caca329的个人专页

呢間私房菜我食過好幾次，環境唔錯，衛生乾淨，有獨立房間，仲有卡拉ok添，下次多D朋友仔試下book間大房，癲番晚放鬆一下侍應招呼熱情，主動，值得一讚服務態度餸菜方面，本人強烈推介：(1)脆皮紅燒乳鴿，好好食，一D雪味都冇之餘仲要十分非常juicy 熱辣辣...皮脆肉嫩...正呀！！！(2)濃湯花膠雞煲翅，真係足料嫁，花膠厚身有質素，D翅係一排排(唔多碎)，而且個湯冇得頂，雞味濃。分享心德，如果人少可以選擇每位一小煲，人多選擇一大鍋，分量絕對唔會少，必食。(3)豬油渣炒芥菜，一般芥菜會有小小苦味及草青味，但師父好叻懂得用豬油渣去除草青味之餘，仲帶出芥菜獨有的甘味，而且豬油渣炒完唔多油令D菜上碟仲會有光澤，抵讚以我所知呢間店，經理會因應時節推出多款優惠，今次送每人一隻冰鎮南非鮑魚，都會欣賞佢哋嘅心思今次我二個人叫唔到多餸，下次一定再嚟，再同大家分享…查看更多

happy birthday to you....呢首生日歌係一班後生仔女嘅侍應們+老闆們送比我(有D驚喜之餘都好有儀式感)我地成班朋友最好選梗係揀打邊爐，咩人都啱食，呢間係我去過幾次出品好掂，所以揀左呢間，不如分享一下D美食，等大家下去嘅時候都可以唔洗咁煩惱(尤其係有選擇困難症嘅你)刺身(1):龍蝦抵食(花龍，有2斤幾)，$1180(刺身+泡飯)，見到係魚缸仲好生猛，D肉爽及鮮，泡飯個湯好濃，加埋D脆米口感好豐富，脆卜卜。。。刺身(2):加拿大象拔蚌，識食一定要揀大條D，切條仲正過切片，爽好多嫁，大家試下個分別啦。。湯底:魚仔湯真係媽媽的味道，超魚鮮味招牌湯就真係招牌湯，記住記住飲完湯先打邊爐，原汁原味。。海鲜:鐘意食魚嘅你，必定要食佢地每日新鮮開嘅海魚，黃皮老虎斑都抵嫁$398/份(平時去街市買咁大條都唔知點煮，一份份最好，可以試多D嘢)，我仲叫埋其他海鮮(台山蠔比起其他蠔好食好多)必食:超濃味韮菜餃，好重牛味嘅本地手切肥牛(涮幾下就最perfect)， 蝦滑拼墨魚滑(超彈牙)，即炸響鈴(熱辣辣真係即炸配埋個汁一流)。。罕有+特別好食:羊肉魚皮餃(有羊肉嘅SO味，好特別)，有骨門鱔炸魚皮(口感好脆，可即食，但係放入湯1-2分鐘另一種口感，好煙韌好味)提示:多人真係要早少少book，大枱不多。。D食材超新鮮。。真心推薦，大家支持一下，下次再分享…查看更多

