raz =]的个人专页

起九龍灣食飯通常都係去Megabox或者德福,工業區似乎沒有什麼好選擇的...之前中午時候行經circle k發覺附近開左一間日式外賣店 某日下午壽司癮起,決定去望下會唔會有o岩心水的一入去店舖已經見到有大大張menu, 有唔同款式o既壽司飯,例如有三色魚生飯、蔥吞拿魚腩飯、海膽北海魚生飯等, 除左魚生飯亦有雜錦壽司set可以選擇, 價錢大概由四十幾蚊到七十幾蚊都有個人覺得三文魚親子飯($48)比較抵食 多口問一問店員, 原來off menu有三文魚腩飯 ($58) 加$20可以有三文魚子, 結果我就order左三文魚腩親子飯 三文魚腩份量都幾多同埋都好肥美,三文魚子屬新鮮貨,飯o既份量比坊間o既壽司店多, 但係各款壽司飯係沒有跟飲品的, 如果店主可以考慮推出套餐跟湯,茶,或者熱飲會更好, 畢竟食完一個飯都會想飲野消化一下…查看更多

小時候常到泉章居用膳,特別喜歡點東江豆腐煲和中式牛柳。人長大了沒有特別再去了，直到不久之前的聚會大伙兒選定在這晚飯。由於早前已經訂位，半數人到齊以後就可以入座了。看著點菜單，選擇還是挺多的，我們5個人點了4人餐，包括是日例湯 (黃瓜煲瘦肉), 西檸芝麻蝦球, 椒絲腐乳唐生菜, 時菜扒牛丸, 半隻金牌鹽焗雞, 梅菜扣肉, 另再加荔茸香酥鴨, 茶果。黃瓜煲瘦肉湯 – 黃瓜倒是很慷慨的下了很多, 可是湯挺鹹的…害我晚餐的時候不停在喝茶。西檸芝麻蝦球 – 蝦球跟醬是同碟分開上的, 對於不好芝麻的我這安排很貼心, 蝦球只有數隻，炸漿不會很厚，點上同碟的西檸汁一起吃十分開胃。時菜扒牛丸 – 時菜是菜心,可是菜跟牛丸的比例不是很好,我滿心歡喜以為可以多吃一點菜， 怎料菜心只有幾條， 牛丸是平常吃到的味道，沒有什麼特別。椒絲腐乳唐生菜 – 唐生菜尚算新鮮, 跟腐乳配搭不錯亦很惹味。梅菜扣肉 – 只吃了瘦肉的部份, 同桌友人整晚用梅菜扣肉伴飯吃過不停，可想而知味道有多好。金牌鹽焗雞 – 雞肉嫩滑很香，是整晚最欣賞的菜式。茶果 – 以糯米粉制成的茶果咬下去很煙韌，吃一件已經很飽肚了，如果是吃有餡的那種味道應該會比較豐富點吧。整頓晚餐上菜速度很快，有些菜式在吃的時候已經放涼了，感覺上現在的味道沒有從前的好，是人長大了以後比從前要求更高嗎?…查看更多

晚上有事要回家工作，在回家中途先於沙田來個晚餐吧。和之味集團其下的板長壽司和雪村皆試過無數次了，反而自家烏冬還沒有拜訪過，剛巧連城廣場開了間分店，好吧，就去試一下啦 6點多來到門口餐廳都差不多坐滿了，在侍應小姐引領下坐了近廚房的位置。打開menu一看發覺有挺多選擇的。前菜的沙律也有5-6款，主打的烏冬有數個系列－ 冷烏冬／掛烏冬／釜揚烏冬／石頭窩／湯烏冬。今天不太想吃冷的，就來個湯烏冬吧。湯烏冬也有幾種湯底供客人選擇 - 蕃茄湯底，豬骨，鮮蝦，鮮魚湯和咖喱湯底。烏冬價錢大概是$38 - $60不等，定價都可以算是大眾化吧。不吃烏冬的也可以選擇定食喔，可是人家是主打烏冬的，我當然也要吃個烏冬啦。有選擇困難症的我想了數分鐘才決定來個什錦天婦羅魚湯烏冬($48) 再加一個溫泉玉子($12)。溫泉玉子先來，賣相真的不行....雖說是$12的小食，可是也未免太不吸引吧 玉子沒什麼特別，就那個醬汁太鹹了...等了20多分鐘，主角什錦天婦羅魚湯烏冬才上場，天婦羅是另上的，避免天婦羅浸於湯底變腍。自家烏冬的烏冬是由日本引入原材料然後每天即打即製的，湯底以日本魚乾餚製而成。我點了的那個魚湯清淡得來也有點鮮味，跟烏冬是很配的，可是烏冬本身比較軟身，切口也不太齊整，考慮到是四十多塊的一碗烏冬是收貨的了六十多元的一餐晚飯是滿足的了，下次會再來嗎? 我想是會的…查看更多

