issactrevor的个人专页

紫菜烤雞pizza呢個配搭都幾新鮮而且紫菜量超多，餅底都係厚實又脆邊，食落好滿足又唔會好飽或者滯。紫菜同埋烤雞兩隻味都幾夾，特別係烤雞仲幾嫩滑，配合埋佢地既烤雞醬，真係連Tabasco都唔使落，一樣咁夠味!醬油咖哩炸雞配薯角都係第一次食呢款醬油咖哩炸雞，都一樣係好夾而咖哩醬俾得超多，基本上每件炸雞都有濃厚既醬汁包圍。雞肉都係炸得好嫩滑又保留到肉汁，食落好惹味又唔會覺得好咸!火辣海鮮年糕呢個賣相真係好吸引而且唔算太辣，年糕夠煙韌而青口都好新鮮爽口。整體呢間分店真係幾好，環境舒服食物都保持到水準! 如果可以再多啲優惠就好啦！…查看更多

喺將軍澳搵到呢間台式餐廳，真係一個驚喜！點咗滷排骨便當，排骨滷得入晒味，外脆內軟，醬汁濃到連飯都吸晒精華，仲有好滑既炒蛋，食落超正！招牌濃厚奶茶真心唔錯，茶味香濃，奶滑到啱啱好，甜度啱晒胃口，飲完好爽。招牌總匯蛋餅好有台式feel，餅皮薄脆，入面火腿、芝士同肉鬆塞得滿滿，咬落好juicy，份量仲好夠！啤酒豬軟骨便當係驚喜之作，軟骨炆到入口即化，啤酒味帶點微苦，好特別，配菜清爽唔搶味。脆香薯格外脆內軟，鹹香得黎唔會太油，當小食一流！整體黎講，菜式真材實料，環境又舒服，價錢合理，下次一定再嚟試其他菜！…查看更多

週末去左西貢WM酒店嘅M Square食咗午餐，真心好值得推介！首先試咗芝士燒汁薯條，薯條炸得金黃香脆，燒汁濃到爆，仲有芝士提味，食到停唔到口！即刻嗌左杯Heros IPA，飲落層次好豐富而且麥味好濃郁，配埋薯條食好夾!烤牛肉沙律好清新，牛肉烤得啱啱好，嫩滑多汁，配上爽脆蔬菜同微酸醬汁，超開胃。主菜香蒜鮮蝦意粉係我嘅心頭好，蝦又彈牙又鮮甜，蒜香好濃但唔嗆，意粉軟硬啱度，醬汁均勻，每啖都有濃郁蒜香同鮮蝦味道，好滿足！甜品鐵版法式西多士配雲呢拿雪糕真係完美收尾，西多士外脆內軟，雪糕又香又滑，熱熱冷冷嘅感覺好過癮。M Square環境靚，服務又貼心，啲菜整得靚又好食，真心可以渡過一個幾chill既下午!…查看更多

