lucycmlau的个人专页

工作太攰～weekend諗住搵個地方休閑咁食吓brunch，搵搵吓見到呢間日式semi-buffet，幾特別同埋OpenRice book枱有85折就試吓😋日光日白去蘭桂坊的確幾特別😂餐廳喺加州大廈23樓，如果唔係咁熱嘅天氣揀坐露台位吹吓風都應該唔錯～不過去嘅時候係夏天太熱喇🥵好彩都有室內窗口位享受下風景😊坐落侍應都好貼心介紹返semi-buffet，餐廳會先上一輪沙律/前菜、刺身、卷物，想encore就可以再點～串燒就自己係出面拎，然後可以揀一款主菜～沙律/前菜、刺身拼盤嘅款式第一輪都有上齊～但卷物就隨機6款（餐牌有9款）～之後想認返邊啲未食就有啲困難😂每款食物都有水準，好好味～絕對係一種享受😌刺身好新鮮～特別喜歡牡丹蝦～非常鮮甜好味👏🏻👏🏻👏🏻🧡天使香辣三文魚他他推薦～連埋新鮮生菜一齊食減咗油膩感都好夾🥰一個主菜揀咗自家製鰻魚炒飯～鰻魚好肥美甘香～燒得好香❣️一上枱就已經陣陣香味飄埋嚟🤤🤤炒飯味道剛剛好～食完唔會好膩👍🏻份量唔多～所以唔使擔心食完會無空間食其他嘢🥳另一個主菜揀咗佐賀和牛鍋🍲～和牛嘅油花好均勻😍輕輕淥完入口即化🥰湯係壽喜燒湯底～有菇、菜同水晶粉做底～非常唔錯👍🏻👍🏻串燒都值得一讚👍🏻特別推介係牛舌同牛肋筋😋😋😋可惜我哋食得太慢⋯同燒雞腿肉無緣😔最後有個甜品/生果拼盤做結尾～擺得靚之餘都係好好味～生果好鮮甜😚抹茶蕨餅同芝麻團子🍡甜味剛好👍🏻團子連平時唔太喜好糯米類甜品嘅男朋友都話好食😆如果飲酒的話可以加錢有任飲～但因為本人唔係太飲得就唔浪費了😌總結～～超推介呢個semi-buffet❣️85折完大概$448一位～用餐時間係兩個半鐘～慢慢食傾下計其實過得好快🥺食物有水準～刺生新鮮而且環境座位都舒服👍🏻想chill chill哋悠閑食個午餐絕對值得～…查看更多

峇里堂係尖沙咀The Nate 3樓，升降機入口有少少隱閉～過咗馬路係大廈左邊就會見到個指示牌🪧 Walk-in好好彩咁啱有窗口位，陽光充足❣️餐廳環境唔錯，夠闊落唔會焗促☺️而且因為用咗全層做餐廳，都算多枱👍🏻⭐️不變·招牌巴東牛展肉配金貝飯⭐️牛展肉好爽好易咬開～巴東醬好香好惹味，微微辣配飯好好食😋金貝飯有香茅同黃薑味，但香料味唔會好嗆，配埋個汁食好夾👍🏻飯唔會太軟，有𡁻口～而且越𡁻越香～就咁用汁撈飯都可以食得晒🤤伴菜用咗山葵都幾特別～～⭐️峇里式豬肋骨飯⭐️豬肋骨比想像中細份同少啲🤔不過味道都好嘅～豬肋骨煮得好入味，呢個汁送飯都好好食，不過汁都係相對比較少🥸比較兩個飯都係鍾意招牌巴東牛展肉飯多啲😆 兩個飯嘅份量都算正常～但食完已經飽咗…食唔落甜品…🥺 ⭐️椰汁紅豆冰⭐️椰汁味好香，好似一杯飲得嘅椰汁紅豆糕咁😂唔會太甜～好好味🥰⭐️杏仁鮮奶咖啡⭐️杏仁味好出，唔會被咖啡味掩蓋咗～幾特別👍🏻 餐廳坐得舒服，好適合閒hea傾下計。但坐耐咗窗口被陽光曬住背脊會有啲熱…😅同埋近窗口邊嘅坐位係無椅背，後面已經係窗嘅玻璃，坐得耐會有少少攰…🙈 整體食物味道都好好❤️～會想再去試下其他菜式😋如果多啲人可以叫多啲款式share食都唔錯～…查看更多

