Siu615的个人专页

叫咗餐廳嘅晚市鐵板燒set二人前，食物份量豐富，食到半途已經有啲飽，而且食材質素非常之高，特別係海鮮嘅部份，龍蝦同鮑魚送上嚟嘅時候仲係識得郁，令人興奮🤣除咗食物嘅賣相，食物製作嘅過程都係一種藝術表演！龍蝦啖啖肉，煎得好香，加上滿滿嘅蝦膏做醬汁，簡直無懈可擊！鮑魚勁大隻又飽滿，師傅對於烹調嘅時間控制得啱啱好，有咬口之餘又唔會太難𡁻，非常高質。炒飯嘅質素亦好高，加入大量配料，令口感好好，飯粒粒粒分別夠乾爽，入口彈牙，非常好味，仲好貼心準備咗高湯做茶漬飯，兩種食法都好好味。除咗食物質素之外，服務質素都好好，添茶好及時，上菜速度亦快，仲會關心一下食客對食物質素的意見，希望餐廳一直能夠保持水準，會推薦俾身邊嘅朋友。…查看更多

一排冇食日本菜，諗起主打特色卷物嘅古今二，今日搵到朋友陪我食個late lunch。最愛都係配料簡單味道又合襯嘅金龍卷，炸蝦加三文魚係絕配，而且好味又抵食；今次仲叫咗未試過嘅蜘蛛，係軟殼蟹配上蟹柳、青瓜同牛油果，同樣係出奇地夾，朋友都大讚出色！自家製玉子燒即叫即整，入口又香又軟，質素唔錯。當然唔少得朋友至愛嘅燒茄子同芝麻雞翼，香口惹味，特別欣賞佢嘅雞翼醃得好入味，炸得酥脆之餘仲保持到肉汁，非常推薦！…查看更多

鍾意食日本嘢嘅我向來都會特別留意日本餐廳，之前經開呢頭已經有留意呢間細細嘅居酒屋，今日終於有機會一嚐。鋪頭入面座位唔多，大概五六個位，透明嘅櫥窗擺滿各式魚生刺生，非常吸引。師傅推介象拔蚌刺生，話係日本空運到港，質素好而且抵食，份量唔少，食落勁新鮮，鮮味爽口，果然冇介紹錯！另外火炙壽司亦質素好高，件件肥美飽滿，特別係原條海鰻，啖啖肉，令人滿足！總括嚟講餐廳食物質素好高，但價錢又唔係好貴，性價比好高，會回頭！…查看更多

好耐冇食Omakase，今日揀咗呢間風評唔錯嘅餐廳，Omakase有兩個套餐，我哋揀咗貴啲嘅斗。食材非常新鮮，老闆話係日本空運，原來佢會定期親身去日本入貨，非常用心。前菜係白子配上清新開胃嘅調味，滑嘟嘟嘅質感加上鮮甜嘅味道，令人難忘！刺身嘅部份非常抌本，今晚嘅刺身有北海道帶子、鯖魚、目扙鯛、吞拿魚同北海道生蠔，每一樣都非常新鮮，特別欣賞佢嘅目扙鯛，魚皮嘅位置燒過令魚油嘅香味更加突出，齒頰留香。炸物同樣係充滿驚喜，唐辛子、沙椎魚、鮑魚同魷魚用天婦羅嘅形式呈上，全部即叫即炸，特別係粉漿嘅部份，又薄又脆，無返咁上下功夫都做唔到！仲有令人超級滿足嘅海膽，份量超級多，又鮮又甜。最後仲有和牛、茶漬飯同日本水果，成餐飯嘅份量係非常之足夠，絕對夠飽，非常推薦！…查看更多

一家大細帶埋小朋友返屋企食飯, 又唔想老人家煮得太辛苦, 決定落街斬返幾碟燒味加料, 附近新開嘅呢間燒味店好受歡迎, 次次行過都見到好多街坊幫襯我哋揀咗鹹雞, 燒鵝, 叉燒同埋鳳爪海蜇, 咁多嘢加埋都係$200鬆啲, 非常抵食! 😍食物質素亦唔錯, 特別係叉燒同燒鵝, 叉燒唔會太瘦同埋太柴, 咬落有少少肥肉, 而且味道亦唔錯, 鹹淡適中👌🏼燒鵝夠晒肥, 啖啖肉!😋入口非常香, 而且唔會有羶味, 做緊新張優惠仲特別抵食, 屋企人亦都大讚! …查看更多

