marieeee的个人专页

一入舖已經覺得好韓國! 這附近少有的韓國風餐廳, 由門面,餐具同埋食品選擇都好韓國!對於有韓國狂熱既我黎講真係好吸引!呢日和友人共晉晚餐, 選了餃子,海鮮面同埋韓國KIMBAP上碟時送的泡菜好辣 但真係唔錯wo!不過略嫌個KIMBAP無左紫蘇葉 欠左韓國風味了 令個KIMBAP失色好多 好普通同埋個餐盤應該係買錯左平貨?全部[谷]起曬 餃子/麵都係大碗熱湯 幾怕唔小心倒瀉...不過OVERALL 都算唔錯 值得ENCORE! …查看更多

呢一日因為公眾假期,,同屋企人出街食飯,,為了就腳所以又黎沙嗲王開餐嚕=]一行六人叫左ok多款野,,食完埋單只係$400唔洗,,真係唔錯,,不過味道真係太濃,, 食太密的話感覺會好唔健康:( 白咖哩豬扒飯呢個簡直係沙嗲王既必叫no.1 哈哈幾乎每台都有一碟!delicious 豬排唔太韌之餘 個汁撈飯一流!炸雞軟骨食落炸粉果層有D厚,,同舊骨分開感覺唔多好,, 芒果蟹肉炒飯唔多夠味 但芒果個味好出 同埋真係見到ok多蟹肉葡汁四蔬um,,有D失望囉 四蔬係:西蘭花 細細條粟米 細細條蘿蔔 同 薯仔真係唔多吸引囉-_- 豉椒炒聖子味道ok 不過D肉好韌 同埋數量唔多 得10隻多D ja! 避風塘軟殼蟹favourite pick no.2! 如果唔係怕熱氣 多多都食得落!真係好好味呀! 蟹粉豆腐呢個都唔錯架 撈飯超正! 真係食到有蟹粉既味=]椒鹽豆腐呢個都ok啦 個味比較淡 一定要點醬油不過豆腐滑滑的 唔錯!not too expensive but delicious ,, must encore again XD…查看更多

呢日同朋友出左一日街,,晚飯決定找一間坐得舒舒服服既餐廳,,結果又黎左和民了=]由於真係好肚餓既關係,,我地一行三人叫左都OK多野食,,炸雞軟骨每次必叫,,炸得幾好,,唔會食到一口油,,而且份量都OK架!炸軟殼蟹呢個份量少左D啦,,同埋味道唔多夠,,不過唔鐘意雞軟骨咁硬既炸物的話,,呢個就剛剛好,,脆身而且都唔會一口油的!牛肉火鍋 追加烏冬神奇既事就係呢度發生了!通常追加烏冬都會有多個細壺裝住D湯底既,,呢次我地打開個壺,,竟然裡面係空既,,真係當場呆左-_-催下催下又等左好耐lu,,好食既就唔介意等既,,只係覺得D員工唔夠細心囉而且可能有D人好新啦,,同我地講話得一隻蛋,,最後叫第二個staff先加得到明明對上幾次都有兩隻架嘛!蒜香海鮮炒飯料是夠的,,不過想有味的話,,請自行落醬油,,如果唔係會好淡! 忌廉海鮮pizza呢個真係失望喇!個餅底好乾,連埋面頭D汁食都好乾!一邊飲茶一邊食至吞到!芝士年糕薄餅芝士年糕+普通薄餅的crossover,,即係平時個芝士年糕+D菜再煎,,建議都係份返開好味D-V-朱古力熔岩蛋糕呢個dessert,,我地食曬main course先叫,,叫佢可以即刻上,,結果等左半個鐘都未到!催完之後再催,,結果我地為左呢個dessert竟然dry等左40分鐘,,真係火都黎!食咩都無味啦!我都知我地可能分開左幾次叫野食係麻煩D,,不過食完真係好炆囉,,成日舉手唔該都無咩人理,,下次要去間無咁多人既分店至得!不過總括黎講野食係好食既,,service差DD啦,,都算唔錯的=]…查看更多

呢一日突然好想食雪糕,,未免浪費quota,,都係黎返haagen-dazs實際D =]呢日同友人夾份點了一個心花怒放,,賣相好好,,真係好detail,,而且可以選四種味,,我地選左lemon sorbet, chocolate n cream, chocolate orange, strawberry cheesecake,雖然四個都係細球,,不過對於怕肥唔多敢食雪糕既我已經好好好開心=]而且裝飾既strawberry切得好靚,,食得開心之餘,,亦有視覺享受*nice try,,看來我好快會enncore喇~!…查看更多