偶爾去東涌閒逛，搵嘢食就順便睇下有無啲新餐廳試下，咁就行咗過酒店嗰邊，離東涌站都遠遠哋，要行10-15分鐘，大熱天時係會出汗的經過呢間餐廳，店員好熱心咁推介話啲嘢好食所以就行入去試吓～雖然唔知點先係正宗嘅印度菜，不過食完呢間覺得食物質素同味道都唔錯～餐廳環境唔錯㗎～望出餐廳無打卡嘅風景，但座位闊落舒適可能因為新開只有幾枱客，靜靜地傾下計係幾好嘅～印式奶茶奶茶有好特別嘅香料味，好似有類似香茅/茴香嘅味道，唔係好濃烈，淡淡哋～幾特別都易入口配濃味嘅食物覺得唔錯印式燒烤雞肉（6件）上枱熱焫焫香噴噴，初初見到擔心會好乾，但食落雞肉入面係軟嫩好味嘅雞肉燒出嚟香之餘都好惹味～如果想試吓印式口味呢款真係唔錯嘅選擇烤雞有個香草乳酪醬汁～配埋嚟食可以減低濃味嘅效果，食落會無咁膩～蒜香薄餅一向都覺得印度薄餅幾好食～呢款食落有濃厚嘅牛油同蒜香味，會食到停唔到就咁食已經非常夠味，味道完全就係法式蒜茸包～只不過係軟身版咖喱雞肉食印度菜覺得點都要食吓咖喱雞～肉嘅份量唔算好多，不過個咖喱真係好好味～香料味道好豐富，而且食落唔係辣到要飲水嘅程度配白飯一流～燒雞肉配飯本來係無叫到呢樣嘅～一嚟食食下見啲份量唔算多，二嚟見個咖喱見剩返好多汁唔想浪費，於是就揀咗燒雞肉，本身唔想配飯係可以配薯條的嚟到見到覺得有少少意外～因為無諗過雞肉會咁碎，但味道的確唔錯，燒烤嘅味道好香同埋都係惹味嘅～如果兩個人純粹想閒聊飲杯嘢可以揀呢個配薯條都唔錯第一次食印度米，比泰國米幼身啲～食落比較乾同散，無平時食飯嗰種黏嘅口感。連埋咖喱食會好啲，如果就咁呢碟飯配燒雞肉感覺就太dry喇…查看更多

假日難得有時間入咗南丫島閑逛，晚餐時間隨意揀咗呢間寫住「最好的烤肉串和披薩」嘅土耳其餐廳～由於得兩個人～可以試嘅款式唔多，而且偏偏就無叫到「最好的烤肉串和披薩」，不過依然覺得有驚喜1. Cheese beef burger (with chips)芝士牛肉漢堡 （加薯條）芝士牛肉漢堡調味很好～牛肉有種特別嘅香料味，牛肉有少少偏鹹，但配上新鮮青瓜、蕃茄同生菜就剛剛好，芝士同沙律醬都配合得好好。整體以一個$45嘅漢堡係一個遊客區算係性價比高。漢堡包嘅份量唔算太大，胃口唔係太細/唔係太易飽可以加$22要埋薯條，粗身薯條新鮮炸起香口好味。2. Curry chicken with pita bread 咖喱雞配皮搭餅咖喱雞係餐牌入面寫配飯，由於怕太飽就問可唔可以轉皮搭餅，諗住可以順便試下～發現係可以轉嘅咖喱調味非常出色，有印度咖喱獨有嘅香料味，見到加入咗蕃茄碎，味道有層次～個人覺得唔算係太辣嘅咖喱。兩個人食的話份量唔算太多，而且咖喱有少少辣好快食完皮搭餅略為乾身，配以咖喱呢類濕潤嘅食物剛剛好～3. Vegetable samosa 素菜咖喱角本身已經有啲飽，不過想試下小食就叫咗個特別啲嘅素菜咖喱角。首先呢，咖喱角比起剛才嘅咖喱雞係辣啲嘅，外皮炸得鬆脆值得一讚。綠色嘅係乳酪醬，帶酸味可以解辣。要留意嘅係雖然係小食同只有三個，但每個都份量十足，入面有薯仔、鷹嘴豆蓉、青豆等飽肚嘅材料，係好飽肚，如果唔算肚餓只係想過下口癮就未必適合喇。最後值得一提係店家會將平時俾客人用嘅一瓶瓶醬料放喺一個小型雪櫃，有客人用到先會拎出嚟，而且啲醬料瓶嘴處理得非常乾淨～好貼心至於店舖環境本身可能因為已經開咗店有一定嘅年資，某啲設備都有所損耗，我哋坐嘅枱旁邊有一盞吊燈就不時忽明忽暗，有啲奇怪同唔舒適，餐廳本身都唔係有啲咩特別嘅裝飾，唔算坐得特別舒服。…查看更多