hayleyauau的个人专页

下午時間想食下點心但又嫌酒樓太耐的話，不妨試試呢間豪隍點心😋不時喺openrice都會見到有唔少人彈呢間野嘅服務態度好差，然而我又唔係咁覺得😰 可能因為我帶住bb嘅關係，店員又會同我個女玩下，我要求轉張大啲嘅枱都肯轉，又未見到其他食評講到咁不堪嘅服務態度喎😧唔計bb，我地2個人total叫左7碟野冬菇滑雞飯啲雞真係滑嘅，份量足，冬菇係好大粒👍🏼平日我一定會叫叉燒腸，但因為朝早已經食左，所以今次試下個齋腸個人認為太厚身，如果可以薄啲一定好食好多😣呢度嘅上海小籠包都算可以，有湯喺入面嘅，個湯又唔太油，唯一係湯唔夠多鮮竹牛肉球嘅肉質鬆軟，有少少葱花同馬蹄喺入面，咬落有質感👍🏼不能不叫的鵪鶉蛋燒賣，好多酒樓都已經冇左呢個，而我一向覺得鵪鶉蛋加肉真係絕配足料雞扎，有魚肚，冬菇，雞，火腿，份量都好厚身👍🏼鼓汁蒸排骨嘅味道係可以嘅，但係好多排骨都好肥，我就麻麻地like啦…查看更多

好時沙嗲嘅海南雞飯一向出名，重開之後係咪仲咁好味呢🤔 重開後都食過幾次，今次終於寫返篇食評先😝海南雞飯有3款醬汁，姜蓉，鼓油，辣醬，而我最鍾意就係用就辣醬撈飯，姜蓉加落雞度😋雞都尚算滑，平日少食雞皮嘅我連雞皮都食埋，因為唔太肥，又好香滑👍🏼雞油飯就有少少唔夠味，但總括而言個海南雞飯都值得encore嘅海南雞飯嘅雞湯，呢個就退步左，以前係好香好好飲，而家就好似係加左雞粉嘅椰菜湯咁，有啲失望😔另外，如果係叫外賣的話，佢通常只會俾半碗湯你，要打去同佢講俾大碗啲🤔排骨茶即係肉骨茶，就咁望碗湯都幾多料嘅，但飲落覺得濃多少少會更佳😣但喺香港嚟講，呢個質素都算唔錯架啦喇沙米粉，如果外賣一定要記得分湯同埋多湯，否則嚟到會冇曬湯😩味道係ok嘅，但只係得幾隻蝦仁同幾粒魚蛋，$60嚟講我寧願叫海南雞飯好過最後值得一提嘅係外賣都幾快送到嚟👍🏼👍🏼👍🏼…查看更多

來自元朗嘅老字號車仔麵殺左入嚟九龍區，當然要嚟朝聖啦😬 星期六嘅五點幾鐘去食，都唔洗排好耐，不過平時經過見到條長龍真係嚇親😱入到去係好似快餐形式咁，先買野，之後去排隊攞野食再揾位坐，但地方略嫌逼夾3餸車仔麵$37，加一款加$8叫左一個3餸，一個4餸，一個韮菜豬紅，一碟油茶，兩杯野飲，承惠$144😋蘿蔔同雞翼尖都好諗好入味，一個字正 中辣嘅辣度對我嚟講就啱啱好😋而杯紅豆奶茶($15)好特別😍韮菜豬紅($18)堅好味，夠曬入味…查看更多

由以前山林道搬到嚟上環，我一直都係創壽司嘅fans😍 點解？因為真係好新鮮又平靚正囉，老闆又好人，風趣幽默，良心小店嚟左港島區返工，今日下午諗咗好耐都諗唔到食咩好，於是就諗起創壽司啦，即刻打去叫外賣😬為食妹都算幾大食，以下係我一個人嘅lunch😆蒲燒鰻魚飯: 勁鍾意食鰻魚嘅我，次次都一定會叫呢個😬 食原條鰻魚真係好滿足，油脂夠多，又燒得靚，真係正到喊出嚟水母刺身: 鮮甜爽口，仲要唔係好多地方有得食，必食之選珍寶帶子壽司: 去好多地方都未必食到咁大粒嘅帶子，真係食一粒就已經飽左，好鮮甜炙燒左口魚邊壽司: 食左口魚邊最重要就係夠油脂三文魚豆腐湯: 唔係度度食日本嘢嘅都有湯飲，最多都係得啲麵鼓湯，佢地呢個湯我真係encore再encore，好有心好有住家feel🤣同事偷左啲刺身嚟食都話好正，好少地方有咁平咁正嘅壽司店，一定要再encore🤣…查看更多