星期六放左工之後就即刻過黎食一去到見到有好多人已經起門口等緊，我係第200號飛，前面仲有30個number等緊，聽到reception小姐講2:30係last order，仲擔心緊自己入唔入到去之際原來店入面剛剛好有一位，太好喇!一坐低侍應就俾左一杯冰水我喇, 呢個安排起夏天黎講真係好好 menu有3種拉麵可以選擇，分別係白丸元味,赤丸新味同一風堂辣肉味噌。由於自己第一次黎，所以就揀左白丸元味試下。等左唔夠5分鐘，侍應就送上熱辣辣o既拉麵喇。首先試一下個湯底，發覺冇平時食開豬骨湯底咁油，一風堂o既湯底比較清同埋有鮮味，麵條則非常之彈牙,反而要加$10一隻o既半熟蛋就冇咩蛋味，可以慳返另外亦都好想試下$38一客5件o既餃子，不過竟然起2pm就賣晒 希望到正式開業時會有機會試到餃子啦。一風堂o既拉麵真係好好食,下次再黎時要試下赤丸新味…查看更多

今日出去尖東飲早茶，剛巧經過Fine Foods 就去望下有冇開啦，唔知係咪因為新年，櫃入面唔係好多cake / tarts 揀, 所以只係買左 strawberry cake 同Napoleon 試下買到返屋企打開餅盒蛋糕仲係 in good condition 先先試左 strawberry cake, whipped cream 薄薄一層幾香, sponge cake 亦都好鬆軟，而strawberry 大大粒，不過就唔係好甜, $32黎講就普通左d 喇之後再食埋Napoleon, 面層o既 pastry 好香好鬆化，中間o既custard 亦都好味，不過份量好似多左少少，底層strawberry夠大粒, 呢個絕對值得推介Total 2件cake, $32 each. 下次會再試下其他 …查看更多

一直都覺得一生人點都要去一次半島, 咁o岩知道Imasa o既buffet只需要$495, 所以起2月頭就已經打黎訂位喇buffet 由6點正開始, 因為事前得知場地唔大, 所以早左一個字到, 帶位姐姐好好咁安排左近食物o既位置俾我地 先係問我地要唔要飲品, 然後再介紹一下當日menu入面有o既main course同各款手卷見仲未有太多人, 於是出去睇下有咩好食啦, 放食物o既地方一眼睇晒, 款式真係唔多, 不過每款食物賣相都好好呀. 刺身同好多酒店一樣, 都係放晒出黎俾客人自己拎o既, 剛開始時唔見有cake喎, 一路諗唔係冇cake呀嘛? 之後有waiter話可以開始拎食物喇, 咁首先主力梗係刺身啦, 有帶子, 甜蝦, 油甘魚, 三文魚, 吞拿魚, 海膽, 北寄貝同魷魚. 帶子都幾鮮甜, 甜蝦亦係水準以上, 海膽就梗係唔使講啦, 夠晒新鮮. 反而三文魚就無咩驚喜 壽司方面只係試左火炙三文魚, 軍艦壽司都有三,四種, 因為唔想浪費quota就冇試到, 食野期間會有waiter不斷加茶, 有客人跌左餐巾落地下佢地都會好好咁幫人執番然後接番好食左幾輪刺身已經飽左5成, 搞到熟食都唔係試左好多, 先係食左銀鱈魚西京燒, 燒得好香呀, 魚肉亦到好滑, 食完之後仲隱約聞到陣香味 之後都分別試左牛肉信田卷同茶碗蒸, 茶碗蒸實在好足料!! 我個碗仲有幾條蟹柳添, 拎到返埋位仍然好夠熱食到咁上下主菜就黎喇, 時日分別係羊扒同蝦天婦羅, 因為我唔食羊, 所以唯有叫天婦羅啦, 味道黎講係比較失望, 我認為同起出面普通日本餐廳o既冇太大分別, 至不過係佢賣相比較好. waiter建議我地可以叫埋稻庭烏冬一齊食,話會有另一番風味 烏冬應該係即整, 一d都唔稔, 仲有d彈牙添, 不過個湯底就一般般啦中場行過見到終於有cake喇!!! 總共都試左有5款咁多, 印象比較深o既係mango mousse cake, strawberry cheese cake, green tea mousse, new york cheese cake. 我覺得款款都係誠意之作, 最好味係green tea mousse 同 new york cheese cake! 最尾order埋2球雪糕, 有sweet potatoes同柚子, 2種味道同都好, 不過因為唔鍾意太甜, 所以prefer 柚子味, 而且佢仲有柚子粒起雪糕入面, 食完之後覺得中和返今日食過o既油膩野, 感覺好好埋單時waitress好好咁幫我地換杯熱茶, 2個人食到捧住個肚返屋企, 希望下次再試埋半島o既tea啦…查看更多

