lockysan的个人专页

被譽為國民飲料名店，喜茶重臨尖沙咀K11地下，並不設堂食枱櫈，只可以外賣。開幕初期，人朝不斷，大排長龍，不過好快就可以落order，跟住叫咗，期間限定嘅雪山莓莓凍士多啤梨果醬+茶底+鮮忌廉+一粒士多啤梨🍓感覺清新，唔太甜，好飲，如果多啲「真」士多啤梨仲好！物超所值芝芝金鳯茶Signature 茶飲，有好濃烈嘅茶味，茶味香濃，上面果層厚厚芝士，perfect match 🌈反而其他店，都做唔到佢嘅風味，絕對適合喺香港發揚光大…查看更多

做咗會員咁耐，第一次享受到獨家優惠，原來係新品牌店試食，估唔到佢會開迴轉壽司🍣入到去，日本師傅，首先介紹食材，最特別係用北海道七星米：「七星米」種植於北海道蘭越地區，氣候溫和，擁有尻別川的清澈水源以及養份高的土壤，非常適合種植稻米。「七星米」的口感，甜度・光澤度・黏度・香氣・軟硬度 等都恰到好處，吃起來米粒分明，冷卻後仍保有原來的香氣。師傅聲稱每朝先磨米，保證新鮮第一道菜：三文魚壽司，似係三文魚腩，比較肥美，又有鮮味！第二係真鯛壽司，特別鮮味，可能新鮮處理，魚味比較重，同出面食唔同。跟住係帆立貝壽司，賣相已經輸蝕，細到可憐，似係3S，不過鮮味搭救，比出面新鮮，充滿海水味。赤蝦壽司，非常彈牙，仲未食過咁新鮮嘅蝦，所以話材料新鮮係好重要，仲帶點甜味，噢E施油甘魚，亦都充滿油脂香，魚油豐富，不過同超級市場賣嗰啲一樣，冇乜特別鰻魚壽司，賣相似爭鮮，$8碟？ 去日本都未食過呢種醬油鰻魚壽司，超難食，唔食又唔好意思重點戲-黑碟，MAGUROマグロ🍣 有赤身丶中拖丶大拖，吞拿魚味十足，肥美得你又唔滯，呢碟就好過壽司郎，應該係產地唔同嘅關係最後係「蟹柳」壽司，個職員係咁樣講，比較硬，應該係預早整定，成舊擦子膠咁希望可以將魚生切厚啲，舊飯大嚿啲，食落完全唔夠喉，好似食緊外賣爭鮮壽司咁…查看更多

終於去到九龍塘又一城分店食呢間餐廳，之前喺IFC見到嗰陣時，價錢比較貴，地方又太細，枱與枱之間太密。反而今次又一城分店，空間比較大，地方闊落，見到餐牌都吸引，所以入去試吓。之前喺台北分店，非常出色，唔太多人，反而香港越貴嘅地方就越多人！頭盤，三文魚沙律，幾fresh，三文魚魚味出色，唔會好似出面有啲地方食鱒魚，稍微煎左兩邊，香味更濃餐湯係唔知咩菜+菌類，但係又冇乜菇味，真係麻麻哋！主菜係大蝦青木瓜沙律，啲蝦都夠多丶有鮮味，沒有雪味，算係出色不過配搭怪怪地，口感太硬，咬到個人好攰，感覺唔太好！香煎銀鱈魚🐟用料新鮮，煎得夠香，值得推薦，個人感覺呢度煎野比較出色甜品係茶味蛋糕，由於個名太長，唔係好記得，總之唔係芝士嘅蛋糕，再配搭唔同茶葉整成，非常好味，帶有一點點茶味整體來講，性價比太低，冇乜服務，寧願去返上層Cova…查看更多

食得太多Outback，今次試吓Urban,平時好少食呢間，因為裝修太核突，又冇乜梳化位，原來都有午餐食，包嘢飲都好抵，一山不能藏二虎，即係有兩隻虎蝦嘅寬條麵，意粉有少少辣，非常醒胃，雖然得兩隻蝦，不過比較大隻，如果可以改細隻啲，可能蝦味會重啲，更加鮮味，配上蕃茄辣醬，香味濃郁！頭盤係附上龍蝦湯，算係幾好飲，附上兩件迷你牛角包🥐不過唔係熱嘅，如果焗一焗，整到佢脆脆地，應該十分正最後嚟嘅熱熔芝士漢堡包🍔芝士超多，比你自己加落個包度，漢堡包都夠大個，食完超飽，用了十足，似係漢堡扒煎得比較燶！飲品方面係焦糖咖啡☕️加咗少少錢，同埋免費配水果冰茶，雖然冇同集團Simplylife咁好食，不過喺呢個商場算係好好食…查看更多