呢間火鍋店係N年前已經存在，之前係九龍城打鼓嶺道已經有七年歷史，結業左咁多年而家又再重開一間喺佐敦，佢最出名嘅招牌魚仔鍋大家一定要試，真係冇得輸門口個魚缸好多海鮮，勁吸睛。D海鮮一D都唔貴，而旦性價比仲好高，識食一定要喺度食，因為條條都係海魚，(黑，白，赤，花鬼斑，黃腳鱲，海東星，火點，紅雞，黃皮老虎，章紅，連少有品種嘅紅石釘斑都有)，難怪叫海魚專門店，有料我地班嘩鬼仲叫左花竹蝦刺身，象拔蚌，蟶子皇，花蛤公，當然唔少得海魚刺身啦！上到枱條魚仲郁緊，刀工唔錯！！🤣🤣我地見到游緊水嘅墨魚，叫嚟刺身吃，超鮮甜。又叫左半條章紅，好肥美，油分重D魚油包住晒條脷紅雞魚好好味，如果同我一樣喜歡食魚的朋友們一定要嚟試下，真係超多選擇，啱晒適合唔同口味嘅你地魚湯仍然咁好味，魚味十足好濃郁，138/煲真係抵，自己買魚仔煲湯都唔得啦！！花膠濃湯雞鍋，有專人幫你地處理仲計啱時間教你點食隻雞，包你唔會"鞋"，花膠未見過火鍋用D咁厚身嘅花膠，一D都唔貴$368，老闆娘真係有良心！打邊爐最緊要點少得靚牛肉，叫左二款都掂一款入口既溶好滑好肥，吞左落肚都唔多覺😅另一款勁重牛肉味，好有口感勁正。。D丸D餃好新鮮，特別係韮菜飯，D韮菜味濃，隻隻都漲卜卜。蝦丸超彈，差D彈奔牙，必食推介。鵝肥D肥膏多到呢，真係夠晒肥美！即炸響鈴，我就咁食左條配埋佢嘅錦鹵汁即時試下係咪即炸先，放入口好熱冇乜油仲好鬆化，証明冇炸定，抵讚竹笙長過手掌，比較少見，都唔慳喎。嗱，嗱，嗱.....差D講漏左佢地嘅小食，沙薑雞腳入晒味，冇牙都食到！冰火水魷魚幾得意，醬汁好match呀！涼拌糖心皮蛋，嗰隻皮蛋有名堂嫁，上環某大專門店食材，D溏心勁多流曬出嚟，一碟再嚟一碟。。嚟到總結：服務員很友善很有禮貌服務周到，即比like 全部食材超新鮮，良心企業，全部用靚材料，抵讚👏 價錢合理，性價比高，一定唔喺劏房，大家可以放心 環境舒適，衛生程度非常高，包括洗手間超乾淨香港地宜家好少地方有海魚打邊爐食，仲要咁多款式，所以對我咁鍾意食魚既人黎講真係一達好地方，我一定會再約朋友嚟，有機會下次再同大家分享开心share…查看更多

認真地說，什麼是老撾菜式？係咪泰菜+越南+緬甸+柬埔寨的混合菜式？其實我都搞唔清🙈咁啱行開中環唸住揾好嘢食，又咁啱經過樓下見到十幾人個頭向上望，人嘅自然反應梗係跟住望嫁呀👀點知見到個招牌“老撾”二個字吸引左我，而且又未试過，所以咪試下佢囉。。。入到去，環境都幾好feel,幾特別，裡面有椰樹裝飾，有種泰國熱情感覺，再加上唔知咩語言嘅music 🎶都幾正 服務員都好nice, 都會簡單介紹下，套餐上有唔啱食的都會可以改配搭，埋單又多謝前亦多谢後，仲會比優惠咭集印花for下次優惠，好識留客做生意我特別喜歡炒肉碎，好好味，炒得唔乾，配紅米飯一流，冇得輸河魚好鮮味，之前都擔心會有泥味或腥味，但經過香矛味變得更有魚味酸肉腸+香矛腸，製法令肉質外脆卜卜內好juicy ，令人有種食唔停的感覺青木瓜沙律，好清涼感，打開了我嘅胃口整體，性價比高，一定會再試，比個👍 like…查看更多

“德美”唔洗介紹大家都認識的一間平民日本料理(食set也ok)，但原來比多少少錢亦都係一間好出色的㕑師發辦Omakase當然比多少一分錢一分貨啦，要食好D梗係要比多少少錢啦！呢間我已經食左N次了，每次包有水準，冇令過我失望服務：侍應好nice, 招呼好好，尤其bar頭大佬kenny想食好嘢就要坐bar枱揾佢啦！！環境：乾淨，舒適價錢：相當合理食物：刺身(視乎季節及當日飛机貨)，串燒，炸物必食推薦：實在太多，大家留意相片推介1)厚切大拖蘿2)沙甸魚刺身卷3)日本生蠔(出面加啫喱，呢間加青檸更鲜)4)左口魚邊，金目雕5)天婦羅大蝦6)燒牛舌，雞腎7)燒明太子其實大家除了食set外，也可以試下我介紹的刺身，包你地另眼相看，而且仲会喜出望外希望大家都揾到試到你的心頭好，enjoy…查看更多

