ballb06的個人專頁

餐廳有三個套餐： 美國產極選肩胛牛小排餐、 椰漿文昌雞鍋、 Gym Gym 自控套餐。「美國產極選肩胛牛小排餐」（火鍋放題Ｂ餐）多款美國靚肉，流水蝦放題，活海鮮即捕即煮。熟食多達100款即叫即做串燒、泰式甜品。「椰漿文昌雞鍋」 套餐：雞皮薄肉嫩，易於消化吸收以椰漿烹煮，突出雞肉清甜含優質蛋白質，脂肪含量較低。最新推出「Gym Gym 自控套餐」定量餐：專為健身人士及關注體重人士設計！椰子水作為火鍋湯底，配以優質蛋白質呢三個餐我叫左B餐火鍋，湯底自選有辣有唔辣推介豬骨湯同喇沙湯清清地又唔辣惹味，牛小排肥美又抵食，自己落單叫完好快上碟。環境闊落一大班朋友慶祝打邊爐岩晒，特色泰國小食，dessert好特別，文昌雞點心都好多款，飲品櫃飲品連beer都有。長者有樂悠卡午市仲有優惠。…查看更多

呢間餐廳環境好坐又多位，職員有禮，我地叫左一隻鎮店之寶火焰燒雞，肉質嫩滑又唔油膩皮脆肉嫩好好食，鐘意呢度個廚師既煮法。午市推介- 午市重點推薦「橡果炭燒叉燒 $38.8(例)」 原價$168- 多款精選超值點心 $8.8起晚市推介- 點火焰鹽焗雞即可參加乒乓波抽獎，抽獎機會按入座人數計算 - 大獎：火焰鹽焗雞免費 - 中獎：火焰鹽焗雞半價 - 小獎：火焰鹽焗雞八折 (每張單只能兌換一次火焰鹽焗雞抽獎獎品) (折扣結果以抽到最大優惠為準) (折扣須即時使用)我地叫左咕嚕肉菠蘿新鮮，咕嚕肉香脆酸甜。晚市四大皇牌選左清蒸魚熟成熟岩岩好，優惠只需58蚊一條好抵食。…查看更多

呢間餐廳連續幾年拎左米芝蓮獎項，餐廳主要食越南菜食物我地叫左一碟咖喱牛腩煲配法包，法包有半條甘多，沾上咖喱汁好好味，牛腩份量超多好抵食入面仲有牛孖筋，牛孖筋軟熟，牛腩大大塊又多肉，配埋咖喱少少辣又幾香口。法包脆口，仲有薯仔都大大舊厚切。老趙牛肉河粉：牛肉份量都算多，仲有牛丸，牛孖筋，牛腩，蘿蔔等等，湯底濃郁牛骨湯，河粉滑溜，湯河好抵食。椰青椰子水：已經起好椰青肉飲落清甜，椰青肉有咬口，清熱下火又好飲。香茅豬扒撈檬，豬扒大塊又重香茅味，檬粉加入特製醬汁酸甜開胃。…查看更多

朋友帶我黎北角食韓燒，呢間餐廳環境好似去左韓國甘，入面有韓國個塔景，主要食韓燒，韓燒仲會有職員幫你燒埋睇住個火唔驚燒燶，前菜都係任食既，醃青瓜好好味，我地叫左做緊優惠既牛肋條，牛肋條都幾入味切片易燒。五花腩，任食放題優惠只需每人$108(2位起)，呢個我地唔太餓所以無揀到佢但都真係好吸引同抵食。豬肋骨都係抵食選擇豬肉職員會幫手剪成豬肉粒易燒熟又彈牙。秘制無骨牛排骨，份量都幾多，一片片食落肉質juicy又惹味。…查看更多

呢間餐廳位於工廈入面高層，環境可以望到山景，感覺好chill同開揚，入面播放住印度歌，餐廳仲有好多七彩顏色獨特既燈飾，好有feel。我地叫左一份咖喱牛腩配薄餅，薄餅沾上咖喱汁都幾香口，咖喱比較甜身唔會好辣，呢度係食印度菜，餐廳位於工廈上面所以價錢比較抵食。菠菜燴羊腩飯，呢個係用左印度香料去煮特製醬汁，菠菜汁比較健康，飯既份量都幾大碟。QR code落單方便，飲品印度拉茶飲落好濃郁地道香料奶茶味，比較特别。…查看更多