呢間好似係新品牌，之前都冇聽過，好似係來自台灣，上網查一查，又去台灣得一間店，跟住喺海外開咗十幾間店嘅店。叫咗佢出名嘅水果茶，最搞笑係每杯都會幫你捆綁條繩，唔知有咩作用？ 可能係懷舊文清look? 同就咁攞住杯蓋邊有乜分別？講番杯水果茶，茶色比較淡啡，唔算太甜，因為呢杯冇得更改甜度，水果有檸檬丶鳳梨丶百香果水果味太少，茶味又太淡，由於太多人幫襯，可能溝水太多，飲唔出茶味，應該似係烏龍茶底。真心覺得，出面花X茶社丶Comebxx丶一X水果茶，好飲好多！…查看更多

慕名而來，之前去親都要排隊，今日終於唔使排，可以試吓陳豪咖啡有咩特別而家好似係冇集團開？不過唔緊要啦試吓杯Americano先講，等咗幾分鐘，就可以攞咖啡入去坐，香味濃郁，都好夠熱，誠意十足，雖然我唔係叫貴啲嗰隻陳豪咖啡，但係感覺都冇hea場飲落去都係深色咖啡，即係深煎烘焙，唔係太酸，算係好味，環境都好有氣氛，配上一杯熱辣辣咖啡☕️非常輕鬆，咁啱今日工作忙碌，可以為明天繼續努力打打氣！下次有機會就要試吓其他咖啡，價錢都算平，只係地點唔係好就腳唔知遲啲會唔會有陳豪太太咖啡呢？…查看更多

呢間千両就好似元氣壽司咁，壽司比較細件，服務又唔足夠，元氣壽司點餐都有ipad, 唔明白點解呢度冇？入到去已經感覺，成浸噏味，完全好似唔衞生，好心而家疫情期間，噴多啲消毒酒精。今次叫咗好幾款壽司🍣帆立貝壽司，鮮味十足，有海鮮味，不過比較細，因為餐牌聲稱珍寶帆立貝，完全唔覺得珍寶，要打俾海關查吓先。大拖羅，最好食😋，油分夠多，充滿魚油，齒頰留香，值得一食。吞拿魚赤身，切得比較薄，冇乜魚味⚠️海膽手卷，紫菜酥脆👍，但係海膽太少，好似叫海膽壽司多啲海膽，可以接受啦！另外海鮮清湯，千祈唔好嗌，好似飲水咁，冇乜鮮味，如果加啲昆布/柴魚可能會好啲…查看更多

夏天就係要嚟海灘，就算唔落水都要嘆吓行吓，享受個豐富早餐，長途跋涉來到淺水灣就試吓呢間Cafe，裝修充滿夏威夷風情，原來呢間cafe出面有好多分店，真係大鄉里原來啱啱過咗早餐時間，又未到午餐，唯有散叫，雞肉牛油果蛋白多士🥑用了十足，非常健康，唔會油，減肥人士必食，牛油果夠熟，唔會硬，超正。份量都夠多，再配上一杯咖啡☕️超級開心🥳最重要係環境舒適，平日關係冇乜人，仲要聽到海浪聲，好似去咗沙巴咁。三文魚benedict都係好出色，流心蛋蛋味豐富，有蛋味，檸檬忌廉汁調校得好，又唔太酸，又唔油，呢度啲咖啡都好出色，咖啡味香濃，咖啡豆唔會太酸，回甘味濃，非常出色，唔怪之得咁多分店…查看更多

又到下午茶時間，搵間茶餐廳chill下, 今次嚟到敏華冰廳，呢間野開到成行成市，全因為佢座位闊落，夠光猛，空間感夠強。今次試吓港式西多士，即叫即製，金黃色嘅外層，再配上牛油，非常有心，配上心形牛油，睇得出好有heart，切開裏面外脆內軟，非常新鮮，佢係傳統嘅西多士，裏面冇出面成日有嘅花生醬餡，夠晒正宗。加咗錢飲雜果賓治，+$6，大大杯，夠晒冰凍，係呢個夏天帶來冰凍感，入面生果都算多，同平時雜果賓治一樣都係用罐頭生果，非常滿足，又唔係好甜，又唔會超多冰，調校得啱啱好原來出咗罐裝檸檬茶，走嗰陣時就順便買埋，可以返屋企感受茶餐廳嘅凍檸茶…查看更多

自從Starbucks執咗之後, 成個商場都冇coffee shop，由於Pacific Coffee啲嘢唔啱食，唯有試吓呢間PHI，排晒隊咁。好快就有位坐，座位都幾舒適，唔會好似快餐店咁迫，價錢中規中矩，就試吓pancake🥞同埋all day breakfast🍳抹茶latte🍵賣相吸引，鮮奶香濃，抹茶味啱啱好，唯獨入面有少少抹茶粉，Americano 咖啡比較酸，中規中矩。疏乎厘pancake超快到，不過好快做收縮，可能一早整定，上面雜莓都算多，冇乜蛋味，非常普通。All day breakfast 🍳 有煎西多士，唔知點解咁多油，配上蜜糖，好似怪怪地。其他嘢都好油，唔知點解成個碟底都係油，煙肉又係比較肥，味道麻麻地，隻蛋好生，由於頭先pancake嗰啲蛋都唔似日本嚟，應該係中國蛋，所以都冇食到隻生蛋整體來講，啲嘢食真係麻麻，不過地點非常方便，行街行到攰就可以坐吓…查看更多

