stitchmyan的个人专页

又到Happy Friday~ 今個 Friday Night 真滿足同朋友去圓方睇場七點半~ 睇完就行去堂記吃燒鴨腸~ 正! 不過唔夠過癮, 想去啤啤佢, 朋友再帶左我地黎呢間串燒店,夜晚11點幾, 真係好多人...店員問我地想唔想坐樓上VIP房, 不過老公想睇住架車, 所以我地決定坐樓下, 等左15分鐘, 見到職員左拼右拼, 終於搭到張台俾我地啦~ 超窩心樣樣都十幾蚊串, 我地瘋狂地叫左好多野吃!! 真係多到數唔曬, 最正果幾樣有:肉類,燒牛舌 --> 真係肥大肉厚, 唔干身, 好香燒豬頸肉 --> 豬頸肉好甘香, "yip" 得好入味 燒羊架 --> 最正係個薄荷醬&介辣醬, 襯得一絕! 燒牛仔骨 --> 20蚊3塊?!?! 真係懷疑老闆計錯數...佳寶買生既都冇咁平喎 而且都yip" 得好夠味, 唔錯! 海鮮類,燒多春魚 --> 卜卜翠, D春又香又硬身, 條魚既皮又唔會"窿", C父果然高手藝!燒海蝦 --> 蝦殼上好多香料, 第一啖感覺上咸左d, 但係襯落蝦肉喥就岩岩好, 所以吃呢味餸, 一家要用口咬, 唔好用手滅~ 蝦肉都好夠新鮮, 一d都唔"霉" 冷盤類,泡椒雞翼 --> 又大隻, 又夠辣, 雖然朋友仔吃唔到, 不過我同老公就encore 左二輪店長推介,鵝肝多士 --> 舊鵝肝比想像中大件, 襯埋件多士都幾香!!一路吃串燒, 一路飲啤酒, 人生一大樂事也~ 係張台唔多大, 搞到d野食擺唔曬, (哈哈, 可能係我地瘋狂落order之過啦)店員見我地堆到成張台都係食物, 可能驚d食物會攤凍啦, 好明顯出食物既"咇"慢左落黎, 最搞笑係老公要開車, 見到啤酒唔飲得...係眼望望之際, 隔離台個哥哥仔靜雞雞請佢飲左罐"私伙"既不含酒精啤酒 真係開心死佢啦~ 成個場d氣氛都好正! 見d店員同食客都打成一片, 聽聞好多都係熟客仔! 下次黎一定要訂定台先得!! …查看更多

尋晚同朋友係九龍城吃晚飯, 吃完晚飯朋友話想去銅鑼灣吃甜品, 見佢讚到識飛咁, 即管叫老公車我地去試下啦!真係山長水遠咁黎架!!去到攞位, 見門口有5.6個人等緊, 唔知係等位定係等外賣, 咁我咪行入去收銀處問下"唔該, 4位丫" (收銀處位於餐廳中間位置)點知, 果位長頭髮, 帶黑色膠框眼鏡既女仔 描左我一眼之後, 又行返出去門口玻璃門既位置, 原來攞位要派既"紙仔"掛左係門口!!(當時, 仲有2,3個人, 跟我尾入去攞位...)最搞笑係, 佢由尾派返轉頭!! 即係話, 我由龍頭變左去龍尾!!已經嬲嬲地啦, 終於等到有位, 哥哥仔問我地介唔介意搭台, 我地都話ok, 點知我地要搭台既位置, 岩岩係二張圓台中間...唔好話二個男仔坐唔入, 連我地二個女仔都坐唔到...四張椅..仲有其中二張俾其他吃客攞左黎擺袋..根本坐唔落!! 講真, 我地山長水遠專登走過黎吃, 都係想坐低慢慢啖下姐...於是決定同哥哥仔講"我地唔介意等四人台啦, 再等下都ok架, 陣間你俾張4人台我地啦"...點知哥哥仔反問我地: 點解你地唔肯搭台先?我地答: 咁果個位迫丫嘛...哥哥仔再問: 係咪唔迫就肯搭台先?我地答: 果個位真係坐唔落.. 可唔可以等4人台呀?之後, 哥哥仔就一支箭咁衝過去2張圓台中間, 移開曬d野, 好唔客氣咁叫其他客人攞開曬d野...就叫我地坐埋去...!!!! 搞到隔離台d人以為我地去投訴佢地咁!!!! 真係超級尷尬到暈!!!真係未吃就夠飽!!! 講返d野吃, 真係不過不失咋! 係我個朋友話個 Apple Crumble 好吃囉!我就叫左客 心太軟配綠茶雪糕 一般啦...心太軟個皮太硬! (我都費時講咁多, 免得俾人話我太偏激, 寫食評寫得唔中肯!)我好希望呢個message 可以俾間餐廳既負責人睇到 --> 唔好似住自己間食店出左名就可以用d咁既服務態度對人!! 坦白講, 你地唔係太好吃架咋! 只要隔離開返間 滿記 / 松記, 你地真係 "死得唔使等"!! <--…查看更多