疫情之後都好少出外用餐, 今次難得朋友升職, 話要請我食餐好, 當然唔能夠錯失呢個機會! 佢揀咗呢間廚師發板新貴😆絕對令人興奮!!三文魚子茶碗蒸蒸得恰到好處🥲又嫩又滑, 免頭仲鋪滿脆卜卜ge三文魚子, 回味無窮!!赤貝清爽甜甜不特止, 仲超級肥美😋喺肉厚ge牡丹蝦上面鋪上蝦膏, 令成個味道更加昇華! 鮮甜無比!!松葉蟹肉加蟹膏呢個組合雖然其貌不揚, 但入口絕對係驚喜無窮😋係最邪惡嘅組合!中拖羅肥美冇筋, 師傅非常慷慨, 切得好厚大大件!!原隻海膽係成晚嘅重頭戲! 口感豐盈細膩, 味道鮮甜嘅程度更加係難以言喻🥲絕對值得encore! …查看更多

久違ge韓國菜, 本來同朋友衝住OUTDARK ge炸雞而來, 黎到反而俾部隊鍋吸引住, 凍冰冰嘅天氣真係令人對火鍋無法抗拒🙈呢度嘅部隊鍋好有韓國feel, 湯底夠晒香辣, 仲有額外嘅辣醬比客人自己調校適合自己嘅辣度, 材料又足, 配上芝士同辛辣麵底簡直一流, 同朋友忍唔住加多個麵底食到夠😋另外炸雞唔使講當然係非常出色, 又香又脆, 甜辣味道適中, 仲有超多嘅薯條, 薯角同薯格做配菜, 入口有超香嘅芝士味, 令人食唔停口!!😋…查看更多

好耐冇食日本菜, 今晚同朋友嚟尖沙咀食呢間最近非常熱門ge日本餐廳, 經常喺ig見到佢ge身影, 主打和牛同海膽, 睇見都吸引!😍我地叫咗和牛三文治配海膽, 盛意滿滿和牛丼, 海膽鰻魚蛋卷同日本蕃茄沙律, 每一道都非常高質, 特別係和牛三文治, 和牛5成熟, 入口牛味好濃, 油花細緻, 味道一流, 再加上面頭鋪滿海膽, 入口再多一份鮮甜滋味!!😋另外盛意滿滿和丼更加係丼如其名, 極度有誠意, 表面鋪滿海膽, 和牛, 鵝肝等珍貴食材, 和牛嘅油香更加係滲哂入米粒之中, 啖啖美味! 😍…查看更多

傍晚時間行過銅鑼灣, 見到呢間唔太起眼嘅壽司店, 偏偏人流極旺, 行近一睇價錢亦唔算貴👌🏻等左大概半個鐘, 總算可以入去我哋揀咗特上壽司拼盤, 有十件時令壽司, 分別係吞拿魚腩, 深海池魚, 牡丹蝦, 赤貝, 海膽, 三文魚子, 火炙左口魚邊, 鯖魚, 魴鮄同蔥吞拿魚腩壽司, 非常豐富, 而且件件都咁新鮮😋充滿驚喜, 特別係吞拿魚腩同海膽, 更加係用料上乘, 滋味非常!!😍估唔到喺銅鑼灣呢d鬧市區, 都可以食到價錢咁相宜嘅壽司, 質素仲好好!! …查看更多

好耐冇食過韓國嘢, 嚟到呢間非常受歡迎嘅韓國餐廳, 果然同店名一樣, 火熱程度極高!😍我哋兩個人食, 嗌左豬手沙律, 甜辣炸雞配年糕, 牛肉石頭鍋飯同水冷麵, 食物可以用平靚正黎形容😋必須一讚水冷麵非常足料, 仲加入左魷魚, 麵條食極都有咁, 非常清爽開胃! 👍🏻牛肉石頭鍋飯分量亦非常多, 仲有辣醬係仼落, 辣度可以自己調節👍🏻炸雞份量亦唔少, 用ge全部都係雞脾肉, 又香又嫩, 再加上煙煙韌韌ge韓式年糕, 配埋甜辣醬, 令人食唔停口😻…查看更多

