charbean的个人专页

因為朋友係觀塘返工，所以直接去位於觀塘駿業街56號中海日升中心既丼瀛食飯。餐廳好大， 乾淨企理。食物方面，叫左雞皮餃子，築地壽司杯，油甘魚牛油果海膽沙律，海膽溶岩。雞皮餃子係我最欣賞既食物，有5隻， 入口香口唔油。趁熱食最好食。之後係築地壽司杯， 有7款唔同既壽司，材料都新鮮好味，有吞拿魚，海膽，三文魚，帶子等等 ，而壽司飯份量亦比一般壽司多 ，所以好飽肚。然後有油甘魚沙律， 油甘魚份量唔少，菜亦新鮮。好味。最後就係海膽溶岩，少少似我地平時食既海膽丸咁，不過再大粒少少， 入面海膽分量好多。…查看更多

因為屋企人住喺馬鞍山嘅關係，所以間唔中都會去石門同屋企人食飯。有次經過發現有間咖啡店幾吸引，所以就嚟試吓。後來發現係富臨集團既。我哋叫咗個鰻魚飯同埋All day Breakfast, 首先講吓鰻魚飯，鰻魚份量好多， 汁既味道都好好，唔過鹹。飯係珍珠米，軟硬適中。另外All day Breakfast, 有哈密瓜，腸， 煙三文魚，雞扒，茄汁豆，沙律菜同多士，分量豐富。咖啡方面，試下新野，叫左奶醬啡同蜂巢咖啡。 奶醬啡，咖啡味唔算濃不過真係似食緊奶醬多既味道，幾有趣。蜂巢咖啡就付上一粒蜂巢比客人自己放入咖啡入面，配埋一齊都唔錯。 …查看更多

好用心嘅小點  帶住兩隻狗仔 去沙田打針 想食野就要搵間可以坐門口嘅 上網搵到呢間dog friendly cafe 所以就揸車去咗試一試  Lunch set 只有四至五款嘅選擇 選擇都算吸引 而且價錢都係一百蚊樓下 加十蚊仲可以轉cappuccino 講番食物質素 叫咗個蟹肉意粉 同一個沙律 薄燒豬肉加麵包 配 乳酪醬 兩個份量都好多 而且好好味 感覺到廚師係有誠意 而且有廚藝 另外咖啡都係出色嘅…查看更多

呢排好多地方減價 所以就去大埔超級城行下 大埔超級城都冇咩可以揀 所以就直接去咗mos burger 之前冇留意原來有辣嘅摩斯漢堡 所以就叫咗嚟試 男朋友又食蝦堡 其實我原本都想嗌蝦堡 因為真係好好味 另外加錢要咗薯條 同檸茶 辣嘅摩斯漢堡 原來都好好味 塊漢堡扒 雖然唔係厚身果隻 但係都做到唔乾 同埋醬料嘅份量好多 唔知食咩既時候MOS冇得輸…查看更多

日出康城之前嘅印象就係乜都冇 而家終於開咗個商場 去探完朋友之後 就一齊落去食飯 因為已經九點幾 我哋見到呢間 由終仲未LAST ORDER 所以即刻坐低 叫咗個 鴨肉三食 有片皮鴨 椒鹽鴨架 鴨肉餛飩湯 另外仲叫咗 一個菜 同雞絲粉皮 片皮鴨有成隻 分量都好多 用嚟包住佢嘅皮 係啱啱蒸好出嚟嘅 所以仲係熱辣辣 佢會將皮同肉分好 係我近幾年 食過最好味嘅片皮鴨 至於其他餸都做到水準以上。 值得一讚 就係成間鋪頭嘅員工都非常之有禮貌…查看更多

呢排成日出去大埔墟 原本想上熟食市場 不過醒起 大埔有間好出名嘅蘋果批 就試一試 入邊嘅阿姨全部都好好人 我哋話叫蘋果批 佢就話等一陣有個熱嘅 咁就等下啦 另外我哋嗌咗個常餐 我最鍾意就係飲茶餐廳嘅熱奶茶 同快餐店係爭好遠架 沙爹牛肉麵 就正常水平 等咗一陣 蘋果批終於到 入面有好多蘋果 但係味道唔係太啱我 佢唔係啲好香甜嘅蘋果  係有啲爽 同微酸既 不過十幾蚊都已經比足料  總括嚟講  只係唔啱我口味 唔代表佢唔好 我會再嚟食佢啲茶餐…查看更多

