JunLuk的个人专页

聽過勝香園既名好耐，一直都冇特登過港島食，呢日終於的起心肝，搵map上黎食佢既聞名不如去食既茄通呢個奶油多，均混既牛油配煉奶，烤到金黃色既脆多士，美味絕頂奶醬脆豬唔比奶油多輸蝕，成個脆豬搽到滿滿既花生醬，搭上煉奶，一咬落去脆到刺痛口腔上顎，可想而知到底有幾脆飲過呢到既凍奶茶，我唔會再想飲別家的，濃濃既紅茶香，令整杯凍奶茶升grade我地就叫左蕃茄碎牛炒蛋通同埋雞扒腸蛋公仔麵，個湯真係好濃郁既茄味，重點既係唔會只用茄醬，係有埋一個個既蕃茄去淆，食通粉時每一啖都有蕃茄可能第一次食會覺得，其實普普通通冇想像中咁好味姐，但當你一諗返起，係會有種魔力令你好想再去食即係平淡但深刻…查看更多

男友話路德圍最近開左間食burger，咁個日又口狠想食下tea，經過見到裝修幾特別，見到芝士就抵擋唔到既我，就拉左男友入去喇芝士薯條講真其實冇乜特別，類似某快餐店薯條但淋左芝士，但右手邊呢個就特別啲喇，首先啲芝士已經唔同薯條個隻啦，呢個係有香草混合左既芝士，個包係搽左蜜糖，同個香草芝士醬係match到呢個手打牛肉就冇乜特別啦都係價錢一般當食裝修啦…查看更多

每當心頭湧現串燒呢類食物，都會把握機會去接男友放學，為既係搵佢陪我去食紅磡既呢間串燒鍾意佢既原因係又平又抵食又好味就係鍾愛呢類型既小鋪特色金菇一大包，等耐啲都唔緊要，最緊要有得食不過再多啲粉我會食得開心啲食串燒已經夠肥膩，仲要叫五花腩簡直萬惡之首，男友評價而肥牛韮菜卷同雞腎就冇得輸，雖然油膩但juicy翠玉瓜唔會硬，燒到軟軟地岩岩好，加埋味粉正正子韮菜雖然會食到口臭，但為左食我係唔會理會，啲粉灑得夠哂多，食落去亦keep到水份唔會係乾燒菜個啲牛肉雞肉雞翼真係攞我命，因為太好味我忍唔住食好多，但又太肥膩，所以要叫枝冰紅茶黎balance返啲油膩其實仲叫左個燒茄子不過唔知點解upload唔到張相，anyway個茄子係成條比，唔會一舊舊，係成條中間打橫切開一半，keep到juicy加埋啲粉，對於鍾意食蔬果既我，簡直不能抵抗得住…查看更多

等男友放學陪佢食lunch，到周圍搵下有咩食，行去食雞蛋仔經過呢間細鋪，門口個餐牌寫住有tea set，咁就入去試下啦野食即叫即整，不過黎得都算快，而且waitress姐姐好有禮貌喔叫左個茄汁辣肉腸長通粉，味道普普通通，茄味都算濃另外仲叫左個忌廉雜菌天使麵，忌廉味十分濃郁，啲白汁可以浸住哂個天使麵，但又唔會搞到天使麵林喎Tea set幾抵食架，未食lunch到左下午茶時段，又想食意粉之類既朋友，可以去試下喔…查看更多

男友一直都推介呢間海南雞飯，但一直都未有機會試到，呢日我終於睇到佢有幾斤兩原本打算叫一人一碟海南雞飯，之後男友點醒我原來有二人餐，本人最愛叫二人餐，因為多啲餸試之餘又有野飲個set 156蚊就有3餸1湯飯2碗2杯野飲凍飲加3蚊味道似青紅蘿蔔湯，但係係南瓜取代左青蘿蔔，家的老火靚湯味道飯可以揀白飯或油飯，咁我緊係揀油飯啦，食得海南雞點可以唔配埋油飯呢海南雞一到雙眼發哂光本人最愛食雞仲要係要啖啖肉個隻，呢碟海南雞岩哂我，因為係拆哂骨加上肉質嫰滑，表示愛不釋手肉餅真係估佢唔到既好味，蝦膏味濃，一開頭男友話叫肉餅我都出奇左，以為普通野啦，點知係煎既肉餅仲要有咁香濃既蝦膏味，食過返尋味喇要菜心上味既唔係蠔油，係鹵水汁如果更多的話味道更好，因為有啲唔夠點，會唔夠味總結我係會再黎食，因為堅抵食個2人餐，好味到要掃哂啲飯同餸，係要捧住個肚走人，因為碗飯好滿，食到好滿足…查看更多