呢日第一次去翠華開餐,,本來期望好大,,話曬翠華係間好出名既茶餐廳,,今次食完感覺只係普普通通而已!一行四人去到唔知叫咩好,,為左快咁就決定要四個常餐啦,,點知原來常餐係兩點半後至有,,咁點解唔叫下午茶呢-___-結果我地叫左精選午餐,,粟米龍利柳黃金蝦飯,,+凍檸茶盛為五十大元!以茶餐廳水準五十元真係有D索價太高,,不過話曬身在中環咁既價錢差唔多,,野食既味道都OK,,當一餐普通lunch囉,,如果係慕名而去的話就真係要三思,,而且避免午飯時間去,,真係好多人,,好迫-__-…查看更多

朋友用手機send左張buy one get one free既PCC coupon比我,,見呢日無野做於是就去左嘆咖啡=]呢度既環境幾舒服架! 不過會略嫌嘈左D,,但咖啡加上半價的吸引力,,真係值得=D呢日友人叫左cuppucino,,而我就叫左vanilla latte,,我唔算係咖啡愛好者,,而且我好甜的,,所以我自己就覺得好好,,反而同行既友人就覺得vanilla太甜喇!anyway,, PCC真係一個好好傾計既地方=]…查看更多

呢一次既貢茶真係令我好失望!叫既野同平時差唔多,,只係好普通既珍珠奶茶同綠茶可爾必思,,結果行到埋櫃位等成兩三分鐘部機先買到野,,買到野之後發覺我要少冰既無少到,,要細筒既就比大筒,,同埋唔明點解叫左後面幾個號碼至叫翻轉頭到我!雖然只係好微小既事,,但係就令我對於貢茶扣左分喇!當然,,我唔會放棄我最愛既台式野飲,,不過希望下次可以好D啦=]…查看更多

呢一日返到屋企見有D夜,,於是提議同屋企人去附近既富臨打邊爐喇!我地坐低既時候已經過左9pm,,很好,,咁就可以碟碟($20/ $16)exactly價錢已經唔記得,,不過一家四口食到飽到可以捧住個肚走,,埋單都只不過係$250唔洗!無錯,,計落係仲平過果D咩$88任食既邊爐,,咁樣一碟碟叫,,D野食一定比平時任食既邊爐擺曬係度新鮮,,而且選擇都幾多架,,唯一唔好處就係偶爾都會有漏單/ 出錯菜既情況出現,,叫金菇就黎左冬菇咁,,基本上都算唔錯,,而且9點後人客唔算多,,一d都唔會迫住,,可以encore=] …查看更多

呢日黎到荃灣既沙嗲王食tea,,本來沙嗲王都算係我既favourite picks之一,,不過呢一次真係幾失望,,可能我平時都係旺角食啦,,今次一黎叫既野雖然差唔多,,不過味道就差D喇,,下次都係旺角好D :(呢次叫左避風塘軟殼蟹同白咖哩豬扒飯,,個白咖哩豬扒飯都算唔錯,,撈飯一流!由於我地點既時候仲有lunch set,,細心既侍應都提返我地有杯野飲送,,呢點真係幾滿意!至於呢次食既避風塘軟殼蟹就差D,,竟然好似唔入味咁!炸就炸得唔錯既,,不過味道就差D嚕,,,無左一貫既水準!總括黎講沙嗲王算係唔錯既,,價錢大眾化之餘又多選擇!…查看更多

呢一日同友人黎左呢間想試好耐既cafe,,聞名以久既latte art,,呢次終於試到喇=]呢次去到大約十二點幾,,客人唔多,,一入到去,,見到張餐牌(一張白色A4紙),,原本都有D猶豫,,不過D野食黎到之後,,食左一啖就知我無黎錯!我同友人既pasta都唔錯呀=]之後我地杯latte就到喇,,真係唔錯,,個公仔睇到我地心花怒放XD哈哈值得一試! …查看更多

呢一日又經過貢茶,,見到有promo草莓歐蕾$14->$12,,返正想試下新野就買左呢杯草莓歐蕾,,買之前特登問下店員咩係歐蕾,,店員話係類似乳酸既野,,一飲落去,,哦!原來即係AB優乳酪!味道完全一樣,,不過唔會好似乳酪咁thick,,夏天解渴都唔錯,,而且呢杯呢就有少少草莓果肉囉,,不過真係少少架ja,,總括黎講都唔錯既,,試下新野丫嘛=]…查看更多