呢間日式餐廳環境好似日本屋企甘用左木既枱椅，擺設簡約，我地叫左一份牛柳定食轉左烏冬底，食物即做制作需時，牛柳都幾多，另外仲跟餐配前菜茄子同埋加左4蚊叫左一粒好似和果子甘既甜品，入面係蜜瓜同奶皇涵料，仲配左餐湯同日本茶一杯。另一份叫左前菜漬物蕃茄加入左酸梅汁酸甜開胃，一粒紅豆芝麻小丸子，入面好多豆沙涵。主食選擇左蕎麥麵，凍食比較健康。飲品叫左白桃乳酸，同樣有益又唔會好甜。地址: 紅磡明安街10號寶石戲院地下F號舖…查看更多

呢間餐廳好多人排隊，餐廳主打食餃子自家制款式多，我地叫左一份十隻加左17蚊既邪惡金沙餃子入面係煎芝士粟米餃子，芝士涵料拉絲芝士口感加埋勁邪惡既咸蛋黃醬金沙響面形成黃金香脆既顏色好吸睛，食落脆卜卜口感又帶有咸香，芝士味濃。另外叫左一份小食海踅，爽口彈牙口感。清淡唔油膩。韮菜豬肉餃子大大料配椰子湯底飲落清甜，餃子涵料粒飽滿。價錢好抵食。餐廳：豐信餃子店地址：太子汝州街17號地下…查看更多

呢間餐廳環境企理，座位好多，食物選擇都好多款式，我地叫左一份煎羊肉餃子，煎到外脆內香，入面涵料有好多羊肉，而且一碟有8粒，外皮香脆沾上醋岩岩好。另外，我叫左一碗牛肉拉麵，拉麵份量好多好大碗，價錢好抵，而且牛肉鋪滿左成碗麵，食落牛腩煙韌又大塊，一碗只需大約60蚊，腩汁湯底濃郁，油麵多。京燒羊腩，烤至外皮香脆勁惹味，配香辣醬汁，脆口羊腩肉食落更有層次。餐廳：五匠六釜地址: 啟德協調道2號 Airside 6 樓 602 號舖…查看更多

呢間餐廳位於啟德，入面座位都幾多仲有卡位，環境光猛，呢度主要食打冷小菜，潮州滷水等等，各款小菜，滷味都有，我地叫左一碟招牌滷水鵝上庄，滷水鵝肉質嫩滑，沾上醋食配飯岩岩好，份量都算多，上庄肉比較多。另外，我地叫一碟豉汁蒸白鱔，白鱔肉質彈牙，嫩滑魚肉口感又唔會太咸，即叫即蒸，呢間餐廳都係一間寵物友善既餐廳，如果有寵物黎一齊食飯，客人可以安排坐近外面既位置俾狗車都可以擺放響外面主人同狗可以一齊用餐。餐廳:大池記大排檔地址：九龍城啟德沐寧街10號Oasis Place地下D-F號舖…查看更多

呢間餐廳位於旺角地鐵站T.O.P.商場底層，方便易揾，入面有一間蛋糕店擺放多款蛋糕，門市只有部分款式可以買，想買特別款蛋糕可以上網站預訂再去門市到拎都得。我買左一件開心果檸檬蛋糕，小編最近好鐘意食開心果，所以買左一個迷你蛋糕俾屋企人食，細細件份量唔會太多或者太過甜，檸檬口感食落酸甜開心果又有果仁既口感，蛋糕軟綿綿既海綿蛋糕唔太膩。另一件買左tiramisu麻糬蛋糕，呢件蛋糕入面加入左麻糬煙韌口感，而且食落都唔會得cream而無左蛋糕既味，上面既cream好滑溜，加埋下面海綿蛋糕軟綿綿口感幾夾。…查看更多

呢間餐廳環境舒適入到黎坐低好似去左韓國當地甘，唔少韓國人都黎食，坐我後面既甘岩就係韓國客人，可見味道比較正宗既韓國料理，平時夜晚好多人排隊，我地叫左一份滷水豬手配生菜，將軟淋豬手夾入生菜入面食再加入櫻花蝦醬同辣醬汁好夾又唔油膩。豬手軟熟口感豬皮骨膠原豐富。我地仲叫左一份炸雞，呢度既炸雞好香脆，加入特製甜辣醬同花生好惹味。另外呢度既韓國牛肉飯都好好味，入面有菠菜，蛋，芽菜，蘿蔔絲，青瓜加埋辣醬混埋一齊食熱辣辣。Ssal Bori Ssal 地址：尖沙咀金巴利道78號金輝閣地下B號舖…查看更多

