My.foodtionary的個人專頁

每次搭車經過都見到呢間夜宵站好多人排隊，趁住今晚冇嘢做，同老公兩個人二人世界一於試吓先！$10 串燒～本身以為係gimmick 野，估唔到都好多款選擇！我哋嗌咗雞翼尖、鵪鶉蛋、雞軟骨、白福花、四季豆、多春魚、芝士煙肉蕃茄🤣🤣好似淨係冇叫午餐肉同埋紅腸🤣🤣🤣無腦式亂點(o^^o)最估唔到嘅係每一串嘅份量都唔少喎，最鍾意食雞翼尖！足足有五隻㗎～真心，咁嘅價錢，喺街邊篤穿魚蛋都唔止啦，仲要冇得坐添！真心好抵食！芝士流心蛋大啡菇我諗應該係呢間餐廳最出名嗰樣？基本上台台都見到有，大大隻啡菇上面有隻流心蛋，仲鋪滿芝士添，口感非常豐富！因為真係無腦式係咁撳叫咗好多款，重點推介以下呢幾樣！鹽燒牛舌 好厚切！非常濃味！肉味十足！好有嚼勁！清酒煮蜆好！鮮！甜！大顯隻隻飽滿，而且無沙，好鮮啊！炸魷魚酥配明太子醬 簡直係配啤酒嘅神器！一啖一條，真係食到意猶未盡！焦糖芝士蛋糕 crazy ~真係即燒即上！燒白鱔 肉厚鮮甜，好juicy !!原條肉碎茄子 🍆 都真係幾特別！平時鋪滿蒜蓉就食得多，今次嘅茄子係鋪滿肉碎，當啲茄子鋪滿咗肉碎，充滿肉汁，真係非常之惹味鍾意食辣嘅朋友記得要加埋辣椒粉啊！燒墨魚 🦑烤得外脆內軟，煙靭有口感，而且唔會燒得好乾，保留到鮮甜味！另外，最值得一提嘅係雖然呢間舖頭係串燒店，但係成間舖頭非常之乾淨光猛，一啲油煙味都冇，坐得好舒服！我哋食咁耐，出面排足咁耐，可想而知呢間舖頭平時係幾咁受歡迎！除咗燒烤之外，舖頭仲設有燒肉套餐，價錢好親民；自攜生日蛋糕1磅以下仲唔收切餅費，岩哂同朋友慶祝～免加一，營業時間到半夜12:00（23:30 last order)…查看更多

成日幫襯既蘇山雞飯有新野～今晚同老公2丁友又try try sin!! 🥠巴東巨霸牛肋骨配烤餅超級大支牛肋骨，個煲差啲放唔落，好誇張啊！重點係！店員會幫手剪肉，crazy 剪完仲係一大煲！睇住店員剪開，即刻骨肉分離，好正🤤牛肋骨都幾爽口，好厚好濃肉味！一啖一舊，啖啖肉！個醬汁夠惹味，配埋個肉同烤餅食都好正！砂鍋新加坡白胡椒排骨茶 跟油條、白飯、黑醬油、蒜蓉及辣椒食親肉骨茶都最中意食豆卜，吸晒啲湯真係好入味～肉骨茶湯好夠味，加埋白胡椒，好惹味又暖胃！沙嗲串燒 食肉大王必叫！有雞肉、牛肉選擇，配埋花生醬好惹味～玻璃魷魚通菜嗌嗌下發現原來今晚冇菜落肚😂即返整返個小飯先！通菜好清爽，好解膩！恐龍美祿每次必點😆真係老少咸宜嘅口味！…查看更多

