miko0129的个人专页

今日下午茶去左呢度食炸脾紅豆冰,超正。個雞脾d肉好juice ,好滑.唔會炸到乾晒。但係塊皮就炸到好脆。好好味。杯紅豆冰 有d太甜啦。不過d 紅豆煲到好淋。起晒沙。值得一試。最重要係29蚊咋…查看更多

朋友仔成日話呢間好好食。終於一個月前book定今晚要食生日飯,一坐低就叫左個大既花膠雞煲。佢個煲就真係超大,花膠一人都食唔到一舊,至於個湯既味都還可以之後就點左d牛肉呀,丸呀,蝦滑呀呢d牛肉無乜特別,至於d丸同蝦滑本身就好爽同彈牙,但係無味既跟住仲叫左個脆肉鯇,非常爽口,不過略嫌有d泥味跟住就叫左d貴妃蚌同埋蕃薯蜆,貴妃蚌值得一讚,全晚最好食呢樣野。地方好細,大家要坐得好迫,個海鮮缸就係後面,有時會彈到d水之後都唔會再食佢…查看更多

話說男朋友話想食麵。於是我就上黎搵下大圍附近有咩好食,結果俾我見到呢間好湯好麵,睇左d相覺得幾吸引,就决定要試一試佢由於佢本身10點半就會last order,個晚我9:30左右去,已經唔太多客人啦 ,佢地既座位都算闊落,唔會坐得太迫當日我地就點左個好頭好尾同埋海龍皇黎試好頭好尾主打牛,佢既湯好有牛味,佢入面會有幾款唔同既牛肉,全部都好淋身。至於佢個海龍皇湯底真係不得了,店員話呢個湯底用左6款唔同既海鮮去煲。係全店味道最濃郁既湯底。而佢地既湯全部唔落味精。個日成碗湯飲晒都唔會覺得口渴由於佢既海龍皇係有蝦。店員仲會好細心咁為你奉上濕紙巾俾你抹手呀…查看更多

琴日收工突然想打邊爐,上黎開飯見到大圍新開左一間吖友酒棧既台式火鍋,見佢d相好似幾吸引咁就黎試下。佢既地點係火車站附近,都尚算方便,過到去個邊見佢店面細細咁,好似得幾張檯,不過坐起上黎一d都唔迫,每張檯既間隔都好闊落,唔會坐得好辛苦。跟住店員就俾左張點菜紙我啦,上面有幾款唔同湯底,最後我就點左個醉雞鍋,響鈴,餃子拼盤,水蓮菜,牛魔王拼盤,桶蠔,車打芝心丸同貢丸佢個湯底,味道好濃,就連食飽後飲一碗,都依然係有本身既藥材湯底味佢既響鈴係台式浜山炸大豆皮,同係香港成日見到既響鈴個樣好唔同餃子拼盤入面有4款唔同既餃子同雲吞,每一款都好好食,水蓮菜就可能比較老,食落一般至於佢個牛魔王拼盤就係係6款唔同既牛肉中間隨便放5款,不過佢每一款牛都一般,無一樣特別,有機會再食呢間都未必會再叫佢個桶蠔就好鮮甜好多汁總括黎講,佢除左牛之外既野都值得一試琴日因為星期五既關係,係facebook 打卡仲有85折既優惠,埋單591蚊2個人,正常價錢咁嚕…查看更多

今日心血來潮想去朗豪坊食飯。就上黎睇下有咩好推介。見到呢間野好似幾得意咁。就黎試下啦。入到去地方都算闊落。唔會坐得太逼。之後就同男朋友叫左個2人餐。佢個2人餐有前菜沙律,有份廣島燒,有3選1既御好燒,有2選1既燒肉,有1份燒元貝,2份雪糕同埋2杯野飲。埋單加埋一 ,TL $426佢會有晒說明教點樣燒,不過廣島燒個雜菜同埋炒麵太大份啦。如果想燒得個型靚d,可能要落d功夫啦 。至於個個御好燒,味道就同我地平時食到既燒餅味好似,大家不妨試下燒呢個餅。不過要留意返就有入座有限時90分鐘左右,同埋每位最低消費100蚊…查看更多

呢間火鍋店地方比較細 。想食既朋友仔如果早少少打去訂位會好d,因為今晚本身我訂左8點鐘,早左15分鐘去到都要等到8:30先入座。不過服務員既態度好好。佢地上菜既速度十分之快。岩岩點好菜。幾分鐘內就會上到。食物質素都唔差架。滑尾龍。牛朴肉。牛駝峰。牛餃子。胸口膀。全部值得一試。滑尾龍超滑。d 肉仲好淋身牛餃子。好有牛肉味。佢本身會跟一個醬汁。味道會較酸。胸口膀只要10秒左右就可以食。本身比較爽口。口感好特別~2個人食左500 野。都算抵。…查看更多

雖然地方細細。但係環境都ok 。見到有用心去裝潢過。食物方面都唔差。個日食左個日式茄喱漢堡蛋包飯~老闆話呢個係用安格斯西冷手打出黎既。的確值得一試。唔會太乾。仲有好多肉汁tim 。仲要呢間cafe十分抵食。佢既份量都好大份架。唯一美中不足係。以cafe黎講。佢地既飲品杯係唔勁靚…查看更多

當晚同朋友仔book左檯去食。約左8:30。但係由於8點已經到左。就諗住問下有冇得早少少入去。估唔到服務員已經為我地留左檯。佢既環境其實幾舒服。佢既裝修。擺設都好用心。座位都夠闊落。可以坐耐少少傾下計咁。唯一美中不足係食物味道一般。當晚吖左個2人餐。前菜係凱撒沙律。小食吖左焗蠔。主菜叫左個黑松露意大利飯。同一個自家制既麵。大部份既食物都偏咸。如果食得清淡既朋友仔可能未必岩食~~反而甜品既味道唔錯。如果晚餐時間。我未必會再去…查看更多

今日約左朋友仔睇戲食飯。一路都諗唔到食咩好。結果突然想起呢間蒸氣火鍋而朋友仔又話未食過,就帶佢黎試下。其實之前已經食過好幾次。佢地既食物好新鮮。同埋都有一樣有個水箱俾你即時去望下d海鮮,睇下想食咩。店員既服務亦十分之好。全程有人幫我地整d野食去蒸,挾俾我地啦,真係坐係度傾計等食就 ok。而佢地一見到我地隻骨碟有野就即時幫我地清左佢,仲不時 遞上濕紙巾俾我地用。十分之細心。間野開左幾年。一直keep住水準。以後都會keep住去食…查看更多