pjcfbmk的个人专页

筲箕灣的為食魚1南石鍋烤魚專門店，食貴價小菜為主，呢煲鮑魚雞煲🐔🐔👍🏻👍🏻，色，香，味俱全，鮑魚雖細細隻，但好入味又新鮮，不過嫌佢洗得唔干淨，條邊重好黑下，如果洗到 白雪雪會好好多！💁‍♀️💁‍♀️💁‍♀️碟鵝腸好好食，好爽口🥰🥰🥰好簡單敒炒煮淋豉油，食得！🤩🤩🤩個魚湯，就唔夠魚味，普通雞粉湯底，再加條魚上去，不過不失，都可以既！整體係唔差，但性價比就一般😂😂😂😂…查看更多

整個星期也要吃外賣、今晚輪到試試觀塘的天園餃子、有幾款也想試、結果選了雙併韮菜豬肉、和好多人推介的白胡椒什菌豬肉餃子、加$15轉酸辣湯🤤，再加$16、要了白灼菜心和豆漿、餃子皮薄、不是皮厚大隻那種、白胡椒什菌豬肉餃,吃到白胡椒的香和辣、好吃、推介👍，韮菜豬肉餃子亦新鮮、酸辣湯雖然未夠酸、但好多料、我平時愛吃鰂魚涌京城的酸辣湯配餃子、但這裡的酸辣湯也ok, 下次我會試蕃茄蛋餃子、這間可以encore🤤🤤…查看更多

呢碟係炸香蕉，行過佢哋門口，見到有張食物圖片，望咗好耐，都唔知係乜嘢，之後就睇佢嘅文字啦，原來係炸香蕉🍌🍌🍌，好少好少好少地方有得食。炸香蕉係我嘅概念，都係將一隻香蕉直接炸，然之後喺上面加好多醬料，加好多配料咁樣，但呢間嘅炸香蕉好特別，佢用啲嘢，唔知係乜嘢，包住隻香蕉，之後個面沈上一啲花生碎，成條🍌🍌🍌掉落去炸。食果時配上朱古力同蜜糖，效果出奇地夾，有少少脆脆地，又有少少硬硬地，又有軟軟地，又甜甜地，又有香蕉味，呢個配搭好有心思！…查看更多

康城越來越多嘢食啦，好多新式嘅餐廳，今日就試吓呢間啦，interval。杯咖啡不過不失啦，個拉花都好精緻。份salami 都唔錯份量亦都適中，款式亦都多。碟長通粉就略嫌齋左啲，如果可以有多少少配料就好啦，而且芝士嘅咪亦都唔夠濃。個甜品Tiramisu都幾好食不過就整得唔係咁靚囉，希望可以進步啦！想提嘅係杯紅酒，用膠杯飲紅酒，除咗去W&D 同美食節外，印象中好似無試過了，哈哈，感覺怪怪地，點解唔用杯呢？…查看更多

住咗西環好多年，附近嘅博多都經常去，但就係冇去過活一鮮，原來已經係西環10年啦，今日終於可以有幸去到。見到個門口已經好有日本嘅感覺，一入到去裝修同埋啲侍應嘅反應真係好似置身日本，而且仲有兩層啊，梗係要坐上樓上啦。我哋食既係一個壽司嘅拼盤，老闆親自介紹食嘅次序，值得一讚嘅係佢啲米，米係用日本嘅米，散發出清淡嘅醋味，啲飯好柔軟，而且份量適中，一口一啖好啱女仔食，飯上面既刺身，真係好新鮮，新鮮就係好食！價錢亦唔貴，材料新鮮，配搭經過思考，製作過程認真，性價比高，唔怪得可以喺西環10年啦。…查看更多

呢間印度餐廳喺諾士佛台好耐啦，中間試過大裝修同埋大更改餐牌，真係變好咗喎！我唔夠膽講佢哋嘅印度菜好正宗，不過就幾啱我食囉，香料味適中，迎合香港人嘅需要唔太辣，唔錯，撈飯一流。今次要讚佢嗰個蜆肉芝士意粉，呢個唔係頭盤亦都唔係沙律，不過我都要擺喺第一張相嘅位置，淨係睇相已經覺得好有誠意啦，佢整熟咗蜆之前之後，仲要逐隻逐隻圍邊，再將意粉加入，在加芝士粉，一嚟到我哋已經 哇...哇...哇...個湯同埋個咖喱都唔錯,呢一餐真係好享受啊！…查看更多