老公bookmark 左一間靚靚餐廳🍴收工二人世界🥰嗌左：金沙蟹黃蟹肉QQ捲捲意粉今期大熱捲捲意粉～相比起一般嘅意粉，會更加有口感！介乎喺硬與煙靭之間～蟹肉份量多～ 巧濃郁 巧rich ☺️☺️掛滿汁好正～BBQ醬燒滋味豬肋骨配薯條食肉獸必叫～ 食落啖啖肉，醬汁香濃，烤到啱啱好，醬汁帶啲甜味～薯條炸到好香口！✨畫碟公仔：Miffy 最後點左 ✨特濃開心果巴斯克奶蓋蛋糕 半件好好味🥹 開心果控 can try ！入口即溶～開心果味噴發而出！叫咗兩杯嘢飲，老公冇飲酒，我就叫咗杯白酒，都幾甜幾易入口！佢杯奶蓋都好好味～ 奶香味好濃郁！老公book位嘅時候mark咗係生日慶祝，估唔到仲有得送即影即有！店員仲影得好好添！呢期優惠：1️⃣ 午市四人同行一人免費逢星期一至五午市惠顧堂食，即享四人同行一人免費，及全單免加一服務費。（以最低價錢的套餐為準，每位客人最低消費一個午市套餐）…查看更多

旺角燒烤堂搬遷左去家樂坊之後第一次食～新店行日式木系裝修，整個feel 唔同左🤣🤣簡潔舒適得嚟好大氣(*^^*)野食都係高水準～必食推介有：焦糖青蘋果鵝肝多士 厚切鵝肝真係好大塊！入口勁柔滑，加上香脆嘅多士同埋酸酸甜甜嘅青蘋果，真係balance 得啱啱好～雞皮墨魚滑 外層雞皮燒得好香脆，加上彈牙既墨魚滑～雙重口感！厚切鹽燒牛舌拖羅 好好食😆🥹🥹專登叫埋牛舌芯比較吓，牛舌芯都已經好好味，但係呢個拖羅會厚身啲，肉質更爽口，牛味更加香濃！蒜香牛油酒煮蜆 差唔多食晒啲燒烤先上嘅一道菜，係個完美嘅收結！蜆肉飽滿無沙，鮮甜好味！蒜蓉包巧癲！烘得酥脆，加上大量既牛油蒜蓉，蘸汁食真係不得了！Saporro 做緊買一送一優惠，食燒烤加埋啤酒真係最佳拍檔！每次食燒烤堂都好多人，好旺場，大家記得要食一定要book 位～…查看更多

話說老公想食牛角，仲要一早到左嗌埋野食好識do 😆😆一路以為係放題，但原來而家$158起就食到牛角set ! 可以跟返胃口去嗌～野食一樣咁高質我地叫左：燒肉&海之幸定食 $218一番人氣牛、豚、雞燒肉定食 $198定食包括是日前菜、沙律及昆布湯～牛角飯同埋飲品仲可以無限追加‼️牛角啲牛肉一向都高質～食左牛頸脊、牛五花、牛肋肉都好滿足，肉味香濃～另外仲想特別highlight雞爽肉！係我第一次食～🤣🤣雞到外層微微焦香，但入面仲係好嫩滑！而且好多汁～最抵食嘅係凡惠顧以上定食，仲可以以優惠價$3，$6，$9，$15追加部分單點項目～即刻嗱嗱臨，又再encore雞爽肉(o^^o)crazy 牛油金菇都係$3咋🤣🤣真係必食！咁樣食，就唔驚食過龍，一切都啱啱好！…查看更多

第一次食旺角荷李活商業中心既牛大人～之前一路去開瓊華嗰一間🤣🤣原來呢度嘅環境更加寬敞舒適，今晚想食好西，就同老公食咗日本黑毛和牛A4+套餐～ 重點推介！👅黑毛和牛肉質細膩，油花分布均勻👅伊比利亞黑毛豬梅肉肉質鮮嫩，有種獨特的香氣👅海鮮拼盤就夠晒吸睛！大大隻新鮮生蠔、鮑魚、帶子～款款都非常新鮮，特別係啲鮑魚大大隻，非常滑嫩，鮮味十足！👅鮑魚三吃，除咗新鮮鮑魚之外，仲有幾款烹煮好嘅味道可以試吓，大概醉鮑魚～ 👅牛筋牛肚，由於今日叫咗牛大人紅燒牛骨鍋，所以點都要叫返啲牛筋牛肚落去煮吓先😆呢兩款煮完之後都特別入味，柔軟而有嚼勁，同個湯底真係好match ！當然仲有唔少得嘅台式甜品，同埋無限嘅Movenpick仲有Häagen-Dazs雪條作結～ …查看更多