最近身邊D朋友仔又四週圍揾上海菜食，叫我介紹下，我地就去左一間幾特別的上海菜館，特別在於設有房間，如果多人熱鬧又唔想嘈到人都可以考慮包間房暢談一晚！！如果冇落雨，夏天又唔怕熱，冬天又唔怕大風的話，三五知己傾下計或者情侶們都可以考慮下露天雅座，氣氛唔錯我都幾鍾意食呢間嘅小籠包，有“經典(蒸)小籠包”，也有“特色(煎)小籠包”，真係好...好...好juicy ，好好味另外有必食推介，“城隍廟蟹肉翅”蟹味濃郁，翅和湯底也很配，價錢合理炒鱔糊冇得輸，不過記得落單時要求“少油”，因為一般烹煮做法會落好多油令鳝的口感滑身D，但過多油同時會你感到好油膩，影響食慾！仲有生煎包好正，都好juicy, 個包皮好軟，煎到脆卜卜，好味食咁多肉，不如試下呢度嗰個濃雞汁煮蘿卜好好味，好入味，仲可以消膩添最後，梗係要食個甜點啦：一定要食芝麻湯圓希望今次介紹呢間上海菜比大家，你地會好好enjoy la…查看更多

上星期落住雨唸住求其附近食D嘢医肚，但竟然喜出望外，有驚喜一D都唔起眼嘅舖頭仔，以懷舊+浪漫嘅裝修，燈光昏暗得嚟好有情調，擺設簡單之餘有氣派，整體有氣氛和高雅重点有個充滿熱情熱誠的侍服員，佢不但有礼貌仲好尊業，能熟讀菜單已唔簡單，仲熟悉食物配搭，堅有料佢地個餐牌好似黃頁咁厚，詳細之中有点複雜比多少少時間去睇啦！必食推介：梅子蕃茄，酸度和甜度好配，好入味，平衝得好好！真係有助打開你胃口薯仔沙律，好正，一D都唔膩，仲好滑，有口感燉蘿卜，冇得輸，鲜甜入味，必食玉子燒卷，必須襯熱即食，蛋味濃，滑，因為份量唔少啊，想試其他嘢就要多D人分享另外，佢哋其實主打和牛，我就試左個和牛定食，重牛味仲好juicy 添下次有机会必定再試其他和牛料理，整體值得一讚覺得有❤ heart！！…查看更多

都有二，三個月冇去好好肥牛度打邊爐，確實越來越難即日book位，如果大家玩即興就可能要有心理準備，隨時令你失望，白行左二轉，所以我今次好醒目提前二日訂枱話時話D食物質素keep得住，龍蝦同象拔蚌都係好新鮮，真係清甜佢哋嘅生牛肉刺身冇得輸，因為佢哋用洋蔥放底，食嘅時候夾埋一齊食更有口感，尤其佢哋自家整的醬汁真係绝配必定推介芝心牛肉丸，真心講芝心系列之中最正一定係配牛肉丸或者可以考慮羊肉丸，但配其他蝦丸或墨丸就真係一般。湯底每次都係揀冬瓜魚肚瑤柱湯，真係好足料之餘仲係好好飲，D瑤柱好多好鲜甜，正……不能不提佢哋嘅特级脆骨腩比起一般火鍋店真係特別貴，但講真真係值，因為真係特別脆，唔怕彈崩牙就一定要試希望大家去完呢間火鍋店都分享一下，等我下次又可以試下你地嘅推介，開心share…查看更多

土瓜湾區有間唔多起眼的居洒屋，身邊有朋友仔推介，咪去試下囉，坐係bar枱又幾有风味嘅，望住師傅好認真咁為我地燒串燒，見到佢哋大汗搭細汗但仲要好nice咁:)，地方唔太大，環境衛生都好乾淨，但係D侍應嘅服務態度就真係差D喇食物質素可以的，每日精選種類唔夠多，但都新鲜嘅熒光魷魚醃制味道剛剛好燒吞拿魚魚鮫真係無得輸燒得一啲都唔乾身，仲好juicy 刺身好新鲜，而且有拼盤，都幾多元化，啱哂人少少樣樣可以試D，特別推介''拖攞''厚切燒牛舌好好味…查看更多

雖然好熱但打邊爐真係有佢嘅吸引力。🤣🤣今日二條友叫得唔多嘢，必食嘅牛肉梗係有order啦，牛肉味重，肉質林，有口感例牌嘢炸魚片，有誠意番炸左先上碟，冇油益未，脆嗰碟豬雜正呀，黃沙潤腸粉腸，豬腰，豬肚，正。好爽，好滑唔新鮮嗰D會啞色嫁。脆骨腩堅脆，次次都會叫老闆每次都會熱情招待，仲次次送甜品-豆沙鍋餅(唔好太甜，甜度剛好，不過大家要小心燙咀呀。…查看更多