呢間餐廳環境光猛，位置都幾多，主打係食刨冰同炒氷，我地叫左一碗白桃戀夏炒冰$56，期間限定推介，呢個甜品好香濃白桃味，而且入面仲有新鮮既即制麻糬，好軟綿綿煙韌既麻糬口感，加埋椰果，爆爆珠好有咬口，食落好有層次有幾種口感，唔會好甜，加左茶啫喱果凍落去白桃冰度都好夾，茶啫喱清清地。另一碗叫左楊枝甘露小丸子刨冰：呢碗刨冰好大碗再加埋芒果涵料，加埋牛奶倒落刨冰度搞混黎食，入面仲有麻糬涵料好多涵料，芒果肉好多同埋唔酸。芋泥麻糬加芋圓：自家制芋泥好綿，芋頭味濃郁，滑溜芋泥入面加入左麻糬煙韌口感。…查看更多

呢間餐廳開業左十幾年，環境好靚同屋企人黎慶祝生日，我地叫左個秋田二人前$888二人套餐前菜係時令沙律：蕃茄鮑魚海雲沙律食落酸甜開胃魚籽鵝肝蒸蛋：滿滿既魚籽加埋嫩滑既蒸蛋同鵝肝鮮味好有層次鮮活時令龍蝦：龍蝦即場用鐵板煮熟，肉質彈牙，龍蝦頭仲會用火炙燒完再整成龍蝦清湯。原隻南非鮑魚：睇住師傅拆殼，鮑魚由生慢慢煮熟呢個過程好治癒，鮑魚會配埋海苔忌廉醬汁好creamy。象拔蚌：師傅用鐵板炒熟後非常彈牙惹味爽口。香煎頂級鵝肝，鵝肝成隻手掌甘大，配埋蒜蓉多士夾住魚籽一齊食又滑溜又creamy，加埋黑醋醬汁酸甜解膩。鹿兒島霜降和牛薄燒卷：可以自選熟成度，口感入口即溶好juicy 。秋田炒飯同炒野菜：炒飯大大碗又足料。銅鑼燒：即制用心加入紅豆涵料熱辣辣，配埋雪糕好滿足。生日師傅會用蛋漿響鐵板上寫字好吸睛又開心。…查看更多

呢間餐廳環境入面有台灣圖片，播放著台灣歌曲，座位都係木臺椅設計好有台灣風格，我地叫左一碗台灣三寶刀削麵，刀削麵粗身彈牙，牛𦟌比較厚身，牛孖筋軟熟，湯底係比較濃郁既牛肉湯。另一碗叫左牛肉麵清湯底，湯無甘濃郁牛肉味但食落牛肉一樣超大塊同厚實，抵食，麵條叫左正常幼麵呢度既幼麵口感都係彈牙唔會好似刀削麵甘厚身，吸晒湯汁既味道，幼麵份量比較多。小食叫左炸鹽酥雞：份量都幾多，外脆口感，脆卜卜即炸的無骨炸雞方便易食。飲品：荔枝綠茶唔算好甜，飲落又有荔枝既香味唔鐘意綠茶都可以選擇紅茶底價錢一樣，都幾大杯。黑糖珍珠奶茶：珍珠有咬口煙煙韌韌甘，奶茶味濃郁。…查看更多

呢間餐廳係商場入面5樓，入面有各式餐廳，其中一間係食台灣菜既，呢度既位置自助揾位，落地玻璃可以望到外面啟德樓景，空間感十足，我地叫左一碗鐵路巨人便丼，巨型炸雞扒同炸豬扒飯，份量比較多加入左肉燥飯食落無甘乾身，炸雞扒香脆可口，炸豬扒大大塊，另外再加多一塊豬扒小食更惹味，因為豬扒炸得比較好味所以再加多左一塊。另外叫左一碗牛三寶刀削麵，牛肚厚身大塊入味，仲有牛𦟌同牛筋，刀削麵彈牙，湯底濃味。芝芝芒芒沙冰口感濃濃香芒味加入椰果肉有咬口。…查看更多