luvlingal的个人专页

意外見到呢間手搖，覺得店名好大膽，所以就入去望下。環境佈置好復古，好有香港feel，似去到80年代嘅香港咁。menu上嘅飲品名都好特別，搞笑得黎又好港feel。由於去嗰陣仲試緊業，無乜人。老闆好好人，好有耐心同我講解每一杯飲品嘅分別，因為佢哋選項都好多下。最後決定落一杯珍珠奶茶。真心好港式，加上珍珠好有嚼口，同普通嘅台灣珍珠奶茶好唔同，係適合香港人嘅味道。下次想試下「9沖」，睇下有咩驚喜先。…查看更多

特別鍾意食呢間分店嘅蘑菇飯，因為通常都比足夠嘅汁同蘑菇，飯都啱啱好唔會太爛。但係買外賣就要check清楚。試過幾次無check都會比漏嘢，有時後係已經返到屋企先留意到。有次打電話話比漏嘢職員竟然叫我聽日過去拎。最尾我自己係apps申請退款就算。唔知係咪part time太多，電話落咗單之後，去拎餐嗰陣都冇人理你。要自己睇號碼或者出聲問。希望可以改善喇，畢竟已經唔係一次兩次嘅事。…查看更多

一路都有幫親開，由以前開始到依家，之前最鍾意個雞翼椰漿飯同喇沙。點知依家真係越黎越難食。椰漿飯唔似椰漿飯，喇沙個粉成Pat嘢咁。依家唔單止成間鋪得幾樣嘢食，仲要越黎越求其。唔知係咪因為疫情，但要去到成間鋪頭淨係有一個餐可以叫，不如讓間鋪位比其他餐廳吧。真係失望透頂。…查看更多

馬來西亞檳城人，黎左香港就黎6年，試過無數馬來西亞餐廳，唯一真係覺得蝦麵做的最正宗嘅一間！老公香港人，都話覺得好正宗，所以好推介大家試蝦麵。蝦麵湯底蝦味好夠濃，辣椒可能要就返香港人啲口味，相對唔係好辣，但可以再加辣椒都還可以。自從兩年前發現左之後都經常去幫親，見到越來越多分店好開心呀！但最衰好早關門，收工八點半去到已經冇得食。如果真係要加強，覺得如果老闆可以將粗米粉改成馬來西亞嘅幼米粉就更加好喇！…查看更多

飯後諗住食甜品，之後個朋友介紹話天后一間甜品唔錯，就去試下。叫做好少見ge草莓乳酪西米露同埋鋪頭招牌木桶豆腐花。好特別，乳酪西米露真係一流，服務勁好，選擇又多！讚！👍…查看更多