WingSun214的个人专页

適逢我生日，就叫阿妹請我食餐外賣係公司食，咁橋外賣平台呢間餐廳有優惠，咁就一錘定音啦。我地叫左2個午市套餐，1款小食加1款甜品。午市套餐全部可以自己自由配搭，1個主食，配2個餸，連小食同野飲，成個餐先8x蚊性價比超高😌番茄湯烏冬配香酥雞扒和滷牛腱番茄湯一d都唔稀，有少掛湯，飲落creamy，雞扒名副其實真酥脆，份量都唔少，滷牛腱入味超淋，完全喜出望外！搭配小食台灣腸，皮脆味甜，胃口大開。滷肉飯配牛肋肉，鹽酥雞，滷豆腐滷肉飯唔會超多肥膏，半肥適中，份量完全足夠撈飯，牛肋肉好大舊，啖啖肉，好滿足，鹽酥雞好似食緊爆谷咁，脆卜卜。我將豆腐偷雞浸咗落蕃茄烏冬入邊食，索左汁，好正😍芝士辣脆雞蛋餅成盒有4件好有份量，8成佔比係雞扒，少辣，芝士同蛋餅，增加邪惡感，係幸福嘅滋味。椰汁凍小芋圓仙草芋圓好痴線，無一樣野係我覺得唔好食，芋圓煙靭度適中，唔會硬同太軟爛，咬到少許芋頭質感，大癲，椰汁味都唔會淡，加埋軟嫩仙草，神仙搭配飲品竟然有奶蓋炭培烏龍，仲要係奶茶店嘅大杯裝！唔會好甜，仲要奶蓋都唔係hea貨，係有少少鹹味嘅甜奶蓋，層次豐富！（重點：唔洗加錢）由頭到尾都無失禮嘅一餐外賣😌…查看更多

因為食開另外兩間成日要排隊既泰國餐廳，所以今次就想試下D新意思🙂‍↕️餐廳分上下兩層，無上去上面所以唔知空間有幾大，不過下面空間就比較細🫡餐廳入面全部都泰國人，間唔時聽到佢哋講泰文，仲有YouTube 泰文歌聽，好似去咗泰國咁🤣👉🏻燒青檸牛肉✨牛肉比較生，紅色既地方比較多，未必個個可以接受到。肉質鮮嫩，一咬就爛，唔使不停咬，唔會話好嚡，亦都有牛味。牛肉上面既調味料似係平時用來點泰式生蝦既汁，唔係唔好食，但好普通，無令人驚艷嘅感覺👉🏻菠蘿炒飯✨炒飯份量唔算多，不過有叫其他野食所以都夠。炒飯有菠蘿嘅鮮甜味，亦都有提子乾嘅甜味，可能有人食唔慣甜嘅炒飯。炒飯略嫌冇咩鑊氣，不過唔係中式炒飯所以唔會特別要求🤣炒飯入面有兩大塊魷魚，兩隻蝦，同一隻青口，海鮮好似冇乜點樣醃過，比較淡味，青口食得出係冰鮮青口🫢同埋炒飯入邊有三色豆，未必個個鍾意👉🏻泰式串燒✨叫左雞、豬同雞軟骨，串燒唔乾身，但好似冇咩肉汁🫨每串串燒大約有四舊肉，唔會話好大串。花生沙嗲醬個人覺得唔夠香口，同埋個醬都比較水，我覺得可以再多啲沙嗲，咁會更加好食👉🏻泰式燒雞翼✨味道啱啱好，唔會太鹹或者太淡，醃料醃得幾好🙂‍↕️雞翼有肉汁，亦都唔會燒到好燶，有炭香味，唔錯唔錯，同埋都幾大隻👉🏻泰式冬陰功✨呢碗野覺得唔叫都可以，冬陰功來講佢酸味絕對唔足夠，我一個唔鐘意冬陰功酸味既人都覺得唔夠味🤣同埋飲飲下喉嚨開始唔舒服，不停想飲水🙂‍↕️不過入面既海鮮就幾足料既👉🏻芒果沙冰✨全餐飯既MVP🤣芒果味好濃，沙冰好綿密，唔會有好沙既口感，同埋就算溶咗都唔會變淡變水味，依然好濃芒果味…查看更多