最近生活實在有太多唔如意既事，其中一個放鬆既方法就係同另一半去食返餐好既。呢到既細味人生套餐有好多人講，今日就可以趁機享用，睇下係咪真係大家講得咁勁。 首先其實由入口到大堂經過既裝修已經好靚同埋有種典雅既氣派，由IFC入去好似穿越去左另一個地方咁，對住維港景而且又係呢種中華特式濃厚既氛圍，未開始食已經令到心情同埋期望值拉高。 慢煮九層塔蟶子皇蟶子皇係慢煮既關係，好爽口又香濃，上台個陣有乾冰制造下效果，調味亦都幾好唔會搶走佢既鮮味，作為前菜真係幾出色。 前菜（櫻桃蘿蔔、三絲海蜇、醬香鵝翼）三款唔同既前菜可以帶黎唔同既味蕾刺激，包括櫻桃蘿蔔既酸甜開胃感、海蜇爽口彈牙既口感同埋鵝翼既惹味，加埋一齊唔會太重味但又可以令味覺又唔同既感覺，更令之後既菜式味道升華。 金腿雪燕烏雞羹呢個一睇賣相就真係一般，始終烏雞羹好難可以整得靚，但飲落就真係可以用味道搭夠。烏雞夠香又唔會腥，加埋雪燕同埋少少雲腿調味，滋補得黎又唔會太燥或者滯。 脆皮海參配鵝掌冇諗過海參可以有呢種處理方式，面頭既係一層炸漿，眼睇以為係焦但其實係特登整成，切開後同海參既白身有對比，食落口脆皮包住海參既爽彈口感好過癮。 珍寶珠呢個間場有新意又真係可以清一清味蕾，做法真係同酒店一樣。 潮式菜脯蒸鱈魚好有驚喜，鱈魚蒸得岩岩好，肉身好滑而且加埋菜脯同埋豆豉醬一齊，有傳統中式既味道亦有唔同層次既口感。 胡椒香蔥生煎雞上台俾我地影一影相，之後就會即場再用生鍋再炒，成個場既味道都充滿住呢陣生煎雞既味。就算雞肉炒完都仲係好嫩滑同埋入哂味，食落真係好惹味，係調味、火喉同埋選材都夠靚先做到咁既水準! 花膠蝦湯稻庭麵食到呢到都好飽，呢個麵又唔會好大碗，岩岩好可以食到少少澱粉質又唔會太飽肚，重點係個湯底好鮮味又有舊大花膠，食落真係幾夾! 雲石奶凍最尾仲有呢個奶凍作結，芝麻味好香配合埋濃濃既奶凍，層次感一流又唔會太滯! 成餐飯俾我既感覺就係去左酒店高級中菜食既tasting menu咁，所有野無論環境、服務、餐單、食物質素都好高質，食完係會有種滿足既感覺又唔會飽得好辛苦咁，真心值得推介。我覺得以呢個水準其實真係值得攞獎添，真心係要俾更多人認識香港仲有好多有心機既餐廳!…查看更多

今日放工要黎放鬆一下，呢到既環境氣氛真係好舒適，傾計飲野真係一流! 呢到既女店長亦都好好服務態度，好多野都親力親為同埋好細心，成餐飯都食得好開心!!金沙咸蛋黃鳳尾蝦呢個小食真係好好食，蝦肉爽口而且咸蛋黃醬又唔會死咸，真係食到有咸蛋黃既咸香味，冇哂蝦殼啖啖肉，好滋味!是拉差雞翼雞翼真係超大隻勁juicy! 是拉差醬唔會去到好辣，加埋佢地真係即叫即整，新鮮熱辣真係冇得輸。龍蝦汁鳳尾蝦意粉意粉都係呢到既招牌菜，好鍾意佢地既意粉口感彈牙又唔會太硬身，掛到汁而且份量都算多。龍蝦汁幾有驚喜，食落好香好惹味。蝦肉就一樣都係係好彈牙!三黃雞伴椰菜花&日本南瓜呢個望到個賣相都覺得好吸引，切開係好juicy而且亦都夠入味，食食下真係忍唔住要影張相，有幾可食呢類燒雞可以食到呢個質素，真心高質!京都春日最後再叫返個甜品，士多啤梨醬好慷慨而且窩夫焗得好好食，做到外脆內軟既口感，好好食!…查看更多

呢間雪山冰廳一直以黎都係心目中好地道又抵食既茶記，而且仲有好傳統既手寫餐牌，阿姐既服務亦都好好，真係會轉登黎食佢既椒鹽豬排飯。大阪燒熱狗呢個真係未見過而且係有驚喜! 熱狗腸熱辣辣再加埋大阪燒既醬汁，估唔到係咁夾而且價錢亦都唔貴，真係要試!鮮茄焗豬排飯另一個招牌菜式，豬排肉質夠淋而且好入味又有肉既質感，加埋炒飯底係粒粒分明，茄醬調味亦都幾好，甜酸比例都岩岩好，真係幾好食而且新鮮焗起又夠芝士，整體都係一個好食既焗飯!椒鹽豬排飯呢個真係每次黎雪山冰廳都必食既菜式，豬排係比起焗豬既更加厚而且超入味，加埋佢又炸過同埋大量蒜蓉既調味，食落真係好惹味! 另外炒飯底亦都好出色，粒粒分明熱辣辣而且仲有少少辣椒吊味，極力推薦一定要食!…查看更多