黎到又一城行到其中一層，見到呢間裝潢極具意式風情既餐廳，就決定當晚食呢間啦由於我地張飛過左，去到時門口有2人位就張就坐左，之後就後悔了，發現坐入面啲先更加感受到餐廳既氣氛，欣賞到餐廳既裝飾，門口太出了Menu有3個2人set揀，每人大約3百幾，叫完個set好快就有飲品黎了，可以揀紅酒或白酒，亦都可以選擇意大利汽水，我地就揀左意大利汽水，酸酸甜甜咁幾開胃:)好快就黎左碗青口，大大碗2個人夠哂食，連啲汁都好惹味之後就係大蝦鮮茄意粉，隻蝦真係大大隻，好爽口好彈牙幾新鮮架，唔多似冰鮮蝦，意粉味道不錯跟住呢碟先係重點，茄味十分濃郁亦有助中和牛肉既膩，個牛柳一食落去好軟，有香濃既紅酒味，意大利粉團配上茄醬，絕配最後甜品係Tiramisu配生果，味道一般正正常常…查看更多

平時同男朋友黎尖沙咀，總會經過呢間炉端金，但就從來冇食過，因為門口裝潢感覺上好貴，值到上網睇食評先知原來lunch係好抵既每人午市放題$189加$38燒肉再加一一入去成間餐廳比我既感覺係好寬敞，門口會有一排單人位面向師傅，牆身亦有一排組合櫃擺滿酒瓶，有唔少既卡位，燒肉既客人都係坐卡位的一坐低緊係即刻寫紙叫野食啦，刺身方面應該比晚市少，因為張紙寫住A1咁我估A2應該係晚市既，同埋D軍艦午市係不適用既刺身方面我地叫左三文魚，甜蝦，鮑魚等，三文魚入口即溶，夠哂肥美同埋新鮮，呢個價錢食到呢個質素既刺身，十分抵食壽司方面就正常一般水準，火燄壽司依然係我既最愛，當然每款2件啦，果然不失我期望，不過飯就食一round夠哂喇串燒方面，汁燒帆立貝同雞腎確實唔錯，可以encore炸物方面，蝦天婦羅認真好味，炸完隻蝦依然保持鮮甜，個人認為唔點汁食更佳由於我放左好耐先食芝士年糕，所以係涼左冇咁好食男朋友話炸蠔一般水準普普通通由於食得太忘我，完全唔記得要影燒肉既相，我地叫左一口牛同和牛，小試牛刀既朋友，可以叫2份和牛，1份一口牛，因為和牛份量比較少，2份岩哂，燒完一食落啲油流出黎，十分惹味飲品方面選擇都算多，最緊要係有波子汽水，仲有3隻味，青檸，蜜桃同埋提子，任君選擇雪糕方面，任食，MOVENPICK有朱古力味同埋雲尼拿，Haggen Dazs有orginal總括黎講，由於係我同男朋友當日食既第一餐，胃口不及dinner大，所以好多野食只叫左1 round，我地下次會選擇食dinner，雖然lunch比較抵，不過如果有朋友lunch胃口已經夠大，值得一試啊…查看更多

同男朋友黎氹仔，去食下馳名既水蟹粥啦，上網睇有介紹墨魚丸就叫埋試下水蟹粥我地就叫左個細既，咁兩個人食都夠哂，因為我地當下午茶咁食，個粥有半隻粥都有膏既，隻蟹都大隻多肉既，不過個粥既味道真係普普通通，唔係特別好重既海鮮味，只係有些小蟹味既粥個墨魚丸就相對地好味，其實食每一粒都好膩，因為炸既關係同埋啲墨魚都多啊，唔同個啲粉團區多，呢到啲墨魚丸係足料，算係幾好味既…查看更多