每次坐大飛過大海之後都一定要搵間正宗葡國菜餐廳去食😋今次行行下見到呢間葡景軒好似好吸引，再望埋Menu，就決定食佢🙂🙂👉🏻葡式海鮮飯 ✨一上枱真係‘嘩’一聲🫨份量望落都唔少，重點係個面鋪滿海鮮！每一樣既海鮮望落都好大，份量超多，種類都好多，望落就好有食慾😋海鮮咬落口覺得新鮮彈牙有咬口，唔會霉。蜆唔會有沙，魷魚爽口。調味恰到好處，唔會太咸太淡。海鮮既鮮味溶入左落下面鋪底既飯，令每粒飯都包裹住濃濃既海鮮精華！食完覺得下次可以再encore🙂‍↕️👉🏻葡式烤乳豬✨每件乳豬都好大件，豬皮香脆可口，肉質軟嫩，每一啖都充滿肉汁，有油香。乳豬輕輕咬就可以撕開，好易就可以骨點肉分離。點完醬汁，味道更加有層次感，而檸檬可以消除乳豬既油膩感，令味道更加清新。👉🏻葡式咖哩軟殼蟹配白飯✨咖喱味道香甜可口，帶有少少香辣感覺。每吃一啖咖哩就有啖啖椰汁味，令咖哩整體味道昇華。軟殼蟹脆身，唔會炸得好油，外層炸皮唔會太厚，厚度適中。每一啖都食到蟹肉。蟹肉鮮嫩多汁，用來配飯一流！…查看更多

個朋友生日，所以就趁返工午飯時間去左呢間韓國餐廳食個快飯，反正未食過，試下新口味先。lunch menu款式唔多得幾款，我同朋友分別叫清湯二三脊骨湯同辣湯二三脊骨湯，麵同白飯係同價嘅。落完order之後，店員會先上幾款小菜，有泡菜，芽菜，茄子，認真都幾好食，我朋友清晒d芽菜🤣🤣，茄子就偏甜，所以我鍾意。好快湯飯就黎到啦，好大碗湯，好大舊骨，好細碗飯，巨大反差😅😅以為今餐肯定唔夠飽，好彩lunch set包埋一隻餃子做小食，泡菜餃or肉餃。咁指定動作當然飲下個湯先啦，唔錯啵，牛骨味都幾香，少鹹，但ok飲到嘅，朋友個個辣味反而比較淡，辣味遮蓋左牛骨嘅味道，反而無咁香，亦都唔會好似泡菜湯咁辣，原味牛骨湯好食d🤓唔敢恭維我d筷子功，筷子係典型韓國筷子…好重…連埋舊巨骨…超級重，食得有d論盡，不過d肉連軟骨夾埋湯，好好食，肉都唔鞋，未到散爛，可以筷子撩到落黎食（其實我係屋企係唔食湯渣，點知黎到呢度食晒🤣🤣） 個飯偏硬，可能for你浸湯，驚過爛？但我個人唔太好，會頂胃。肉餃似菜餃多d，有韭菜餃嘅感覺，唔細隻，足料，飲湯後先食餃子會過飽，寧願食唔晒d飯，蠢左🙃…查看更多

喺呢間舖頭開始放題之前都一直有留意佢😆最近喺網上到爆紅之後就決定去試一試雖然佢如果加埋刺身個D價錢唔算好平，但因為刺身新鮮同好大塊所以我相信都可以回到本😆中拖同大拖都好厚好肥美，有好濃嘅魚油味😆不過食多幾塊已經覺得太油🤣就決定轉戰其他刺身三文魚子可以成羹咁食真係好幸福🥰大蝦都好新鮮，唔會食落好霉，蝦肉都好結實海膽都可以成板咁食，真係好正😆壽司選擇勁多，每樣都好新鮮好幸福，不過如果飯可以再細少少就更加好啦😆…查看更多

