AH仔的个人专页

上個週末同妹妹帶咗我嘅金吉拉同佢嘅八哥去青衣嘅 The Nest Coffee Shop！😻🐶 呢度係青衣唯一嘅寵物友善咖啡店，由非牟利機構經營，支持不同能力和國籍嘅員工💛服務員超friendly，仲同我妹妹嘅八哥玩到勁開心！😄 愛協(SPCA)會員仲可以享用6,400平方呎嘅寵物共享天台，裡面有狗狗障礙賽道，八哥喺度跑來跑去，玩到唔捨得走！逢星期六有KMB寵物巴士，我哋去係星期日，就有PB2B寵物巴士從南豐紗廠直達！🚌寵物美容服務真是一個大讚！👍 美容師全部有專業護理證書，除咗沖涼同美容，仲有深度清潔同按摩。我嘅金吉拉貓同八哥喺度剪甲，八哥平時剪指甲超難搞，驚到亂晒籠，但美容師哥哥好有耐性，手法溫柔又專業！😺🐾食物方面，我哋點咗Latte、牛角包同蛋糕，店員仲推介咗超香嘅花椒油燒賣！😋…查看更多

真係好耐冇食過放題喇😋 今次試吓呢間旺角嘅「御滿屋日本料理」🌟，餐廳位置方便，喺旺角地鐵站E1出口一出，搭個電梯上到一樓就到🚶‍♂️餐廳環境乾淨又寬敞。😎 我哋揀咗A餐「經典雙重奏長腳蟹鮑魚海鮮盛宴」，價錢會根據佢嘅時段而有不同，我去嘅係星期一至四，夜晚8:30-10:30，$258一位，77款美食任你點，仲有自助區🦪🍖 2小時任食，食到勁飽！😝食放題，刺身，真係必嗌！三文魚、油甘魚、大赤蝦、帶子、松葉蟹腳、象拔蚌，款款厚切😍 仲有大赤蝦！海膽手卷同三文魚子手卷等，飯卷細細舊，食多幾款都唔怕滯。仲有各款壽司、天婦羅，77品唔夠嘅話，自助區仲有😍😍正呀🥰燒物嚟講，鹽燒牛舌好味，燒羊鞍肉嫩多汁！😋 蒜蓉焗生蠔可以encore好多次🤤同埋冇諗過食放題會有鮑魚花膠呢類嘅食材🤣即刻叫返個御品鮑汁燴花膠，養一養顏先🤣甜品區係我一入到舖頭即刻心心眼嘅位置，勁多Häagen-Dazs同Mövenpick雪糕，仲有原粒芒果冰同雀巢雪條！😍 飲品有清酒、啤酒、梅酒任飲，汽水同特飲都齊全，食完再飲返杯清酒，爽！🍶🥢 自助區真係好多，酸辣鳳爪、手拍青瓜、冷盤海鮮、沙律，仲有老火湯同爆谷！😲 點心如蝦餃燒賣都有，熱食區仲有麻辣小龍蝦同豆椒炒蟶子。…查看更多

好少聽到泰國風味嘅蛋糕，今次心血來潮，經過 Asok Thai Cake 尖沙咀店決定試下！我買咗個椰香芒果麻糬蛋糕返fd屋企食，結果真係好開心！🤣切開時拉絲的麻糬睇落好吸引，已經令人流口水。呢個蛋糕層次感豐富，底層係鬆軟嘅海綿蛋糕，配合咗柔韌嘅麻糬，咬落去好有口感。且帶有淡淡嘅椰香，增添層次感。而慕斯部分甜而不膩，芒果味濃郁，與椰子的香甜完美結合，令人感受到熱帶風情。清新又不會覺得油膩。我同朋友邊食邊傾計，結果兩個人竟然生吞咗個蛋糕，實在太好味啦！🤣…查看更多