周末同男朋友仔黎澳門兩日一夜，黎之前男朋友上網搵過有咩好野食，推介左呢間船屋，由於要book位既關係本身冇打算黎食啦，最後見時間充裕，男朋友5點50分打去book食6點半又真係book到喎，可能係因為星期五同埋6半都算早掛一去到門口排隊架，但我地book左位所以就即刻有位，咁我地就安排左坐門口位既，餐廳既裝潢係好水手feel配合餐廳個名“船屋”，係餐廳入面我會覺得自己去左外國咁我地就叫左網試上推介既幾味菜式，首先係薯蓉青菜湯，味道十分特別，我諗啲菜應該係菜心掛，配搭稀薯蓉湯底，佢並唔係忌廉湯個啲味，飲落係清清地咁有啲菜味咁，幾特別之後我地就叫左橄欖油蒜蓉浸蜆，百零蚊黎一大碗真係，並唔係我想像中既一小碟，一黎到已經香噴噴未飲哂個湯已經即刻夾黎食，一食落口個陣牛油香味配搭住蒜香，飲下個湯橄欖油蒜蓉同芫茜係出奇地夾個湯真係一啖又一啖飲上癮，好味到暈然後我地叫左非洲辣雞，側邊有薯條，點下個汁十分美味，啲雞唔算太辣但惹味，每塊雞件只有一條骨，岩哂我呢啲淨係鍾意食肉唔鍾意食骨頭既人，連配菜蕃茄我都唔放過，浸落啲汁到食到我lam lam利食哂都唔比侍應收走因為我太愛個汁最後我地叫左炭燒肉排，聞落去好吸引，但由於我唔太好豬肉，所以大部份都係男朋友食哂，其實個肉排燒得幾好，醃得夠哂味而且燒得十分之香，所以唔似我唔好豬既人，可以一試啊下次同男朋友黎澳門我一定會再黎食，個蜆同雞實在太正，依家已經回味緊一試難忘啊！…查看更多

係東涌住左15年，咁多年黎當每次想係東涌食日本野，可以揀既只有連鎖店，逸東終於開一間小鋪，作為愛日菜既我又點可以唔去試下！雖然鋪位唔係太大，座位亦唔係太舒服，但係村屋食日本野唔係食環境，係食人情味係食食物質素！白板上既menu係set黎包野飲，每個set都5，60左右係抵既！我同朋友們total 4個人1個baby叫左個2人餐再叫個set最後驚唔夠飽仲單叫左個飯，然後發現飽到上心口單叫左2碟芝士年糕，真係好正啲流心芝士2人餐其實已經夠多野食，有沙津、芝麻雞翼、炒牛柳(用洋蔥青椒炒十分惹味)、刺身(新鮮美味)、三文魚炒烏冬仲有鯖魚，另外唔知係咪老闆見我地帶住個bb，黎多左碟炸豪每人一個食到我地lam lam利Set我地就叫左粒粒魚生飯，魚生飯會有埋黃瓜青瓜同埋玉子燒，自己加適量既豉油，已經食到yummy yummy另外我地仲叫左個燒汁雞扒飯，係正常味道算ok啊份量整體黎講，以呢個價錢食到呢個質素既日本菜，真係抵食！我一定會同家人朋友成日食…查看更多

成日去荃灣搵男朋友食lunch，荃灣咁多野食真係揀到選擇困難症出現，行去路得圍附近天橋底既呢間蘭州拉麵店睇落幾正咁，所以去過第一次後，每次揀唔到食邊間就會去食有時要等位雖然唔會等得太耐一坐底即睇menu因為太多餸揀要諗諗先，經過5分鐘既考慮後，一叫完都係過左5分鐘左右就有得食叫埋杯豆腐飲岩哂一拎碗麵黎已經香噴噴急不及待，飲淡佢既制製湯底，濃郁好味到真係飲完一啖又一啖，再食條刀削麵煙煙靭韌，牛肚同雞腎又香又入味又林，麻辣雞絲又好有四川風味咁，真係食到流哂鼻水，五香牛肉炆到軟林林，每舊都有啲牛根咁，佢啲配料都是冇伏的，大家可以放膽嘗試鍾意食麵既我，又多一個選擇了…查看更多