因為親戚小朋友慶祝百日宴揀咗呢間餐廳，所以就專誠過嚟食餐飯😌-通常第一道菜都係乳豬，佢地既乳豬可以話係成餐飯最好食🤣乳豬皮脆，但肉比較薄身，每舊大細都係一口size，唔會有啲特別大特別細第二道菜係大蝦帶子炒西蘭花。呢碟野好鹹🤣但大蝦同帶子都係正常嘢，西蘭花就有少少草青味第三個係炸蟹鉗，比較硬身，要咬好耐，牙唔好盡量唔好食呢個，同埋佢似係蝦膠溝少少蟹同蝦打成球拎去炸？因為佢冇咩蟹味，但係又好似冇咩蝦味🤣第四碟係鮑魚炆鵝掌，鵝掌無食，但就咁食鮑魚都覺得好鹹然後就有必備蒸石斑，石斑都係好嚡身🤡不過啲配菜就幾好食🤣即係豉油同蔥嗰啲炸子雞比較油，同埋都係比較嚡身甜品係紅豆沙，呢個唔係好甜，即係佢應該冇落糖，但同時都未起哂沙🤣-去到後面愈坐愈熱，要同人講先話幫我地搞一搞，發生咩事大家都知啦🫢🫢…查看更多

來深水埗其實本身想食馬拉菜，點知來到先發現無開，但又唔想喺街搵野食就決定上西九8樓去覓食🙂‍↕️一搵到位坐低見到佢就決定叫呢間🤣因為同行朋友好想搵返喺馬來西亞食到既馬沙拉雞既味道，所以諗都無諗就叫左🤣我就叫左佢地8inch既千島醬海鮮薄餅 $70🙂‍↕️Pizza即叫即整，可以見到入面有位女士喺到搓麵粉，有人叫就開始整。等左10幾分鐘就有得食，Pizza超足料，仲超多芝士，正到傻左，每咬一啖就會有芝士拉絲😆餅皮好鬆軟，連外圍個圈餅都係好鬆軟唔會硬。千島醬好重手🤣所以食到最後一塊已經頂唔順，同埋都幾大，我一個人食左7塊已經不行了，如果細食既女仔就最好搵人share…查看更多

好耐之前已經食過呢間餐廳，係一個朋友介紹俾我聽，佢話呢間餐廳好好食一定要試，聽佢講完試過一次之後真係食過返尋味😋😋所以今次又再嚟食多次🙂‍↕️呢間餐廳每次都好多人排隊，所以如果要食就應該要避開食飯時間🙂‍↕️-呢到每樣食物份量都超大份，食完好飽肚🥺雖然佢每樣食物都唔算好平，但真係好食🙂‍↕️如果想試多幾樣就最好叫多幾個朋友一齊share🤣因為真係樣樣都好大份葡式炭燒豬頸肉$83，豬頸肉以為得好少，點知有超多塊，塊塊都又大又厚🥺佢嘅調味好好食，好啱我🥺連薯角都好大舊油鴨髀飯超香，碗底有飯焦，撈埋一齊食超好食😋油鴨髀有好香鴨味，仲有啖啖鴨香，飯唔會太乾，好正！檸檬蜆都超好食，每啖都有好香嘅檸檬味，食落好fresh，蜆嘅份量都超多同埋無沙，入面既洋蔥令成碟野既口感有大大提升…查看更多

其實我自己就好鍾意食粥嘅，基本上只要係綿粥，唔係可以用筷子一舊舊夾起（overcooked，乾晒），我都收貨。只係呢間我真係覺得抵食又大碗。圍住公司附近我記得有幾間粥舖嘅，幾間我食過晒，係呢間令我特別有印象，其一鋪頭夠大冷氣（有間無冷氣，吹風扇，夏天熱死人），其二佢粥嘅選擇超多，仲要有湯飯，其三超大碗，不論堂食定外賣都係🤓，其四佢地d豬潤好好食🤤🤤完全唔鞋口，亦唔係粉嘅感覺，你會覺得佢真係剛剛好熟！我帶過同事去食，佢都讚不絕口，試過外賣豬潤粥食添。我今日見社交平台有折扣，平過堂食同自取，就索性叫夠3碗粥，油條，牛肉腸，2個人一齊食。-及第粥固然食豬潤，佢d豬肉都係粉嫩色，軟熟，好食，粉腸都唔錯，唔會洗走晒入面嘅粉，都乾淨。油條偏乾身，脆口到硬嘅中間，好過油淋淋。魚片粥典型嘅魚片粥，都係落薑絲同蔥辟腥，好多魚片，不過都有小碎骨，好似一定係有😅😅未試過無，係睇吓有幾大條。我放左幾個鐘做晚餐食，碗粥唔會好似另一間連鎖店（大x傅）咁變左水，Gd ah😉碎牛滑牛粥既滑牛肉滑身，碎牛都有好多，好夠味，食哂成碗粥都仲有碎牛喺底，粥軟綿有口感，但唔會係煮到爛嗰種牛肉腸皮薄身，可以見到透光，但牛肉可以俾多少少，因為牛肉味唔係好夠，大部分味道都係靠豉油去吊起…查看更多

