HelenTsui1215的个人专页

首先啲嘢好難食,食咗個蓮藕牛仔骨同炒菜花,咸到難以下嚥,飲品同甜品又係甜到一個極端,同我喺其他地方食嘅差天共地,十分滿分我會畀零分。令我最接受唔到嘅係成間餐廳啲侍應嘅服務態度都好差,差到一個極點,揀咗晚市套餐,本身有飯同麵線兩個選擇,我揀咗麵線,落單嗰位小姐話佢哋餐廳冇賣麵線,請問貴 司根本冇賣嘅嘢點解要擺喺餐牌上面😅咁冇計只有白飯簡啦,侍應小姐仲好似有啲咩障礙咁重複咗三次問我白飯o唔ok,我就問返佢我有得唔ok咩,侍應小姐西口西面咁同我講唔ok可以唔要套餐,其實返工唔開心可以唔返😅但冇權利將脾氣發洩喺客人身上😅😅😅最嬲係埋單嘅時候,我見唔到門口處有收銀地方,我坐喺外面,亦見唔到有任何指引係要行入收銀處埋單,我嗌咗三次埋單,有另一位侍應小姐黑口黑面企喺我枱前面禁電話,完全冇諗過理我,聽到都扮聽唔到,第四次我嗌得超級大聲先有另一個侍應呢話畀我聽要入去收銀處俾錢。完全係畀錢買難受,因為朗豪坊依間分店我此生此世唔會再去任何茶木🤮同埋如果返工真係返得咁唔開心可以辭職,但係唔好發洩喺客人身上…查看更多

價錢非常親民嘅雲吞店， 所有雲吞全部都唔味精，面咬落有筋勁係手打嘅面😋😋😋炸醬麵，只有肉碎， 蔥花同面，簡簡單單， 雖然冇乜汁，而且有少少油， 但係食落去就係嗰一種簡單古樸農村面嘅味道。餐牌款式種類唔算多，個人特別推介香菇小雲吞，同埋鮮蝦仁小餛飩😋😋😋😋😋所有嘅雲吞湯頭都鮮甜味美，絕對唔係味精， 每碗雲吞都會配以有生菜， 係健康之選。其實味道上唔係話好頂級嘅好味， 但係畀到我一種家嘅感覺， 好似就係曾幾何時媽媽煮過嘅雲吞麵一樣。…查看更多

家傳滬曉必食北京填鴨😋😋😋成隻鴨喺你隔離片好過癮， 餅皮煙韌有口感不過今次略然有少少林， 鴨肉一如既往有水準， 不過青瓜大蔥等配料就可以做得再好啲， 今次有啲乾身，可能擺得太耐。陳醩淆肉都係我非常鍾意，花心機而花時間嘅菜式， 做法非常繁複， 慢火燉肉， 將其精華逼曬出嚟， 因為牛肉本身有非常豐富嘅膠原蛋白， 雪凍咗之後就好似啫喱咁樣凝固， 凍食嘅食法更加能夠清楚品嚐到肉嘅鮮味， 加上陳醋絕對係無與倫比。非常鍾意的一間餐廳但最近水準經常有些少下滑， 希望可以保持返一貫水準😚…查看更多

成日喺facebook都睇到好多宣傳片， 見到做緊限時內無限refill卜卜蜆， 就疊埋心水去試一試。首先就個promotion而言， 個人認為正常情況下只能夠refill一次， 因為限時30分鐘， 然而佢第一煲擺落嚟就開始計時， 但係整煲蜆都係凍冰冰嘅， 等佢滾得嚟又要等佢熟， 食得嘅時候已經冇咗20分鐘， 神仙速度食曬 都係再refill一次 ， 擺得到落嚟都冇時間等佢滾， 所以個人認為正常情況下只能refill一次。單論食物質素而言係唔錯嘅， 蜆肉好多都大大粒鮮甜肥美， 個辣勁都係非常正， 但係整體食物價位偏貴，同等質素可以有更多平價少少嘅選擇整體性價比唔算高…查看更多

每日特價時段都有減價， 夜晚收工時間九點半， 咁大一盤雜錦壽司，100蚊都唔使， 非常抵。味道上始終係擺咗一日嘅賣淨蔗， 新鮮度自然係有扣分， 但唔會差得過其他超市嘅壽司， 魚兵衛嘅飯糰都係特別實淨有口感， 米粒分明，軟硬適中。海膽本身好容易變壞會有苦味， 但依一盒 擺咗一日拎到返屋企都仲係甘甜嘅， 值得一讚，不過鰻魚片個人認為太薄身咗少少，鰻魚汁不足， 唔係好夠味。不過呢個價錢嚟講都不過不失， 試過平時正價時段買係高水準有80分嘅， 特價賣淨蔗就畀佢70分啦😋…查看更多