呢度好出名食牛扒㗎，Bistecca Italian Steak House = 好味既牛扒，以前男朋友帶我嚟呢度食過幾次，佢哋個餐牌改變都唔係好大，不過少咗好多人食，我今次食完之後就知點解啦，水準真係冇以前咁好。佢哋嘅牛扒嚟炭燒嘅，而且仲會寫埋牛扒嘅重量，透明度亦都高，唔知係咪大廚轉左啊，好似冇以前咁好食，可能供應商唔同咗囉！沙律嘅選擇都多，整體沙律比牛扒緊出色，不過我好似係想喺呢度食扒個喎個喎，所以希望佢以後可以做好啲啦。…查看更多

嚟呢度食嘢，食物真係其次，個景觀，環境，服務員嘅服務態度，真係物超所值。首先侍應帶我哋去我哋訂咗枱坐低，可能係疫症嘅關係，入座率好低大約得二三成嘅客人，仲好啦唔使咁嘈。環境好空曠，光線好舒服，仲有少少嘅香味，未食都已經醉了。佢個套餐都只係千幾蚊唔算貴，食物質素不過不失啦，不過今次嚟係食，環境嘅所以都覺得物超所值。真的不想介紹食物太多，雖然呢度係寫食評的，因為佢個環境真係令我好陶醉。我就講吓佢個ham啦，個ham其實好明顯地風乾唔夠，油脂分布唔平均，味道一般，配上個蜜瓜，完全俾蜜瓜搶晒啲味！所以都係算啦！…查看更多

我咁大個人，第一次食素嘅自助餐，位於尖沙咀的每日，好耐之前已經喺社交平台見到佢哋嘅廣告，廣告中相片非常吸引，一直都想去試，不過疫症下，不斷推遲。終於有機會去食啦，舖頭嘅環境好舒適，光線亦都好充足，俾人好有健康嘅感覺，不愧係食素嘅地方。六點一開始，食客蜂擁而上，佢哋嘅安全措施亦都好足夠，食物種類出奇地多，食材沒有重重複複的使用，調味料亦沒有重複。咁到驚訝的是，他們會有傳統嘅菜式出現但就走肉，味道同平時食嘅當然有分別啦，冇咗個肉香，不過亦都係好嘅嘗試。有一個例子，就是胡椒豬肚湯，沒有豬肚的湯，更能吃出胡椒嘅香味同埋酸菜仲有腐竹嘅豆味，仲可以配合油炸鬼同紫菜一齊進食，另類的享受。…查看更多

想食好耐，終於可以食到啦，好開心呀，位於九龍城既 The Yell-Owl seafood !鋪面裝修都幾舒服，座位唔算太窄，食物選擇都多，今日就試咗個意粉！呢個意粉碟其實好多舖頭都有用，但呢間 The Yell-Owl seafood 連碟邊都用埋，用d橄欖油同 Rosemary, 通常都唔會食，但就昇華左成碟意粉既觀感，真係唔食得都睇得啊！意粉好重料啊，意粉軟硬適中，材料好多，上面仲沈左啲芝士，完全不計較成本，一個字 正！…查看更多

北京填鴨pizza，真係好好食，次次去pizza express 都食呢個pizza ，因為特別，又好食，出面一定無！不過講時講，覺得pizza express 好似越嚟越唔好食，唔知有無人認同？希望可以做好好d啦！唔好好似 Difxxxx咁，越做越錯，越做越小分店，做飲食，出品係最重要，價錢都係其次。除左pizza , 覺得其他野都一般，意粉真係普通過普通，配料又小，好似食汁撈意粉咁！哈哈，咁就唔洗食佢啦！哈哈…查看更多

呢間小店，係真正既良心小店，除咗食物收入好平外，見到店內有好多感謝狀，上過莊既都會明，真係好值得宣揚！講返食物先，相中六件超大卷既金菇肥牛卷只係$30，性價比非常高，剩食呢盒野都可以當一餐。本人覺得金菇肥牛卷既精粹係醬汁到，佢地個汁都無得輸，完全可以帶出肥牛既牛肉味，如果只配肥牛又會有點膩，配埋金菇就剛剛好，一啖入面有金菇菜，有肥牛，重有秘製醬汁，呢個組合，可以好送飯！呢間我都成日食，下次介紹其他食物！…查看更多

My friend he had a fantastic dine experience in Mint & Basil Tung Chung so I plan to try .Today I come to here outside is amazing seems go to Thai (actually better than Thailand. Today is raining day but still can sit outside,food really good and drink good too , price reasonable, I will recommend to my friends.…查看更多