今日同Fd 子食個靚lunch，同佢慶祝🎂！早兩日見到呢間尖沙咀新開既瀧宴做8折，即刻bookmark 左！餐廳有鐵板燒又有omakase～ 我地搵食壽司！人均480再8折都幾抵(o^^o)食物配搭好花心思，師傅好Nice！ ！加分！ ！即使好忙都全程笑容，而且仲會適當問需唔需要加飯/減份量，因應客人需求做調整，好貼心~整個用餐體驗好舒服。另外，佢所有店員都好nice，用餐體驗真係好好！重點講下幾款壽司先～鯧魚壽司配上柚子皮，入口滿滿清香，作為第一道刺身，以清爽作為開始，令我好期待仲有咩食～深海池魚喜歡！入口好滑、好爽口、好彈牙！配上紫蘇花點綴增加香氣。金目鯛好肥美，脂肪豐厚，用上少少柚子胡椒簡直神來之筆，更加突出刺身甜美。牡丹蝦最喜歡！牡丹蝦細綿帶爽嘅口感，配上鮮甜嘅海膽，大滿足。油甘魚肉質非常鮮嫩，入口特別滑口鮮甜！醬油漬拖羅呢款相對濃味，充滿咸香同淡淡既甜味！加左紫蘇葉，可以中香返個咸味～ 拖羅蓉手卷海苔脆脆地包住柔滑既拖羅蓉，每一啖都感受到鮮美既味道，拖羅蓉的口感細膩，加上少少漬物，吃起來既有嚼勁又不會膩。角切魚生飯全部都係厚厚既角切，肉質好魚嫩，魚生既鮮甜同米飯香味交織，再加上三文魚子提鮮，令鮮味更上一層樓！之後飲埋個面鼓湯同甜品都幾飽下！P.S. 自家制漬物好正，必食白色果種，好香甜，至於佢咩嚟就留返大家去食時發掘下！(*^^*)重點係邊食邊有靚景睇，真係坐得舒服，食得開心，大滿足！…查看更多

前排探親～ 同親戚食左間街坊價中菜～價錢非常抵食！味道同樣唔失禮～一晚市仲有至抵優惠六選一，有齊海鮮、片皮鴨、乳鴿、最平 $22.8就可以order ，真係大癲啊！嗌左：沙巴虎斑前臂咁條先係$68 去邊搵？ 大約1斤一條～好真係幾鮮！其實10枱有8枱都叫左片皮鴨，即場喺你枱前前片，睇至心郁郁，但胃容量有限而且我地又叫左燒鵝，所以都係留返下次先！至尊燒鵝王 （例牌）好正🥹🥹用燭台熱住上！ ！ 燒鵝皮脆肉嫩，入口爆汁，加埋梅醬就更加清爽，食完一件又一件(*^^*)沙參玉竹燉龍骨湯本身叫咗幾款燉湯想一人一盅試吓，點知，得返呢款一千零一盅，真材實料，日後鮮甜，唔怪得咁搶手啦！蒜茸粉絲蒸元貝新鮮大隻，蒜香十足！配埋啲粉絲食，真係舔舔脷～夫妻肺片簡單前菜，麻辣爽口，真係好開胃！冰鎮咕嚕肉非常澎湃，視覺效果一流！用冰雪煮啲咕嚕肉，做到外脆內嫩，入口有冰火交融嘅感覺楊州鮮蝦炒飯點都要食返啲澱粉先滿足！所以就叫咗個楊州炒飯啦，都有好幾隻大蝦㗎 ！夠晒鑊氣～…查看更多