今日天氣又突然涼涼地，決定去呢間新開既台式火鍋試一試，味道真係幾還原到台灣既風味而且款式真係有好多，就連台灣獨有既水蓮都有得任食，環境亦相對乾淨舒服，冷氣風口位處理得幾好唔會吹住人或食物!今次食既係特選澳洲和牛海鮮套餐，真係有好多選擇而且出餐速度好快。出邊都有好多唔同食物，仲有台式滷肉飯等熟食加埋一大個雪櫃裝滿罐裝同樽裝茶，性價比其實都幾高。呢度既侍應服務都好好，幾次都會主動幫你加湯，食蝦個陣又會派多幾張濕紙巾，成餐飯都食得好開心。澳洲和牛肉眼真係超級繳滑而且有接近入口即溶既口感，牛肉味濃又唔會韌，我地仲試左牛頸脊、牛小排、月見封門柳，肉質一樣係好高質同埋冇筋膜位，好易咬! 特別係呢個餐既澳洲和牛真係超級好食，一開始會上一大碟，之後再追加見到品質都一樣係咁高，唔似其他火鍋店第二輪就出返普通貨色。咁岩見到朋友食日本和牛套餐，我地試左幾塊，的確味道同埋肉質係另一個層次，完全係入口即溶又唔會覺得好漏或者好油膩，牛肉味亦都好重又唔腥，下次我地都要直接攻頂!另外仲有好多唔同配料都好出色，水蓮都真係新鮮爽脆唔會隔幾晚夜個種，另外仲有台式腸、甜品同埋唔同炸物同小食，整體真係好豐富! 食完仲有得根據套餐換代幣夾扭蛋，好好彩我地夾到個免費台式飲品! 另外仲有得攞明信片寄俾朋友，可以獲得coupon。整體呢度既marketing都做得幾好唔會好hea或者雷聲大雨點小，加埋侍應們都真係好親切招待，下次可以叫埋屋企人一齊食!…查看更多

未試過食個焗飯係要打差評。本身新開個陣話焗飯未ready，要過多排確保水準先出，同埋見佢定價84蚊咁進取，就以為會好高質。點知份量比起快餐店既細，所謂既經典焗飯上面芝士過多而醬汁偏少，茄醬就真係平時茄膏既味，一啲特別調味都冇。個飯有炒底既但都痴埋一舊唔係粒粒分明個種。重點係豬扒，我未食過一個焗豬可以肥到咁，請問係點樣選貨，員工開頭講話未ready好就唔出，而家咁樣就係你地ready好既水準？真心唔會再幫襯同埋唔怪得店舖已經冇咩人食，外賣亦冇優惠，真係唔明你整到咁係想人點繼續支持？…查看更多

因為早排先去完大阪，所以真係可以比較到呢2間既分別。呢間店位置其實幾好，係正Vission Bakery對面，扶手電梯一落就睇到。店舖比大阪更大同光猛，冇咗個種油淋淋既感覺，第一印象係幾企理。今次就叫豬軟骨加叉燒，湯底第一啖飲落同大阪既真係近乎一樣既醬油豬骨湯，湯底夠哂熱而且個麵更彈牙。呢個set有齊豬軟骨同叉燒就真係好岩一次想食哂2款既人，叉燒仲有燒過添，比大阪就咁湯煮更惹味。隻蛋就咁睇顏色都知係靚蛋而且流心效果一流！加38蚊可以揀小食同埋飲品，我第一次揀左炸雞，第二次揀左餃子，相對上炸雞更加好食，調味岩岩好而且真係熱辣辣即炸雞肉又夠juicy。餃子相對細隻但都係新鮮出品，同平時食到既日式餃子有分別。希望可以支持到老闆開分店，保持高水準！…查看更多