呢間店舖位置一D都唔起眼，同個friend咁啱咁橋經過,就試一試佢。。。行到入去店舖我對眼冇眨過，好吸睛啊。因為D酒好多，好多款，包括fine wine ,重點價格係非常合理。除左可以淨係坐底飲酒之外，仲有一D好好味的小食和串燒，用心制作。Dayday唔同的set lunch and set dinner羊架燒得好juicy黑鬆露炸薯條好香口，送酒一流牛扒超扺食，西冷肉嫩，味濃見到有好嘢咪分享一下囉大家試下啦。。…查看更多

十日八日前先食完，又再嚟，大家就知道真係好食啦。西冷燒得剛好，肥瘦均等，好香，好重牛味。炸雞必食次次都叫，好juicy。個沙律好新鮮，蟹肉好鮮甜，開胃燒乳豬冇得輸，燒到個皮脆卜卜，好香口BB羊扒好嫩，冇筋，冇失望。唔會so...帶子，好大粒。有口感。味道特別，大家要試下唔識點形容客觀地說，菜單上的食物基本上有信心保証，都要睇下大家like食D咩而落order,有時唔想唸，不如試下問下參考下嗰度嘅經理，佢地都好樂意推介，佢哋嘅服務態度一流，真係要俾個like佢地…查看更多

呢間西餐廳我食過好多好多次，我最鍾意就係佢有外邊嘅露台，環境優雅👍服務態度非常好👏招呼周到🤝環境衛生乾淨舒服，如果鍾意坐露台嘅朋友一定要嚟試試啦。今晚主角就係$1088的1.2kg USA OP Rib....好厚肉唔錯，唔鞋仲好嫰，好香好重牛肉味，真係睇唔出...仲擔心會唔好食。(小貼士:唔好要3-4-5成，因為太大太厚肉，會生得濟(D肥膏和筋位會太生唔夠香)，6-7成剛好，一個字"正"仲有試下佢D side dishes...都ok嫁，尤其薯蓉好creamymushroom好濃香牛油味炸雞好香，好脆，好味....必食黑鬆露煙火腿多士，味道好特別，開胃48個月煙燻火腿，重點放在旁邊的小盤子，內一粒粒的小茄子，小橄欖令你感到不油膩之餘仲好fresh...燒墨魚比較普通，可以一試，配無花果都幾特別重點露天地方有限，記得訂枱。。。仲有一間房坐八位左右，地方都幾正，如果一班friend去可以自成一角，有私人空間嘅feel…查看更多

正。正。。正。。。其實我幫襯左好多次，從沒令我失望，老闆員工的招待熱情到你唔信。凡有任何投訴，店員會馬上即時跟進，絕不馬虎處理👏環境唔算裝潢，但絶對乾淨同舒適。但價格不算平宜，同食物質素成正比!!好啦，入正題，活海鮮不多，但包新鮮，抵食牛肉掂，真掂湯底多(不過我平時麻辣，清湯，冬瓜瑤柱湯底)。所有食物好新鮮，我會推介:黃沙豬潤好滑，自家製九菜餃，響鈴即叫即炸(卜卜脆)，鵝腸好肥美，脆骨腩必食，桂花蚌爽口。。。一定會再嚟食🙋‍♀️大家不妨試下☝️…查看更多

上星期成家人想去女人街行下食下嘢，見到好熱鬧就望下，睇下有咩好嘢！見到新開張咪行入去試下囉！坐座不多，地方環境用具都好潔淨及齊全，招呼都好熱情，見到好多同老闆好好傾嘅客人，應該做街坊生意多！食物價錢都算平，但飲品價就高左D！值得一讚就係D飽，大大個， 餡料十足，重點D包皮絶不黏手，唔會搞到污糟邋遢，仲好鬆化，尤其菜肉包、南瓜包和酸菜包，味道真係正宗家鄉味！阿媽叫左小籠包試試多汁皮簿，不過就要早D叫，即叫即做等得耐左D！ 鍋貼煎到金黃色好吸引 ， 食嘅時候小心燙親個咀，好味道 同埋菜肉水餃都ok，粒粒好大粒。老豆叫左招牌牛肉牛展米線，講真……D牛真係出乎意料，未食放係枱影相就已經聞到勁濃牛肉香味！D皮蛋都要試下，雖然賣相差D，但D皮蛋真係唔同香港嗰D，老闆話直接係貴州入貨，我覺得再辣D仲好！仲要其他D嘢未食，下次可以再試，大家有興趣建議要試下D包點，個師父係貴州人，亦都係做左幾十年，名店出身，好軟熟！正呀………查看更多