yummypursuiter的个人专页

住元朗嘅我最鍾意去揾D小店，今晚搵到遠離大馬路一間日式餐廳小店。在外面望望餐牌及門面，滿滿在日本郊區店鋪的感覺。店內充滿本巨型漫畫牆及掛畫，好多兒時喜歡嘅動漫人物：海賊王、龍珠等等，滿滿回憶！臨近聖誕，甚至連座位都添上聖誕裝，充滿節日氣氛！今日二口子去，決定先點兩個主食，再+$30轉為定食，配前菜、漬物、味噌湯、煎茶，珍珠米飯！ 份量十足首先定食日式擺盤精緻有心思。前菜係芝麻醬玉子豆腐及帶子裙邊。外貌正正常常嘅味噌湯，原來都絕不普通，內有蘿蔔，蜆肉，清甜可口！要了一個和風紫菜吉列豬扒 (主食)$62伴碟有甜蛋 菜絲沙律 車厘茄 醃黃蘿蔔 非常豐富配菜好食豬扒炸得非常香脆，肉質唔乾好juicy！欣賞配上日式豬扒汁 perfect第二個泡菜炒豚肉（主食）$64豚肉炒得香軟，加上香辣泡菜，好野味！泡菜豚肉絕配！大葱雞肉串$25雞肉大大舊，雞皮脆，大葱香甜，和牛串$28加入胡椒燒香，帶出肉味香濃，肉質嫩滑，非一般牛肉可言。串物真係好似去咗日本食串燒咁，高分💛隱世餐廳，價錢親民，味道好，環境舒服，下次再試埋其他小食。日本旅行的回憶番曬嚟！推介👍🏻！…查看更多

今日要去旺角攞電話，順便喺旺角食飯，揀咗間精品cafe 店。位於朗豪坊隔離一幢商廈，交通便利！Set dinner 好吸引，性價比高。我哋2個人就決定叫一個set 同試其他。晚餐有多種選擇，每個餐都配有沙律、餐湯。第一個上係沙律，一見成碟沙律菜顏色已令人充滿食欲，新鮮沙律菜配醋汁非常夾。南瓜湯，好creamy，南瓜味道濃，相信喺直接用南瓜打蓉成湯，有心機。蒜蓉法包，少少蒜味，味道不會over, 烘得香脆!甜椒蟹肉焗脆鬆餅：呢個超級好味😋，沒想過將鬆餅焗到脆身，係有另一番風味！外層脆卜卜，餅上嘅全部都係蟹肉，份量十足，而且不乾身，加上少少辣味，令到呢味菜提升層次感！馬來西亞叻沙煮美國馬拉蜆：蜆肉每隻都大大粒，係諗過咁大粒，無沙無腥味！入口啖啖肉！湯汁鮮甜，好似飲緊碗蜆肉湯咁！黑松露溫泉蛋烤大啡菇焗粗管通粉：上枱賣相ok, 已經有淡淡的黑松露味，但一放入口黑松露味充滿口內，啡菇肉厚好味，切開溫泉蛋，將蛋汁、黑松露及芝士拌混食，又一美食，cafe 揀咗粗管通粉，非常聰明，有更多汁包住粗通粉，口感非常豐富！最後set dinner 優惠價加配咗一個甜品，焗肉桂蘋果脆脆：外層焗到金黃色，粒粒蘋果，加上表層嘅脆脆，再混入凍冰冰嘅雲呢拿雪糕，入口感覺好豐富，超正！呢間餐廳值得一讚嘅係！樓面只得一個男仔，但佢一個招待全餐廳嘅客！由迎賓、落單、傳菜、執枱一腳踢！佢仍然可保持好好嘅禮貌，實在欣賞！所以可以支持下小店!…查看更多

過江龍台灣菜！幾次經過都排長龍，今日專程早啲嚟試試佢！紅燒腱心半筋半肉牛肉麵：麵底可揀幼麵或手工麵，梗係要試下手工麵啦！果然好唔同，麵條非常粗身，好有咬口！湯底濃厚，有少少藥材味道！故名思義牛腱肉一半係筋一半係肉，肉質好腍有肉味，又無一般牛肉嘅羶味！三寶麵：如果想試多幾款部位就揀三寶，有牛腱，牛肚，牛筋。牛肚非常爽口。青花椒香手撕雞乾拌麵：手撕雞滿佈麵上，配以花生碎，拌勻碗底充滿胡椒味嘅湯汁，有種微麻辣嘅口感！每碗麵都附有一細碟嘅酸菜，爽口，不太鹹不太酸，配以麵一齊食，中和牛肉嘅肥膩，開胃菜！新鮮豚肉鍋貼：鍋貼皮不脆不香，外皮顏色白色多過啡色，好似無煎過一樣，敗北一道菜式，難食！…查看更多