一直都係一壽司嘅fans，以前試過一星期有三四日都係食佢同一個set lunch(好長情🙈) 當日6點幾就去到，但由於我未齊人兼佢話入座後90分鐘就要交枱，所以我就落樓下行陣，到7點鐘上返去時，已經有一條長龍lu🤦🏼‍♀️ 不過都好快就入得去👍🏼門口寫住每位最低消費$90，我心諗我地咁大食，食一個double就差唔多可能侍應見到我有個bb，安排左我地喺角落梳化度坐，咁bb就可以坐喺角落頭位，唔驚佢走嚟走去😁壽司類特大甜蝦($36): 真係超鍾意佢夠肥美大隻😍三文魚($16): 正正常常，不過不失蟹棒($18): 都係正常，呢個好難會唔好食嘅🙃北海道帆立貝($38): 其實我次次都好鍾意食，超肥美厚肉見過有人話舊帆立貝會散，但我食過咁多次都未試過有呢種情況🤔軍艦類海膽($45): 不嬲唔太鍾意食海膽，怕佢有陣味，但呢個我都接受到蟹膏蟹肉($22): 上層蟹膏，下層蟹肉，一齊食個配搭好match👍🏼瀨戶內海蠔($32): 呢個我極度極度極度推介俾大家，因為我真係超超超鍾意食，好少壽司舖會有生蠔❤️海膽飛魚子($32): 我食咗一舊，唔抗拒，即係OK啦😆蟹膏甜蝦壽司($32): 呢款壽司個甜蝦就冇特大甜蝦咁正啦😔蟹膏壽司($36): 好正，啲蟹膏又唔會太咸👍🏼火炙三文魚壽司($18): 燒得唔夠香同耐☹️火炙左口魚邊壽司($28): 油脂夠重👍🏼火炙焦糖鵝肝壽司(1件$39): 可以一試，畢竟呢個價錢都唔會係真鵝肝海膽海鮮石鍋炒飯($88): 炒得好好味好香，夠乾身，而且配料好豐富，一個字:正清酒煮蜆($36): 呢個我係會連湯都飲埋飛魚子沙津($36): 味道ok，但美中不知的是蟹柳多啲會好味好多😣季節限定味醂日本雞泡魚乾($68): 以前喺其他地方都食過但唔係咁鍾意食，因為覺得好乾身同薄，但今次喺呢度食令我刮目相看，呢個夠厚，同時又帶少少juicy嘅感覺，值得一讚😙3個人嚟講，其實真係食左好多野，食完好飽好滿足😍順帶一提: 上面括住嘅係正價價錢，而佢計嘅係原價嘅加一，例如原價$40，加一後$44，再減返$20，即係$24留意返唔係每樣都有半價，季節限定嘅係冇架，另外我估飯都係冇(因為我之後計過張單估係咁😂)走嘅時候8點，門口條龍勁長，建議大家唔想排隊就早啲去食😆…查看更多

自從改咗收三點半之後，我都冇再去過😔 超愛一蘭嘅我試過一個禮拜去一次😍 因為平時通常係飲完酒去食早餐，今次終於係晚餐時間過嚟😗由於以前都係凌晨時段先去，所以今次都係第一次要排隊🤔 入到去發現變左個大陸人朝聖嘅地方🙈每次點單我都超快揀好晒所有野😋😋😋不過而家發現佢多咗個精選套餐，我老公望都唔望見到套餐以為抵啲就tick咗，精打細算嘅我後尾先望到原來個價錢根本冇平到，仲要原本只係諗住食半熟鹽煮蛋同埋叉燒，但個套餐逼你要多兩塊紫菜，兩塊紫菜到盛惠12個大洋💰😱但總括而言，我都係好鍾意一蘭嘅❤️…查看更多

