xxastriaxx的个人专页

早排同朋友聚舊，約左嚟食呢間越南嘢😋炸軟殼蟹米紙卷好食！軟殼蟹炸到脆卜卜，而且仲熱熱地，應該炸起冇耐！😋 黏糯嘅米紙卷包住爽脆嘅青瓜、紅蘿蔔同埋軟殼蟹，口感好豐富！推薦可以試下！😁手撕雞湯粉雞肉都幾嫩，唔會鞋颯颯👍🏻 湯底都幾清甜，冇味精味😋 比較surprise嘅係佢嘅分量都幾大😋 一個人食一碗食到好飽😂燒牛肉撈檬牛肉都幾嫩口，有肉味👍🏻 撈檬嘅汁酸酸甜甜，非常開胃！😋😋😋芒果熱情果沙冰沙冰唔會太甜，而且好濃芒果味😋 啱晒鍾意芒果嘅我😋 最頂仲有好多熱情果，兩者嘅味好夾😁總結！價錢唔算貴，而且都幾好食，不妨一試😙…查看更多

聽聞呢度有沙嗲牛任食，仲要只係48蚊，於是特登去試下！閒日下午茶時間唔算好多人，一入去就有位坐。鋪頭好企理，好光猛，感覺都幾乾淨😀 落單之後等左陣，熱辣辣嘅沙嗲牛就煮好啦！😋 牛肉每嚿都好大塊，一碗入面差唔多有六、七塊牛，好足料！😆 而且每一塊都沾滿沙嗲醬同花生醬，食落勁惹味！😋 太陽蛋煎得啱啱好！燶邊得嚟個蛋黃仲係流心㗎！😋😋😋 麵底就正正常常，唔會煮得好腍～ 下午茶嚟講，呢個真係超級飽肚，我食到盡都只係食到兩碗😂 連埋男朋友，兩個夾埋都只係食左六碗（暴露男朋友食量😎） 為左避免浪費，所以鋪頭規定要食完一碗，先可以再叫下一碗，去食嘅朋友仔要注意呀～ 🫰🏻總結！超級抵食！性價比超高！係附近返學返工一定要試下😋…查看更多

琴日嚟呢度為朋友慶祝生日，一入到嚟就見到坐滿晒人，非常熱鬧！門口嘅櫃放滿晒board games俾人攞嚟玩，board games嘅種類繁多，有常見嘅大富翁、uno、啤牌，都有啲唔常見嘅狼人殺、爆炸貓等等，總有一樣啱玩！😁我哋叫左一個Party Package（M1)，每人148蚊就有一份沙律、兩個主菜、四款小食、朱古力慕絲，仲有特飲任飲！😋 每份嘢食都好大份！我哋四個人都好夠食！（甚至食唔晒😂） 餐廳上菜速度幾快，十分鐘左右就上晒所有嘢食🔥 卡邦尼意粉非常掛汁，仲落左好多煙肉！每嚿煙肉都煎到好香😋而個燴飯就有啲辣，我唔太食得辣所以淨係食左少少，但係都幾惹味😁鐘意辣嘢嘅朋友不妨試下😁啲小食都非常有水準！雞翼煎得啱啱好，啲皮勁脆，而入面嘅肉仲係好嫩！加埋啲蜜糖，食到舔舔脷😋 其他炸物都係啱啱即叫即炸，每樣都係脆卜卜、熱辣辣！我最鐘意就係嗰炸薯角👍🏻 外脆內軟，加埋啲茄汁同沙律醬，食到停唔到口！大推！🔥甜品方面就不過不失，嗰慕絲唔會太甜，仲加左少少杏仁同棉花糖，口感上更有層次！反而特飲方面有啲失望😔 我哋試左巨峰青提乳酸、荔枝特飲同埋青芒特飲，但係飲落同樽裝嘢飲冇乜分別，甚至仲有溝左水嘅感覺😔 不過係任飲嘅都可以接受嘅😌最後店家知道我哋係慶祝生日，仲特登送左一件巴斯克芝士蛋糕俾我哋添！🥰總結！呢間餐廳好適合一班friends一齊嚟，又有得食又有得玩！唔錯！😁😁 依家仲有優惠，小食叫夠200蚊可以有五折！🫨 推薦大家嚟試下！😋…查看更多

