apnmrc4wjnjs的个人专页

本身諗住嚟海傍食海鮮，見隔離餐廳幾滿就過咗嚟，叫咗個自選五碟海鮮連油菜嘅套餐，已經知道約$100一碟嘅海鮮質素唔會特別好，但都冇諗過一間正正常常長洲海邊嘅大排檔全部海鮮都用啲雪藏貨。個似係老細嘅中年男人口口聲聲話今日嚟嘅瀨尿蝦係新鮮嘢，其他就唔好預會好新鮮，第一次見啲咁誠實嘅商戶；我哋最後嗌咗蒜蓉蒸開邊蝦、豉汁蒸倉魚、油鹽水瀨尿蝦、蒜蓉蒸蟶子同椒鹽鮮魷，冇一樣係新鮮，全部啲肉都痴實個殼，食落明顯霉霉哋，瀨尿蝦一啲味都冇，唔知自己食緊咩，極度唔推薦。-態度就更加唔好講，一開始個老細過嚟話教我哋揀食物，聲稱自己做開街坊生意，而啲街坊都係會單點海鮮，因為單點會大份同新鮮啲；但我哋嗰時已經揀好晒菜式，同埋比較肚餓，所以就照原定咁嗌。一間餐廳每個餸嘅質素唔應該差太遠，就算唔跟佢推薦咁叫都係客人嘅選擇。作為老細，仲要喺客人落完單之後喺客人面前指住其他人話：街坊就識嗌，會單點食物。真係第一次見一個咁唔識尊重人嘅老細，建議唔識人想感受下被差別對待嘅人可以嚟試下。…查看更多