睇戲前望到佢既餐牌有65折都幾抵食，再睇睇下見到呢個2人套餐$668包咁多野食就直接試下啦! 套餐可以叫既款式都多而且都係佢地既招牌菜，因為之前冇耐先食完鐵板豆腐，今次就轉金磚豆腐，份量同平時散叫係一模一樣咁多，而且即叫即炸熱辣辣，外皮香脆再加埋軟滑豆腐，真係好好食!另外叫左咕嚕肉，味道都中規中距而且真係啖啖肉而唔係粉漿或者肥膏，醬汁亦都酸甜適中，食落開胃又唔會好肥膩。蝦球炒飯次次食都保持到高水準，炒飯粒粒分明而且蝦味濃郁，蝦球已經去哂腸而且肉質彈牙又juicy，真係好高質!黃金焗蟹到左主角黃金焗蟹，隻蟹本身都好大隻而且夠厚肉，成隻上既效果好澎湃，咸蛋黃既味道好濃厚又唔會過咸，香氣十足又食到蟹本身既鮮味，真係好少有既配搭係好食既。焗既時間都好精準，一上台已經係咁食，應該真係大人小朋友都岩食!…查看更多

同小朋友開party嗌咗好多唔同款既曲奇同埋麻糬包，感覺上健康D而且味道亦都非常好同高質，所以真係忍唔住要打呢個食評，同埋希望可以開多D分店，咁就更加方便!之前一直都有食佢地既手擠花曲奇所以今次一次過要哂咁多隻味，有齊朱古力、薄荷朱古力、咖啡同埋開心果。只可以話每一款都好好食而且口感極度鬆軟，唔止小朋友，大人都會係咁食，停唔到口!另外仲有曲奇禮盒，入邊既曲奇就係另一種爽脆既口感，仲有M&M口味同埋朱古力粒既曲奇都好出色，朱古力味濃郁又唔會太甜!QQ球(抹茶紅豆、薄荷朱古力、牛乳)另一個重點好多人買既就係呢D QQ球，我地試左用氣炸鍋再焗多3分鐘，外脆內軟既口感再加埋濃郁既外皮，真係好好食又唔會滯! 特別推介薄荷朱古力同埋牛乳，好有驚喜同埋味道好夾個餡!糯米池(大甲芋泥、榛子脆脆、草莓脆脆、檸檬脆脆、薄荷朱古力)糯米池整體都係大大粒而且皮一D都唔厚，餡料豐滿加埋煙戳既外皮，食落好出色而且層次感十足，榛子同埋薄荷朱古力都大推!!開心果脆糖最後臨埋單見到呢個脆糖，心諗應該都好食啦，點知開左2分鐘內就食哂!! 因為開心果味好濃郁而且脆糖完全唔係死甜，淡淡既清甜味就加上脆秒口感，呢個配搭真係冇得輸!…查看更多

今日早收工又見唔係好多人，終於都可以食到呢間牧羊! 晚餐黎講幾抵食而且份量都好多，加上環境靚服務又幾好，真係應該會成日黎!金沙咸蛋黃鳳尾蝦意粉+是拉差醬雞翼+水果茶+是日蛋糕(黑森林蛋糕)意粉包滿咸蛋黃醬但又唔會好咸或者好重味，相對輕盈少少既醬汁，食落意粉都好有咬口，蝦就真係隻隻都好彈牙飽滿，整體真係幾好食，而且份量都好正常唔會好似其他café 得一啖。小食既是拉差醬雞翼真心出色，即叫即炸而且仲保留到肉汁，是拉差醬唔會好辣，整體真係好夾! 另外因為個醬太好食，我地再額外叫個炸蕃薯條，務求食哂佢個醬為止! 蛋糕方面係黑森林，朱古力味好濃郁而且睇到個樣都知層次感分明，蛋糕要額外再加18蚊但真係絕對抵俾! 水果茶就正正常常唔係太甜，有橙同西柚所以味道都幾開胃!油封鴨腿+魚湯西蘭花+雪糕杯鴨腿生熟度適中而且一D都唔乾又冇腥味，加上薯蓉同埋西蘭花，整體味道平衡得幾好而且鴨肉真係幾入味，食得出真係好有心機整! 西蘭花好清而且魚湯係真係有鮮味唔係普通濃湯寶貨色!另外呢個價有埋Haagen Dazs雪糕都真係抵，但其實應該要再加少少食蛋糕，會更開心!炸蕃薯條都係即叫即炸，主要都係因為是拉差醬太出色所以先點，份量多一路食一路傾計都幾岩，就算放耐左都仲有脆身既口感!日落巴黎+麻糬餡+焦糖脆餅&冧酒提子雪糕呢個真係每次都必點，最欣賞佢既朱古力醬真係俾得好慷慨，加埋麻糬既waffle食落更加有層次感而且夠煙韌，加埋熟度剛好既蕉片，食落好滿足!…查看更多