係逸東商場其實真係冇咩選擇，好彩隔離既村屋有小菜食下，有時會同屋企人去食下講環境先，正記有分室內或室外坐，室外主要for吸煙人士，亦會有蚊香點係枱底有大電視播tbb你睇若你怕悶，不過其實周遭環境好嘈你係唔會聽到聲除非你係電視底下，所以睇字幕吧啦！講小菜，我最愛係金菇肥牛粉絲煲同埋黃金蝦，一黎全部係我最鍾意食既野，二黎逸東商場某某茶餐廳係冇前者小菜佢既小菜都算有啲鑊氣既，想啤啤佢既朋友可以叫下啤酒飲，唔想飲酒既朋友咪飲茶飲汽水都得姐整體黎講，對於比較少小菜餐廳既逸東黎講，算唔錯架喇！…查看更多

新年冬天期間，同屋企人去一品食下麻辣雞煲暖暖胃，等左成個鐘有得坐卡位，一坐低叫隻雞再揀配料，唔知點解明明逐碟計可以都叫到成枱係仲食唔哂響苓、生菜、油墨菜、肥牛、墨魚滑、蝦滑、四款丸、烏冬、公仔麵等等，啲雞真係入味到好味到你唔信，食埋配料吸味吸油完全肥膩到一個點，四個人食到飽到捧住個肚，叫左凍檸茶凍檸水凍青檸水飲解下油膩感由於我係一個食得太多肉或者太油膩會濟既人，所以個晚我係濟到訓唔到病左成個星期，建議大家食唔到咁多真係唔好叫太多，怕肥膩人士記得叫啲檸茶檸水飲下，怕濟人士就食五寶散個啲啦Btw一品既雞煲可以話係雞煲界中既皇牌，食過返尋味除非你濟到驚左…查看更多

至尊未執時成日去，有次同男朋友想試新野，所以去左聞名已久既一品，果然名不虛傳，一入門口陣味香到一坐底叫左半隻雞先，由於配料係逐碟計唔同至尊，咁就緊係叫啲抵食啲既唔係菜個啲，叫左牛栢葉最入味兜雞一黎，嘩我暈低咁濟，點解可以香成咁，等佢熟一食，同至尊比真係差天共地，係好味多多聲，啲調味包括雞醬洋蔥芫茜等味道，完全滲哂落啲雞件到，連配料都好好食救命識食一定叫烏冬公仔麵響苓，一擺落去索哂啲汁，一食入口淡淡都是汁是油，你可話好肥膩，但都可以話其實好入味好正食到口渴叫野飲是常識吧，凍檸茶一大杯，唔使驚好快飲哂仲有檸水西檸水stella asashi等啤酒任你揀…查看更多

男朋友住荃灣所以成日都會去荃灣搵食，由於我地都好食得，所以成日都會去食啲放題啊buffet啊任食個啲咁，最鍾意就係去英皇搵野食，有時食得雞煲多覺悶，但又想打邊爐，我地會揀一鍋堂首先，係因為佢地多湯底揀，7款任你揀，比多$50仲可以鴛鴦添，蕃茄牛肉粒香濃蕃茄味，有時想清清地咁打可以揀潮汕魚湯或者胡椒豬肚，個人比較愛潮汕因為啲魚湯真係好夠濃，而且我好愛咸菜鍾意食辣既可以揀麻辣湯一樣正第二，配料夠哂多，最緊要係啲蝦同蜆夠哂新鮮，麻辣豬紅同麻辣撈雞件，識食一定食黃金豆腐同芝士丸，啲芝士爆出黎咁鍾意食菜既朋友，仲可以去雪櫃任揀大大兜菜你食，生菜娃娃菜通菜等第三，飲品多選擇，一般汽水不在話下，Nestea又有啦，烏龍茶，cc lemon個fd有蘋果味提子味個個，最正係有洛神花茶一楂楂咁比你拎埋位飲第四，門口一入就見到調味料，一般有既都有齊，炸蒜、蒜茸、蔥、芫茜、辣椒等等，隔離仲有雪糕任食，有牛奶味或芒果味，兩溝都得，鍾意既加埋朱古力oreo爆珠椰果等配料亦得坐位舒服，張枱四四方方，黎既火鍋配料會擺係一個木架上，唔使驚配料冇位擺，枱上亦供應紙巾，亦會有電視睇不過只係播mv聽下歌咁，整體黎講係非常不錯以一間任食火鍋黎講…查看更多