肥絲大隻的个人专页

廣島蠔 ，炸粉唔厚，食落唔會成啖粉，同埋無腥味，整體都唔錯，可以一試。.神山湯餃，成餐最好食呢個，個湯好好飲，雖然有少少油，但我都忍唔住飲左幾啖。餃子係煎過再浸湯，所以同平時既湯餃唔一樣。咬落會有爆汁。.白神山豚角拉麵，湯底幾濃郁唔錯，不過食落只係一個好普通既拉麵，無咩驚喜，但肉質都夠冧，睇得出有下過功夫，初次去既朋友仔都可以一試。.叉燒沾麵，其實個湯味道不錯，唔會好鹹，而且麵既口感好好，有咬口又唔會好硬。但衰左係湯唔熱同肉好靭，碗湯上到枱唔熱唔暖咁。而且肉又咬唔開，又大舊，成碗野就扣左好多分。…查看更多

比呢間台灣野既門口吸引左入去，門口有好大碗麵，見到就想食。叫左一個二人餐，包左一大碗牛肉麵加兩個小食同兩杯野飲，另外再加多左兩個小食。因為佢d小食樣樣都好吸引 。.首先講下d小食先，鹽穌雞一碟大約5-6粒，係大粒既，而且炸粉唔會好厚，都有肉食，味道唔錯，唔會好咸。地瓜條食落蕃薯味好香，上面加左d准鹽更加香，外面咸入面甜。一口炸豆腐簡直一流，外面炸得好脆，入面係好滑既豆腐，唔會炸到好乾，咸咸地，正。不過佢既豬耳就麻麻地，唔入味，又切得太細條，令口感唔好食。到佢既主食牛肉麵，佢一碗入面有幾款牛肉，樣樣都出奇地好食，唔會因為太大舊而嚡烚烚，佢仲教你食呢碗麪既次序。鍾意食辣既一定要試下佢地既辣椒油，真係唔錯。最後係野飲叫左珍珠奶茶，佢既奶茶都幾好飲，拍得住出面既手搖奶茶，但珍珠就硬左d，唔知係咪因為就關門d珍珠唔新鮮。…查看更多

估唔到屋邨商場都有好食既泰國菜。雖然唔知係咪正宗，但好合香港人既口味。.冬蔭公湯好足料，好多菇係入面，味道唔算好辣，酸酸辣辣咁，好開胃。佢有得揀大煲同細煲，細煲有4隻蝦，分到大約6碗湯左右。金邊粉有幾隻，可以轉炒河粉。我叫左最普通果隻，通常食泰國野都係果隻。個粉茄汁味比較重，炒得好入味，如果辣辣地應該會仲好味。菠蘿炒飯都好足料，又大兜，而本人覺得無咩特別，略嫌d飯太硬。但同行朋友好鍾意呢個菠蘿炒飯。…查看更多

寶琳看似好多野食，但有時真係揀唔落手，唔知可以食咩。呢間野雖然唔起眼，係商場既盡頭。而佢有一人一鍋既壽喜燒鍋，價錢唔會比xx家貴好多，而且d牛肉新鮮好多，菜又多d，值得一試。佢仲有隻生蛋比你，等水滾最後仲可以打蛋花。佢係同另外一間拉麵屋合作，如果同行既人唔鐘意打邊爐，可以叫拉麵或者咖哩飯，而佢既拉麵都好食，又唔算好貴。.另外，環境都算闊落，見到好多一家大細黎食。如果係寶琳唔知食咩既時候可以黎試下。…查看更多

夏天太熱有時都無咩胃口，想清清地可以食越南菜。3個人叫左3個主食3個小食。. 招牌會安雞飯，個飯都幾好食，d雞都滑既，但就無咩特別，唔算濃味，適合小朋友食。生牛肉湯粉，食越南野唔少得要叫既，佢既湯好味，加埋河粉食會無咁咸。牛爽腩湯粉，純粹想試下，都唔錯既。牛油雞翼，比想像中好食，岩岩炸好，熱辣辣，又唔會炸到乾曬，讚👍🏻越式炸春卷，都係熱辣辣咁上枱，佢個皮唔同平時酒樓果d皮，無咁厚，所以咬落去唔會成啖油。香矛燒雞串，燒得d肉有少少o鞋，不過個味都唔差既。. 總括黎講，d野食都唔錯，價錢都唔算貴，但係份量就比較細，大食少少既人可能唔夠飽。…查看更多