恆安街市的名物之一，就係餃子皇👏🏻👏🏻本身係$44/12隻，姐姐話齊頭俾$50有14隻所以就買左🤣等左陣餃子就煎好啦，餃子係即叫即煎佢哋係預先包好，蒸完之後有人落單先煎🤔一放低聞到餃子超香🫨餃子上面有自家製菜脯，加埋醋同甜豉油，真係超香！我地就叫左韭菜同粟米豬肉餃😛一啖咬落去，皮薄同埋超脆！包既餃子一d都唔馬虎👀餃子會爆汁，同埋好多餡，每隻都粟米多！韭菜多！啖啖都好滿足😌菜脯好惹味，家姐平時唔多食都食到jabjab聲，差啲想吞埋隻碗🤡不過去到最後食晒餃子，得返菜脯係碗底連sauce就會鹹左少少（撈白粥食一流🤤）鍾意菜脯嘅都可以買返屋企，自己煮麵撈飯食架🙂‍↕️…查看更多

有日喺社交平台見到有人大讚呢間小店，D野食望落好吸引🤩所以就即刻趁得閒嗰陣去試一試🙂‍↕️餐廳望落好有歲月嘅感覺，好懷舊🤣入面位置都唔算多，好彩個日6點幾去到都仲有枱🙂‍↕️👉🏻叄重朱古力麻糬窩夫配朱古力雪糕 $84✨本身以為係外脆內軟，外面係窩夫入面放麻糬咁樣👀點知佢係成舊麻糬攞去整窩夫🤣窩夫煙靭有咬口，每一啖都有滿滿既朱古力！佢用嘅朱古力係榛子朱古力，所以係比較偏甜少少🤏🏻 成份甜品全部都係朱！古！力！果然冇辜負佢個名🤣雪糕上面淋滿朱古力碎，朱古力醬，連隔離嘅蛋卷都係朱古力😆真係好正👉🏻自家製野菌忌廉汁松露油曲曲意粉 $102✨意粉硬身，有咬口😋份量雖然唔算好多，但都夠飽，菇份量多，唔會得幾粒👀忌廉汁creamy，意粉食到啖啖松露味，唔會好濃烈，唔會遮住忌廉味🙂‍↕️味道調味適中，唔會太咸或太淡，食到尾都唔會厭，整體味道和諧😋👉🏻慢煮三文魚意大利飯 $138✨每一啖都係濃濃既芝士同忌廉！用匙羹潷起已經見到拉緊絲😆成個飯聞落好香，三文魚好嫩，煎既熟度啱啱好，一分開魚肉就有魚油流落飯到，加埋一齊一啖落口，豐富嘅層次感🙂‍↕️本身擔心食到一半會開始滯，但上面嘅檸檬係神來之筆，檸檬汁瞬間平衡成個飯既濃郁感，味道更加清新🫨👉🏻凍鮮奶朱古力 $48✨朱古力奶香滑順口，味道香甜可口，朱古力同鮮奶既比例恰到好處，但朱古力苦味可以再濃D，咁成杯嘢就更加出色👉🏻熱情果手搖冰茶 $48✨呢杯冇特別，可以唔使試🫢一樣價錢可以有更加好嘅選擇。佢同我飲開既熱情果味道好似有啲唔同，熱情果味唔夠，冰茶亦溝淡咗佢嘅味道…查看更多

南記推出我有生以來見過最多芫茜嘅餐，無理由唔去試下嘅🤓咁有2個套餐，一個三餸，一個兩餸，我就好貪心嘅，一定要最多款個個🙂我要左芫茜豬扒，芫茜扎肉，春卷，米粉，特濃芫茜皮蛋湯同芫茜雪碧。黎到第一眼望到豆卜好似脆架啵，食左先，咦😕好硬啊🥲第二舊豆卜，你同我下海啦！！招牌魚肉春卷同以往一樣好食，聽聞好耐以前係試過脆皮🙂‍↔️不過我無機會食到。芫茜扎肉竟然食到彈牙魚蛋嘅質感！？好神奇！味道都係好好食🤤芫茜豬扒好大塊！厚度適中（可能怕唔熟）燒過嘅豬扒再加埋芫茜嘅香氣，筆墨難以形容😆芫茜皮蛋湯加埋湯面嘅芫茜碎同埋湯底好似西洋菜咁嘅芫茜！簡直成個人入左芫茜宇宙！！！All 芫茜…茜…茜…芫茜雪碧芫茜味搶晒雪碧嘅味道，有種草味🤣🤣好搞笑鍾意食芫茜嘅人真心必食，第一次見張單上面可以出現咁多次芫茜嘅字眼😀同場加映其實仲有芫茜豆腐，芫茜青瓜，芫茜可樂，但我個胃真係唔得了，好飽🫠…查看更多

