TingTing LAU的个人专页

平時有食過佢嘅堂食，不過次數唔多，一班朋友去，一年可能一至兩次咁大把，但都無反感。今日夜晚買咗一碗外賣芒果西米露($40)諗住返屋企食飽再慢慢嘆。食完飯拎出黎，咦，個面有冰嘅。我唔知本身外賣係咁定我個雪櫃雪到咁😅。之後我就拎個碗準備(畢)走啲冰，一路整一路驚(畢)走埋啲西米。後尾見到西米沉底，就順便(畢)走多啲椰奶，因為我對椰奶興趣都不大。點知(畢)完……..碗嘢淨番4分1…….真係好傷心，我只係想有多少少西米露食。…查看更多

我哋訂咗位6:30食，早到咗都俾入，雖然有話限時兩個鐘，但佢都係由6:30開始計起。4人枱都有兩個爐嘅位，可以叫兩個唔同款嘅食下。我哋叫咗火焰雞煲同芝士雞。佢嘅配料好多都可以叫半份，我哋叫咗雲呑，韭菜餃，魚皮餃，午餐肉，響鈴，竹笙釀墨魚滑，芝士腸……咁樣真係好啱食量唔大但又貪心嘅人。整體味道中規中矩，食完雞煲加湯，第一次加咗雞湯，無辣味，建議都係加返辣湯🤣。可能我哋都算早，服務真係唔錯，基本上見到都係有咁上下年紀嘅工作人員，但個個都超好禮貌。朋友生日，有個蛋糕，佢蛋糕落枱時叫咗蛋糕上嘅名同講生日快樂。有時看似基本嘅嘢都未必間間會講生日快樂㗎，加上感覺真誠🫰🏻！…查看更多