今年聖誕節正日同朋友仔食飯, 有人提議黎呢度食, 我當然舉手贊成啦! 唔知係咪因為正日lunch時間關係, 全場一半都坐唔滿喎, 不過唔理喇, 一坐低就叫waitress比個menu黎睇下先。點知個menu係日文?! 原來佢係有日文,英文同中文架, 如果有外國遊客黎都幾方便!傾左一陣就決定左要個french fries, Carbonara, Sesame orange chicken salad waitress 話先上左個salad比我地先, 之後先再上 Carbonara啦。等左一陣個french fries 同 salad同時間黎, 先試下個french fries 先, woo, 薯條好熱又唔多油, 一個trash bin 上睇落唔係好多條, 但食極都食唔晒! $22 真係好抵啦。Sesame orange chicken salad 好大碗呀! 一黎到就俾個份量嚇親, salad底下有好多sesame sauce, 食之前記住要撈下d 料, 個sauce同菜好夾呀, 比人好fresh o既感覺, 仲愈食愈開胃添! 結果我分到3碟...食完個salad已經覺得飽飽地...最後先上Carbonara, waitress一放底隻碟已經聞到好香忌廉味, 試左一口之後就停唔到手, 好creamy呀,又好香芝士味 不過如果一個人order一碟就會食唔晒, 因為食到咁上下會覺得好溜, 最好就可以2-3 人share, 每人都有得試下就okay。食完呢3樣野已經飽到行唔到喇, 下次再黎食要叫多D人, 咁就可以試埋佢地o既appetizer啦!…查看更多

尋日放工之後返左學校影相, 因為實在太趕, 所以冇時間食午飯. 影完一大輪都已經六點幾喇, 同個friend行左陣又一城就上左food court食個晚飯! 幫襯吉野家唔使諗梗係要個牛肉飯啦, 見到出左個茶碗蒸喎 唔理喇, 食唔晒都要加 $11叫個黎試下先 先講牛肉飯, 珍珠米加埋牛肉汁依然咁好食, 牛肉都有好幾塊, 飯就好似多得滯啦, 不過最緊要都係清晒牛肉 個茶碗蒸都幾多料, 有魚旦同白果, 夠晒滑不過就唔係好夠味, 以呢個價錢黎講就唔係好抵喇下次再去就唔會再試茶碗蒸喇 …查看更多

聽好多人講美心o既天使蛋糕好好食,之前credit card做promo行過好多次都唔見個蛋糕o既樣,點知今日行過望一望終於見到喇! 個阿姐話佢地o既蛋糕係唔留隔夜,所以我就買左個返屋企試下, 一路行一路好想返到屋企, 實在等唔切要試下呢個蛋糕夜晚同屋企人share, 每人分到2大舊蛋糕, 聽阿姐講唔擺魔法脆脆落雪櫃,就咁放起蛋糕上食, 好好食呀! 面頭好creamy, 入面又好sponge同軟林林, 食到中間有層焦糖, 都唔錯呀, 唔會太甜,同個蛋糕好match呀!屋企人一致覺得好食! 不過食完2件之後覺得好溜…查看更多

放工心思思想食帆立貝壽司,所以走左黎板前食左幾碟先返屋企一坐低即刻叫左珍寶帆立貝壽司, 板前蝦, 海膽軍艦珍寶帆立貝壽司: 次次黎都一定會叫, 水準仍然都係咁好, 大大隻好鮮甜呀板前蝦: 唔知點解今次D蝦冇以前o既咁好,冇咩鮮味海膽軍艦: 簡直係超值, $25 一客, 海膽新鮮,口感一流!! 如果唔係之後要返屋企食飯會再encore多客唔知係咪呢排D人少左出去食飯, 今日去到都仲有好多位, 師傅好快就做起壽司, 希望下次黎依然會食到咁好食的海膽啦…查看更多

星期日同媽行新城市, 見唔係太肚餓所以想搵tea 食, 點知搵左一排都未到tea 時段, 所以就黎左滿記食甜品喇叫左2樣野:- 甘露豆腐花: 芒果好甜呀!! 豆腐花都好滑, 不過食多幾啖就覺得冇咩特別, 豆腐花俾芒果搶晒味- 榴槤班戟: 2件裝, 侍應姐姐話係一早pack好,所以亦都係最快黎到,佢仲好細心叫我地最尾先食 皮入面有好多cream呀, 不過同榴槤好夾, 媽話咁少榴槤有 d 唔抵食2個人加埋唔使$50, 不過比起出面黎講叫做貴, 質素叫幾好啦, 有時間試下其他款先…查看更多

