Jumbo1101的个人专页

同舊同事聚舊，搵到呢間好多好評嘅cafe, 有啲期待。餐廳位置雖然離地鐵站有一段距離（在荔枝角、長沙灣站中間），由荔枝角地鐵站出要行約10分鐘，但尚算易搵，唔係太吊腳。約 11:15am早到，但餐廳仲未開門， 但好快就已經好多人喺門口等。我地一行六人，坐得比較迫狹，但環境尚算清潔、佈置整齊Set 選擇不多，只有三set, 而宜分別不大，有一個是素的，其餘兩個都係平時all day breakfast 嘅材料，乜都有啲，分別係有冇三文魚我點咗All day  breakfast 乜都有嗰個set, 加$5轉多士做窩夫，估唔到窩夫有驚喜，有啲吉士醬喺裡面，幾好味餐飲有免費橙汁，good! 最鍾意啲mushroom , 煮得好香！其他食物不過不失，但整體份量對正常食量嘅女仔嚟講略嫌大份…查看更多

去完D2 place , 經過呢間貌似高級茶餐廳，估唔到星期日下晝呢區都有咁多客人，見餐牌啲價錢唔貴，咁就同老公入去試下。簡單叫咗兩個tea set1）煎雞扒腸仔公仔麵 - 雞扒煎得好靚，肉質唔鞋，口感幾好，用料唔似一般茶餐廳2）焦糖燉蛋配雪糕 - 一上菜好驚喜，賣相100分，唔講仲以為自己去咗酒店食afternoon tea, 而且好好味整體嚟講食物賣相同埋質素喜出望外，又睇得又好味，環境同埋食物似高級餐廳＄100，但其實每個set都係普通茶餐廳價錢，已book mark 會再去，地點又方便，好近地鐵站…查看更多

食咗個羊柳餐，$138，價錢同食物質素唔成正比，個餐包好硬，啲羊肉太腍，啲蕃茄求其切完放上隻碟度，最正常係杯嘢餐飲。成個餐連茶餐廳食物質素都不如，唔會再去第二次…查看更多

我地四個人夜晚九點半到登龍街搵餐廳食飯，周圍餐廳都好多人（其他鋪外都至少有兩三堆客）等緊，見thai shing門口冇人等就去𥄫下個menu 好似都ok就入去。但我地兩個人到咗先（另外兩個朋友就嚟緊），我地入去都未有位，咁一位女職員就上前同我地講：「執緊枱，好快，下張到你」等咗一陣（都有五至十分鐘），有一枱客人出嚟，枱又執完，咁我地就入去問係咪可以坐低同order（因為一路都係得我地兩個等緊，冇其他客人等，我地未嚟嘅朋友亦去到地鐵站行緊過嚟），個女職員俾我地坐，但突然有個男職員同我地講：「你地人齊先可以坐！」咁我地乖乖咁出去，隔咗一陣我地見都冇人等緊但張枱空住，所以我地再入去提議：「我地其實諗好晒四個叫咩食，而家可以落order,可唔可以坐住等，出面好熱 :( 」但個男職員好惡咁同我地講：「你地人齊先可以坐低！」我同朋友好無奈，就講：「咁我地而家兩個人，當兩個人人齊坐低order嘢食ok 嗎？」（當時亦未有其他客人等候）但個男職員keep住好惡好大聲咁同我地講：「咁你兩個人就出去等下先，呢張係四人枱，到時有兩人枱先俾你坐！」跟住我地仲喺度拉鋸緊嘅時候（我地係接近哀求嘅語氣，同佢講我地可以即刻叫嘢食）， 突然嚟咗三位大陸女客人，男職員就安排咗佢地入座，趕咗我地兩個出去，一分鐘後，我朋友亦到咗，未食就成肚氣男職員態度勁差，由頭到尾一個唔好意思/唔該都冇句，推介你地入去食，可以慳返唔少錢，因為未食就谷到你成肚氣 …查看更多