joeycheung815的个人专页

上網見有人推介呢間既奶茶，甘啱要去黃大仙就野，就行埋過黎新蒲崗呢邊試一試佢既奶茶。正值下午茶時間，叫左一個沙嗲牛肉包和一杯熱奶茶。熱奶茶果然好飲，茶香濃，同奶好平衡，飲落口好順滑，絕對值得推介下午茶餐選擇都唔少，沙嗲牛肉都滑身味夠，包焗得啱啱好，整體好食。價錢都親民，$30。朋友叫左一個鮮茄豬扒飯，豬扒得一塊，味道普通一般。總括黎講，呢度水吧絕對出色，食物通常係叫常餐，或者下午餐既三文治、西多、面包類為主，其他茶餐廳既飯意粉類水準唔需要抱太大期望。…查看更多

好耐無去幫襯咖啡小店，呢間cafe一直都係list，見疫情暖和小小，放工後，決定去cafe飲杯咖啡，hea一hea平日下午茶時段，人唔多，可以放心慢慢坐。一入門口，就即刻探熱兼遞份餐牌比你。唔太餓，所以叫左一杯熱既rose latte。$34都幾大杯，有朵好靚既玫瑰拉花，未飲已經心情愉快咖啡味夠濃夠香，奶都打得好滑。唔錯有四個後生仔女打理，走既時候，個個都會友善地講拜拜，服務真係幾好。一路坐，一路聽歌，好似自家屋企甘好放鬆。店舖細細但好舒服知道係幾個年輕人開既，好有心，好有理想，食物質素也不錯，決定繼續支持…查看更多

黎左廣源街市搵食，見到呢檔車仔麵既餸好吸引，所以試一試。叫左一碗三餸車仔麵。麵款有好多選擇，揀左上海粗麵。食物款色勁多，揀左menu上推介既金菇肥牛卷，雞扒同客家釀豆腐。唔係誇張，呢三款都好好食呀~~~35蚊，有甘既質素，好抵呀。金菇勁多，好大卷。沙嗲味好濃。雞扒應該係烤/焗，好滑，味道又夠，完全無雪藏味。釀豆腐既豆腐好大件，食一件都好夠飽。整體，性價比好高。而且，醬料任添，仲有菜脯和新鮮既葱，唔錯唔錯。一定會再返黎食。而且兩位姐姐都好nice。…查看更多

黎到大圍搵食，當然要黎呢個food court試一試。見到有韓國嘢，心血來潮，叫左個大既韓式炒年糕。大既要$45，細既$20。見到托盤上既年糕，原來已經係大size。我仲以為比左嗰細既我。年糕味道酸甜帶點辣，同其他地方食既味道一樣。Q度都可以，唔會太腍太粉。表現不過不失。但以45蚊既價錢，仲喺food court價，份量實實在在太少啦。年糕少，魚糕得幾塊。:(下次再去呢個food court，我諗唔會再幫襯。反而試試其他仲好…查看更多

隔左大半年，第三次幫襯。水準依然保持得住。之前飲過cappuccino ，桂花冰釀coldbrew，好有驚喜。今日想飲奶啡，所以叫左一杯熱latte。一飲落口，好滑，無論奶定咖啡都好夾好配合。平日去，無乜人，坐得好舒服。服務幾好，環境乾淨。喺中上環呢間cafe絶對值得推介當starbucks pacific coffee飲咖啡要四十蚊，差唔多既價錢，我會用喺咖啡小店，每次都令我好有驚喜。有時未必好好飲，但點都好過連鎖店，而且服務都一定好過連鎖店。…查看更多

Bakehouse食過幾次，每次都覺得好食，兼招呼好。今次要寫番篇食評先必點，avocado salmon toast牛油果，煙三文魚，蛋簡直係天衣無縫既組合。味道勁夾勁好食。每樣嘢都好新鮮。推介之選。但就無set叫，每次都係分開點另外，叫左一份set lunch。可以揀2 course $108, 3 course $138。再加$25配咖啡。佢既咖啡都唔錯，但未至於好出色。bakery會出色好味啲。Set lunch叫左2course，main course 揀左fried chicken sandwich ，dessert揀左chocolate espresso tart。Fried chicken炸得太乾身，咬落脆既，但中間hi口。kale好新鮮，連埋一齊食，味道都唔錯。而且夠晒大份，好飽。但toast好味啲甜品都好食，朱古力好滑好濃…查看更多

