Doraemon88的个人专页

每逢星期日都同屋企人聚餐, 今次地點揀在西環尾呢間裝修好有泰國feel既餐廳~我地嗌食左好多野: 春卷 - 熱辣辣、脆卜卜青木瓜沙律 - 酸辣開胃炭燒豬頸肉 - 好惹味 [配埋個汁無得輸]茄子煲 - 茄子夠淋, 索晒D汁好夠味炒雜菜 - 一般 [其實呢樣都只係為左餐飯"要有D菜"而order既..]炒金邊粉包蛋 - 賣相好靚, 略嫌唔夠熱味道扣左D分濕炒河 (牛) - 好味道, 但配料與河粉既比例係7:3, 如果多D粉會更好椰汁焗飯 (雞) - 侍應未拎到埋檯我地聞到椰香, 啖啖椰肉, 好美味芒果黑白糯米飯 - 芒果甜, 椰汁香 [一個字""]今次掛住食同埋傾計都唔記得影相, 但已經約好下次要再黎試下其他菜式~…查看更多

朋友嗜辣, 咁啱今日黎開灣仔就順便黎試下~店舖很細, 有分室內及室外座位, 不過由於天氣炎熱而且檯與檯之間空間不足, 我相信無論坐邊度都係會覺得熱~ 用餐日冇訂檯但好彩早到 (6:45PM), 所以都獲安排入座, 不過就同隔離檯好親密。呢度既侍應都係京川人, 所以要用國語落單, 而眼見同場大半食客都可以講流利既京川腔, 相信呢度既食物都應該夠地道。我倆嗌左3樣食品: 1) 千層豬耳($38) - 豬耳偏稔, 不過個醬汁酸酸地好醒胃2) 十三香原味干鍋($246) - 因此本人唔太食得辣, 所以嗌左原味, 6款配菜包括: 午餐肉、芝士腸、肥牛、土豆、金針菇、鴨胸[所有配菜都沾滿麻香,  同埋「原味」真係唔辣]3) 辣子雞($128) - 雞件充滿麻辣味, 我真係為左呢碟雞流左唔少汗水, 不過真係好好味, 略嫌件數太少雖然只係嗌左3樣食物, 但我地都好滿足, 好努力地食但都食唔晒.. 可能下次要帶多個人黎先可以再嗌干鍋了~…查看更多

預先用TABLEMAP訂位, 既可儲分黎到又唔洗等位~ 餐廳好大, 我地一行3人都被安排坐一張6人檯, 不過檯偏高所以就坐得唔多舒適, 而且冷氣又唔夠, 有D侷~食物選擇頗多, 份量又大而且味道唔錯, 我地3個點左個二人餐另外加個炒麵, 都有剩pack左兩盒番屋企~二人餐包括: 一個湯 、一份小食、兩款小菜、兩份甜品以及兩杯飲品, 另外會送一客一心炒飯。我地就揀左海皇金湯翅、黃金炸素魷魚、芋頭魚、竹笙羅漢上素齋, 味道大致上都唔錯, 只係個湯唔夠熱影響左質素。「一心炒飯」應該係餐廳既signature dish, 味道果然唔錯, 雖然係跟餐送但都足料又大碟。其實3個人食二人餐係夠既.. (當時大家都已經飽, 每碟都有剩), 只係之前睇其它食評見到呢度有道「淮山麵」幾特別, 所以都點左一碟黎試, 味道一般而且偏油, 同埋唔講係唔覺佢係淮山制品, 試一次就夠了~最後, 我地要左一碗是日甜品「蕃薯糖水」, 另一份甜品就加$10轉成千層糕, 兩款既味道適中, 唔會太甜~總括而言, 呢餐係抵食又好味既, 不過如果所有飯菜都可以再熱D就更佳啦~…查看更多

由於想坐靠窗位置, 所以呢餐生日飯足足遲左兩個月先至安排到~Dinner buffet用餐時間由1830-22:30, 當然要準時過黎食盡佢啦~我相信大部份人都係為左可以一邊睇360∘既香港靚景一邊開飯而選擇黎呢度既,  但如果食物質素可以提高一D就更加好啦~呢度檯與檯之間既空間不大, 提供既食物種類十分多, 但美味程度就只屬一般, 好彩幾款刺身都夠新鮮肥美而且都有幾樣較有特色又好味既食物 (如: 海參花膠扣鮑魚、燒牛仔肉、煎薯絲同埋白桃味雪糕), 不過以平日698+10%既價錢黎講, 性價比就偏低了~ …查看更多

