KittenGrace的个人专页

由車輪小姐在美孚開張到現在，是位比較特色的小店，但食品質素每況愈下。車輪餅千篇一律、沒有改良、沒有進步，皮太厚，味道亦一向強差人意，外皮太腍從來沒有些微脆邊，車輪一貫放入膠盒外賣，蒸汽將車輪餅表皮造成濕立立，非常難吃。相對銅鑼灣Sogo有日式燒餅外賣，人家祇有兩隻味道，但外脆依然保持質素，不明為何差距極大，哎！相信因為疫情影響經營，車輪小姐增設很多款甜品銷售，今天買了一盒花生糯米糍及一盒芝麻糯米糍，簡直離曬大譜！花生糯米糍雖然餡多但花生已變膉味；芝麻糯米糍更離譜，餡料已經變酸變壞，而且餡料變成液體狀態，吃了一啖直情反胃想嘔。若甜品放太久變壞仍然放出來賣，請車輪小姐憑良心做商家，吃到顧客又屙又嘔遲早俾人封鋪。真是抱歉沒有拍照、太憤怒一早已經全部掉落垃圾桶，說真的不會再幫襯。…查看更多

蟹精是絕不能錯過每一個蟹宴的自助餐，本人認為JW Cafe是全港最值得推介的一間，永遠95分以上。今次用餐是因為慶祝生辰兩個月前已經book枱，JW亦是我食自助餐的必然首選，訂枱的時候還不知道是蟹宴，真是誤打誤撞食餐好嘢。龍蝦、螺類及凍蝦就不用評價。今次蟹類十分豐富，有毛蟹、鱈場蟹、麵包蟹、花蟹等為凍蟹，大家不要以為花蟹是水蟹，全部蟹肉是實肉鮮甜多羔，而且源源不絕送上，就睇你有幾大食力；另外熱盤還有蟹類多種選擇，有蟹蓋、胡椒蟹、避風塘炒蟹、炸軟殼蟹、花雕清蒸雪場蟹....等等，其餘熱食、刺身、甜品，一如以往標準。說真的，肚子裝不了那麼多，怎能夠樣樣試齊。唯一一㸃要注意，就是沙律菜放太久太乾了，已經變得太硬。…查看更多

周圍搵野食、天氣開始涼，便上網搜尋即日訂枱，揾間評價高的火鍋店。這是一間舒適的火鍋，有海鮮拼盤及牛肉拼盤的選擇、湯底因為只有2口子，選擇了蜆煲，但重未看過如此多蜆的湯底，我睇有3斤，雖不是很鮮及肥美，但勝在量多。其餘大鱔片、各類丸、冰豆腐也不錯；唯一的四色餃子$128，令人太失望不建議，難吃！無酒精飲料選擇不多，只有一般超市罐裝，自家製的飲品祇有蔗汁。海鮮盤選擇太少，其實荃灣位置靠近兩個大型街市，海鮮種類繁多，希望商家購買更多海鮮選擇。…查看更多

疫情下冇得出外旅遊，唯有周圍搵嘢食走到榮芳街一個小商場入面，突如其來好想食酸菜， 該店主打四川菜、避風塘小炒及邪惡黄金小炒 食後感不錯，仍有進步空間， 但以價錢合理， 仍會繼續光顧 嘗試不同菜式…查看更多

坐枱放到商場走廊上，該商場人流量大，食客就像坐在人羣中吃飯，完全不舒服！疫情下，客人坐位等同無阻隔，疫情傳播風險100%！一半以上四人枱，中間只放一張一尺膠板，有何阻隔作用？完全違反限聚cap 599I 坐對面不認識的人完全面對面無阻隔。要求調坐位，幾位服務員態度極之惡劣。逢勸各位，小心選擇一間能令你食得落的用膳餐廳！…查看更多

餐牌食物十年如一， 毫無改變。 食物質素一日差過一日， 難食到嘔。 其實我唔用心去做服務性行業， 倒不如唔好阻住個舖位，留畀有心機做食肆的人開店， 咪阻住 金鐘上班的人午餐用膳。…查看更多

14人晚飯局，歡送調任，總要食得勁D。菜單內有海鲜剌身、鮑魚、佛跳牆鮑參翅肚、風沙雞、熱盤、沙律甜品食到飽飽; 再加上電動麻雀耍樂; 對我來說酒楼卡拉OK其實可免。…查看更多

今次是我第二次來到這裏晚膳。 這裏的西餐 食品有一定質素，尤其是雞翼及松露意大利粉。 但因為地方太擠迫，不太適合朋友聚和交談。 而且感覺食物選擇越來越少，點餐的配搭亦受限制，尤其是餐湯不能加錢更改啊！…查看更多

今日同朋友聚舊，搵間房，不限時聚一聚。沙嗲火鍋底不錯，食咗四個鐘都仲有味 手切肥牛勁得 因為呢度全部嘢 都係經過店舖手工自己處理，所以普遍都不俗，尤其係炸魚皮同埋響鈴，全部都係剛剛炸起 手打丸類都不錯，尤其係墨汁墨魚丸 最後提一提佢嘅飲品主打"沙冰"真係要試，又大杯，配打邊爐真係一流 因為我哋食嘅唔係套餐，喺其他人相片入面嘅特色嘢，我哋冇試到，不能作出評價。但係我哋呢班大食人，食到成枱野捧住個肚走，都係收一個合理價:) 下次會再嚟試過…查看更多

最近喺葵芳新都會廣場新開咗一間麵包分店，叫paper stone bakery，若果你係一個喜歡法式麵包嘅人千萬不要錯過。 不但長棍法包出色(尤其係佢最高銷量嘅法式軟心麥包)， 其他嘅麵包亦都不俗…查看更多

元旦邊到食都貴，諗起Essence之前Book極Book唔到，於事2星期前打電話試吓，真係Book到! 食物好一般，屬不合格水準，冇話邊種食物特別好食，全晚算燒羊為一絕~ :)但咁平嘅價錢，喺元旦日，應該唔可以有乜要求! 最奇係之前好多人話煮意大利麵好食，簡直另我莫明奇妙，難食到嘔 :(…查看更多

今天與一個好朋友飯局，去了一間個門口好難找嘅燒肉店。一入去第一個感覺好企理，好有日式feel，叫咗一個牛加海鮮拼盤,牛肩,菜沙律,牛胃,牛小腸豆腐粉絲石頭窩, 海鮮薄餅及虎蝦，我哋兩個真係勁食，食到清倉，攬住個肚，雖然價錢有點貴，但比起好多名不乎實既燒肉店，尤其盛相比下，實在好太多了！:)…查看更多

只為未去過而去；晚上九點先入坐，所以無須等位；食物完全冇驚喜，兼冇乜味，特別係牛；只有個炒飯叫做有D味，個馳名salad算OK服務OK；唔食冇損失！:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(…查看更多