呢期開始戒奶，飲咖啡都會特別加錢轉用植物奶，例如豆奶，燕麥奶。上網見有間飲品間唔用牛奶，只用植物奶。所以放工特登搭地鐵入去試一試。喺鑽石山站行十分鐘左右就到。可能新開兼宣傳得足，真係好多人喎。可能太過充滿期望，反而覺得無乜特別。$32，要左一杯凍既手沖堅果奶咖啡。份量有啲細。飲到堅果奶既味道，唔算好滑，但都幾香咖啡就好普通。可能下次試下熱咖啡會比較好啲。我諗熱飲，堅果奶同咖啡應該會更加夾。唔會再專登入去試，但經過開都會再試下既。另外，可能非咖啡飲品可能會做得出色啲。…查看更多

喺尖沙咀食完晚飯，行經見到雪糕買一送一，朋友食過綠茶雪糕話好食。兩人二話不説，一人叫左一個雪糕。兩個人分別叫左一個焙茶雪糕筒同一個烏龍茶雪糕筒。望落真係無乜分別，但食完，烏龍茶既茶味更濃，焙茶就淡啲，清啲。個人就比較鐘意烏龍茶口味多啲兩款都超滑，好似去左日本食甘。除左雪糕，側邊既配料都係勁好食。同雪糕好夾買一送一，所以每個$30，超抵呀。飲一杯珍珠奶茶都甘上下價錢。所以絶對物超所值。推推推介。性價比高但買一送一只限特定款色同只可外賣下次應該試下佢既綠茶味雪糕…查看更多

呢排食得清淡左，又係時候化身食肉獸。朋友帶去食Beefar’s鹿兒島燒肉，真係好食兩個人食，叫左個$488既牛之藏和牛盛合。一共有六款，每款有兩塊，而且有個細牌仔寫清楚係乜部位，幾細心每款都好有牛味，入口即溶甘，果然一分價錢一分貨。間唔中，係應該對自己好啲既。野菜盛合有齊冬菇，粟米，秋葵，茄子，菠蘿。冬菇燒完特別好味，燒完牛，再燒下野菜，平衡番。韓式和牛石窩飯撈完，每粒飯都好香麻油味，加小小醬汁，配埋燒好既和牛一齊食，更加好味三文魚，帶子，油甘魚刺身叫左三款刺身，每款都好厚身，鮮甜，好飽足原來夜晚仲有宵夜放題，價錢仲抵，下次可以試下宵夜時間黎食放題…查看更多

朋友住太和，第一次過黎，朋友帶我去佢屋企附近既”木船”食泰國菜。裝修真係好似一隻木船甘。地方都乾淨闊落。青木瓜沙律去食泰國菜必食既。份量都算幾多，酸酸鹹鹹，好微既辣，啱晒香港人既口味小食拼盤(小)兩個人叫個小既拼盤就好夠，有四款，每人一樣，份量啱啱好，仲有空間食到其他嘢溶岩椰青海鮮焗飯真係好好食。大椰青隔離仲有杯椰青水，好清甜。焗飯有炒過，粒粒分明，滿滿既椰子香味，口感一流，又有好多椰子，上面仲鋪左海鮮，如青口，帶子，蝦。多重口味夏日芭東海灘(菠椰)菠蘿同椰子兩溝，好味好正，夠晒清甜泰式奶茶每次去曼谷必飲，香港第一次飲得番。無失望，好好飲。茶底更濃，上面加埋cream，更滑。…查看更多

喺石門站行過去五分鐘左右，佢個位置勁低調，係無門牌既，主要做打工仔既生意。平日行假十一點去到，見到啲OL食緊沙律，意粉。同朋友各叫左一個餐試下蕃茄素意粉意粉質地淋左小小，口感普通個醬有新鮮蕃茄，蕃茄乾，甜中帶點酸，都唔錯。配埋松子仁，增加左口感All day breakfast黑松露炒蛋好食，黑松露好香，蛋炒得好滑。另外，包可以揀scone/牛角包/厚多士。揀左scone，好味，啱啱烘番熱，夠暖又夠鬆身。其他配料就無乜特別。南瓜湯跟餐，加$10有南瓜湯。南瓜味都夠既，但略嫌太稀身，個湯杰身啲會更好Americano跟餐加$4可以轉美式咖啡，咖啡都幾好味全部加埋$128，價錢及味道合格，唔算好好食。住/工作喺附近會幫襯，但就唔會轉登入去。…查看更多