芝加哥拼盤呢個真係美式餐廳必點之一，用一個平少少既價錢可以試哂咁多款出名小食，有齊焗薯皮、洋蔥圈同水牛城雞翼。個人真係大推水牛城雞翼，因為個醬汁真係幾正宗辣辣地，配合埋sour cream一齊食好夾，仲要細既拼盤有3隻，食少少過下口癮又唔怕食唔哂!封門柳雜菜沙律呢個都係侍應推仲而又真係好好食，封門柳整得好fresh而且牛味超濃郁，生熟度都岩岩好。配合埋新鮮既沙律菜一齊食整體真係好出色又夠健康!德州漢堡好鍾意呢個burger係有埋牛油果蓉，仲要佢既牛油果好新鮮又夠熟，口感一流再加埋佢既芝士同埋重點既炭烤漢堡扒，成個burger真係超高質，好少地方可以食到呢個咁既組合既漢堡而塊炭烤漢堡扒真係好juicy又惹味!Fresh Lemonade食到咁上下叫左杯lemonade，真係有好多新鮮檸檬肉，解渴又夠哂refresh!雙層朱古力布朗尼另一個個人非常鍾意既甜品，因為呢個布朗尼真係佢地自家制出邊食唔到，朱古力味超級濃郁又唔會苦同太甜，加埋一球雪糕，冰火交融既口感真係好出色!…查看更多

星期六晚中環都唔算多人，去完大館之後就見到呢間餐廳，價錢都岩而又好似幾舒服，食完食心覺得佢地做得幾好!US Pork Rack唔係完全熟哂所以肉質相對都好淋，而且仲係好juicy。調味都岩岩好，食到有香草味之餘又有豬肉既鮮味，完全唔腥! 另外份量都好大舊，肥瘦適食落又唔會好油膩，可以整到咁既狀態其實廚師既功力真係十足!Roasted Spring Chicken (半價)另外我地仲見到每日都有半價既菜式，今晚就岩岩好係燒春雞，岩哂我地! 呢隻燒春雞真係近年食過最高質，首先佢係已經去除左9成既骨，切落去真係啖啖肉。雞肉仲保留到肉汁而且真係燒得岩岩好，調味亦恰到好處可以提鮮! 真係好出色!黑松露薯條另外再加個薯條，跟埋黑松露醬同茄汁，薯條新鮮即炸熱辣辣而且都有幾多，一路食一路傾下計都幾chill。火焰雪山呢個都係個人覺得必點既甜品，所有野都係即場整唔係預先整定，確保食個下一定係最新鮮。蛋白打得好creamy而且酒既濃度都適中可以帶起個味，加埋入面既士多啤梨雪糕同埋蛋糕，整體真係好好食! …查看更多

口水雞扒漢堡包配沙律+炸薯條好少見用口水雞做漢堡，但其實出到黎效果幾好而且味道調配得岩岩好，雞扒肉質彈牙而且有肉汁，口水醬唔會好辣，加埋充滿牛油既漢堡一齊食好有層次! 薯條係即叫即炸而且係連皮薯條，食落口感一流!龍蝦濃湯配虎蝦龍蝦味道好突出而且意粉煮得岩岩好，彈牙又索汁。蝦肉都幾新鮮但細隻咗少少!三重朱古力窩夫配朱古力雪糕呢個真係大癲，朱古力層次分明，首先個窩夫都有朱古力醬，食落偏苦而食到有可可豆既味道，真心覺得佢既選貨係幾好! 另外再加朱古力醬同埋雪糕，真心好夾而且鍾意朱古力既話一定要食，真係酒店級數!髒髒tiramisu呢個味道同擺盤都係酒店級數，tiramisu既咖啡味幾突出而且甜味同苦味都一樣咁平衡，食落每款食材既味道都有但又唔會搶味，十分推薦!…查看更多