榮興搬上樓之後冇以前咁旺場, 連續幾次黎都唔洗等位, 雖然比以前貴左, 不過食品水準不變, 又有卡位坐得舒服d而且侍應們既服務都依舊殷勤 呢度好多菜式選擇, 不過兩個人真係嗌唔到好多野, 如果約大班人食飯會推介黎呢度, 順便試多幾款小菜~…查看更多

禮拜六晚響朗豪坊睇完戲去雅蘭搵食, 見呢間同「和民」share同一個大門, 應該係同一集團唔會太差喇 (只係分開兩個counter接待), 又唔駛排隊, 就去試下啦~*服務方面: 到達時, Gochiso接待員帶咗另一檯客入座, 大概等咗五分鐘佢先行番出黎, 見到佢出黎我即刻示意兩位, 佢竟然問: 兩位Gochiso嘛? (其實「和民」counter一直有接待員, 我地一直等佢出黎其實都好明顯係幫襯Gochiso喇!) 佢頗友善咁問既, 所以都ok嘅! 落單點菜時, 舉咗幾次手先至有侍應埋黎, 而且好多時都係見有2-3個企埋一齊傾計, 有幾檯客舉手都冇人理~*環境方面: 見個接待員要5分鐘先行番出黎,  令我以為餐廳好大間啦, 可惜原來餐廳都頗細, 檯與檯之間冇乜空間, 但裝修都ok嘅~*食物方面: 除咗薯茸球炸得過燶外, 其它食物味道都ok~ 不過上菜/飲品嘅速度就好奇怪囉, 起初只係點了食物: 芝心火腿薯茸球、火腿焗蘑菇、8"火腿配火箭菜pizza、鮮魷蜆肉墨汁意大利飯, (原本期望係小食上檯先, 不過實際嘅上菜次序係: 蘑菇 -> pizza -> 薯茸球 -> 意大利飯), 蘑菇上檯既同時加點咗杯「Mango Yakult」, 竟然等到意大利飯上檯都未到, 就嗌侍應去追啦 (唔知係漏單定什麼原因, 侍應冇番黎解釋), 最後Yakult係差不多食完檯面既食物先至出現~總括黎講, 呢度提供既食物及服務與收費不成正比, 所以試一次就夠啦~…查看更多

餐廳裝修簡約, 可能6:30入座時間比較早, 兩人都比o左張4人檯我地坐得舒服d。晚市入座計限時90分鐘, 好彩食物上檯速度快, , 食物賣相OK, 味道都唔錯! 當日點左3樣食物: 炸芝士士配柚子酸籽醬、泰式三文魚他他配薄多士、椰汁海鮮炒飯。兩款小食都唔係純正泰菜, 味道幾特別, 三文魚他他o既汁好醒胃, 可惜碟炒飯就差d, 唔夠熱之餘仲要不足料~ 下次都會再o黎, 但就要試過第2味主菜啦~…查看更多

今日趁住自己未開工, 約幾個老友食午飯, 點知就食到一肚火!! 其實新春期間出外食飯已經預左要付出一D"開心錢", 但冇諗過係被迫去嗌套餐, 唔嗌餐既話係唔可以"追加"點心!! 一入座, 已經發覺非常擠迫, 但體諒到多人出街開餐所以酒樓加多左檯, 都冇所謂啦!! 之後, 發現檯面只有一張"套餐紙", 分別係"四人餐"及"六人餐", 所以就向侍應索取"點心紙", 等左幾分鐘都未見點心紙既出現, 於是再向另外兩個不同既侍應索取點心紙, 可惜都係冇 (已過了十五分鐘有多!!!), 所以就搵部長啦。點知, 部長既答案係: "今日我地只做套餐, 如果唔夠既先可以嗌點心, 因為太多客人, 如果廚房淨係做點心既話會做唔切! 你睇睇要嗌邊個餐啦!" 聽到呢個答案後, 初頭都有D嬲, 我地一檯4個人, 淨係冇得揀只可以揀4人餐啦!!! 之後, 就聽到隔離檯既姐姐都係問同一個問題, 都係得到同一個答案, 諗諗下部長都有道理, 所以就落左個4人餐ORDER! 可惜, 等緊食物既時候, 隔離檯既"疑似熟客"同行人士黎到 (因為聽到佢同部長打招呼!), 再問部長係咪一定要嗌套餐, 點知今次既答案係: "哦, 唔係, 我拎張小菜紙同點心紙比你!" 唉, 為何ORDER套餐既要求會因人而異呢? 真係好失望囉!!!!! …查看更多