回憶是美好！以前讀大學，下午無堂，幾個大食男孩最鍾意食塊扒大過鐵板的牛扒lunch下午茶時段入座，決定仍然叫鐵板牛扒lunch.餐湯揀羅宋湯，一上枱，記憶中以前深色、濃好多。但係湯仍然正常夠味，而且有幾粒我最鍾意嘅連肥牛肉粒。餐包沒有重量，輕飄飄！今次叫肉眼扒，上枱仍然係塊扒大過塊鐵板！滿滿的回憶🤣 叫了黑椒汁，但今次最失望係個黑椒汁，我印象個汁「傑」身有黑椒同細細粒的青椒，但今次嗰汁「稀」又無黑椒味嗱塊扒$70唔好有期望，果然無牛味但好腍⋯⋯果然無期望無失望！…查看更多

今日去元朗雞地附近訂到會，就去番雞地附近的一間cafe 食lunch. Cafe 係一間有生啤飲的地方，lunch 就無試，下次嚟happy hour 先。二個人就叫咗2 個set lunch. 先有個南瓜餐湯，南瓜湯creamy,好飲。第一個揀咗安格斯牛肉漢堡，薯條不會炸咗好耐，仍然脆身。仲有浸淡淡的蒜味，nice!我非常鍾意漢堡個包，多芝蔴，又有烘過，正配菜沙律新鮮！雖然塊牛肉漢堡就正常size，但襯落個包就變細咗🤣另一個係是日意粉-茄汁鮮蝦意粉，茄汁意粉一貫水準好食！有殻蝦果然是新鮮，不過就要我代剝😅值得一提，凍飲不加錢，support!…查看更多

今日去九展star hall睇show，之前去咗megabox搵食先！星期日嘅megabox好多人，為免要等位等太耐就要早點搵食！今晚想簡單啲，見呢間餐廳未需等位就揀呢度啦！雞絲扎肉撈檬粉：大大碗，雞絲份量都好多！食凍檬粉個精髓係配酸酸甜甜嘅魚露汁，呢間魚露汁味道恰到好處，不太酸，啱哂我口味！讚！馬來蜜汁炭燒厚切豬扒撈檬：厚豬扒大大塊，不過絕不『鞋口』，都算juicy，好美味！馬拉盞炒芥蘭：一向唔鍾意食蒜蓉，嫌太大味！不過馬拉盞加蒜蓉一齊炒，味道超夾！…查看更多

早餐去了紅葉餐廳，叫了一個多士餐，滿滿的花生醬，唔孤寒😅同樣，另一個炸菜肉絲米粉，正常炸菜多過肉絲，但係呢個肉絲多過炸菜喎！重點係沙爹牛肉，坊間沙爹牛肉都係行貨來貨，但係呢個就係懷舊味道！一流！…查看更多

11:00 -11:30係商場搵食真係一個尷尬時間，餐廳還未有午餐供應，早餐又怕唔夠飽😅！但又唔想再等，唯有食早餐啦！估唔到連pizza express都有做早餐，咁去試試啦！蛋批薄餅：餐牌上註明由菠菜、洋蔥、忌廉、雞蛋、巴馬臣芝士、酸忌廉做成，但食落無乜味道，較淡味！唯一感覺係同平時食吱嘅pizza多了層蛋係薄餅皮內，豐富咗個口感！蕃茄湯肉丸蝴蝶粉、蕃茄湯海鮮螺絲粉：蕃茄湯味道濃厚，配肉丸和海鮮都算好味！份最尚可！以呢個價食個早餐，絕對算貴價，重要餐飲要再加起碼$10以上，真係一試無妨！…查看更多

想去試出名「千層海膽飯」，可惜可能lunch去海膽未返貨。咁一場嚟到就叫了午市定食。第一個係特上六貫目壽司配烏冬，刺身正常新鮮。烏冬是手打鳥冬不是平價貨。每個定食均配前菜、麵豉油同沙律。前菜有驚喜不是普通款。沙律菜新鮮，麵豉湯普通水平。第二個係和風牛肉飯，一個四平八穩的牛肉飯，牛肉入味不是過老，牛肉質素好過一般連鎖店！食定食可以加錢有三片三文魚，不過可能將貨就價，三文魚不大吸引。最後一個定食係吉列廣島蠔定食。呢個炸得好好，吉列蠔雖是來貨，但是高質！一定會有下次！…查看更多

早餐都係一般有香腸/火腿煎蛋，多士再加碗湯粉湯麵！呢度湯粉湯麵都算大碗，選擇都係不外乎有沙嗲牛肉/榨茶肉絲/肉燥鯊魚丸等等！不過食咗咁多次，我個人覺得米粉底係最好食！而香腸就好伏，非一般廚師腸，條腸軟身無乜腸味，可以歸類為難食！揀火腿正常D。沙爹牛肉都係無特別但有金菇，要性價比高，可以揀手打肉丸魯肉配米粉！呢間長期唔夠人手，樓面永遠只見到3個人，見佢哋做到無停，所以有時要俾啲耐性等等等！雖然食物屬一般，不過假日唔出城，我都會係呢度食早餐，因為佢早餐到12:00😅😅…查看更多

