Anson AY的个人专页

一早聽過佢喺台灣嘅大名，難得佢哋開到嚟香港，即刻去試吓，今次主要食咗兩個燒肉set, 牛肉set部位好多，連封門柳都有得食，牛肉質地都係好嫩滑。至於雞就更加驚喜，因為有得燒雞軟骨，燒出嚟少少燶好香口。最後仲加咗個蟹膏拌飯，除咗蟹膏之外，飯上面仲配咗啲乾蒜片同埋三文魚子，香得嚟又鮮味。值得推介！…查看更多

好耐之前已經聽過佢地嘅大名，喺網上成日見到老闆同客交流同開啤酒，之前北角間舖結業真係好可惜，當我知道佢地喺灣仔重開就即刻約咗朋友一齊，雖然因為揸車嘅關係冇叫到啤酒，但係見到氣氛真係好熱鬧，我地五個人食左6碟餸，最好食係隻風沙雞，皮脆肉嫩，強烈推薦大家去食…查看更多

坐夜機返香港，返到大角咀已經半夜兩點，喺我好肚餓之際竟然比我見到呢間野仲有開，簡直係上天賜俾我嘅禮物，如何不說即刻去咗督咗串魚蛋燒賣魷魚同埋牛柏葉，再整多包維他檸檬茶，爽到不得了…查看更多

我自己一直都係齒留香fans, 聽過新桂香個朵好耐，但因為好少去柴灣，所以一直都冇機會試。今次終於有機會，叫左碟肥叉飯，肥叉香到不得了，仲有碳燒香味，不過食多幾舊會有啲漏，食完即刻執多一斤叉燒夜晚加餸！價錢係貴，但值得！…查看更多

今日放lunch諗唔到食咩，路過見到呢間入去試下，點知有驚喜，試左個招牌串燒飯，份量都幾足，有雞牛豬同埋牛丸 ，燒嘅火候啱啱好，鹹香惹味，再配埋招牌沙嗲醬，送飯一流！…查看更多