ginni的个人专页 | OpenRice 香港开饭喇

2011-05-15

本來食幾次都好推介呢間餐廳,有咩大小節慶都會諗起佢.今次諗住食生日飯,專登預早兩個星期訂枱. 噚晚去到,兩個人坐係出面高枱. 食生日飯當然少不了影相,點知俾人警告話呢到係唔俾影相嘅?! 雖然我唔明點解唔得,不過都算,收埋部單反用電話合照兩張都得掛? 再次被警告, 佢話: "唔好再影喇,我已經講咗呢到係唔俾影相!" 我又唔明喇,如果唔俾人影相,咁後面幾枱人用緊iphone影又得? openrice又可以咁多人post相寫食評嘅? 最嬲係我見到你個唔知職員定老細同個客嘅bb係到玩,拎部相機出嚟影囉?! 我哋決定反問佢一句: "係咪高枱先唔俾影相??"

我諗如果唔係大家影低你d食物寫食評,你會有咁好生意? 真係唔識把握網上免費marketing嘅機會!好抱歉,你經已流失咗我呢一位或以上的客人...

以上食记乃用户个人意见 , 并不代表OpenRice之观点。

检举

查看之前的留言(3)

sixsix930666 咁差.....

2011-06-16

回应

yani8322 聽到餐廳唔比人映相真係好嬲,可能佢真係出左名,所以可以咁串啦,佢以前未上電影,未咁多人book位個時,都無唔比人映相,個時我去食飯仲大映特映,都無人理我不過人紅一定串得起,咁多人排住隊去幫襯,佢都唔怕唔比映相而得失一兩台客人之前我去澳門食自助餐,又係比人話呢度唔比映相,我仲佢嘈話咁大個女,去食野都未聽過話唔比映相既,而家終於聽到喇,原來香港真係有餐廳唔比人映相

幾好食都係假,咁串既態度真係令人好反感,我同意好多人都係睇到openrice講得佢咁好先去幫襯,因為我都係其中一個...做人都要識得飲水思源,唔係得我地同佢映咁多靚相,幫佢寫食評,都無咁多人識佢啦,而家出左名就扮大牌,反轉豬肚就係"米田共"

唉....仲諗住咁耐無去,遲d想去呢度食飯,但係見到各樓主都話佢唔比人映相,我都唔知仲去唔去好,最唔鐘意d餐廳懶係巴閉,今時今日咁既服務態度係唔夠架"唔比人映相"

2011-06-21

回应

HK921

本身打去BOOK位已無人聽, 去到又要等...帶位又唔講唔影得想, 又無清晰既告示喎....一心想影D美食照放上FACEBOOK介紹給D朋友...跟住...被人喝住唔好影相喎...唉...即刻無晒MOOD, 我唔會再來, 亦唔會介紹給D FRIEND囉.....真係唔明唔影得相既理由

2011-08-15

回应

评分

味道

环境

服务

卫生

抵食

用餐日期

2011-05-14

用餐途径

堂食

人均消费

$130 (晚餐)

庆祝纪念

生日