rextam5182的个人专页

5月第一次嚟大埔繁星燒烤，見到張燒烤枱大家都很喜歡，食物質素可以，但免費飲品就麻煩少少，要逐杯逐杯自己添，沒有免費罐裝或樽裝飲品，但我們還是喜歡這裏。所以6個月後嘅今日(11月9日)我們再嚟，同樣嘅燒烤枱，但食物同飲品簡直令人失望。首先，食物本來就不是突出，今次食物選擇比半年前少，小朋友記得嘅牛柳粒今次沒了。但最差是飲品，今次飲品選擇減少左，只得汽水機，咖啡，茶，同4格類似果汁嘅飲品，汽水就勁甜，果汁就淡而無味，還要不停行來行去添飲。性價比低，所以我們決定不會再嚟。…查看更多

今日媽媽介紹話好食，去到門外勁多人，諗住一定係好野，點知.....一開首等位已經要落定單，媽媽三心兩意，點知個侍應話唔落齊單冇得入坐，入坐後冇得加單，說話態度勁差，本來每間餐廳有自己獨特規矩無可厚非，但態度差果吓難頂嘛。最終兩個人一個餐，我自己一肚氣食不下，一定唔會再嚟，冇下次。…查看更多

已經是第3次去大公館食晚飯，真心講食物水準唔錯，更好的是服務水準，個個服務員笑住咁幫你，雖然價格就少少貴。今晚訂左乳豬釀飯，乳豬皮脆飯香，唔似得屯門間食店乳豬皮韌。香酥雪花牛3次都有叫，未試過嘅朋友一定要試。炸子雞香滑，鹽酥鮮鮑魚野味。焗班球同龍蝦都唔錯。 帶左枝硬野開瓶費要$300，決定唔飲，但知客見我地慶祝生日，主動幫我地問折扣，$150開瓶費，仲幫我地處理枝酒，非常好服務。 上兩次嚟都見到班服務員非常欣勤，食物又好，值得推介。…查看更多

今晚自己一個人，決定試試帝都酒店2+2晚餐。先嚟杯cocktail，叫2+2 Signature，味道唔錯，略甜，入口都算清新。龍蝦干邑濃湯，龍蝦味香，夠濃，干邑味就淡淡的。主菜香草蒜茸焗紐西蘭羊鞍，5成熟，味香，肉質嫩且淋，回味無窮。最後甜品意大利咖啡芝士朱古力，一嚟就吞雲吐霧，打卡之選，朱古力波波味濃，Tiramisu亦好好味，好想食多一份。臨走問侍應隔離枱食嘅係乜，因為十分香，原來叫烤原隻蒜香有機玉米雞，下次一班人嚟時一定要試。…查看更多

諗住快閃食個晚飯，見到哩間少客，又係我鍾意嘅喇唦，即入，點知中伏。有幾款喇唦，鍾意食雞，就揀鴛鴦雞喇唦。食物講求色香味，點知成碗麵得一隻橙色，得三件豆腐乾，冇配菜，麵得半滿，唔夠食。雞件份量可以，但巢皮，又係冇配菜。收我$72，唔值！結論，唔會再幫襯！…查看更多

帝都酒店2+2一向主打自助餐，最近轉型，走中級西餐路線，所以決定去試試。今日先試午市套餐，叫左個紙包焗白鱈魚柳餐。頭盤有湯或沙律選擇，我揀沙律，係雞腿肉凱撒沙律，主菜魚柳既熱且滑，魚味十足，唔錯，叫埋是日甜品芒果蛋糕，足矣，下次再試其他菜色。順帶一提，2+2已轉至酒店大堂。…查看更多

食開櫻田，但見到帝都酒店有間新開日本餐廳YAMA，即便去試一試。睇裝潢，屬於新派日式餐廳，有個開放廚房，亦有吧枱，另外有室外坐位。食物方面，個蟹餅好食，主菜和牛三文治都要食，南瓜糯米糍唔錯，不過甜左少少，朋友話個海膽茶碗蒸蛋好好味。飲得酒嘅朋友就要試吓杯“一期一會”，基本上係綠茶加威士忌，茶香酒甜。另外有杯叫Melonball Mocktail，顧名思義係冇酒精嘅，經理介紹話蜜瓜係日本直送，好味嘅，但略甜。喜歡精緻日式菜嘅朋友可以去試一試。…查看更多

今晚聚餐，限聚令下分兩枱。一枱齊人先叫湯底同食物，湯底先到，加碟柏葉，之後其他食物超慢出。相反另一枱，後叫先到，食物一碟一碟不停上，但係湯底未到，有得睇冇得食。我嗰枱就催食物，隔離枱就催湯底。我地8點入坐，成9點至嚟埋碟溫體牛，9點10分話last order，有冇搞錯，火鍋喎，食物唔洗煮都咁早last order。埋單每位$600，超不值，差差差差。…查看更多

想試威靈頓牛扒好耐，昨日一試，失望，唔香口唔野味，個飯太濃太餲，冇食過，咁大間餐廳凍飲居然要收3元，茶餐室嗎？其他食物ok，啤酒只得3款，4人餐太豐富，6人食都可以，張Sofa已無彈力不好坐，環境很嘈，現場奏樂根本嘥晒，侍應服務卻是好的。…查看更多