不嬲都係牛角嘅忠實fans， buffet嚟講都維持到一貫嘅食物質素可謂相當厲害， 只不過唔太鍾意同一般任食放題一樣，首先會送一盤雜錦肉畀你嘅做法， 因為其實好似某部分嘅豬肉同雞肉我自己都係唔太食嘅， 尤其是而家非洲豬瘟橫行， 但佢係都畀咗你唔食又好浪費， 呢一點唔太like。牛舌任食唔嬲，肉質同口感同平時喺其他門店食嘢係一模一樣， 厚實juicy 😍😍 淨係叫多幾份牛舌都 番本。普遍肉既品質上都非常靚， 油花分佈平均。不過請我食豬肉就唔多鍾意， 而且肥膏略嫌有啲多。…查看更多

有誠意有水準嘅湯河，湯頭極濃郁，唔味精， 清甜鮮美，飲得出係有誠意，有功架，花時間嘅湯底，係連鎖餐廳速食文化氾濫嘅香港來講值得稱讚。非常越式地道嘅餐點，所有嘅香料，包括九層塔，炸蒜，青檸，辣椒等等都齊全， 尤其是加上青檸同辣椒， 整個河粉香口又惹味。生牛肉更加唔洗講，唔夠新鮮嘅牛肉絕對冇一間餐廳敢全生擺落餐點到出街， 可能係因為其他配料太出色，牛丸反而顯得有啲不高不低，不過不失。成個河粉份量有啲少，可能因為係下午茶，不過對女孩子黎啱啱好😊…查看更多

太和呢一條街係匯聚咗國際唔同嘅高級美食天堂。咖啡灣係一間由我中學開始就情有獨鍾嘅cafe，有環境，有情調，有質素。三文魚白汁意大利麵，煙燻三文魚就不過不失，意大利麵維持一貫水準，有咬口而唔軟爛 白汁奶香味重，唔太油膩 ，配合蘑菇同蟹子， 蟹子清新鮮味，蘑菇香濃， 非常好。今次軟殼蟹有少少唔夠脆， 可能擺咗有一段時間，入口唔夠熱，有少少油膩感， 平時有80分今日畀75， 意粉都係白汁就唔再評論， 軟殼蟹意粉都係非常值得推介嘅一道菜， 希望下次食可以有番一貫嘅水準。…查看更多

返工lunch time， 沙田工作者的福音， 幾十蚊enjoy原條鰻魚。首先好欣賞韓國餐廳消費有配菜送😍 無限泡菜refill， 食韓國菜永遠都唔會覺得單調， 燒鰻魚就不過不失，略嫌有少少咸， 可能係因為配飯啦， 蛋包飯冇乜味， 半熟滑蛋非常嫩滑蛋香味濃郁， 整體水準中上， 勝在性價比超高， 讚讚讚。不過如果以工作中嘅lunch time嚟講餐廳氣氛有少少壓抑， 裝修牆紙等等都係以暗色為主調， 應該係適合晚上同朋友一齊坐低傾計大聲笑嘅氛圍， 午餐嚟講有少少唔能夠放鬆。…查看更多

馬鞍山係眾所周知嘅美食沙漠，喺呢度即使係連鎖食店都無比珍貴😂馬鞍山市民想食靚嘅鐵板肉真係唔容易， 向來都非常欣賞pepper lunch 嘅做法， 有信心直接將生肉上鐵板出街嘅餐廳真係唔多， 大部分都係先烤過，半熟再上鐵板， 要做鐵板生肉第一樣嘢鐵板要夠溫度， 唔能夠馬虎，所費時間冗長， 對連鎖速食店嚟講係大忌， 寧願花費時間成本都唔將就，呢份誠意加分， 除咗鐵板要夠熱之外肉嘅新鮮程度都好重要， 唔夠新鮮嘅話會有好大陣雪腥味， 就咁肉眼望落去，所有嘅新鮮生肉擺上鐵板都係未經醃製， 對肉嘅新鮮程度冇信心係絕對做唔到。今次就叫咗一份牛粒薯蓉配飯， 鐵板真係好夠好夠熱， 鐵板烤肉滋滋聲響十五分鐘都未完，搭配埋自己配搭份量嘅蒜蓉醬汁同黑椒， 外香內jucy， 珍珠米煙韌有口感有嚼勁， 將珍珠米放落鐵板上烤出嘅肉汁裏面， 口感同味道昇華，非常推介呢種食法。正評係俾用心經營嘅餐廳。…查看更多

第一次食火鍋拎左鍋半個鐘都無人點爐， 期間催過三次，啲侍應態度超級差，話番我轉頭叫我等一等，話佢執緊枱好忙，我想講忙所以慢okay,但啲咁既態度就好有問題，我黎食野唔係受氣。蜆鍋啲蜆好唔新鮮，食落一口沙，苦苦澀澀…查看更多