初初以為呢間係食粥底火鍋，入到黎先知原來係食蒸海鮮，又係一個新體驗。.佢最底係煲粥，如果想食多d粥，最開頭要叫大碗飯，如果叫細碗最後就好似飲水咁。跟住d海鮮係上面蒸，海鮮既精華會滴落去d粥到，個粥就會好甜。佢唔單止可以叫海鮮，仲可以叫其他既野食，都好好食。佢既海鮮好新鮮，好甜，而且啖啖肉，蒸龍蝦同埋蒸蜆真係出色，好好食。食完真係好想再食。想個粥甜d可以蒸雞，雞汁滴埋落d粥到令到個粥更加甜。另外既野食都好好食，例如馬拉糕，粉果，一定要叫。.不過呢間野都算貴，希望佢可以有多d優惠啦，哈哈。…查看更多

間唔中食下呢d舊式既餐廳都真係唔錯，比佢既常餐吸引住。.一份常餐有足料既火腿蛋庵列，又有一件牛油三文治，加一碗沙嗲牛公仔麵（都有其他麵揀），好大份好夠飽。重點係一杯茶走，個味教得岩岩好，茶底夠濃，唔會得個甜味，佢既麵包同蛋撻都好出名，d包係自家制，絕對唔係空氣麵包，咬落去好有口感，仲要大大個。蛋撻一出爐就好快買曬，keep住熱辣辣出爐，仲要係酥皮撻，正！可惜唔記得影相。.佢仲有其他豬扒意粉都係推介，但每次都係會想食常餐。…查看更多

呢間泰巷係將軍澳都有兩間，而且味道都唔錯，有時都會黎食下午茶。而佢既晚餐有二人套餐，都好抵食。二人餐有一個併盤，飯/麵揀左牛肉炒河（下午茶成日食），主食今次揀左豬手，湯揀左冬蔭公湯，野飲叫左兩杯泰式奶茶。.併盤每樣小食都有d，最鍾意食佢既蝦餅，有時會另外加單。牛肉炒河唔洗諗，一定係好食先會成日嗌，因為炒得唔會好油，又大碟。冬蔭公湯有d海鮮，又夠辣，所以好鐘意飲。豬手係第一次叫，炆得好淋，又入味，但有d位好o鞋，唔係成兜都咁嫩滑，淨係連住皮既位先滑。而泰式奶茶係必嗌之選，好飲，不過就有d甜。.另外我鐘意佢d位好闊，坐得舒服。…查看更多

平時好少去灣仔，都唔知邊到有野食，咁岩行過呢間，細細間，裝修又靚，就入去試下。.下午茶時間叫左兩個餐，瑞士汁乾炒牛河同蜜糖雞翼西炒飯。出奇地，兩個都好好食。用瑞士汁炒牛河多左個甜甜地既味，熱辣辣食又唔會好油，正。個西炒飯同平時既西炒飯差唔多，但個蜜糖雞翼先係重點，外面好脆，入面好嫩，炸得岩岩好，兩隻都唔夠喉。佢既野飲就無咩特別，凍檸茶同茶走同平時茶餐廳差唔多，下次叫咖啡唔知會唔會好d呢😂.如果去開灣仔一定要再黎食👍🏻…查看更多

呢間之前已經食過拉麵，覺得幾好食，所以黎試下火鍋。雖然佢係日本餐廳，但都有泡菜火鍋。.一個火鍋兩個人食，再加左一份拉麵同一份烏冬，岩岩好。佢有好多菜同金菇， 牛肉都好多，初初以為得兩塊一定要追加，後尾都唔洗，佢既肉都係大塊既，唔會煲煲下唔見左。而且佢有d原隻上既薯仔，唔夠飽食埋佢就飽曬，而且一值煲到最後，入曬味。最後放埋烏冬同拉麵，原來拉麵咁樣食都唔錯。.有時兩個人係旺角食飯唔想同人迫，呢到係唔錯既選擇。…查看更多

係旺角見到好多呢d冰室，感覺好懷舊，成日都會忍唔住入去食。叫左一個火腿爆蛋菠蘿包，一個西多士，一個常餐同一個皇牌餐。.爆蛋菠蘿包真係好爆蛋，d蛋黃流曬出黎，但要睇個人口味，因為平時食開既菠蘿包唔會有咸味，我就唔太喜歡。西多士係傳統既花生醬西多士，感覺上係出面已經好難食到，所以覺得好味。常餐係十字牛奶豬骨湯意粉配香煎豬扒，牛奶炒滑蛋及牛油多士。呢個餐既味比較清淡，好彩個豬扒唔係好薄既豬扒，救返成個餐。皇牌餐係香濃蕃茄牛肋肉湯通粉配黑松露炒滑蛋及牛油方包。呢個餐濃味d，黑松露滑蛋都唔錯，茶餐廳黎講都算特別。.雖然佢有好多特別菜式，但有得揀都唔會再揀呢間。…查看更多