上次試完個新味之後就心郁郁想試下其他長青款式，所以食完晚飯又約左朋友一齊來食🤣🤣-👉🏻草莓乳酪味✨顏色好鮮艷，整體味道偏甜，上面粒士多啤梨微酸，士多啤梨汁味濃，刨冰中間有餅乾碎轉下味道同多少少唔同口感。冰係乳酪綿綿冰，乳酪味重，食到最尾仲係乳酪味，唔會變水，士多啤梨汁酸酸甜甜，但加埋一齊都係屬於比較甜。個人唔好太甜，所以我麻麻呢個👉🏻焙茶&抹茶味✨個人鐘意呢個口味，有少少甜，但唔會好甜，係甜品界最高評價！好香既焙茶味，食落口都好香茶味，味道好濃郁，清新又唔會膩，食完一啖仲想食多啖。抹茶泡沫好幼滑，抹茶味香濃，加埋焙茶冰一齊食，兩種茶既甘香微苦喺口入面互相輝映，實在驚艷。不過可能佢實在唔算好甜，所以可能會有人覺得苦…查看更多

由以前賣三文治賣到街知巷聞嘅鋪頭，去到依家有賣飯類，鍾意嚐鮮嘅我即刻搭人買個外賣黎食下先！😁厚切餐肉雙蛋飯午餐肉煎過，有香煎味，雖然唔脆，但份量夠晒多，足足厚切有4塊，癲左，好有重量，用嘅午餐肉都唔鬆散，好食🤤雖然雙蛋唔係佢招牌嘅炒蛋，但係煎太陽蛋撈飯都唔錯，都有少脆滑嫩感，加埋日式野菜做配菜，等你營養均衡d，有調味過架，唔係蒸椰菜黎架。🤓我懷疑連男人都唔知食唔食得晒，在下分左2餐😐小食之一口鹽酥雞炸衣好薄，唔會皮肉分離，唔係炸豬排個d脆皮，半煎炸嘅感覺，調味比較濃，有辣味，對我而言比較刺激，size亦都好易入口，名副其實一口雞，yummy～😙手撕雞飯同出面食到嘅差唔多味道，但係無咁鹹，適合口味清淡嘅人，雞肉少軔，芫茜令到雞多左香氣，份量適中，唔會過少，叫左少飯，都係食唔晒d飯😂😂外賣平台自取有8折，仲要包熱飲，性價比高…查看更多

好耐以前係萬聖節嘅時候食過佢嘅期間限定：南瓜冰，成個冰勁iconic，終於都得閒又可以去食啦唸住可以食薄荷朱古力冰，點知去到唔見menu有，可能係上期限定款🥲咁唯有食新嘅檸檬芝士冰with晴王香印提子一黎到個冰一同以往頭咁大🤣🤣🤣🤣我同朋友講：「我自己食得晒架，所以你自己叫多個啦！」然後就黎多個伯爵朱古力冰😆😆檸檬冰酸酸地好清新，幫助消暑，上面嘅cream似岩鹽芝士嘅味道，有鹹香，我以為得冰頂有提子點知原來中間都仲有！！！即刻激動左！因為晴王係香印品種入面嘅名種，甜度高又香，估唔到keep住都有得食，好感動😹除左提子本體，入面仲有提子jelly and 餅乾增加口感，唔會齋得棉花冰咁悶。伯爵朱古力係長青款，上層嘅朱古力冰唔會太甜，味道濃郁，下層就只有伯爵茶嘅味道啦，因為由上而下食，朱古力已經 all done🙂中間都一樣有餅乾碎做配料。我覺得整體體驗好幸福😊我對面個個食到打冷震🤣🤣🤣…查看更多