stream的个人专页

經過見新開兩日，人好多，見店面新鮮干淨，首試咖喱牛肉包，咬完一淡，心諗係咪錯版阿？空氣到呢個級數，好誇張。11蚊，味道正常啦，但個人唔會二刷了。見圖可自行判斷🤣…查看更多

簡單啲講，完全中伏，餐廳價錢快餐店都冇嘅質素。牛扒定食，塊牛扒難食到不能相信係餐廳出品，無味不特止，又柴。個人感覺，同平時街市賣嗰啲長期凍肉冇分別。豚肉韓式拌飯，拌飯個汁醬竟然係淡到黐線，個飯勁油。最後竟然唔收信用卡… 唔係話要食夠幾多錢先收，係冇信用卡機… 咩年代…唔會再食…查看更多

呢間位於天后嘅日式小店CP值都好高，環境舒服，店員態度一流。食物方面食得出食材係靚野，又唔多味精，幾唔錯。我哋叫咗三樣野，包括醋鯖魚鰹魚上湯泡飯、牛丼、Japanese Peach Fruit Tea。湯飯個醋鯖魚酸酸哋，咬落保留咗魚個原味，同個泡飯好夾，好開胃。牛丼啲牛唔係cheap cheap肥牛，係有質感嘅牛，雖然牛肉味唔太濃，但比一般牛丼好食。另外牛丼飯底係滿滿嘅牛肉汁，索晒入啲飯，好好味。最後杯飲品好fresh，唔太甜，夏天飲一流！…查看更多

呢間咖啡店我之所以稱為高階原因係佢嘅咖啡種類繁多，有坦桑尼亞咖啡、洪都拉斯咖啡、危地馬拉咖啡、頂級希達姆等等😰完全唔知有咩分別，相信唔係對咖啡有研究的朋友都唔會知，所以我叫佢高階😂最後我同老婆仔叫咗一個$52的Tea Set，包咗一杯$33的咖啡同一件Cake。其實都幾抵，因為佢D Cake都三十幾蚊一件。基於完全零知識，我地就問問侍應有咩推介，最後選咗咪道較淡的“哥倫比亞整品”同“ chocolate cream & cheese cake”。由於我個人對咖啡認識尚淺，只可以我的味覺講講感受，杯 “哥倫比亞整品”嗅覺上很香咖啡味，喝第一口時沒有加入牛奶，能喝出咖啡豆的味道，香醇而不會太濃，跟Starbucks咖啡不同，調製後甜味已蓋過咖啡原有的味道。第二口加入牛奶，咖啡變得更滑更香。對於我呢個不常飲咖啡的初哥來說，這款口味很能接受，值得推介。個Cake賣相已經好吸引，大大件，芝士同朱古力層次分明，再加上一層漆亮的朱古力。味道方面，朱古力味及芝士味好平衡，唔會太甜，而且芝士蛋糕嗰層好有質感，在口中慢慢細味。唯一不足是蛋糕中的脆脆米已經唔脆，可能是放了一段時間，但整體影響不大。另外，呢間餐廳是需要客人自己搵位的，但它的擺位不好，座位設在點餐處後方，一經過最先會注意了點餐處，完全看不到座位，而點餐時侍應又不會提示客人先找座位，這使客人容易忽略點餐後沒座位的問題。…查看更多

呢間拉麵店舖位比較細，枱唔多，所以晚飯時間要排很久，我地足足排咗45分鐘有多先入到去，不過其實睇下個Menu就明白點解咁多人排，一個誰食大約只係三十幾至六十幾蚊，在現今餐廳來說，簡直平到笑，所以我都唔會因為排隊排得耐而不滿了，凡事有Trade Off ma haha. 入正題，我地叫咗“大門拉麵”($48)、“叉燒炒飯拼煎餃子定食”($38)、“味蛋”($12)。首先講下“大門拉麵”，其實即係日式叉燒拉麵。上枱閒一閒唔算好香，賣相亦無咩特別，但味道就令我刮目相看。個人認為拉麵最緊要就係個麵同湯，呢個麵低真係超正，好彈牙好煙刃，有咬口，口感一流，而且一D酸味都無，簡直是上等面阿。至於個湯底呢，雖然講不上非常好味，仲有少少偏咸，但一定唔係難食，亦唔係一般湯低咁簡單，個味道非常特別，從未食過呢個味，於是就膽粗粗問下個侍應，原來係豬骨湯再加入醬油、面豉等調味而成嘅秘方，個人覺得不錯，算是Above Average 啦。至於塊日式叉燒就一般水準啦，不過不失。“叉燒炒飯拼煎餃子定食”包括一碟叉燒炒飯、三隻餃子及一碗木魚湯。個叉燒炒飯好香，又係外表平平無奇，但味道令人印象深刻。飯的乾濕度控制得很好，唔會炒得太乾身，亦唔會太多水份，口感不錯。另外，炒飯加入了蛋絲，令飯更香更好食。不過，D叉燒就硬咗少少，美中不足。煎餃子亦很出色，內有肉汁，外皮仍是軟軟的，唔會煎燶或太乾，餃子低部刻意留有簿簿焦塊，脆脆的，連餃子一起食，有脆有軟有肉汁，好食。至於個木魚湯，本人就不太喜歡，入口有少少酸，仲有點煙熏味道，感覺很奇怪。“味蛋”係醬油味的蛋，唔會太咸，調味很出色，再加上本身隻蛋靚，蛋黃味非常濃鬱，蛋黃味及醬油味兩相很配合，不錯。總括來就，呢間拉麵店好有心經營，而且價錢非常便宜，以幾十蚊的價錢，有這樣的質素，性價比非常高。…查看更多