台灣餐廳愈開愈多，呢間新開既都少不免要去試下，下午2點幾去都唔算多人，唔洗等位。.叫左兩碗麵，都係特式推介。人氣精燉牛腱心同招牌麻辣牛三寶，加多杯形珠奶茶。精燉牛腱心既湯望落好清，但唔會無味，刀削面都好有口感，唔會好硬，岩岩好，而個牛都好淋，唔會好韌。另一個麻辣牛三寶唔算好辣，有豆腐、鴨血同兩款牛（牛展同鮮牛肉片），鴨血同牛肉都好入味，但豆腐可能太大舊所以唔太入味。而個珍珠奶茶就有d失望，珍珠係白色珍珠，好硬。個奶茶雖然唔太甜，但有d淡口，無味。.而佢既麵份量少，唔夠飽，做午餐或者晚餐就可能要叫多兩個小食。…查看更多

旺角家樂坊新開左幾間裝修好靚既餐廳，呢間係其中一間。好貼心既係等緊位已經有零食野飲比你食，唔怕餓親。一行十人黎到，可以入房坐，可能新開關係，裝修好新淨，仲有比小朋友玩既地方，真係好貼心。.出奇地野食都唔錯，但有d牛已經賣曬，無得試。湯底一上已經好吸引，因為材料好足，湯底推薦麻辣湯。佢既鮮牛肉好好食，碌完都唔會縮曬，又唔會好韌好‘鞋’。推薦佢既水餃，蝦滑同響鈴，水餃大大粒，一咬落去好有滿足感。蝦滑都好食，比另一個乾貝魚滑好食。響鈴浸落麻辣湯簡直一流，平時唔食響鈴既我都忍唔住要食多一條。其他既配料都好好食，基本上每樣都好滿意。.最後埋單每人大約350，唔係任食黎計，佢既價錢都算唔錯。下次可以再食👍🏻👍🏻…查看更多

依家觀塘有好多係工廠大廈入面既餐廳，好多都有唔同既特色。呢間factory99個門口已經好靚，無驚走錯路既感覺😂入面既格局都好靚.我去到既時候已經係下午3點，耿耿比我趕到食Lunch Set。我揀左意式茄醬芝士焗雞扒配薯菜加杯凍檸茶，佢仲有湯送。初初以為叫薯菜唔會好飽，但佢好大碟，成隻碟一半薯條一半雞扒，而且d薯條炸得好脆，仲好熱，唔係炸定放係到👍🏻個雞扒有d普通，但都好味，都算滑，加埋芝士都ok夾。個湯都唔錯既，似屋企飲果d湯。.食完先知佢最多人食係焗豬扒飯，下次一定要再試下，同埋要影多d相。…查看更多

星期日既下午想食得放鬆d，可以揀食車仔麵，呢間車仔麵都係唔錯既選擇。.蕃茄魚湯底雖然無咩蕃茄味但好甜，搭夠，台灣麵好有口感，麵唔算好闊好硬。令一個麵叫17歲的麵，似上海麵既粗幼，湯分上都係有原因，因為d麵好索湯，會浸到淋曬。唔鍾意淋麵記得唔好淋d湯落去。.講完湯同麵就到d餸啦。炸魚蛋十分推介，同平時唔同，彈牙又好味。貢丸餅好有口感，唔似食緊貢丸，如果鍾意食丸既人一定要試。而豆卜，大腸同鴨血都整得好入味，鍾意食內臟既都可以試下。但佢既鮮牛肉有d令人失望，肉太淋，有d梅既感覺。.另外叫左兩款推介小食，炸豬扒同雞翼， 豬扒雖然有d薄，但係好味既，唔會食到成口炸粉，又唔會炸到乾爭爭，唔錯。而雞翼係冷盤，浸熟左再係面加麻辣醬 ，而且佢切到單骨，好方便食。但有個缺點係，佢要有好多醬先有味，但麻辣就食到成口油，令佢既口感麻麻地。.總括黎講，可以返兜試埋其他餸👍🏻👍🏻…查看更多