Yosh58的个人专页

同朋友敘舊，本來諗住有點心，點知原來小菜。不過都冇阻止我哋嘅興致。食咗北京填鴨，蒸肉餅同一個菜，本來諗住唔夠食，點知每樣食物份量都好多，所以最後都食唔晒，北京填鴨真係一定要叫佢哋嘅肉餅都好好食…查看更多

因為operice 訂枱有八五折，所以你試吓呢間好耐冇嚟嘅自助餐。我覺得呢一間係我近呢比較有水準嘅自助餐，佢哋嘅凍盤同埋魚生都好出色，整體嘢食都好好，至少我覺得性價比高，甜品有少少美中不足但係都可以接受。坦白講以呢個價錢真係超值，應該遲啲到好難約，大家有機會要嚟試吓…查看更多

呢間嘢就算唔使錢都唔會再去，食物真係普通過普通，最慘就係價錢比同行貴一節，服務態度勁差，未食完嘢已經收晒嘢，仲同客講出邊好多人等緊，好似趕我哋走咁。。咁嘅服務態度，真係紅磡區都好少見叫咗個醉雞份量10分少，咁都要$88，真係冠全區最貴。嗰個所謂小籠包。。四個黐住晒哂，攞上嚟嘅時候已經爛哂擔擔面嗰個湯底好淡，個豬扒都可以。為實。呢間嘢嘢食份量都唔算多，三個人食買單都好貴，仲有服務好差，見你食完即刻收碗，跟住同你講出邊好多人等緊。。喂今時今日咁嘅服務態度。。…查看更多

諗住呢間餐廳新開張，作為一個黃埔人希望幫襯下，點知成肚氣。其實覺得整體嘢食都唔算差，但係個服務質素真係唔值呢個價錢。等咗個早餐45 分鐘，催促好多次都冇人理，最後話唔要先至出個早餐出嚟。。。咁嘅服務態度點叫人幫襯？最大問題就係員工嘅態度，全部好似發緊夢咁，咁樣嘅用餐體驗，真係好失望。其他食客都有同一個問題，大家要不斷咁追問幾時有嘢食，如果你係茶餐廳我覺得會接受，但係作為一間所謂高級餐廳，咁樣嘅態度，真係性價比10分差。…查看更多

今日一開門去幫襯，買咗三個漢堡包同埋雞翼薯條，返到屋企發現執漏左個麵包。。。所以建議大家買完之後記得要睇一睇，唔係好似我咁冇咗個包都唔知點算。。。所以大家要小心…查看更多

今日諗住食個快，嚟到呢間餐廳諗住試吓新加坡野。叫咗個海南雞飯，鴛鴦雞喇沙，同埋嗰個森巴蝦炒飯。坦白講可能雞飯同埋嗰個喇沙真係超級普通，同埋啲雞冇肉。。嗰個炒飯直頭食唔落，完全冇諗過香港人嘅口味。下次都唔會幫襯…查看更多

喺人來人往嘅大街上面。。好難發現呢一間日本餐廳（同隔離間拉麵係同一個集團）。。未入去之前我都有少少猶豫。。。從外面睇根本唔似一間日本餐廳，不過入到去，佢哋以日本電車作主題，都有返小小日本風。試咗靖魚，真係出奇地好食，同埋真係夠份量。 佢個海膽從業蟹真係有驚喜，比一般嘅日本餐廳水準好，所以行過如果中午冇地方去，呢度簡直係首選。…查看更多

如果一間食店嘅沒落，係同質素有關。。我估呢間冇第一都有第二。 一間食店嘅沒落。。首先遭本土人香港遺棄。。之後係日本人。。當大陸人充斥嘅時候。。就係代表一間食店嘅沒落。 一碗價值$59嘅牛腩雲吞麵，無論賣相同埋用料。。。真係慘不忍睹。 呢啲咁嘅食肆仲可以生存簡直係一個奇蹟！我真心希望佢地真係好認真反省自己嘅產品同作出改善。作為香港本土嘅企業，我真係希望唔好敗壞咗香港個名，努力改進同以香港人食物品質作為目標。…查看更多

今日係放假諗住要排好耐，點知一到已經大把位。。係尖沙咀旺區咁嘅鐘數都唔滿。。。已經覺得好奇怪。最後終於謎底解開啦。。。食物質素都ok, 至少個冷麵都有正常水準。。只係今時今日嘅服務態度。。。希望以後會有改善，唔係好快又要執笠。…查看更多

今日食個early dinner 諗住試新野，見雑誌介紹就試一試。。。食物質素都可以，但服務態度真係有好大改善空間。。D人好似發夢咁。 。。冇服務同等上餐得足半個鐘。。連sorry 都冇句。。。真心希望要改善，唔係好快比人淘汰。…查看更多

俾佢個下午茶餐吸引- 70幾蚊就有一個漢堡加嘢飲。。。。餐牌嘅嘢食唔平，嘢食嘅水準大致上都可以，但係講到服務質素真係。。。。。成間餐廳得三位枱都可以唔過嚟斟水。。。上菜唔出聲,最慘就係成間餐廳嘅人嘅服務質素都係咁。。。希望佢哋可以捱到半年。尖沙咀太多選擇，以佢哋咁嘅服務質素就好快玩完。…查看更多

依一間都算半個飯堂，以牛排水準來講真係唔差，同埋其他嘢食都好好食。今次點咗一件牛排但係切唔到同小朋友難消化。。驚你二話不說就好窩心咁幫我地換咗。。所以真係十全十美！…查看更多

今時今日除咗食物嘅質素之外，食物嘅份量都好重要。。。我估依間餐廳嘅份量對比價錢真係完全唔合比例。除咗個軟殼蟹墨汁麵之外，其他食物簡直係比小人國食嘅。服務就唔好提。。。真係冇下次。…查看更多

排隊排咗45 分鐘等頭輪。。。果然不負所望，裏面裝修同美國嘅差唔多一樣。。。雖然第一日有少少亂，但係整體安排都十分好好。 食物方面，十分建議細食嘅女士唔好單獨來，呢度食物嘅份量同美國一樣，食物嘅水準10分高。 十分之享受喺呢度食飯。 當然，我哋嘅主菜cheesecake 就一定要試。 不果，最敗筆嘅係冇得訂枱，如果想來食就一定要排隊。…查看更多

茶木整體上都十分有水凖。。去過咁多間都唔會失望- 除左依間。 。。第一依間冇咗菠蘿咕嚕肉，一道十分之好食嘅菜式所以打咗折扣。 牛肉麵就不過不失，但小食同小菜方面有十分之失望。除咗份量少之外，仲落咗好多味精。。。真心希望佢可以改善下。…查看更多