呢間拉麵店舖位比較細，枱唔多，所以晚飯時間要排很久，我地足足排咗45分鐘有多先入到去，不過其實睇下個Menu就明白點解咁多人排，一個誰食大約只係三十幾至六十幾蚊，在現今餐廳來說，簡直平到笑，所以我都唔會因為排隊排得耐而不滿了，凡事有Trade Off ma haha. 入正題，我地叫咗“大門拉麵”($48)、“叉燒炒飯拼煎餃子定食”($38)、“味蛋”($12)。首先講下“大門拉麵”，其實即係日式叉燒拉麵。上枱閒一閒唔算好香，賣相亦無咩特別，但味道就令我刮目相看。個人認為拉麵最緊要就係個麵同湯，呢個麵低真係超正，好彈牙好煙刃，有咬口，口感一流，而且一D酸味都無，簡直是上等面阿。至於個湯底呢，雖然講不上非常好味，仲有少少偏咸，但一定唔係難食，亦唔係一般湯低咁簡單，個味道非常特別，從未食過呢個味，於是就膽粗粗問下個侍應，原來係豬骨湯再加入醬油、面豉等調味而成嘅秘方，個人覺得不錯，算是Above Average 啦。至於塊日式叉燒就一般水準啦，不過不失。“叉燒炒飯拼煎餃子定食”包括一碟叉燒炒飯、三隻餃子及一碗木魚湯。個叉燒炒飯好香，又係外表平平無奇，但味道令人印象深刻。飯的乾濕度控制得很好，唔會炒得太乾身，亦唔會太多水份，口感不錯。另外，炒飯加入了蛋絲，令飯更香更好食。不過，D叉燒就硬咗少少，美中不足。煎餃子亦很出色，內有肉汁，外皮仍是軟軟的，唔會煎燶或太乾，餃子低部刻意留有簿簿焦塊，脆脆的，連餃子一起食，有脆有軟有肉汁，好食。至於個木魚湯，本人就不太喜歡，入口有少少酸，仲有點煙熏味道，感覺很奇怪。“味蛋”係醬油味的蛋，唔會太咸，調味很出色，再加上本身隻蛋靚，蛋黃味非常濃鬱，蛋黃味及醬油味兩相很配合，不錯。總括來就，呢間拉麵店好有心經營，而且價錢非常便宜，以幾十蚊的價錢，有這樣的質素，性價比非常高。…查看更多

呢間餐廳Menu選擇唔算多，一半是甜品。於是我地決定叫一個好多餐廳都有，但又好難突出地好食的“All Day Breakfast”，另外再追加一個好多人都叫嘅甜品“香蕉窩夫”。首先上枱的是All Day Breakfast，我一看，心中不禁有點失望，價值$138的 All Day Breakfast 不可以做好一點plating嗎？整碟的樣子就像家中自煮一樣。呢個 All Day Breakfast包括有薯餅、腸仔、炒蛋、煙肉、蕃茄包、冬菇、炒波菜、蕃茄、牛油果及洋葱沙律球，整體黎講，八個字講曬「味道偏咸，一無是處」。有幾樣食物要特別一提，個炒波菜一啖食下去，滿口鹽，咸到要立即吐出來，對於從不浪費食物的我來說，亦不得不通知侍應換調，廚師可能是調味調錯了吧。另外，那個炒蛋雖然是滑，但蛋味不足，而且出水情況嚴重，食完一灘水在碟上，估計廚師為咗令蛋滑D，同埋可以用少D蛋而加入牛奶/水/牛油去炒，加咩都好，份量控制極差。腸仔淡而無味，完全唔好食，似用水煮熟咁款，表皮一D都唔脆，應該係煮熟咗放喺度，有人叫就用水過一過，整暖條腸就上枱。呢個All Day Breakfast 仲有一致命點，就是食物是不熱的!! 一食之下，發現個包熱，但腸仔同蛋都是冷的。總括來說，個人感覺呢個All Day Breakfast似係一個唔叻煮野嘅人煮出黎，多過一個廚師，$138性價比超低。至於個“香蕉窩夫”都算唔錯，窩夫有蛋味，即叫即整，外脆內暖的窩夫加上曲奇雪糕，口感不錯。跟碟配有兩個汁，一個拖肥汁，一個蜜糖汁，少少過甜，不過不失。…查看更多

