kl_828的个人专页

一行3人 晚上8:45入去食晚飯職員話9:30閂門 咁我地拿拿聲落單啦未食完已經催我地埋單咁我地俾完錢繼續食啦食到差唔多尾聲 得返兩隻餃未食個職員走埋嚟收走我地其他已經食完既碗筷之後再企係我側邊 望住我食埋最尾嗰兩隻餃子好似俾人監視住咁我一放隻餃入口 準備放低筷子個一秒間 佢就9秒9搶走左係我手中嘅筷子 收晒枱面所有野一句唔好意思都無 好明顯係趕我地走點解可以咁無禮貌 當時未到9:30而且餐廳入面仲有其他客人食緊野有必要咁樣收走我啲餐具 趕我走咩？之後我上網睇返先知原來呢間餐廳不嬲態度都唔好餃子幾好味都無用 我唔會想嚟受氣…查看更多

夜晚9點經過太子見到呢間新開嘅車仔面，環境乾淨企理，價錢合理，三餸車仔面$45，一於試下佢咩料。可能太夜嘅關係，油面、通菜、牛腩汁已經賣晒。我同朋友一行二人，叫左一碗魚皮餃蘿蔔大腸撈面配麻辣醬同一碗腐竹牛丸腩肉粗面麻辣醬。碗撈面嚟到，見到個賣相已經知大鑊！白雪雪無色無味無汁。得少少麻辣醬，少得可憐，用嚟撈暈成個面都唔夠。蘿蔔好細舊，兩舊等於人地一舊。總之成碗面係無味！另一碗面到咗，湯底係清雞湯，又係有少少🤏麻辣醬。我朋友諗住拎啲湯底撈落佢碗撈面到希望搭救下。點知個湯底都係無味。史雲生清雞湯仲好味過佢。一碗面最重要嘅係湯底，但係個湯底錯晒！！文記車仔面個湯底好濃好深色架嘛，呢間野竟然用清雞湯，清到不得了。🫠從來未食過車仔面係咁嘅湯底。咁岩隔離枱嗌左碗沙嗲汁車仔面，佢都話啲汁少得可憐🥺…查看更多

見到呢個餐廳用石鍋上烏冬 幾有gimmick 係OpenRice又有400幾個like 滿心歡喜嚟試吓點知佢個烏冬仲難食過759阿信屋自己煮嗰啲個waitress仲要係我面前剪指甲 啲指甲彈到周圍都係 😨係客人面前都咁污糟 可想而知客人見唔到嘅地方衛生程度有幾好😥我當晚嗌咗厚切豚肉烏冬（4件）魚介湯個石鍋烏冬被充滿草青嘅豆苗覆蓋住豆苗加烏冬呢個配搭 本人真係唔識欣賞 好臭青🤢我只好問店員拎個碗仔夾晒出嚟烏冬好淋 一啲口感都無 無牙阿婆都岩食可能石鍋本身熱 個烏冬基本上唔洗煮就咁擺係到都淋晒厚切豚肉唔好食 似煲完湯既豬肉咁肥瘦不均 成舊肥豬肉都夠膽拎俾客食魚介湯底唔特出 唔講都唔知自己食緊咩味問店員有無水 原來餐廳不提供免費飲用水要飲水就俾錢買我最後嗌咗杯熱茶 $5好彩另外嗌咗個牛肉飯 味道算正常起碼無個烏冬咁伏總括嚟講呢間餐廳係難食 自己煮一定仲好味…查看更多

嗌左麻辣小窩米線個湯底嚟到好似清湯另加幾滴辣椒油咁一粒肉碎都無 請問依家啲小窩米線發展到咁架咩？個湯底完全係清湯 得幾條芽菜 莞茜 韮菜 淨係湯底都收$18？！但係menu個藥膳酸辣小窩張相係有肉碎唔通酸辣先有麻辣無？其他湯底$18 有埋醉香雞卷/牛坑腩點解我個麻辣湯底係咁樣….😑…查看更多

用袋鼠嗌咗個二人餐外賣 用紙盒裝外賣雖然環保 但係漏到成袋外賣都係汁 成個盒面都係油 前菜係泰式鮮蝦沙律 啲沙律菜非常新鮮 新鮮到有隻烏蠅係入面添🪰🤢有相為證打去袋鼠客服投訴 佢居然淨係俾返$15coupon我個沙律得兩隻蝦 都唔知夠邊個食🤡仲有個青檸梳打 無味無汽無青檸味個咖喱雞啲雞件又唔斬開咖喱又稀又無味求其食間泰國菜都好過呢間仲有個小食拼盤好細份 單骨雞翼 夾埋都無三隻 食物價錢完全對唔住個質素性價比低大家唔好俾啲假手食評呃咗…查看更多

美孚新開既小店舖頭細細 大約得十個座位門口有員工即場包餃子🥟員工話佢地最出名係櫻花蝦韮菜餃咁我就嗌左櫻花蝦韮菜餃+菜甫餃煎餃雙拼$50 再加+$6米線底另外嗌多份粟米+木耳雞肉湯餃雙拼$49加菜底+$6佢啲餃子偏細粒 一咬啲涵就散櫻花蝦韮菜餃唔係好食到櫻花蝦味 不過味道都ok菜甫餃反而幾好味 辣辣地👍🏼另加$6嘅米線好淋 完全無咬口 岩無牙嘅婆婆食至於碗湯餃既湯底係木瓜粟米湯味道唔算濃粟米餃唔多好味 唔建議嗌木耳雞肉餃就味道正常 不過不失另加$6嘅菜底少得可憐 仲以為廚房俾漏咗 我專登問聲先知係得5條咁多最後要批評下個餐廳設計餐廳門口擺左個雪櫃 入面放左啲餃子專登show俾櫥窗外路過既客人望但個雪櫃正正係我張枱隔離每逢有人落單 個店員就要去呢個雪櫃拎啲餃子入廚房煮如是者 我進餐嗰一個鐘入面 個店員就來來回回係我同我隔離個雪櫃穿插咗5，6次有啲騷擾 同埋出餐時間非常之慢 我當日等左20分鐘或以上 店員話因為每隻餃都係即刻煎…查看更多