呢一日去左pizza hut 試新批!呢排做緊恆生信用卡promo,,西班牙tapas批2人餐 $223有大批一個+ 一個意粉 + 一個前菜 + 兩個海皇湯 + 兩杯西班牙特飲價錢唔算好抵,,加上D選擇越來越少(D意粉個個都係平果D),,所以唔係有新批都唔會去食~~呢日四個人開餐,,叫左一個2人餐 + 海鮮寬條面 + 燒排骨伴薯格個批都OK啦,,不過我自己prefer普通芝心批,,因為我係鍾意cheese 奈何呢個tapas pizza真係無咩cheese味!跟餐意粉選左肉醬意粉 (4個頹選擇之下已經係最好果款)無期望,,所以亦唔會失望,,普普通通啦!跟餐前菜選左 秘製脆雞柳配芒果salsa醬我唔多喜歡隻醬D味,,同埋熱辣辣既脆雞,,點凍冰冰既甜酸醬效果唔太好呢一餐雖然無咩特別好食既野,, 不過當普通dinner都算OK啦!可以算不過不失~ …查看更多

因為就快生日,,呢晚就同朋友出去食飯=]兩個人叫左四,五樣野,,都算OK啦=]不過可能今日客多? 想落單都無人理! 結果要行去叫至有人落單!之後斟D茶又唔熱,, 服務比之前差左!不過始終和民都係我favourite pick之一*牛肉火鍋(追加烏冬)味道唔錯 而且今次比左兩隻蛋,,平時只有一隻ja!一直都幾欣賞D牛肉,,薄薄地,,一D都唔會太"鞋"豪華壽司盛合同壽司店既壽司比黎,,D飯可能失色D,,不過呢 面頭既蝦/ 三文魚/ 帶子 都幾正架!串燒併盤今次選了鹽燒的,,加埋檯面瓶"五香粉" (sorry,,呢個唔sure)味道真係唔錯,,不過分量好似少左? 明明上個月去食係有兩隻雞翼架! 朱古力熔岩蛋糕類似brownies配兩球vanilla ice cream,,食既時候再淋上朱古力醬,,怕甜既人最好唔好試,,因為真係好甜!不過我好甜既就OK啦XD yakult & grape fruit KAGOME$29既價錢,,我下次會選擇街邊任何一間既巨峰乳酸-_-真係唔係好得,,都係安安份份飲茶算-_____-overall,,野食唔差,,係杯野飲敗筆者,,而且值得一讚既係二人卡位係一張L形沙發,,坐得舒服之餘,,又唔會好似平時咁面對面坐太遠傾唔到計!good design :)…查看更多

今晚晚餐時間得20分鐘,,要平要快要有位又要穩陣,,唯有又KFC,, 呢次叫既係超級雞翼餐B,,$31.8 有5隻雞翼 + 辣汁蘑菇飯 + 葡tart + 汽水,,5隻雞翼有兩隻巴辣香雞翼/2隻至激青芥末雞翼同1隻咖喱惹火醬呢次係第二次食喇,,已經無左新鮮感,,不過令我意外既係呢間KFC既野食比上次九龍bay果間分店好好多!咖喱惹火醬味道不錯,,真係幾惹味!青芥末有少少芥末味,,唔會辣,,反而我覺得有少少似洋蔥/蒜味,,都唔錯既!今次D雞翼炸完都唔會太乾身,,而且個飯擺15分鐘後仲係熱既,,D飯唔會似聲米,,比其他分店好!總括黎講都OK既,,值得一試=] …查看更多

呢日見好耐無食過KFC,, 於是就趁有時間去試下新餐,,$31.8 有5隻雞翼 + 辣汁蘑菇飯 + 葡tart + 汽水,,都算幾抵啦!5隻雞翼有兩隻巴辣香雞翼/2隻至激青芥末雞翼同1隻咖喱惹火醬咖喱惹火醬味道不錯,,真係幾惹味!不過青芥末呢就毫無芥末味,,連唔食辣既我都唔覺得辣/有芥末!而且D雞翼炸到無曬肉汁,,真係有D失色,,總括黎講都OK既,,比其他餐平D囉,,不過真係幾熱氣,,間唔中一次就好喇~ …查看更多