呢間餐廳裝修唔錯，但兩人位坐得唔太舒服，但講到尾，餐廳最緊要食物品質。原本對呢間野無咩大期望，只係食個快餐，點知都有意外驚喜。首先，個忌廉雜菌湯真係好Impressive，四個字講曬：「真材真料」，每一啖湯都好有口感，加上忌廉，真係好香菌味，嗅覺同味覺都好享受。沙律一上台，個Plating已經好吸睛，好有心思，沙律菜食得出係新鮮的，一D都唔苦，上面個乳酪汁好開胃，不錯。主菜有兩個「俄羅斯沙皇紅米飯」同「焗椰汁雞飯」，沙皇紅米飯係燴牛飯，個燴汁煮得唔錯，味道濃得黎唔會膩，上面加左少土Cheese，酸酸地，好好食，不過D牛就麻麻地，應該係用左牛脊肉，比較更硬，如果用牛柳會好食好多。至於個 「焗椰汁雞飯」，都幾特別的，一般椰汁飯，會嗅到好香，但食落口，D飯會好乾，又無味，唔好食。但呢個焗飯D飯係蛋飯，飯粒唔會焗到乾曬，好香好滑。雞有少少辣，好特別，但味道同椰汁好Match。最後，值得一提係，呢間餐廳服務超好，個侍應上沙律時有舊青蘋果掉左落碟，唔靚，佢都係咁Say Sorry。希望呢間平民餐廳可以保持呢個質素。…查看更多

“香草沙律風乾火腿薄餅” ~ 個人認為一般，原因係基本上呢個主菜可以分成兩個，就係墨西哥脆片+香草沙律風乾火腿，佢只係將D火腿放上去就叫一個pizza，一切就散曬，食客要分開囉，感覺兩者無咩關係，為咗有pizza而整pizza咁款。味道方面，個餅低個人唔太喜歡，但上面D火腿配香草沙律唔錯，佢應該是用風乾唔太耐的火腿，所以唔會太鹹。“咖哩蛋包飯伴炸雞” ~ 呢個飯就真係好好食，蛋係滑滑的炒蛋，加上大大塊芝士已經好好食。值得一提的還有個咖喱汁，香濃可口，大贊，味道唔辣，對追求咖喱辛辣味的人可能係不知所謂，但對於我呢種唔喜歡辣食的朋友來說，絕對係強力推介。“日式凍豆腐凱撒沙律” ~ 呢個沙律份量較少，味道中規中矩，一個普通的沙律。凍豆腐似係gimmick多過有實際用途，對整個沙律的味道或外觀，一點幫助都沒有，而且放在最低，食到最後才看到。“牛油果番茄粒意粉” ~ 唔記得咗個意粉名，不過不記也罷啦，一個極普通的意粉，老婆整嗰D還比較好食。我地可能比較早到，中午12時連我們只有兩枱客人，所以可以慢慢吹水，如果想hea時間還可以。不過以它的價錢來說，食物的勝價比低，可有更好的選擇。…查看更多

一入到餐廳，環境令人好舒服，唔會有太擠迫的感覺。Waitress服務很好，總是面帶笑容，不會吹你叫野食，可以慢慢諗，眼神望一望佢地，就會問你Can I help you？睇得出係訓練過。上菜方面是頂級餐廳質素，等唔係好耐就上頭盤，你一日唔食完個頭盤，佢都唔上主菜，但食得出絕對唔係整完等上台，應該係睇住你食到一半先煮主菜，所以兩度菜時間相隔唔耐，但又好好食，呢點留下深刻印象。食物方面，先講講個頭盤， “Seared octopus, aubergine puree, lime and mustard dressing” 一般出去食八爪魚，一係好硬，一係用好濃嘅醬汁cover雪味，搞到食唔到佢個鮮味。但呢個頭盤真係好好食，八爪魚唔硬之餘，仲好鮮，食到烤味之餘唔會覺得燶。另外，個醬汁一流，同八爪魚Perfect Match，芥茉再加上少少酸的Lime，食多多都唔膩。連伴碟的蕃茄仔都特別甜。個人認為呢個頭盤係全晚最住作品，神級。主菜 "Slow roasted Dingley Dell pork belly, spiced apple puree, apple relish" 燒肉我地中國菜食得多，要我地話好食好難，呢個主菜我覺得不過不失，食落去有豬味，唔會得肥肉，又唔會好硬，不過個皮有點太咸。另外，值得一讚的是伴碟的蘋果蓉，一個字“Stunning”。兩個甜品“Eton Mess” & “Warm Apple Crumble” 甜品最怕得個甜字，食落口好似食糖咁，兩啖就唔想食。呢兩個甜品甜味控制得剛剛好，食完一啖，好想再繼續食。Eton Mess係英國傳統甜品，第一次食，入面D糖霜鬆化而不太甜，配合埋D士多啤梨同Cream,一流。食Apple Crumble，口感同味覺都係一個享受，一般Apple CrumbleD糖勁多，呢個蘋果先係主角，個味道調得好好，D cookie又鬆化，溫度暖暖的，加上個雪糕，真係冷靜與熱情之間，介推再食。…查看更多