住沙田經過好幾次都見有人排隊，今晚特登早啲，平日七點就去到。好彩唔洗排隊，但都九成滿。坐多陣，已經開始有人排隊。呢間都幾旺，可能近酒店，有埋韓國人，日本人黎食兩個人，叫左兩款小菜，兩款麵食。紅燒半根半肉麵(粗麵)有得揀粗或幼麵，叫左粗既，麵底都幾多，好彈牙，湯底好濃。牛根牛腩份量好多，好大條，而且好入味。芭樂鳯梨鹽水雞干拌麵天氣轉熱食呢個幾好，芭樂鳯梨都好甜，拌麵都係帶點甜甜地，夏天食好啱。麵身爽口，做拌麵好啱醉雞雞好滑身，有酒香，仲係雞脾肉，夠彈牙，好食。份量都唔少鹽酥三兄弟三兄弟分別係雞，魷魚，雞脾菇。食落真係好似去左台灣夜市既味道，炸得好香口。份量超多維多利亞的秘密雜莓，yogurt加埋冰打成，超級大梅，好好飲總括，每樣都好食，好大份，價錢合理，會再幫襯。佢仲有waffle兼其他甜品，留番下次試下。lunch有set仲抵。…查看更多

去柴灣拜山，經商場轉入天橋之際，見到有間咖啡小店，買杯咖啡黎提提神店員勁好地主動提供餐單，唔洗你抬高頭，遠望menu。見佢有豆漿咖啡，佢個名又係寫住soymilk coffee，心諗應該係主打，所以買杯大杯裝既豆漿咖啡試下。沖好，店員又好有禮貌兼客氣又帶點熱情地問，要唔要糖，要唔要紙巾，要唔要... ...。咁好既待客態度未飲杯咖啡，都已經加左分，真係值得一讚豆漿咖啡飲落唔錯，豆漿打過泡，飲落都滑喎，同咖啡好夾，整體感覺幾好飲16oz $28，價錢都好合理。下次經過，可以再試下其他款式…查看更多

朋友帶黎中環呢間cafe chill下，話試過唔錯佢有兩層，我地就坐左喺下層，有三張細圓枱，一望飲，可以一路街外既遊人，感覺都幾好我叫左一杯熱cappucino ，感覺都幾好，未算係好有驚喜個種。奶泡都幾滑，有咖啡味。朋友叫左桂花冰釀咖啡，反而好有驚喜。第一次飲桂花味既咖啡，佢既桂花味都幾明顯，好清香，但唔會太假。反正咖啡味就唔算好濃，可能咖啡同桂花之間要取個平衡啦朱古力蛋糕都十分好食，好濃好滑。平時唔太鐘意食cake既我，都食左大半個真係好食…查看更多

入去沙田愉翠苑，去左佢既街市搵食。行左一圈，都係車仔面，茶餐廳類，唔覺易見到有間素食店，價錢相宜，決定一試其實唔細心睇menu，都唔知係素食，因為同真肉既賣相無乜分別。全部飯麵都係$38-$42之間，好抵我叫左咖喱素豬扒飯，咖喱好味，飯煮得適中，素豬扒好大塊，同真豬扒既口感好似。我覺得自己好似食緊真既甘，$42一大碗，有好夠配菜，好抵食。而且賣相都幾好。老闆好有心機做，佢啲薯仔係先煎/炸過，連埋咖哩汁，好食。朋友就叫左日式素鰻魚飯。佢話同真鰻魚好似，啲汁都係一樣。米就用上珍珠米，好正。而且伴碟既蘿蔔都好食。仲用上日式碗，擺靚先比你，真係有心機加$15叫左沙嗲素雞串，個沙嗲汁好味，送飯一流睇得出老闆好有心機煮，仲好好人叫我地食完先比錢，唔洗急。價錢又抵，又大碗，又好食。所以會再幫襯…查看更多