以下嘅相全部都係食完先影😂因為無諗過咁難食，最後忍唔住要影低share下俾大家知呢間野有幾伏！//////////////////////////////食川滬菜當然要試下佢嘅小籠包啦呢間餐廳啲小籠包好特別，有好多唔同味我見OpenRice咁多人推介酸菜魚小籠包 咁咪試下囉點知係我食過最難食嘅小籠包🤮綠色皮 入面啲湯係酸菜魚湯唔知係入面舊肉問題定係個酸菜魚味嘅湯問題個小籠包一食落口又酸臭又腥我食完一舊之後好反胃🤢佢嗰種酸味係擺得太耐過期嘅酸，並唔係酸菜魚嘅酸味總之就好難食以下呢舊係食淨嘅 另外嗌咗上海排骨菜飯咁普通嘅諗住實無死啦點知啲排骨薄到...又細塊薄過塊午餐肉味道就普通啦 唔推大家試總括而言，呢餐飯唔合格…查看更多

星期日放假同朋友嚟試下呢間新開日式cafe由於無book位 所以去到要等12張枱可以留電話號碼 有位再call我地 呢點做得幾好嘅最後等咗一個鐘就入座啦上網見好多人推介壽喜燒牛肉飯我當然要試下啦賣相就一般般 似窩蛋牛肉飯多啲味道嚟講 最多值2分🤨個飯超級超級甜我仲幫間餐廳搵藉口 因為壽喜燒汁本身甜嘅 加上新開張 可能廚師錯手落糖落重手咗姐點知隔離枱都有嗌呢個飯 我都聽到佢地覺得好甜😅個種甜味係完全覆蓋咗牛肉味成碟飯除咗甜味之外 食唔到其他味糖尿病患者食完要食多粒藥先得😂咖啡方面就無咩特別呢個食評最主要係話俾大家知個壽喜燒飯咩料😟第一次嚟打下卡都ok既唔會再食第二次…查看更多

見616開咗咁多分店 決定happy friday晚餐去試下本身上網book尖沙咀分店嘅 但full booking咁唯有轉場book太子呢間啦 一book就有位首先讚下呢間餐廳啲牛好有牛味 有好多特別既部位可以食價錢唔算貴除咗有牛食 仲有墨魚滑、魷魚、牛肉餃等等不過飲品選擇就好少 得以下4款讚完啲野食就講下環境方面啦原來太子呢間同其他分店嘅環境差好遠呢間餐廳有兩層 我今次就被安排係二樓用餐地下個層環境ok舒服，但一上到二樓竟然好似去咗平行時空咁完全無裝修，明明上網睇其他分店都唔係咁醬料同埋水係自助拎嘅（醬料每位$10）個位置好污糟 牆上面有污漬加上啲waiter係晒一樓 你係二樓想搵人加湯,換Gas簡直係叫天不應 叫地不聞雖然佢個App有叫人服務 但我叫咗兩次 等好耐先有人黎serve我如果俾我再揀多次 我一定唔好幫襯太子呢間明明其他分店價錢一樣 坐得舒服啲又靚咁多點解仲要食呢間呢？…查看更多

行過見呢間餐廳既午市飯都算平又多選擇，所以就諗住試下咁我就叫咗個蔥油雞扒飯諗住實無死點知碟餸黎到，點解會有兩條腸既呢？我明明叫蔥油雞飯喎個餐牌又無寫清楚而且塊雞扒仲短過條腸個size只不過係大過麥樂雞小小極失望味道一般，塊雞扒炸得太硬$36 呢個份量實在不能接受以後都唔會再幫襯！…查看更多

今日星期日去牛車水食下午茶一入間餐廳 有陣奇怪既酸臭味 感覺污糟:(假期比較多人 要自己搵位 無人招呼你坐低咗之後嗌咗個豬頸肉喇沙米線$38 送熱飲個米線一上我以為佢俾錯咗我未見過喇沙湯底咁杰似乎個廚房將一pat沙嗲醬淋上面就算我仲要自己搞勻個湯底湯底只有沙嗲味，無椰奶 椰香味個麵食到落底 湯底變稀 好似清湯咁好明顯個廚房係無自己既喇沙湯仲好意思話自己係星馬泰菜雖然價錢合理 但味道難食睇得出間餐廳毫無誠意極度失望以後都唔會再食…查看更多

Book左6點食晚飯 餐廳未有客人第一次黎食 嗌咗最出名嘅酒火入鍋湯底食過之後覺得十分失望 中間嘅木瓜鍋好重酒味 個人不太喜歡 不過個木瓜好甜 搭夠返小小其他湯底無咩特別 偏咸咗小小 唔洗點豉油都覺得咸 食完一陣仲好口渴我哋3個人叫咗一份大嘅牛小排牛肉新鮮 好淋開心小企鵝餐牌寫住係推介所以試吓其實係墨魚丸 唔彈牙 唔值得試其實我哋嗌咗好少野食 唔算好飽最後埋單每人$445 我認為以呢個價錢 出面有好多更高質素嘅火鍋餐廳總括黎講 可一不可再…查看更多