環境裝修同座位外觀上走西式風格，整體感覺都令人幾舒服，叫咗risotto賣相都好精緻，餐點一送上嚟就有一種驚喜嘅感覺，未食已經聞到黑松露嘅香味， 入口黑松露嘅香味同白汁混合得非常好，鹹淡適宜， 應該係迎合咗香港人嘅口味，risotto嘅米芯都熟曬。其實味道同賣相上都唔錯，但個份量少到完全係唔夠攝牙罅，我同朋友兩個女孩子都唔算大食，但每人叫一個 main ，再加多個小食薯條，都唔夠飽，成舊水 一碟 risotto ，幾啖就食曬，性價比非常低，最後係餓住走。…查看更多

由細食到大，係童年珍貴嘅回憶，滿滿嘅舊式香港情懷，金莎朱古力夾餅，外層香脆內層鬆軟，咬到中間夾心係熱辣辣嘅留心金莎朱古力漿， 甜而不膩， 係香濃嘅朱古力口感， 好似置身於朱古力浴缸一樣 成個口都係朱古力將想爆出嚟咁。夾新潮與傳統於一身，雖然其貌不揚，味道就一流， 完完全全真係禾稈冚珍珠， 雖然十幾年嚟都加過好多次價，但百物騰貴相信老闆都唔想收貴街坊既。除咗味道之外喺，呢度真真正正最令人享受嘅，係嗰種人情味，聽著此起彼落嘅計時器響起，老闆大叔豪邁嘅叫聲，係一種懷緬童年嘅享受。…查看更多

餐廳環境佈局十分精緻，菜單選擇多，台式味道正宗。同朋友嚟聚會叫咗水果茶同鹽酥雞， 水果茶十分之精緻，杯中冰粒都結有檸檬塊，慢慢飲落去啲淡淡嘅檸檬味會漸漸跑出來，非常有層次感， 入邊傾計一邊同朋友嘆茶，十分寫意，令人好放鬆。鹽酥雞方面就更有趣，會配有一支支唔同味道嘅調味粉畀你自己加落去，好似變緊魔法做緊實驗咁，口味嘅自由度好高，未落調味嘅鹽酥雞唔太鹹脆卜卜，粉漿唔太厚唔太薄啱啱好。同朋友聚會嚟講環境都幾舒服，美中不足嘅係價錢都係略貴，唔飽肚， 如果要食到飽都性價比略， 感覺唔似係食正餐嘅餐廳。…查看更多

裝修非常精緻，走嘅係簡約文青風，係依個環境當中，成個人既心態都不自覺慢落嚟享受。店內有好多有趣嘅小擺設，每一個角落都可以見到店家嘅小心思。同八哥一齊，望住窗外的街景，安靜地享受一杯咖啡， 頓時有一種好寫意嘅感覺。我就點咗一杯玫瑰latte ,即使係凍飲,都好容易飲到佢香濃嘅咖啡裏面嗰種陣陣嘅玫瑰花香。食物方面，我哋叫咗一個，燻雞肉沙律同埋炸魚薯條，本身見到餐牌上面好得意寫住有一個菜叫做睇心情，就想試下佢嘅廬山真面目，誰不知廚師今日冇心情，試唔到真係有少少遺憾，希望下次再去嘅時候佢可以有好心情啦，哈哈。不得不說真係好好食，有十分我比十分有100分我比101分，烤雞方面，配上香草非常之入味，配搭上個黑醋汁，本身以為會係酸味好濃嘅， 點知個黑醋汁 只有少少酸，反而係甜味重身啲，同雞肉非常夾， 佢哋係絕配。蔬菜方面都非常新鮮，沙律菜鮮甜爽脆，再夾埋個個好食到不知得了嘅黑醋汁，真係好好食!老實講前面個沙律畀咗咁大驚喜炸魚薯條啱啱上枱嗰陣，真係有啲失望，見到佢薯條又好似生生地，炸嘅外皮又好似好軟淋淋咁。點知食落去嗰下真係嚇死人，炸魚嘅皮係唔脆嘅，但，非常非常非常之咁香口，炸皮嘅厚度適中，係用啤酒漿炸嘅，雪魚肉嫩滑鮮甜，最重要嘅係要配埋個honey master，碟上面嘅小小完全係唔夠食嘅，我甚至再order多成碗honey mustard， honey mustard嘅比例真係掌握得非常好😍 配炸物簡直係冇得彈。炸薯條都唔係香口嘅類型，但係佢外皮生生地，咁佢裏面居然係熟到爛嘅薯蓉，都係嗰句，搭honey master冇得彈食咗咁多嘢仲要依個質數埋單先至150,依個性價比真係高到不得了，必須滿星好評，我會不停不停再黎。…查看更多