為食妹又去食buffet啦😍 今次揀咗呢間Mr Steak食，原本以為同平時dinner buffet一樣，但原來係冇咗生蠔，麵包蟹，和牛，鵝肝，即刻有啲失望添，只怪訂位冇問清楚😭冷盤有蟹腳，熟蝦，青口😋 個蟹腳幾好味，係好味過我上星期去某酒店食嗰啲😛刺身有6款😋冇和牛就食住呢個先啦🤣好特別嘅一個位，係可以寫心意落隻心形碟度嘅傳達情意心太軟，仲要個心太軟真係好好味，我食左兩個❤️最抵食嘅係，仲有4送1優惠，即係我地4個人只需俾3人價錢👍🏼…查看更多

一行四人原本諗住去旺角好景商場嗰間一品嘅，點知勁多人排隊，於是就嚟土瓜灣呢間(因為知道通常都唔洗排😂)一去到叫左個半隻嘅小辣雞煲($135)，啲雞辣得嚟又幾滑，正👍🏼打邊爐又點可以唔叫牛呢，因為我遲左到，唔係我點餸，所以唔知呢個係咩牛🤔 因爲一品係有3款牛嘅🐮有睇過我食評都知我係一定要order桂花蚌($98)，食嘅期間有fd問我知唔知係咩🤔 咁愛食嘅我梗係知佢係海參嘅內臟啦🤣本身想叫脆肉鯇嘅，但唔小心劃錯左呢個鯇魚骨腩($48)，都ok嘅，係冇脆肉鯇咁方便姐，呢個煮煮下會散😂蟹子蝦滑($78)，個人認為有啲唔抵，因為真係好細粒🤔打邊爐不得不嗌嘅其中一樣就係蟹柳($38)，仲要唔係好似超市十蚊包嗰啲好明顯用麵粉整嘅先得喎，用嚟撈必嗌之選-烏冬($22) 就勁正😬 烏冬真係好食到我地要encore多個😂響鈴($38)一食就知係即炸嘅，正就正，不過呢啲油份咁高嘅食物都係淺嘗下就算啦😛打邊爐尤其係雞煲一定要叫金菇($28)，真係會好入味好正😋可能係一品長期都咁忙，就算嚟到土瓜灣呢間啲服務都係唔多掂😔 攞隻杯攞張order紙都要等勁耐，最後我地全程自助式攞野，連渣竹蔗矛根都係我地自己去水吧攞😂 等太耐人會燥底嘛，咪寧願自己拎囉😆好彩我地7點幾8點去，食完10點鐘到，出面已經有人等位😖…查看更多

晚飯過後，同朋友喺大圍揾個好地方食甜品😍其實糖宮係要行到差唔多最入嘅，去到要等位，之後都仲有幾班人等，睇嚟都幾多人特登嚟食🍨入到去見到menu覺得老闆好有創意，聽佢同啲客講野都好幽默，咩菠多野結冰，好好，華華，見到個名都覺得搞笑🤣我係個芒果控，所以叫左個"芒滋枝"，裡面有芒果布甸，芒果，西米露同小丸子😍 味道幾好，不過我覺得唔夠多汁🤔鍾意食榴槤嘅朋友一定唔可以放過呢個榴槤雪花冰😍 食啖冰以為自己食左啖榴槤，冰都咁重榴槤味，抵讚👍🏼朋友仲點左個"美麗槤夢露"，袖面有榴槤，芒果，雲呢拿雪糕等等.... 齋聽個名就令人對個甜品滿懷期望😇食完甜品，我地就出左去門口"糖宮雅座"坐下，見到門口掛住啲結他，吹開水，老闆仲自彈自唱俾我地聽，後尾上fb就見到原來呢度歡迎鍾意音樂嘅人一齊jam歌😁我又玩下啦咁🤣 真係估唔到嚟食糖水都有結他玩🤣…查看更多