今日同老公去尖沙咀金巴利道新開既海底撈分店～好耐冇食呢間啦，一於睇下呢間有唔同先！前菜泡椒魚皮酸酸辣辣，好爽口，一開始就停唔到～十分開胃飯前果有棗同埋西瓜～兩樣都幾甜～好耐之前有返大陸食過海底撈，果陣真係好驚艷，服務可以咁好～真頭係帝王級享受(*^^*)事隔多年，今次喺香港食返體驗都相當唔錯👍🏻清油麻辣鍋底辣油好香，充滿麻辣既味道🌶️淥肉同海鮮好正豬肚雞鍋底呢個湯底超抵食！好多料🤣🤣 搞到失晒預算，最後食唔晒啊～湯底好香濃！裡面勁多雞同豬肚，我中意加啲芫荽、西芹同牛肉粒落啲湯一齊飲，飲左幾碗先開始打邊爐，但都飽左5成🤣大顆粒蝦丸呢個正啊！賣相得之餘亦好好味！蝦丸口感彈牙，堅有蝦味！手切雪花牛肉 又幾好味喎！牛肉味濃郁，有少少嚼勁～羅馬生菜、菠菜、寬粉見咁得意有羅馬生菜就試下🤣🤣平時都係食沙律先有既～ 啲食材都好新鮮啊！炸饅頭同羊肉串諗住試下啲熱食～羊口串冇騷味，口感偏軟身。最愛熱量炸彈炸饅頭(o^^o)好好味！一啖一個就誇咗少少，半個啱啱好😂😂仲可以再點多啲煉奶(*^^*)水果盤食完等埋單，店員會送上新鮮水果盤，見到呆一呆，已經飽到食唔落，諗住唔要啦，點知店員勁nice ，幫我地打包好，入面有多款水果，全部都好鮮甜(*^^*)！感覺宴聚既定位好似高級少少，仲有商務包房～價錢亦會高少少，不過坐得好舒服！…查看更多

同火鍋控做Fd 就一定成日試到新野🤣🤣FD子話見呢間店試業中好想try try 佢～「牛牛鮮潮汕手切牛肉火鍋」，我地揀咗個海鮮拼盤＋潮汕手切牛肉放題～ 啲牛牛就有常見既包括五花趾、吊龍、匙柄、雪花、牛胸油～我地最愛牛胸油同埋匙柄，好有肉味，切到厚薄適中，又有少少嚼勁。海鮮方面都唔錯，係跟諗人頭上～有海鮮拼盤鮑魚、生蠔、海蝦、沙白，自助區有任fill 既青口同沙白～海鮮質素好唔錯！特別係海蝦，好鮮甜彈牙！除左拼盤之外，仲有好幾款手工滑，都好值得試！有啲仲加左蟹籽，好有口感豐富。自助吧真心高質，如果唔係特叫想食潮汕牛，其實叫c餐美國牛放題真係好高性價比！除咗常見嘅款式，仲有水蓮、冰菜、黃喉、鵝腸！同自家制餃子！每人只係百幾蚊，抵到爛！店內仲有其他炸物、前菜！一定要食炸南乳雞翼，大大隻又香又膽又有肉汁正！手工鹹蛋黃魚皮又係必食，我地食左3盤！基本上啲炸物都好正！飲品甜品亦有好多選擇，有自家制茶、啤酒、汽水、雪糕～真心好抵食！…查看更多