早幾日去完土瓜灣開會, lunch time 搵野吃, 見到呢間米線店打正旗號吃小鍋米線, 無辣不歡既我, 即刻入去試下先12:15去到, 已經有少少爆場, 好彩等左5分鐘就有位,小鍋米線廿蚊起計, 每款餸+4,5蚊, 我地3個人, 樣樣叫d, 交換下d餸食, 可以試多幾種餸丫嘛我叫左個冬茹,豬潤,魚腐,中麻辣米首先要講下個"中"麻辣湯底, 比起譚仔既中辣 冇咁辣, 但勝在夠鮮味 至於配菜都唔差, 幾多份量, 如果有埋腐皮就perfect 啦!! 冬茹 -> 夠淋, 都幾入味 豬潤 -> 唔係講笑, 最正呢個, 好少吃到豬潤咁鮮味, 厚薄適中, 好嫩, 岩岩熟, 唔"鞋口" 魚腐 -> 可能係來貨問題, 比較硬身, 一般啦 牛怪朋友叫左個牛肉, 牛展, 牛柏葉 大麻辣米嘩! 唔好講笑, 大辣比中辣真係辣好多!! 唔怪之得落單姐姐要俾溫馨提示啦! 不過我個牛怪朋友話吃牛要加勁辣先夠過癮喎~ 呢款岩曬佢 由於碗野對我黎講太辣啦...我淨係吃左個鮮牛肉, 都好好味, 好嫩~ 最緊要鮮牛肉既份量都好多, 真係好抵吃!! 另一個朋友就試左個豬頸肉, 豬腩肉, 蘿白 清湯米我冇試, 見個湯底白雪雪, 朋友仔都話幾鮮甜架~豬頸肉 -> 第二必吃推介, 真係燒得好香口, 好甘香!! 豬腩肉 -> 都唔錯, 唔太肥, 都幾爽口 蘿白 -> 煮得好夠淋, 仲有冇根添! 正 加3蚊仲有杯豆漿~ 超值! 下次要夜晚黎慢慢吃, 仲要試下佢地既川式小食&串燒!!…查看更多

平時都有吃開味皇, 今日黎呢間試下, 叫左泰式無骨雞飯.. 好一般..d飯太硬..反而老公叫個炸醬吉列豬扒飯又ok好吃喎本來都合格..最弊+6蚊有杯特飲..衰好奇..叫左2杯荔枝QQ乳酸 & 芒果QQ乳酸... 甜爆!! 每一杯溝左2大杯水先飲得落!! 個亞姐可能以為我地呃水飲!!仲有, 間野超多"蚊之" 仲有烏蠅!! 嚇死人! 以後都唔黎!!…查看更多

早幾日同同事去吃lunch, 想吃泰國菜, 就試下呢間小店,雖然有訂台, 不過都要等位,可能因為係小店啦, 一路等位一路落單..感覺麻麻地..2個人, 叫左海南雞飯 ($4x), 濕炒牛肉河 ($3x), 見到小吃類好平 (十幾蚊一款), 又叫埋蝦餅配魚餅, 再黎一客豬頸肉,等左20分鐘, 終於有位坐, 一坐低d野吃就到了, 不過店舖太細...2個飯再加2個小吃..張台根本擺唔曬..唯有拿拿淋將4碟野拼埋2碟..不過, 吃落之後又真係幾好吃,1. 海南雞飯 --> 雞幾好吃, 係個飯少左d雞油味..2. 濕炒牛肉河 --> 3. 蝦餅配魚餅 --> 蝦餅真係好掂, 夠香夠鮮味, 係個魚餅淋左d..4. 豬頸肉 --> 燒得好香口, 唔錯!!主菜喂野飲, 我叫左龍眼冰, 有成十幾粒龍眼, 好夠味, 真係好抵飲!!2個主菜, 2個小吃 + 2杯野飲, 成承$110, 抵丫! …查看更多

今晚同老公行街街, 去到東大街, 本來諗住去安x吃個粉, 點知俾我發現有間新店, 貪新鮮, 即管試下啦~二個人, 唔吃得多：1. 響螺燉湯 --> 出奇地好飲, 好夠料!! 2. 燒羊架 --> 一般, 如果加"孜然粉"會仲野味 3. xx鱔 --> 好似係蜜糖燒.. 舊鱔比想像中厚肉, $6x 抵吃!! 4. 唔記得..係五代同堂 or 四代同堂 既炒飯 --> 好多蝦, 好鮮味 基本上都唔錯, d service 都好好, 係d茶杯 & 碗..有d茶"積"... (見到隔離台吃左個“藥膳糯米蒸魚”好香~ 下次要試下)…查看更多

成日聽同事講呢間野出名, 又出名好吃, 又出名多人..今日專登同同事去試..諗住1:30會少人d啦...我地二個人等台..等等下, 見個伙記分別俾二個"一位"既入去, 都唔俾我地入去.. 可能唔驚我地會轉場啦..一個叫左最出名既咖哩豬扒($55) --> 又真係又大塊, 又鬆軟, 幾好吃另一個叫左咖哩石斑($55) --> 就真係失望了...又咸...舊魚又超多粉....$55一個咖哩... 好似大快活好吃d囉...…查看更多