦都係好足夠，成個包都係芝士！夠鹹味～ 然後再揀咗杯可樂 一個餐就飽晒，但係唔知點解呢間分店次次去親都係冇乜人，可能呢個商場太多選擇啦 有機會想試吓佢哋嘅意粉同埋炸雞，聽人講佢哋個炸雞好脆 好香。 環境衛生方面，每張枱都好乾淨沒有污跡。職員服務態度非常好，細心溝通！…查看更多

一家大細係super sports park 玩到電力耗盡⚡️ 係時候要食午餐喇(yumyum 😋) ，同場有埋SSP Cafe食野勁方便。餐廳坐滿人睇嚟個個都好肚餓～ 我地叫咗🥭芒果特飲、🍓草莓特飲、🍗美式炸雞藍、🌭️德國熱狗、👧🏻兒童餐、🦀和風蟹肉蟹籽炒飯🧡（👩🏻:今次第一次做食評，希望將最真實嘅感受分享俾大家，大家諗定食咩好🥰）《兒童餐👧🏻》：我叫佢做兒童餐因為份量啱啱好俾小朋友食，但其實佢係《拼盤》(雞翼、薯條、蛋沙律、蕃茄醬肉丸) 炸雞翼味都唔錯，薯條係粗薯條，蛋沙律有滿滿嘅蛋黃蓉撈埋蛋白，由細到大都喜歡，旁邊仲有好多沙律菜，呢個拼盤值得一提嘅係「肉丸」竟然一口咬落勁Juicy。🪧⭐️⭐️⭐️⭐️《德國熱狗🌭️》 : 有德國腸，配菜有青瓜、蕃茄、芥末醬、茄汁，大大嚿食一件已經夠飽，味道唔錯。🪧⭐️⭐️⭐️⭐️《美式炸雞件🍗》：一客有8件，皮炸得酥脆，肉質鮮嫩，配上芥末醬非常好食。🪧⭐️⭐️⭐️⭐️⭐️《和風蟹肉蟹籽炒飯🦀》：每一啖飯都有蟹肉同埋蟹籽，非常足料！蛋飯分明，味道不太鹹健康之選。🪧⭐️⭐️⭐️⭐️《芒果特飲🥭、草莓特飲🍓》：芒果特飲係梳打加粒粒爆珠，而草莓特飲係草莓加綠茶，眼見差不多7成都係果肉～環境❤️❤️❤️❤️❤️價錢❤️❤️❤️❤️服務❤️❤️❤️❤️❤️…查看更多

一個月總有兩三次會過來食第一就係因為一個價錢已經包咗好多嘢食，第二環境夠闊落～ 268已經包咗任飲任食海鮮火鍋、一碟手切肥牛、刺身拼盤，裏面包括（三文魚，日本魷魚、希靈魚、北寄貝、有時仲會有埋甜蝦）、至尊水餃、同埋非常開胃嘅蠔皇鮑魚扣玉掌！有時會係花膠。一路寫食評，我已經流晒口水我哋去親都會食芫荽皮蛋湯底，因為老實講雞煲同埋沙嗲湯底真係麻麻地，雞煲肉質非常老，但呢個價錢係抵食嘅。因為一蝶手切肥牛已經回本，仲有任食任飲呢～…查看更多

有時唔使湊小朋友自己慢慢食嘢享受人生✌🏻都幾鍾意去元氣 又係食咗好多嘢冇影相最記得嗰日食咗⭐️黑椒鹽燒三文魚壽司，三碟一向都鍾意半熟半生嘅三文魚有肉感又有刺生感仲要配上黑椒做襯托，好正！ 之後食咗⭐️螺片壽司，又大塊又爽口，配上青檸，味道清新！之後試我是埋⭐️海老蝦壽司，冇記錯係呢個名，肉質厚實非常鮮甜！ 之後仲叫咗佢哋嘅⭐️腐皮烏冬，好似都係20幾蚊一碗，超抵食！最後享受埋⭐️抹茶芝士蛋糕！ 冇諗過入嚟食壽司，呢一個係我非常滿意嘅一款食物～ 最面頭有抹茶粉苦苦的但薄薄的一層，不用怕因為下層的抹茶芝士蛋糕非常好味不太甜，再配上面頭上的抹茶粉是絕配😳💚🤩🤩下次去元氣壽司非常推介，大家必食抹茶芝士蛋糕🍰…查看更多

🔸涼拌皮蛋跟餐加$7，幾抵食，偏向酸辣，同譚仔嗰款唔同嘅🔸小鍋米線酸微辣，豬頸肉&牛柏葉&蘿蔔🔸米線偏幼，口感幾特別，湯底好飲！🔸蘿蔔小小甜，我比較中意偏甜🔸豬頸肉，牛柏葉冇醃製，淡味鍾意清淡嘅你就適合不過😍🔸奶茶使用塑膠杯，多奶後，茶味都偏重👍🏻🔸老公叫咗小鍋米線酸微辣，蘿蔔豬腸，香煎豬扒🔸試咗佢個豬腸，個人覺得似台灣鐵蛋味道🤩🔸香煎豬扒淋身環境方面正正常常 侍應態度一般…查看更多