今晚要去九展睇『而婆』演唱會，但睇嚟睇去九龍灣大商場都唔啱食，突然想起渣哥，一於行過去，食完再行去九展睇show夜晚時分，大渣哥唔洗等位黑牛黑麵餐：係比一般沙嗲牛色澤比較黑，味道更濃，正呀！對一個向來鍾意食沙嗲牛肉嘅人嚟講，呢個絕對要一試香煎雞扒常餐：呢個反而失色，雞扒皮已經係林身，沒有香煎感覺！調味又重手咗，好鹹！兩個餐都配有常餐必備，多士和火腿煎蛋！份量剛好！以茶餐廳水準，大渣哥屬中上，若經開九龍灣都會成必選之食店！…查看更多

今晚去演藝睇舞台劇，放工即飛去灣仔搵食！每次去灣仔都會經過呢間餃子店，今晚決定一試！四川涼麵：因為唔係好食得辣，所以選擇唔辣！麵質清爽，不軟不硬，配芝麻醬、花生碎、葱花，非常清新，好好味！大白菜豬肉湯餃：一碗有10隻餃子，清爽大白菜配豬肉係我最愛嘅選擇！湯底好甜，就算唔蘸醬料都已經超好食！（但佢啲醬料又非常正喎）壽喜燒牛肉餃：除咗湯餃，煎餃又係另一個好選擇，餃子煎到外皮香脆，餃子充滿牛肉汁，加上洋蔥香味，非常好味！店舖小小，但餃子選擇好多，重要係手工餃子，皮薄餡靚！絕對無得輸！下次可以試下特色餃子！…查看更多

今晚突然有人嚟接收工，就即興去搵食，想起去試呢間台灣菜！望住個餐牌，樣樣都想試，但得兩個人好難叫得太多，唯有點最想食嘅！飽魚日月子椰青燉雞：係一個燉湯，雞、鮑魚加上紅棗杞子再以原椰青去燉，味道非常清甜！鹵水法國鵝肝：一個邪惡嘅菜式，一口咬落去，香濃嘅鵝肝味令人滿足，配薑絲一齊食，出色，鬆軟無比，不過就要趁熱食，否則放涼後會有少少腥嘅感覺。石鍋三蝦泡台稉飯：一般泡飯，偏淡味，要自己加胡椒粉調味！不夠。臭豆腐：另一邪惡之選，但台灣菜怎能少了它！故名思義臭豆腐係臭嘅，一上枱那陣味不得了！🤣🤣趁熱食超正，外脆內軟，口感好好，將以前係台灣掃夜市嘅感覺帶回來！食完呢餐，確實嚴重超標！想再食睇怕要等幾個月😅…查看更多

今日下午放假，見海港城coupon快到期，於是就趁平日下午無乜人去食下嘢！打咭呢間出哂名，就試下啦！餐廳分西餐區同泰國菜區！入座前就要揀定食邊類！夜晚又約咗人食晚飯，唔想食太飽，所以揀咗可以輕食嘅西餐！只叫前菜同甜品！生蝦蕃茄水牛芝士沙律：生蝦係泰國名菜，好多泰國菜餐廳配醮辣汁食！呢度就用紅黄綠三色蕃茄，配以水牛芝士做成前菜，感覺清新！冬蔭功龍蝦湯配蒜蓉包：泰國冬蔭功出名夠辣，但呢個湯係唔辣，反而好鹹！泰式奶茶意大利芝士餅：以泰式奶茶代替咖啡酒，雖然少了陣酒香味道！但泰式奶茶又跟芝士餅味道好夾，好好味！香芋椰子班㦸配雲呢嗱雪糕：份量比我想像中大，班㦸有三層，加入香芋汁造成淺紫色班㦸，顏色吸引！加上配合椰子肉、脆脆椰蓉碎、雪糕一齊食，非常好味！總結：餐廳係出名過江龍泰國餐廳，今日試完西餐，只覺甜品較好食！所以呢間餐廳嘅泰國菜可能會較出色！如果再有coupon可以試埋佢（有coupon抵好多）…查看更多

今朝突登去試沙爹牛肉麵，估唔到，出奇地好食，汁有沙爹味，不是一般貨色，甚至可以說好過好多茶餐廳。牛肉不是「梅」，公仔麵係正常以上，但係湯頭仍然用雲呑麵湯，但都ok夾。$30連多士熱飲。好少去連鎖店食嘢嘅我，我見到都會再試！…查看更多