同朋友約咗去雄依度食飯一入到去老闆已經好熱情咁歡迎我哋又成日行過黎同我哋講笑本身觀感已經好好我哋叫咗蠔仔餅，煎肉餅 ，荷葉飯，鹽燒雞，菜煲每碟餸嘅份量都好足 ，蠔仔餅香口，荷葉飯粒粒分明，煎肉餅好入味又煎到金黃色，每一樣餸都好味，呢度嘅味道偏重，配飯或者啤酒就更加一流。食完主菜，我哋見到隔離枱叫咗反沙芋，睇見咁靚仔，我哋都叫返個，嚟到嘅時候超級熱辣辣，外層糖衣脆卜卜。返沙芋嘅份量都好大 ，四個或以上share食就差唔多。…查看更多

11月 雖然天氣一啲都唔涼爽 但係諗起要食秋刀魚 男朋友專誠揀咗呢間日本餐廳試下 我哋叫 原條秋刀魚 鮟康魚肝 螢光魷魚 幾件壽司 煙肉荔枝串 諗住食到一半 先再叫飯或者烏冬 原條秋刀魚 非常新鮮 雖然唔算好肥美 不過依然鮮味十足 食完佢仲會幫你 炸咗條骨 一魚兩食鮟康魚肝係我嘅最愛 呢度處理得好好 入口滑溜 一啲都冇鞋嘅感覺 另外螢光魷魚 同壽司 都係水準以上嘅 因為聽講 呢度嘅熟食普通 所以我哋主要都會係叫魚生 不過煙肉荔枝串都好味 埋單一啲都唔貴 而且員工都好friendly 絕對係可以返去再幫襯嘅餐廳 …查看更多

琴晚出太和搵食 記得之前見過依間台灣嘢 有人講過話抵食 睇完餐牌覺得都幾吸引就入左去 Menu以套餐為主， 有湯:肉丸紫菜湯， 跟住有前菜青瓜 主食我揀左肉躁揀鹽酥雞麵 食物質素ok 鹽酥雞夠脆唔乾 肉躁分量夠 味道都好，麵勁多 所以超抵食 不過唔好對餐飲有期望總括而言 依間餐廳有很多食物可選擇配搭套餐， 食物分量非常大分十足。 價錢抵 有好多選擇 食物ok野飲差d 。服務就...唔好期待有服務...佢係間快餐店😂但係快餐價錢就滿意既.所以大家行過都可以一試 …查看更多

相信大家都無興趣食連鎖餅店既難食又無良心既蛋糕良心推薦依間餅店 一直都好有水準 酒店質素 平民價錢 蛋糕款唔係浮誇路線 而係精緻elegant 入面既姨姨又好人今次訂既開心果蛋糕 開心果味好濃 餅底又好味朋友收到好開心…查看更多

好難得好經過北角 而且距離食晚飯仲有一段時間即刻諗起可以食返底雞蛋仔頂肚幾年無食 再食依然外脆內軟 而家要19蚊一底 不過依然值得 不過而家出色既雞蛋仔有好多地方都有 唔係咁岩經過都唔需要特登黎買 …查看更多

除左成日飲佢既913奶茶/香芋奶綠次次行過都對佢既鐵觀音梳乎厘Pancake好有興趣不過次次都食飽左先經過今日睇完戲終於記得佢試左鐵觀音梳乎厘Pancake好鬆軟 食到鐵觀音味 微甜 仲有多到食唔晒既珍珠 下次要試下其他口味…查看更多

有驚喜嘅沾麵 經過牛頭角 想搵間良心小店 就發現左依家 一生懸麵 因為時間仲早 唔洗排隊 可以直入呢個價錢十分足料 湯底夠濃厚 魚介唔過鹹 麵質彈牙 份量又足夠沾麵好多時都會過鹹 依家做到恰到好處 叉燒亦都香口 而且夠肥 成碗麵合格有餘  呢個價錢食到呢個質素 應該要多多支持…查看更多

食梳乎厘pancake唔一定要去到好遠 有日發現大埔有間台灣嘢都有得食 不過而家疫情關係 暫時取消咗 由於好掛住佢所以幫佢寫返個食評  呢間台灣嘢 本身嘅食物質素都ok 下午茶嘅價錢好抵食 30至40蚊 已經有嘢食加珍珠奶茶 珍珠奶茶味道正常 但係佢有個隱世甜品 就係星期六日先有嘅 梳乎厘pancake 梳乎厘pancake做得非常出色 賣相又靚 綠茶味好濃 期待佢快啲再恢復做甜品…查看更多

PARK CAFE  係想食西餐嘅時候 喺大埔嘅好選擇 雖然只係港式西餐 但係感受到 成間舖頭製作認真 每次嘅出品都好有保證 今次食咗牛脷意粉 煙鴨胸燴飯 飯同意粉都KEEP到有咬口  味道都好夠 餐湯係蘑菇忌廉湯 飲得出有一粒粒蘑菇係入面 絕對真材實料 呢個價錢仲有埋餐飲  超級抵食 另外推薦佢個冬陰功意粉 每次諗唔到食咩都會想叫呢個…查看更多