ricky713的个人专页

新年前夕, 三五知己又出動聚餐了。小弟已不是第一次光顧明珠閣, 有好野, 當然要帶朋友來試試。以往來到明珠閣, 都必定叫三樣野, 1.叉燒、2.蝦餃、3. 鴨舌!不過今次就倒轉頭, 問返店長, 有什麼好推介?首先店長介紹了一個首創的特定菜 - 魚露汁抽子手撕脆皮雞!店長亦好細心, 教導客人「如何食得最正確」!因為好多客人都會...皮歸皮、肉歸肉, 點一下醬汁就食,店長告知, 這樣是食不到這道菜的精髓!最理想而又食到所有材料的秘訣, 是將皮先放在一邊, 然後把柚子汁拌入雞肉中, 最後將雞皮包住已拌柚子汁的雞肉,將其一啖放入口中, 一方面, 雞肉已拌勻柚子汁, 另一方面, 雞皮分開又不會被汁液將脆皮變成軟皮,而且這個食法真的很特別! 大家不妨也試試這個特色菜。然後店長介紹了一道「新菜」(明珠閣幾乎每季也會推出新菜色)秘制海山骨!這個菜色, 明顯是炸肉排, 但食落完全不油膩, 脆口得來而肉不乾!看來, 廚師控制火候的功夫一點也不馬虎!我們問店長, 這個海山骨食落的味道很特別, 請教店長是什麼醃料,基於商業秘密, 店長當然不會全部告知, 只透露有蝦醬及某幾樣的配料,當聽到蝦醬的時候, 真的覺得很出奇, 以往對蝦醬的認知, 是用來炒菜, 想不到也可以當醃料來用,而且味道不會太濃, 相信在醃製時, 也加配了不用味道的材料來取平衡!已點兩道肉食, 當然也要來一道蔬菜類!店長介紹了 - 魚湯魚腐浸西洋菜這道菜, 值得讚美的地方, 是清甜!其實在出面食蔬菜類的小菜, 大部份是用油炒,很多人都說, 外面的油鑊炒出來的鑊氣夠, 但其實小弟並不認同, 因為外面食的炒菜, 又油膩而味道重,而這道菜卻是浸出的, 除了沒有油膩的感覺, 其魚湯亦可一同進食,又是湯又是菜, 而且西洋菜亦是不易處理的, 這個菜超過90分!!最後, 當然要點個甜品, 才是最完美的晚餐啦。甜品就不多講了, 總之就好味道!!!最後, 除了食物出色外, 這個店長也是值得讚許的!外面很多餐廳, 如果客人需要店長介紹, 一般都是最貴的或快過期的,而且介紹完, 亦不會多作解釋, 也不會跟你閒談兩句。今時今日, 生意難做, 成本上漲, 難得這個店長仍可對客人服務至上!其服務態度真的值得加許! 這樣服務態度及美食指數, 當然介紹朋友來食飯!問店長取了咭片, 她是 Elaine Yeung! 去光顧的朋友, 除欣賞美食之外, 記得也要讚揚一下這個經理哦!!…查看更多

今日年初二, 本來打算同 Daddy、Mummy 去飲茶, 不過知道茶樓會貴,所以諗住去商場是但搵野食就算。去到沙田, 記得火車站下面有好多食肆, 就同屋企人落去睇下,點知俾我地發現左「明珠閣」。「明珠閣」係一間現代式的飲茶。點解咁講呢? 因為佢唔係茶樓但有點心。一入去, 基本上是可以享受「服務」, 因為全程有人「加茶」, 唔洗自己來。打開餐牌, 話晒都第一次來, 點都叫返餐牌上「明珠推介」。明珠蝦餃皇大大粒, 飽滿的蝦肉, 通透的外皮。本來想「加碼」, 不過再落單已經無晒,店員告知, 是每日即做, 而且限量供應,咁今次真係好幸運, 起碼都試到蝦餃,下次真係要早D 來, 仲要一開始就 Order 2份!!養生湯浸鮮竹卷哩個真係非常ok, 個湯好鮮甜,本身個鮮竹卷就不過不失, 但個湯真係加好多分。先飲一啖湯, 再食個鮮竹卷, 食完再加啖湯,食點心食到咁享受, 都係哩個「養生湯浸鮮竹卷」先做到。酥炸菊花奶皇包奶皇包食得多呢...哩個奶皇包真係未見過!!外面有點似「炸曼頭」, 咬落去, d 奶皇是爆出來的,外面是脆的, 裡面是軟的, 口感非常特別,如果是炸曼頭, 就會太脆, 所以要加煉奶中和同配味,而哩個酥炸菊花奶皇包, 咬落去的時候, 內裡的奶皇就做到這個效果。口感同味道都夾得好好, 而外表亦非常有特色, 掂呀!!XO醬炒腸粉一個字...「正」一般茶樓都只有煎腸粉, 今次食到炒腸粉都幾得意。XO 醬好香, 好夠味, 腸粉炒出來又唔會爛晒,好明顯個廚師識得煎左個腸粉先, 再落XO 醬炒。最後, 整返個甜品先算完美啦桂花紅豆糕哩個配答又係一大突別之處, 紅豆甜度適中, 同桂花糕的味道好配。今個「開年」真係幸運, 想飲茶唔去茶樓都有,仲要食到咁特別的點心, 祝大家新年快樂, 大家都一樣咁幸運。 …查看更多