見到OpenRice download coupon有8折，打電話問下知道原來lunch buffet都有生蠔同蟹腳，㩒下計數機，都係$250一位咋喎，於是即刻bk枱😬以前嚟黃捕覺得好遠，而家有左地鐵站就方便左好多，一出去行幾分鐘就到👍🏼估唔到星期四嘅lunch都可以咁多人🤔由於太興奮，只係影左我最鍾意嗰三類野🤣 蟹腳略嫌海水味唔夠，同埋每次一出都秒速俾人搶曬😂即開生蠔係正嘅，過左水都有海水味，有啲都大隻嘅😍😍😍冷盤不過不失啦，正常野個ham真係好正😋甜品我去到臨尾15分鐘先攞，不過我揀嘅呢3隻都好好味👍🏼 有brownie, cheese cake同napoleon🍰雪糕亦都唔可以唔食🍨其實全程都係食冷盤多🍣 熱盤係臨尾食左少少，即切牛扒係正嘅，仲有個牛仔骨都ok🐄最後呢.. 窗邊個view真係幾靚，影相幾好feel，食野個人都心情開朗啲😬…查看更多

凌晨1點同老公想揾地方打邊爐，於是喺旺角行行下見到呢間寶寶雞煲，入到去問原來收三四點，好啦.. 一於坐低試下😎 一入去揀左個湯底先... 鴛鴦湯底，即係清湯加沙嗲湯清湯真係清左啲，於是就叫左半隻醉雞倒落清湯度，個湯底即刻好味曬😋我地兩個比較大食同為食，所以成日食飯都會叫好多野，最窩心就係呢間寶寶雞煲大部份嘅餸都可以order半碟，啱曬人少少又想叫多啲款嘅人😬雞子比平時出面嘅細粒好多，不過我就係好怕食大粒嗰啲，呢間就啱曬我😆桂花蚌一直都係我打邊爐必叫之選❤️桶蠔係以隻計，平日食嘅桶蠔都係好肥美好大隻，呢個有啲失望，又細隻，煮完又縮，真係叫普通啲蠔好過😤手切雪花肥牛都不過不失，厚度都ok，幾正😍最後，值得一讚嘅係服務態度，我地較完冷氣又叫佢地電視轉台，員工都好殷勤咁幫我地👍🏼…查看更多

今日熱辣辣喺大圍一個人唔知食咩午餐好，於是就上openrice search下大圍有咩好食🤣 一向酷愛日本菜嘅我見到呢間小店都有幾多好評，一於過去試下😋如果唔係特登揾都應該唔知呢度有間壽司店，去到就見到成間舖係得一個人做野，咁都咪話唔辛苦😯食物方面，全部都係即叫即整，我就大概等左十零二十分鐘! 天氣炎熱，好彩門口有帳篷同凳俾我坐住等😎壽司飯大小適中，帶有微温👍🏼火炙左口魚邊($22): 略嫌唔夠油同肥火炙三文魚($18)帶子($32): 夠厚同鮮甜赤貝($20)甜蝦($28): 比起一般普通嘅較肥美同大隻鵝肝(1件$25): 較薄身，冇嗰種食完會回甘嘅油膩度，味道未算吸引蒜香三文魚帶子炒飯($65): 色香味俱全，配料同飯份量都ok，喺門口等嘅時候望住師傅炒已經聞到好香😍價錢方面都算大眾化，如果唔想食嗰啲連鎖式盒裝壽司或者$3件嗰啲，呢間小店都係一個唔錯嘅選擇…查看更多

第一次寫食評，因為真係不得不分享感受😰見fb成日賣廣告，於是尋晚就滿懷期待咁去試下啦 點知真係一個伏😩除左佢有磯燒海鮮叫做有少少gimmick，同埋刺身都夠新鮮之外，其他野都麻麻，又少款😞 磯燒海鮮有扇貝，白蜆，蠔，魷魚等等... 呢啲都係任叫的! 不過連最值得食嘅磯燒海鮮都漏單，要一追再追😖刺身有帶子 象拔蚌呢兩樣平日放題比較少見嘅😊仲有食過墨魚咀，清酒煮蜆，個味都好怪😭平日食飯一定相機食先，尋晚都冇mood影相了🤔 係失望嘅，唔會再嚟!!!…查看更多