又心思思想食蒸氣海鮮, 四處搜尋信得過價錢又合理ge海鮮店, 最後決定食蟹仙, 位置喺尖沙咀, 地點超方便就腳👍🏻7點鐘黎到已經有唔少客仔, 好彩一早預約定, 海鮮餐超多嘢食, 鮮蝦, 鮑魚, 龍躉片, 蚌, 元貝, 蠔, 龍蝦, 同蟹樣樣齊, 而且樣樣新鮮😋特別係龍蝦同蟹, 又大又多膏, 鮮味十足, 食過翻尋味! ❤️埋單價錢亦唔算貴, 其實自己買海鮮都唔差得好多, 有人幫手清洗埋, 仲有專人蒸埋, 又方便又舒服, 係食海鮮ge好選擇😋…查看更多

好耐冇同舊同事食飯, 難得就得啱時間, 當然要黎老地方聚一聚, 每次見面都係打下邊爐, 貪佢可以坐耐少少, 慢慢食😎老鍋ge麻辣湯底簡直係經典, 係我哋每次黎必叫, 味道又香又濃, 仲有絕對唔少得嘅鴨血同豆腐! 鴨血又香又滑又吸哂d湯汁, 好惹味, 食幾多件都唔會滯❤️ 豆腐口感好粗粒好索汁, 一樣咁正😋另外好推薦羊肉同皮蛋貢丸! 羊肉味道濃得來唔會好羶, 襯埋香辣湯底簡直一流! 皮蛋貢丸更加唔使講, 一咬落去完全係爆汁😍一試便愛上❤️…查看更多

去開元朗探朋友, 順便去附近食晚餐, 揀咗呢間喺好順景地下ge蒸氣海鮮, 出名平靚正!我哋揀咗最平ge海鮮套餐, $298一個人, 平日仲唔洗加一, 實在係超值😉海鮮內容豐富, 除咗基本嘅鮑魚, 帶子, 貴妃蚌, 同海蝦之類, 仲有澳洲龍蝦同奄仔蟹! 龍蝦同蟹仲有膏! 而且都唔細隻! 真係好抵食❤️全部海鮮都非常新鮮, 而且洗得乾淨, 令人非常放心👌🏻另外必須一讚ge係粥底都非常好味, 好少粥底會專登加入瑤柱, 非常之鮮甜👍🏻…查看更多

荃灣有好多烤魚店, 但成日食嚟食去都係果幾間, 今日行過見到大河道呢間川味烤魚, 好似幾有新鮮感, 一放會一會佢😉舖頭唔算大, 但為同位之間隔得夠疏, 而且空調亦開得夠勁, 唔怕食完一身都係臭味👏🏻我哋兩個人食, 當然要嗌返個烤魚, 商量之後揀左剁椒烤魚, 魽魚夠晒厚肉, 而且食落都算滑, 烤魚嘅湯汁算多, 千祈唔好睇小佢, 開頭食嘅時候湯頭唔算濃郁, 但煮多陣之後, 啲辣味慢慢湧出黎, 越食越辣, 越食越刺激! 🤤加咗一小碟安格斯肥牛, 質素亦好高, 同剁椒湯底好夾! 😋…查看更多

初次品嘗廚師拍板, 當然要揀一間有有口皆碑ge 餐廳以免期望落空, 經過朋友介紹, 揀咗呢間喺觀塘區都幾出名嘅日式餐廳, 聽聞曾經受過採訪, 所以人氣都幾旺, 必須要訂位先可以品嚐, 所以一早同朋友約定, 期盼已久, 終於嚟到呢一日😁同朋友揀咗定價980蚊ge廚師拍板餐, 食物超級豐富, 食咗一半已經開始撐住肚皮, 性價比極高! 而且食物質素亦非常高, 新鮮程度一流! 刺身同壽司ge選材亦比較新鮮, 能夠品嘗到一啲少有ge魚類, 非常有新鮮感😋另外, 可以望到廚師切魚, 鐵板燒同握壽司ge過程, 亦有一種表演性質, 完全值回票價! 👏🏻…查看更多