一路都想食buffet,剛巧尋晚終於有機會同bro出去食都好耐冇黎花月庭食buffet喇, 見到有新裝修又多左好多位, 我諗係因為好多卡都做緊promotion, 所以佢地想有大D 流量啦一去到當然就係湧去拎刺身啦, 拎左好多三文, 北寄貝, 墨魚, etc. 一放落口覺得好失望, 三文薄薄一片, 仲要係冇咩魚味 比起以前要排隊師傅續個人serve, 佢而家係一盤放晒出黎俾人夾seafood我見到有長腳蟹, 青口, 香草小龍蝦, 翡翠螺 - 我自己淨係食左長腳蟹, 多肉就唔講得,不過幾鮮甜!!salad 估唔到會有caesar salad喎! 之前黎食都冇o既, 生菜好fresh燒牛肉 - 我前後拎左3次, 次次都係拎到頭同尾, 所以唔覺得好食燒味 - 燒腩好好食呀!! 皮好脆意粉 - bro 拎左蝦 + 長通粉配蕃茄醬, 過得去啦, 蕃茄大大粒湯粉 - 試左瀨粉 + 人蔘湯底: 湯底好正, 人蔘味好出, 瀨粉又好爽紅酒燴牛肉 - 味道係一流, 不過牛肉好韌甜品 - 非常失望, 選擇已經唔多, 賣相一般, 試左日式芝士餅, 藍莓芝士餅, 個人比較鍾意西式芝士餅, 味道冇咁甜最後食杯haagen dazs 作結尾, 3種味道 - chocolates, vanilla, cookies n cream. 如果有strawberry就好喇....overall黎講食物種類係好多, 多到我都試唔晒咁多樣, 不過個別食物味道唔得, 尤其係刺身, 比起以前係差左好多, 希望下次再去食o既時候會有改善啦…查看更多

昨日放左工bro請我黎呢度食飯一入到去見到裝修幾靚, 坐低就即係拎左碟三文魚黎食, 大大條三文魚都係賣$9咋,都幾好味帶子: 好大隻, 食左2件已經夠晒數, 不過食落就談不上好食A5和牛卷: 有4件, 塊和牛好細塊, 仲要係冇咩味海膽: 前後叫左3碟, 連我平時咁少食都覺得好食呀! 油甘魚: 一般貨仔, 平時都唔係太鍾意食油甘魚雜錦天婦羅: 今個星期第二次食喇! size 好似細左d, 味道唔錯芝麻醬蟹柳冷烏冬: 有成2人分量, 芝麻醬加烏冬好好食埋單三百幾, service都唔錯, 不過食物選擇唔多, 個別款式o既壽司幾大件, 不過我認為質量比抵食更重要, 如果唔使等位而又經過o既話就會再黎食…查看更多

今日lunch同細佬黎左呢度食打開menu 見到有好多set選擇, 最後決定要左壽司烏冬set再加一個雜錦天婦羅壽司烏冬set: 烏冬幾好食,可惜面頭o既天婦羅黎到果陣已經淋晒 跟餐o既6舊壽司都過得去啦, 係三文魚子比較失色, 太鹹喇雜錦天婦羅好大份, 夠熱又唔多油, 幾好啦碗烏冬食到最尾見到有條鐵線... 即刻同waitress講, 最後佢地cancel左lunch set o既錢總括黎講價錢唔算貴, lunch set大大份, 味道okay…查看更多

星期三同左朋友黎呢度食, 6點幾到冇咩人, 坐到7點咁上下就full晒喇first order黎得幾慢,可能師傅未ready啦試左好多野,大部份都okay:刺身: 三文魚, 甜蝦, 北寄貝, 墨魚, 赤貝都好好食! 八爪魚就差D喇, 唔係好新鮮茶碗蒸: okay! 好夠熱 冷麵: 佢整得幾靚, 味道同出面差唔多 蒜片西冷 / 牛柳粒: 幾香口 燒粟米 / 天婦羅: 一般水準, 放題黎講交足貨炒雜菜 / 雞軟骨: 呢兩樣麻麻地, 如果個雞軟骨跟埋sauce會唔會好D呢overall 係幾抵食, 百幾蚊有咁o既質素絕對可以encore! 服務都好好, 食完野D碟好快就會有人黎收, 渣打卡有95折, 唔知幾時可以再去 呢? …查看更多