由讀中學開始 就好鍾意同同學去薩莉亞食野 無論係完左運動會 定係平時一大班朋友食飯 甚至係lunch冒住遲到嘅風險 係筲箕灣衝過去北角食 薩莉亞真係好適合一大班朋友一齊食飯 唔想太貴又唔想太頹就啱曬啦😙.果日同男朋友食 嗌左中華沙律 芝士法包 雞球 芝士焗薯角同8隻辣味雞翼都係差唔多$100 每人$50就可以食到好多野 果日我地本身飽飽地 所以冇嗌飯食 但係其實佢哋嘅雞肉多莉亞都係我嘅最愛😍😍😍.另外仲嗌左兩位飲品吧 一位$12 無限添飲🤩有凍飲又有熱飲任你揀 冬天最鍾意飲美祿 夏天飲芬達😛.而且佢地每張檯都有一個鐘 㩒鐘就會有人過黎 唔洗驚舉手舉到攰都冇人見到你啦😝…查看更多
同男朋友去旺中行街 行到肚餓即刻去搵野食😝 見到依間炸雞排即刻就去左排隊 因為商場空間狹窄 排隊同等野食都好逼 不過好彩係值得嘅🤤🤤🤤.我嗌左一份胖果雞排加芝士粉 同一杯黑糖珍珠鮮奶 價錢都算相宜 塊雞排一咬落去外脆內軟 芝士粉都好夠味 入面啲雞肉亦唔會乾 之前都食過佢地嘅台灣大雞排 都一樣咁好食☺️ 不過我個人比較鍾意台灣大雞排 因為外層更加鬆脆可口 初試嘅人可以嗌台灣大雞排黎試 包你次次黎旺中都會想食😍.依排好興黑糖珍珠系列 而佢哋都有黑糖珍珠鮮奶賣 而出乎意料地 杯黑糖珍奶真係好好飲!!! 啲珍珠好軟唔會咬到好攰 但係又有嚼勁 不過如果怕甜嘅話最好問下可唔可以少甜先 或者嗌其他飲品 因為我個人好鍾意食甜野 所以正常人可能會覺得杯黑糖珍奶太甜😛.我覺得食雞排一定要配野飲 如果唔係會好頸渴 因為雞排通常要重口味先好食😙 配杯黑糖珍珠鮮奶就絕配 等我下次再黎試下其他配搭🤩🤩🤩…查看更多
