PollyKu的个人专页

去紅館睇演唱會，諗住近近地係置富都會食晚飯，點知去到人山人海，間間餐廳都坐滿人，又排晒長龍即刻轉移陣地，係火車站二樓揾到位，係美心Food2叫左鮮茄鳳梨焗雞扒飯，即叫即焗，新鮮熱辣，菠蘿雞扒大大塊，另送熱飲1杯朋友有九折優惠，抵食…查看更多

星期六約埋一班親戚去荃灣飲早茶。朝早坐無虛席，有好多公公婆婆已經係到睇報紙，飲杯茶一行八人叫咗二十幾樣點心，超級誇張。食物質素唔錯，早市有好多特價點心，尤其係$5.8有兩粒燒賣，抵食弊在酒樓冇乜冷氣，個個一邊食一邊抹汗，好似焗桑拿，要開返把風扇仔吹下…查看更多

早幾日係尖沙咀地鐵站內，聽到有把好響亮既女聲，好出力地叫賣，於是行過去睇下賣咩，原來係麵包。職員落力招呼客人，就算叫到聲沙都一直sell，積極程度以為間舖佢有份堅係德餡料：芝士＋核桃果仁評語：餡量「堅係少」（有圖有真相）火紅龍捲風餡料：紅莓乾＋cream cheese評語：麵包邊位全部都係芝士，唔會過份甜膩或偏鹹，岩我口味，果然係no.1總括黎講，麵包貴，無得試，不幸買左又貴又無料既包，真係無言...尤幸職員笑容搭救，拉返唔少分數…查看更多

早兩個月同屋企人去大自然素食，個個食到讚不絕口。趁住父親節，就帶佢地再食過。今次我地去太子分店，位於始創中心。前菜係黑木耳，爽口美味，鐵質豐富，岩晒我三文魚刺身賣相同平時無分別，沾上Wasabi、豉油，口感都有八成似。極力推介士多啤梨骨！賣相吸引，好惹味，加上酸甜既士多啤梨，配飯一流如果第一次黎唔知叫咩餸，可以試下上次都有叫牛油果多士，食過番尋味。今次要扣少少分，邊位焗得太熟，有少少焦，不過仍然脆卜卜:)黑松露雜菇焗鮮蘆筍好濃郁黑松露味，蘆筍更有抗氧化、防癌既功效，絕對係高纖又健康既首選芝士海鮮焗飯有驚喜，睇相已經感受到個種澎湃，芝士、配菜要湧出黎，十分足料，份量多到要大胃王先食到最後每位都有一碗糖水，初頭以為係紅豆沙，原來加埋西米，第一次見同食西米紅豆糖水，幾特別…查看更多

黎過幾次，仲寫過一篇食評今次款麵包好食到要寫多次上次買完風味芝士，之後都有買其他麵包，如芝麻先生、榛子脆棒……計計下食包都用左$100某次試食，其中一款包有好多cream cheese，問店員先知叫「芋見」，原來芋頭＋cream cheese 係 prefect match外表平淡無奇，完全唔知係咩味，又賣成二十蚊個，如果唔係有得試，真係會錯過麵包中既極品，鐘意食cream cheese，絕對一試愛上題外話：有次試食，有個客直接用夾將麵包放入口，好彩職員見到即刻阻止，回收返個夾，諗起都恐怖…查看更多

係愉景新城睇完戲，順便去宜家逛下，經過美食店，買左新口味既雪糕 - 大吉嶺紅茶新地筒，細細支，雪糕好軟滑，有淡淡紅茶味，唔算好甜，最重要係$4.5咋！！加上職員好有笑容，抵讚…查看更多

屋企人係食肉獸，係時候清下腸胃，一聽到要食素，個個皺晒眉，威迫利誘下，屋企人去大自然獻出第一次訂左閒日夜晚7點，唔算多人，但去到8點差唔多滿座屋企人早到，前菜留左幾塊青瓜比我菜式有好多款，選擇困難症又發作，一邊諗一邊點菜，職員好有耐性，服務態度非常好，抵讚蜜汁叉燒色澤紅潤，咬落去啖啖肉，仿肉既口感完全唔似食齋，荷葉包似台灣刈包，清淡鬆軟，配上幾片青瓜，減去油膩感。用荷葉包將叉燒、青瓜夾埋一齊，超級好食！由左至右是士多啤梨骨、秘製沙拉骨、九製陳皮骨，一次食齊三款口味。賣相吸引，色彩奪目，配上香甜既士多啤梨、帶酸既陳皮、美味既菠蘿粟米，果然係招牌菜！ 芋頭魚非常鬆化，芋蓉札實，唔會一夾就散，係素食必點菜式之一芋蓉味濃，蔬菜有西蘭花、花椰菜、椰菜、小棠菜、三色椒、薯仔等，既高纖又抗癌。呢到要特別讚下，薯仔煮到好淋好入味，係我鐘意既口感，全部比我食曬伊麵從來同「健康」沾不上邊，油分極高，見隔離枱叫左，屋企人又想食。用三色椒、椰菜代替肉類，用炆取代炒，無甘油淋淋，算係「健康版伊麵」出面好少地方有賣腰果露，熱辣辣好香滑，唔會過甜，既養顏又排毒，健康人士都可以安心進食屋企人由耍手擰頭變成豎起手指公，仲問幾時有下次。可以得到食肉獸的青睞，大自然素食，確係無得頂！…查看更多

旺角創興廣場附近開左間麵包舖，價錢大約$8至$35收銀隔離擺左幾個兜可以試食，但幾款麵包放埋一齊，無寫麵包名，要問店員先知係咩包，問多兩聲都唔好意思，加上一入門口就係試食區，外面既灰塵好似吹入黎……風味芝士材料包括芝士粉、芝士粒、芝士片，類似Pizza既麵包結論：衛生有待改善，麵包質素唔差…查看更多

早排經開葵興新商場Life@kcc，見到開左間85度C，即時睇下有咩包岩先玫瑰芝士、丹麥奶酥菠蘿、芝士大亨、奶香水蜜桃、鮮奶合桃芝士堡...樣樣都好想試另外，呢到比較特別，出售大阪燒，只係$13最終買左人氣之選：玫瑰芝士麵包頗大，上面佈滿芝麻 、少量穀物，但夾上黎個陣，有d輕飄飄，心諗唔會得個樣掛...結果，伏已中，撕開一半，說好的芝士餡少得可憐...麵包味道偏淡，應該少油少糖結論：用$12買左呢個伏…查看更多

旺角熟食中心絕對係平民飯堂，呢次試下「金萊原盅蒸飯」。晚餐選擇眾多，價錢合理，蒸飯套餐都係$31至$36對相隔離既朗豪坊，價錢係天與地。當然，前提係您唔介意與人搭枱＋有不少中年男子患有選擇困難症既我，最後揀左「鼓汁蒸鯇魚」套餐，包括：菜＋魚＋飯，送1杯熱飲。正當我比完錢，再望下餐牌有咩食既時候，老闆已整好套餐，香港人果然有效率食物質素：就是住家飯（甘既價錢你仲想點）減肥人士都岩食既晚餐，更適合長期糧尾既我下次出開旺角，絕對會再幫襯…查看更多