前日同朋友嚟到觀塘呢間壹.01食下午茶，叫左一個薑蔥手撕雞飯、風琴豆腐牛肉飯、鹽酥雞球同埋一杯台式奶茶，咁多嘢加埋都係140蚊左右，再加埋下午茶時段有優惠，真係超抵食！😋鋪頭上菜嘅速度勁快，唔使幾分鐘就上齊所有嘢🔥兩個飯都好大份，啲手撕雞同牛肉鋪滿飯面，熱辣辣、香噴噴！薑蓉嘅微辣同埋啲酸菜令人好開胃，啲手撕雞都滑嫩，搞到我哋話咁快就食晒成盒！而牛肉飯都唔輸蝕，啲牛肉好入味，嚿風琴豆腐更加係吸滿牛肉汁，每一啖都爆汁！😋鹽酥雞球都炸得啱啱好，外脆內嫩，令人一食就唔想停。而我最鐘意嘅都係杯奶茶😌茶味濃，而且甜度適中，啱晒鐘意飲奶茶又驚肥嘅女仔🥰 大家快啲去試下！…查看更多

早幾日係將軍澳Popcorn呢間一橋拉麵同朋友食lunch，係我第一次食呢間嘢，發現都幾好食！😋海老濃湯叉燒拉麵嘅湯底真係好濃蝦味，而且好醇厚，仲有少少辣味，令湯底更加惹味！😋 拉麵都煮得啱啱好，夠彈牙👍🏻一橋辛辣油麵超級好食！本來驚冇湯會好乾，但係食落完全唔覺！油麵嘅油香超級吸引，個麵有少少辣，係我呢啲唔食辣嘅人都頂得順嘅程度😁 非常惹味😋 食完一碗大盛都想再叫多碗😋總結！拉麵嚟講呢間都唔錯，價錢都算合理，經過可以一試～😁…查看更多

今日放工經過呢間海南雞就行入去試下😋 鋪面雖然唔係好大，但係都裝修得幾骨緻，坐係窗邊望住人來人往嘅橫街，都幾有偽文青feel 🤣我哋叫左一個招牌無骨海南雞飯、一個泰式蜜汁豬頸肉配煎蛋飯，再加兩杯泰式奶茶，總共都係105蚊喳！超抵！🤑海南雞飯45蚊個，本來以為咁平應該得好少雞，點知嚟到，啲雞肉鋪滿半個飯面，每嚿都係大大啖肉，啲雞肉非常鮮嫩，加埋有少少辣嘅醬汁，超級好食！😋 油飯都俾得好足、好大碗，食到好飽、好滿足😁豬頸肉煎蛋飯都係一流！豬頸肉煎到少少燶邊，但中間嘅肉仍然有肉汁，唔會鞋颯颯，加埋啲蜜糖，撈飯一流😋 煎蛋仲要係流心蛋黃㗎！蛋汁撈埋啲飯更加好食😁 可能唯一缺點就係我唔鍾意食青瓜，但係佢每碗都有🤡😂泰式奶茶都好有茶味，唔算好甜，係我鍾意嘅甜度🥰總結！又平又大份，仲要超好食！大推！🔥…查看更多