網紅蛋榚名店終於可以嚟呢度試一試好似得呢間有堂食所以專登過嚟拜訪，咁啱平日有下午茶，所以叫咗最classic 嘅西瓜蛋糕, 西瓜喺中層，上面有士多啤梨玫瑰花同埋啫喱，非常清新，色香味俱全，睇返之前啲相，舊時好似冇啫喱，今次加咗啫喱更加有夏日feel。期間限定芒果西瓜蛋糕🍰，又係夏天時令，芒果算係清甜帶少少酸，就帶出咗西瓜嘅甜味，唔知點解西瓜好甜？ 應該浸過糖水另外下午茶餐可以選擇咖啡，超級抵，熱薄荷朱古力咖啡☕️啲拉花好靚，佢哋啲咖啡都好好味，又唔太酸，超級配蛋榚，唔怪之得成為呢幾年網紅熱話👍😋…查看更多

今年第一次試大排檔美食，呢個香港特色就來可能變成歷史，以前冬菇亭，去到熟食中心，買少見少，今日行開西環，就去試吓好似呢個係搬遷了新舖位，裝修都好有特色，夠懷舊，店主都好親切，冇出面其他大排檔，態度咁差！竟然咁早就全場爆滿，即刻叫咗幾款大排檔小菜：西檸軟雞，外脆內軟，檸檬汁調校得好好，夠酸味，帶少少甜味，雖然雞件比較薄，不過都好過坊間好多👍黃金粟米🌽外面包着飽滿嘅鹹蛋黃，鮮味十足，十分惹味！唯獨粟米本身冇乜味！小炒王，主要係韭菜配鹹肉，充滿啖啖豬油味，風味十足，好有大排檔feel最後忍唔住嘆番支可樂，仲有糖水送，真係服務好好，香港食店越來越少有呢種人情味，通常出面見你差唔多食完，就即刻收碟，跟住逼你埋單…查看更多

遠近馳名星加坡文華海南雞飯，由於疫情關係，去唔到星加坡食海南雞飯，唯有喺香港尋覓星加坡風味海南雞飯，雖然價錢貴啲，但係都可以止止癮裏面座位比較迫，樓底比較矮，感覺非常侷促，尖沙咀地段，價錢中等星加坡海南雞飯，好食原因係無骨，比較重嘅雞味，同埋有三款醬料，決一不可，呢度油飯，都係比較特別，比較深啡色，同出面鮮黃色嘅黃姜飯，算係有啲唔同，啲雞柔嫩適中，唔會好似亞參雞飯啲油浸雞咁，滑(油)得滯另外叫咗推介，大蝦喇沙，隻蝦都好大，不過冇乜蝦味，算係好味，喇沙有椰汁香味，唔會辣🌶️十分開胃最後叫咗個小食，燒魚餅？呢個比較辣🌶️，不過冇乜口感，淋patpat最開心係可以食到星加坡正宗無骨海南雞飯，不過真係好多人排隊…查看更多

酒店附送嘅早餐，通常都好求其，就試吓呢間東涌比較新嘅酒店同其他酒店有咩唔同？首先感覺選擇都多，有幾邊可以攞嘢食，有中式點心丶西式炸點、冷盤丶沙律、乳酪最特別係有港式麵包🥯有菠蘿包，個皮仲要唔係同個麵包分開，十分出色。雞尾包，皮薄餡靚，新鮮焗製，值得一試發覺佢都有細節位，選用好多本島食材，例如大嶼山仲嘅蕃茄，不過就冇蝦醬多士，或者其他菜式仲有都有香港特色，就係小朋友最鍾意嘅益力多揀，紅色綠色都有👍呢度早餐真係豐富選擇，當然用料唔係頂級，勝在多選擇…查看更多

屯門區少有咖啡店，好彩麥當勞洞悉先機，把握機遇，將咖啡文化帶黎屯門區呢間良景點都算係新裝修，咖啡是一收到order，即叫即沖，唔似Starbucks 咁樣有啲鋪係沖定個咖啡底，再倒俾你，非常唔新鮮，溝水又多，十分淡味反而麥Cafe嘅咖啡選用幾種唔同咖啡豆，香濃十足，咖啡味道夠層次，微酸夠苦夠咖啡味，調校得啱啱好仲要有Pizza包set, 價錢公道，30幾蚊又有嘢飲又有嘢食，係邊度搵？菠蘿雞肉Double芝士pizza包，拉絲芝士，超有口感，唯獨菠蘿份量太少，希望以後可以加多啲菠蘿🍍，更加醒胃…查看更多