一排冇食安平，估唔到有新menu 🥹空間大左又舒服左，完全唔同燒肉俾人果個油膩感～今次食120分鐘日本A4+和牛饗宴～ 啲肉真係爆高質，完全要吃爆😭😭安平就不嬲多醬汁可供配搭，足足有12款，真係咩口味都有！- 招牌黃金醬、 薑味可樂醬、香水檸檬汁、海鮮五味醬、🆕香辣烤肉辣椒粉- 蒜味鹽醬、極上醬油、沙茶醬、台灣甜辣醬、手切蒜片、安平辣椒醬、泰式海鮮醬、椒麻口水醬、柚子醬、鹽蔥醬、芥末唔同既醬汁搭配可以激發唔同既味道～ 以下有安平推介既呢啲搭配日本A4+和牛 配 薑味可樂醬／招牌黃金醬- 澳洲M8和牛肩胛 配 韓國泡菜- 黃油蒜烤帆立貝 配 柚子醬- 安平赤魚一夜干 配 香水檸檬汁- 炙香烤虎蝦 配 泰式海鮮醬自助吧除咗有唔同嘅熟食、炸物、飲品、菜之外，可以整最愛嘅櫻花蝦飯，放滿紫菜、櫻花蝦、秘製滷水汁～真係啖啖滿足！同埋清新沙律吧，燒肉配青瓜生菜真心一流！之後！重點！一定要mark 住！係痴左線地有儀式感既極即 厚切檸檬牛舌配檸檬🍋！一定要吃爆！點估到任食牛牛竟然會附有刀叉和沙漏！每面燒2分鐘，外香內嫩，中間係粉紅色！肉汁係爆晒出嚟！好igable😍😍而家最crazy ge 係壽喜燒都有得食！ ！而家肉即油脂分佈真係不得了，咁即質素可以任食得唔得架～入口柔嫩嘅牛肩胛肉可以中和食燒肉既油膩，試多款唔同味道👅！另外，會serve 起一份慢熬清雞湯🥣，點啊，真係玩晒🥺雞湯鮮美，真係暖胃又舒服！海鮮方面都唔輸蝕💪，灸烤生蠔🦪有鹽蔥同埋鹽蒜🧄兩個口味，鹽蔥經過烹調後♨️散發出濃郁香氣，蒜味鹽醬烤熟後更能將🌊海鮮嘅鮮味完全引出嚟，兩款都鮮味到不得了🤤！鍾意食海鮮嘅，一定一定一定要點呢個套餐！真係可以試晒咁多款特調嘅味道～真係好耐都冇試過咁滿足啦！ 全部都係超高質嘅海鮮！最愛威士忌釀鮑魚！ 冇錯，啲鮑魚真係用安平特製嘅威士忌醬醃製😋，入口彈牙，帶有淡淡嘅酒花，而且食甜甜地，味道鮮味獨特～朋友最愛就係烤白鱔～ 平時食串燒60-70先得2細舊，但安平白鱔肥美而充滿油脂，燒到外焦內嫩，真係不得了，好高質！霸王蝦🦐有鹽蔥同埋黑蒜油兩個口味～ 真係大大隻，好巨型！兩款都試得過！肉質好彈牙真係冇hea 你！想講啤酒酒又係任飲，我就試咗安平特調雞尾酒～ 橘綠研露，甜甜地冇乜酒味～啱晒女仔飲🥰…查看更多

呢間真係口袋寶藏居酒屋，品質高，新鮮又抵食，週年紀念或者生日慶祝，都非常之適合！今年Anniversary就同老公撐枱腳食佢最鍾意嘅日本嘢！我哋嗌咗：活伊勢龍蝦刺身 冇記錯好似做緊堂食六折！ ！ 相當抵食，原價成600幾接近$700 ，所以就嗌咗嚟試吓～大癲！龍蝦上枱嘅時候仲郁緊🤣🤣真係保證非常新鮮～加埋金箔，真係矜貴又靚！非常之適合打卡(*^^*) 龍蝦非常肉質爽彈，正！海膽龍珠卷呢個係睇圖叫🤣🤣真係好睇又好食！海膽新鮮鮮甜，加埋鮪魚腩蓉、醬油漬蛋黃，輕輕一咬，已經喺個口度化開，口感非常細膩，充滿口感！姬路刺身定食定食跟海帶味噌湯、田園沙律、茶碗蒸、御飯，真係非常豐富！爆like味噌湯，入面竟然有大大嚿魚，而且非常鮮甜，舊魚仲非常之嫩滑添！刺身健健厚切，入口鮮甜，非常新鮮！絕對係高質之選～吉列芝心豬扒芝士控必嗌！真係非常之邪惡！半溶嘅芝士配上滑嫩嘅豬扒同埋炸到香脆既外皮～ 最意想不到係呢間日本餐廳，有畫碟服務！如果有特別圖案想要，就要提前兩日WhatsApp店家預訂，訂金$200！我地嗌咗個芝士蛋糕，諗住打吓卡，點知有意想不到地好食！芝士蛋糕好Creamy甜而不膩，今餐真係好味又好打卡，非常滿足…查看更多