上星期男朋友約咗我去葵芳嘅Rosie，OT完放工都仲趕得切🤤，餐廳木系裝潢搭配柔同燈光燈💡，環境幾文青🤣🤣打開佢哋個Menu，意粉🍝選擇都幾多，意粉愛好者啱晒，我都研究咗一陣食乜好🤤🤤首先叫咗個鵝肝鮮檸檬醬貓耳朵🍋🐱（$228）～要讚一讚佢個檸檬醬🍋，味道酸酸甜甜，配上鵝肝唔會太膩，幾清新，整體味道唔錯，最後俾我男朋友清晒，呢個意粉🍝好高質🤤🤤仲加配咗炸薯條🍟配黑松露蛋黃醬（$20），薯條🍟配黑松露同蛋黃醬係我至愛嘅配搭🤤🤤。接住就係龍蝦濃湯蟹肉帶子麵🦞🍜🦀🍝（$218）。呢個意粉🍝真係要試！汁底用龍蝦湯🦞，味道濃烈，蟹肉🦀好足料，帶子亦煎得唔錯，意粉🍝吸咗湯底嘅精華，口感滑順，好有特色，廚師應該落咗唔少心機煮好每一碟意粉🍝🤤然後點咗蝦多士🦐（2件，加配價$20），雖然份量唔多，但味道唔錯，食落去唔會失望。飲品方面，點咗朱古力咖啡🍫☕️（冷）（$60），咖啡☕️味濃郁，加埋朱古力🍫，飲落去好開心。男朋友仲叫咗藍水母🪼（$68），顏色靚到爆，飲落去清新又唔會太甜。最後叫埋個開心果雪糕阿芙佳朵🍨（$68），真係超有驚喜！雪糕🍨滑溜，開心果嘅香味好濃，倒上濃郁嘅咖啡☕️，呢個組合口感層次豐富，食完好滿足。🤤聽講佢哋仲有間分店喺鰂魚涌，等我下次再試試🤤，呢度嘅意粉質素高親民，有別於一般連鎖店嘅味道。…查看更多

假日搵嘢食，睇到環境裝潢以日式風格設計，好似好靚咁，又唔洗等位，就試試佢😍😍除咗主打嘅梳乎厘pancake，主食都幾多選擇，而且都幾大碟，食到好飽🤣🤣🤣性價比頗高！🍽️🥞 開心果梳乎厘班戟 ($158)
三層梳乎厘班戟，賣相非常打卡able，配上開心果醬同各式堅果。上菜嘅時候，搖晃嘅樣空氣感十足，層次感好足！🤤因為我係甜品及開心果控，因此特別加分。😍
🍔 安格斯手打牛肉漢堡伴薯條 ($208)餡料包括厚切牛肉漢堡扒，漢堡包面同底有另外烤過，有牛油香，再搭配新鮮沙律和薯條。🥩 香煎紐西蘭肉眼配青胡椒燒 ($255)我們要求煎至五分熟，肉質厚實多汁。🥭 芒果楊枝甘露 ($40)
椰奶味偏重～☕️ Americano 美式咖啡(凍) ($27)…查看更多

餐廳門面綠色裝修搶眼，遠處就已經見到，同朋友經開嗰頭，就入去就試試。我哋兩個人點咗以下：🐷 碳燒豬頸肉（$78）豬頸肉🐷燒得外層微微焦香。配上特製醬汁，真心極度推介！🥬 泰式香辣肉碎生菜包（$88）辣度剛好，唔會太辣，內裡有肉碎、辣椒🌶️、洋蔥🧅、羅勒葉🌿等材料，恰到好處👍🏻🌿 香葉肉碎炒河（$88）火喉相當足，炒得好入味。🍍 菠蘿雞絲炒飯（$105）份量大，味道濃郁，唔會太油膩。🧉 椰青（$45）巧合地睇到佢試業期間餐廳仲有啤酒買二送一嘅優惠，不過我叫咗椰青，就冇叫到。整體性價比高，朋友剛從泰國返嚟都話唔錯！…查看更多