burtonpoon的个人专页

今天乃初次光顧此酒樓，見到一件驚嚇的事件：一位男的服務員弄跌了一些筷子，他從容地將筷子從地上拾起，放回手上嘅筲箕，再面不改容地補加乾淨嘅筷子落去，然後開始擺位。…查看更多

食之前睇過openrice都睇到唔好味，但起碼叫酒店buffet咪去試下，點知去到極度令人失望...橙汁溝水，菠蘿汁同罐頭水冇任何分別;諗住刺身唔會太難食，點知生蠔又細隻又得個鹹字，一啲海水味都冇; 熱食尚可接受,但只係放得入口, 完全算唔上酒店式Buffet.一句講哂，完全唔值依個價。總而言之,不值一試。…查看更多

喺呢一層美食坊行嚟行去揾嘢食 , 見到呢間餐廳嘅餐牌有好多款食物揀 , 就想試下。不過 , 叫咗嘢食先後悔冇睇到食評。俾我揀多次 , 我死都唔會入嚟坐:(。落完單後 , 叫個侍應攞三杯熱水 , 佢就攞咗三杯凍水。咁都算啦 , 佢拎走嗰三杯水嘅時候仲要倒瀉水 , 整到朋友條褲濕哂。無語。隨後送嚟嘅三杯熱水延續各人嘅憤怒。每隻杯內都只有三分之一杯熱水 , 好似連水都唔想俾你飲。唔叫又會渴死你 , 叫又俾得三滴你。想點?叫咗四款飯。唉......第一係無骨海南雞飯。諗住海南雞飯係招牌 , 就叫嚟試吓。的確係無骨 , 不過就嚿嚿都係雞胸肉 , 好鞋好韌。第二係美國板燒牛脷飯(洋蔥汁)。牛脷好冧 , 一咬就開。不過汁同飯都係凍嘅。第三係香茅豬扒炒蛋飯。OK啦......第四係豬頸肉鹵肉飯。"勁難食" , by 隔籬位。轉述該朋友的話 , 豬頸肉得三數塊 , 淡而無味。而且從未食過咁難食嘅台式鹵肉。谷住成肚氣食完 , 價錢又非常唔合理 , 好。食物質素+價錢+服務態度嚇死人。一句到底 , 唔會再嚟。:(…查看更多