今日嚟到位於新蒲崗嘅豆漿大王食下午茶😋 聽聞呢間豆漿大王係米芝蓮推介，於是就去試下😁我哋叫左一個招牌嘅鹹粢飯，入面嘅油脆鬼脆卜卜，肉鬆嘅鹹香加埋炸菜嘅微辣，真係非常好食！！👍🏻 每一份都係20蚊！當做早餐或者下午茶都好夠飽😋秘滷肉碎拌麵都唔錯，啲麵幾彈牙，肉碎嘅好入味，但係俾嘅汁唔夠多，撈唔勻成碗麵，食食下就冇乜味😂 上海排骨都好食！即叫即整，一咬落去仲係熱辣辣嘅！😆一入口就充滿油香，外脆內嫩😋肉鬆奶脆多係呢餐入面嘅最愛！！😍多士焗得啱啱好，唔會太乾，但係又好脆😋 煉奶嘅甜味加埋肉鬆嘅鹹味係估唔到咁夾！加上俾左超多肉鬆，每一嚿多士上面都鋪滿晒肉鬆🤤 食到最後連碟剩低嘅肉鬆都唔放過！大推！最後仲有跟餐嘅兩杯豆漿，甜甜地又有豆味，唔似坊間嗰啲成杯糖水咁😋 係咁暑熱嘅夏天，一杯凍豆漿真係令人透心涼😚總結！豆漿大王價錢親民，而且分量都好足，經過一定要試下！…查看更多

琴日同朋友去到旺角食飯，嚟到呢間Coffee Break😁 呢度裝修得好靚，打卡一流👍🏻 嘢食都唔算貴，我哋叫左三個主菜，一個升級跟小食，仲有三碗南瓜湯同三杯嘢飲，除開每人都係一百蚊左右，仲要食得好飽！😋南瓜湯好creamy，南瓜味好濃，每啖都有南瓜嘅甜味😁煙三文魚蕃茄忌廉水管粉係呢餐入面我最鐘意嘅主菜😌 蕃茄酸酸甜甜咁，好開胃😋 但係就冇食到有煙三文魚😅 除左呢點之外都係好好食嘅😁卡邦尼意粉咁經典，當然都要叫番個嚟食！意粉都幾掛汁，嗰醬都好creamy，但就冇乜特別😬手工小薯粒意粉配黑松露忌廉醬就幾特別，我哋以為黃色一粒粒嘅係薯仔，點知一食落去，煙煙韌韌咁，原來係整成薯粒咁樣嘅意粉😂 好似食緊鹹味麻糬咁😂薯條非常出色！😋 啱啱炸好就上枱，每條都脆卜卜，黑松露醬香味濃郁，超級夾味！嘢飲方面就麻麻，叫左雜莓乳酪、繽紛樂朱古力同埋抹茶拿鐵。雜莓乳酪入面有啲雜莓嘅果肉，但係就連埋啲果皮，我自己就唔太鐘意呢個口感😔 加上杯嘢飲飲落就係益力多味，唔係好飲得出有雜莓味😔繽紛樂朱古力相對好飲，唔會太甜，但就係一杯好飲嘅朱古力再加兩條繽紛樂😅抹茶拿鐵好濃茶味，而且唔係好甜，適合唔鐘意甜嘢嘅朋友👍🏻 但我自己鐘意飲甜啲，所以就不太喜歡😬總結！呢間cafe適合鐘意打卡嘅朋友，加上周不時都會有各種應援活動，打卡影相一流👍🏻 反而嘢食就冇乜特別，勝在唔算貴同埋都食得夠飽👍🏻…查看更多

上次同朋友嚟左呢間餐廳食飯，本來係想攞應援物，點知啱啱好派完，雖然有小失望，但食物就有驚喜！我哋叫左蒜香辣椒蜆肉意粉配軟殼蟹、醬燒牛肉拌意大利飯，升級做套餐，有杯特製嘅檸檬茶、栗米濃湯，同埋一個柚子乳酪蛋糕。一上菜就聞到勁香牛肉味，牛肉非常入味，醬料同牛肉好夾味，飯底仲有泡菜，增添了小小辣味，更有層次！意粉都非常優秀！意粉煮得啱啱好，唔會太諗，有小小酸辣味，軟殼蟹外脆內嫩，非常好食！檸檬茶都好特別，加左柚子蜜，多左柚子蜜嘅清甜，令成杯飲落唔會好澀。柚子蛋糕更加係我最愛，食完前面嘅鹹辣嘢，嚟個柚子蛋糕解膩，柚子味好濃郁，酸酸甜甜咁，大推！依家升級套餐之後仲可以加28蚊有埋蛋糕放題，餐牌上嘅蛋糕任食，超抵！…查看更多