ericpang99的个人专页

HEA左一段日子，終於暫時停止過早既退休生活，踏實地開始新工作。難得友人在同一處工作，早幾天已經約埋一齊食飯。北角一帶都幾多野食，個腦諗左一陣就決定黎呢度食。喺呢度食既原因，除左咁多年耐唔耐都會路過外，幾年前佢地喺銅鑼灣曾經開過一間分店。當時我仲幫襯過一次，味道仲相當唔錯，所以今次特登過黎試下。撞正食飯時間，等左陣就有位。入到去一坐低就同收銀個中年女人落單，見佢完全冇寫單，不過有重覆我地叫既野，咁就當左佢落左單啦。之後等左成5個字都冇野上，其他人遲入黎都有野食上，心諗實漏單啦。一問之外，果然係。結果得番20分鐘要快快趣趣食埋佢，話之D野幾好食都冇下次啦...講番野食，叫左糖醋排骨同埋蔥爆牛肉，兩樣都相對好食。糖醋排骨既排骨係新鮮炸完去上汁(所以侍應話遲左D上)，而個汁又唔會一味死鹹。蔥爆牛肉個味亦較得相當好，係有少少蔥比較生，不過整體都好好。豆漿飲得出有渣，都算有誠意既。個負評純粹比個SERVICE，食物就幾好啦，負責人睇到既話麻煩改善下啦！…查看更多

FACEBOOK上曾出現過一張相，指"價錢平，質素好，效率高"既市場營銷手法根本冇可能出現。而在銅鑼灣食野既話，價錢平可以話係死證。無奈又受友人所託，要決定晚飯地點。要性價比高既話，實在冇乜太多地方可以選擇，所以又黎到榮記。(用"又"既原因係因為當冇曬頭緒時，而又要搵個唔會趕人走，又要食唔貴既野，就即刻黎左呢度。)7點10上到去已經滿曬，好彩等左5分鐘就等到一個路口位坐。由於食過好多次既關係，已經知道邊D唔係主打，又或者同人比會冇咁好食，所以來來去去都係叫同幾款野食:1) 椒鹽九肚魚 ($58) - 椒鹽類既食物喺榮記真係冇試過失手，而九肚魚往往比鮮魷受歡迎 (起碼4分1枱都有叫)。新鮮炸完上碟既九肚魚熱到燙口，而入面既水份仲KEEP得好好，又唔會過鹹，VERY GOOD!2) 生炒骨 ($48) - 偶然會叫下既菜，貪多人食。新鮮炸完既排骨上汁後仍然保持脆口，而且份量足，真係物有所值。3) 西蘭花炒斑片 ($58) - 以前食過D魚質素幾高，今次番黎食諗住冇死。不過入口D魚冇上次食咁鮮，可能唔夠新鮮或者調味重手左掛...4) 黑椒牛仔骨 ($48) - 以前都係穩陣之選，不過今晚就失曬色...份量雖然多但係全部都LAR到冇曬味之餘仲要啖啖梳打粉...睇黎都要OUT左個必叫名單啦....白飯4碗 ($8/碗), 總數$244, 4人食每位$61$61....算係咁啦....…查看更多

到青衣補習前，先到葵涌廣場搵野食，見到呢度有擔擔麵說馬上坐底，諗左冇耐就叫左個唔辣既擔擔排骨麵加豆漿，3分鐘之後就上齊D野食啦！咁快上既話，排骨好大機會係番炸，不過細鋪仔邊有得要求咁多，夠熱已經好好。肉味都夠，係份量少左D。個湯底都係花生底再溝上湯，不過呢度較特別既話加上肉鬆同少少酸菜，都幾惹味既。而麵係難得咁彈牙，個人覺得同詠藜園差少少。豆漿喎，都係普通貨色啦。見其他人都有食生煎包同鍋貼，應該都值得叫，下次會試下既。…查看更多

適逢好兄弟既屋企人去左外遊，馬上約佢食飯，收工後馬上去尖沙咀搵佢，見到面都成8點半啦。行左半個尖沙咀，發現間間鋪都收成五十幾六十蚊，茶餐廳都要收4字尾，物價真係升得驚人啦…結果朋友話去星林居食米線，橫掂都未食過，一試無妨。上到去間鋪成間CAFÉ咁，一D都唔似食米線既…坐底左之後就TICK左個小鍋米線，配牛展同蟹籽丸。料就冇咩好評，係要讚下個湯底，比到我當初食譚仔個FEEL。個湯底濃得黎又會搞到我想食多幾啖，唔洗十分鐘就食完，之後再同朋友傾左成個鐘先走。如果想經濟慳d又唔想食快餐既話都係一個好選擇！雖然近排見呢位兄弟都幾密，不過真係唔會厭架，因為真係有大把野可以傾~有係呢個兄弟真係三生有幸！…查看更多

朋友到左日本玩幾日，番到黎香港就派手信，由佢話事到小菜王食飯。7點半到左，差唔多滿曬咁滯，好彩仲拎到位。一坐底朋友就即刻派手信，係香蕉味既酥餅，食落同蝴蝶酥差唔多啦，係多D蕉味。由於有朋友稍遲，所以等左一陣就先叫幾味：黑椒牛油炒硯(冇曬聖子)，椒鹽九肚魚，金銀蛋浸莧菜，豉汁蒸鱔。朋友到後再加碟生炒骨。黑椒牛油炒硯先上，炒得相當乾身同入味，份量尚算可以，話咁快就清曬。金銀蛋浸莧菜好難煮得唔好食，所以冇乜好評價，純粹整碟菜冇咁寡。豉汁蒸鱔，對魚類並非十分鍾情既我，都係冇乜好評價，魚肉有彈口，豉汁夠，合格有餘。椒鹽九肚魚，係全晚最高分既菜。對於喜愛炸野既我，對椒鹽一直有高要求。而呢度既九肚魚外皮炸得好乾身，唔會過火，話之佢幾熱都快快手清左佢先。最後上既生炒骨，以呢度既價錢黎緊算係比夠足料，即炸排骨去掛汁真係冇得輸，青椒洋蔥都落唔少。4個人食，加多2支鴻X堂清補涼同3碗飯，合共399，以同區或者大排檔角度去睇算係貴少少啦，不過食物質素唔錯，性價比都可以既。人手同服務都唔多得，不過黎食大排檔都預左架啦~…查看更多

十年前第一次幫襯時, 我會覺得係呢度既燒鵝真係好食. 雖然唔係成日食, 但係每隔幾個月都會口痕去叫番個燒鴨飯. 可惜既係, 5年前已經覺得水準冇當年咁好食, 同屋企人都會去隔離多D選擇既海記.今朝做完野都係11點, 路過煮食中心時不妨再比多次機會. 上到得幾個客, 一坐即刻叫燒鴨飯加咖哩汁. 咖哩汁仍舊出色, 而燒鴨始終去唔番當年既水準. 如果鍾意食肥應該會幾鍾意食既...快快趣食完就鬆人, 多謝29蚊, 下次幫襯既時候應該留到下年啦~…查看更多