城市人生活緊張, 商場林立, 位置尖沙咀的The ONE 商場內, 卻有著舒適的餐館「明珠小館」。「明珠小館」是一家以上海菜為主的餐廳, 除左一般餃子、擔擔麵之外, 亦有好多特色食品,現一一跟大家分享, 希望大家都喜歡。  香乾馬蘭頭只係睇個賣相已經覺得很特別, 薄薄的蛋皮內包住蔬菜, 而且蔬菜切得非常幼細, 係一道好考心機的小食。食的時候, 可以輕輕在蔬菜面掃上少少醋, 可以提升味道, 令哩個點心更加可口。黃金磚其實有點似椒鹽豆腐, 不過做得比椒鹽豆腐更好。豆腐切成一口一件的尺寸, 外皮亦沒有厚厚的粉來裝扮成金黃,炸出來的豆腐上灑上少少鹽及辣粉, 惹味可口,重點是食起上來, 並沒有油膩的感覺, 是一道高水準的點心。鎮江肴肉這道亦都係一道有名的上海點心, 皮同肉層次分明, 味道適中。外面有餐廳都同樣有肴肉, 但外面的餐廳明顯食起上來, 是食到「魚膠粉」的感覺,但明珠的肴肉是食出來有層次的, 肉亦都有爽口的感覺。不錯。酸辣拉麵介紹完點心, 當然要說說「主食」, 上海菜的酸辣湯亦是一道名菜,這道酸辣拉麵除左可以享受酸辣湯之外, 亦可配上拉麵, 這個組合十分地道。而上面亦有蛋絲配襯, 味覺及視覺都加足分數。香芒紫米卷食完主菜, 到甜品了, 有冇見過用紫米來做皮?暫時我只有在明珠小館看到, 單單看到個賣相已經想馬上解決佢,在甜品上面灑上椰絲, 內包芒果及少量的忌廉,食上來, 芒果的味道配紫米, 再有椰絲引出味道,而且入面的忌廉不會太多, 食上來不會覺得飽飽擠擠的。拔絲香蕉本來已經食飽, 但見到有人點了這個甜品, 我看到哩個賣相, 不得不點一客給自己,其實餐廳已有介紹哩個係最有名的甜品, 拔絲食得多, 但拔絲拔到咁高又有冇見過?遠睇好似火山咁, 離遠已經忍唔住想食埋一份, 哩個真係不得不同大家分享。介紹左咁多給大家, 如果都想試下「明珠小館」, 可以到尖沙咀彌敦道100號 The ONE UG 層 221號舖。…查看更多

今日又來到沙田「搵食」, 記得上次來過pho24, 食左個豬扒濛唔錯,咁所以今日來試下其他下午茶。一如以往, 下午茶都係食「輕巧」啲, 所以都係叫左個濛粉,今次試左個素雞扎肉湯濛, 仲有一份小食可以加,上次試左豬扒, 所以今次試下香茅雞翼~!其實哩度的下午茶湯粉有個優點, 出面好多越式、泰式的餐廳往往會將香料等放埋入湯,哩度的好處是店員遞上湯粉後, 會拎一份香料俾客人,由客人自己剪、自己落料, 鍾意幾多就自己落,香料都好多, 有九層塔、香葉、指天辣等等。之後見到今日有其他優惠, 烤羊鞍只係HKD 118.00 (原價係HKD 168.00)其實本身好鍾意食羊, 所以忍唔住落埋order....哈哈(開頭諗住食個輕巧一點的下午茶...點知呢....)哩度羊鞍有4件, 哩個價錢係出面食份羊鞍, 好多時出面的只有3件, 甚至2件~!所以當羊鞍放上枱, 我真係覺得好正~!同埋4件羊鞍都唔係薄、唔係細件, 而係好厚肉, 廚師的技巧都好好, 因為羊鞍有肉汁, 而且好鬆軟, 食落又唔羶,肉質真係可以「用手都撕得開, 無須用刀叉」證明廚師有處理過啲羊鞍, 加上仲有秘製的沙嗲汁,食落真係啖啖肉, 非常滿足。如果俾我選擇去扒房同PHO24, 我覺得我已經無必要去扒房,因為扒房好多時都只有2件至3件羊鞍, 而且又普通, 又乾...哩度的羊鞍係用烤的, 比起鐵板來說, 真係多一番風味,論味道、份量、質素、價錢來講, 真係PHO 24 贏左。下午茶加埋份抵食羊鞍都係HKD 161.00上次來, 只係食左個豬扒濛, 今次就非常滿足,PHO 24 雖然係有輕微加價, 但同時又將其他野以優惠價推出,其實佢地都好有生意頭腦, 就係咁, 我先會食到哩份咁出色的羊鞍,今次來到的感覺係, 食物質素保持到水準, 店員服務仍然親切友善,價錢亦都合理, 真係忍唔住講句「I will come back」!…查看更多

今日同朋友係沙田行完街, 見肚餓就自己去搵野食, 行到新城市廣場地下,見到有間叫「PHO24」的餐廳, 開頭睇佢的裝修有點似 Food Court,所以都唔敢有太大期望, 但見佢地方幾闊, 就入左去。越南野食得多, 所以都選擇返平時食開的越式湯麵試下, 應該穩陣麻,叫左個「香茅豬扒湯粉」, 見到碗粉, 好似無乜特別, 但試下個湯底又有驚喜wor, 個湯底出奇地鮮味, 仲有香料味(香茅/九層塔), 而且飲左又唔會好口渴(即係無味精),個粉吸左湯的味道, 非常好食。至於豬扒, 味道ok, 不過煎乾左少少,但浸落湯度又ok 既。個粉整體上有85分啦, 店員都好有耐性, 服務態度好, 值得再來試下其他野。…查看更多