最近牛癮起～同老公去咗位於佐敦道百誠大廈嘅和牛燒肉一郎食放題，估唔到又okay wor ! 我地嗌左人氣牛之選套餐～足足120分鐘休息時間！而家仲加入咗新嘅餐牌，有埋刺身～啲牛既質素都幾高喎！仲要係用日本產和牛，牛肉鮮嫩多汁，肉質好柔軟，脂肪分布均勻～入口好順滑，每一啖都好滿足。牛舌亦都相當唔錯，燒到外焦内嫩咁食就一流啦！如果驚食燒肉食到漏嘅話，仲可以連埋唔同嘅沙律、生菜、泡菜一齊食！和牛放題任食之餘，仲有刺身食添！熟食亦好選擇，有多款泡飯、拉麵、小卷壽司、炸物，真係眼花撩亂。餐廳嘅環境都好舒適，雖然係燒肉店，但係一啲都唔油淋淋～好衛生企理～飲品方面亦都好多唔同嘅選擇，除咗一般嘅汽水之外，仲有自家製飲品！甜品亦都係細細份，啱晒係選擇困難症嘅我～ 呢排有優惠，當月生日早一日訂位仲會送黃牛生日蛋糕一個～…查看更多

之前去開百悅坊食野已經見到有呢間火鍋～睇op 有咁多正評就bookmark 左要try try 啦！試過真心覺得正啊～ 絕對有下次(o^^o)我地嗌左：五指毛桃椰子雞湯底聽個名就覺得正啊！仲有兩大個椰青同埋半隻雞落個湯底，真係清甜健康之選👍🏽煲滾左之後記得飲返碗湯先好開始打邊爐～安格斯牛頸脊（大）牛香濃郁，入口鮮嫩！牛脷托呢個部位真係好刁鑽～其實係牛脷入面最厚既部位，牛味濃之餘仲好有咬口！大蜆新鮮無沙～ 配呢個湯底簡直甜度升級！鬼馬蝦滑蝦肉爽口彈牙，油炸鬼薄脆，吸滿湯汁，加埋滿滿既蟹籽，真係好有驚喜！皇帝菜好新鮮爽口🥰手打檸檬茶巨大杯🥰清新鮮膩！現有身份證優惠：含1、5、7、9中1個字享9折，最多75折（周日及節日除外!…查看更多

同事帶路先知，原來喺觀塘竟然有窯雞食？ ！仲要即叫即整，真係啱晒收工外賣返屋企～重點係拎到返屋企都仍然熱辣辣！包裝真係好加分，會有保溫袋keep 住個溫度，包得好密實！ 唔驚漏汁～ 成隻雞都係金黃色，雞皮充滿左秘製醬汁！雞肉好嫩滑～爆多汁，重點係連雞胸都係滑架～真係估佢唔到～火候控制得岩岩好！ 雞肚入面放滿晒洋蔥～每一啖都係充滿咗洋蔥味～店鋪好貼心，有提供勞工手套同埋膠手套畀我哋拆雞～ 我地亦索性成隻撕開，做手撕雞食法，食落啖啖肉！真係非常過癮風味十足，簡直係白飯killer真係唔夠喉啊！…查看更多