Kammilalala的个人专页

心血來潮好想食鰻魚飯，在旺角女人街難得找到一間有提供原條鰻魚飯的餐廳。這間店向來人氣高企，無論是午餐時間或者晚餐時間來，都會見到等位的長長人龍，店鋪最出名的當然是招牌石鍋烏冬！今日過來，聽到店員說現在只有在晚市才會提供石鍋烏冬。不過我今次來是一心想食鰻魚飯，所以順利成章點了「原條鰻魚飯」跟餐飲紅棗桂圓茶。鰻魚份量十足，每啖咬下去都超滿足，不過鰻魚汁略嫌不夠，店員說如果不夠汁可以用放在檯面上的豉油，不過本來食鰻魚是想食甜甜的味道，變成配豉油飯感覺怪怪的。。。🤔而跟餐飲品紅棗桂圓茶味道偏甜，亦都飲唔到紅棗味。…查看更多

心血來潮想吃天婦羅，想起在朗豪坊有間獲獎日本過江龍《天吉屋》，就決定今天的午餐是這裡了！一開門就已經有好多人進來光顧，似乎是名氣非常好的店鋪。由於我是一個人來，只要願意搭枱都不難找位子。來到點完菜後，侍應會先奉上牛蒡茶及椰菜絲沙律，椰菜絲沙律可以任意refill。枱面上還有日式牛蒡漬及醃蘿蔔。如果你跟我一樣每款天婦羅都好想試的話，就記得要點這款All star🌟裡面有天婦羅蝦、紅鯛、魷魚、軟殼蟹、雞肉、茄子、南瓜、四季豆及溫泉蛋等，集海鮮、肉類、蔬菜於一身，份量十足。部份食材由日本直接空運，天婦羅粉漿做得薄身，吃下去香脆而不油膩，食得出專業及水準。😋😋😋…查看更多

第一次光顧是朋友帶我來，自此就變成我喜歡的午餐飯堂了。😋位於T.O.P頂層的《柞木炭家》，裝潢時尚，座位寛敞，讓人能夠放鬆心情，舒適地享受午餐。每張枱都備有一壺凍茶，坐下來，店員便會按人數拿是日泡菜小碟及一壺泡菜給您。壺裡面是原棵泡菜，您可以按自己需要選擇份量及按自己需要切成適量size。午市menu其實選擇也挺多，可以選擇燒肉套餐，或者有韓牛飯、豆腐鍋、水冷麵、泡菜餅等等。最近天氣開始凍，我最喜歡吃韓式的暖鍋，點了牛助骨煲。❤牛助骨煲煮得超淋，好好食！而且一煲有成3至4件骨，每件都好大件，份量十足；蘿蔔及南瓜亦充滿著牛助煲湯甜甜的味道，連湯都想一滴不漏飲埋，非常好味及滿足的一頓午餐。😋…查看更多

位於旺角朗豪坊扶手電梯旁的《Passion by Gerard Dubois》，不知有多少次在搭電梯的時候，都被其門口的食物櫃裡色彩繽紛及精緻的食物吸引了眼球。👀👀👀星期五這天想吃得輕盈一點，彌補之前一直在毫無節制地吃。🙈點了Lunch delight set，可選一款HK$52三文治及一至兩款沙律。三文治我選了Basil Zucchinu & Tomato Confit Sandwich，店員會問你要不要翻熱，當然選翻熱！喜歡翻熱後的三文治咬下去是脆脆的，特別好吃，而且這款三文治沒有肉，吃下去時特別沒有罪惡感。沙律選了Sweet potato跟Bounty of Eden，Sweet potato煮得很粉，但不是很甜，味道偏清新，Bounty of Eden即是混合不同的蔬菜，配了沙律醋，酸酸的好開胃，Daily soup是忌廉粟米湯，煮得非常濃郁，粟米味香濃，仲可以飲到一粒粒煮溶咗的粟米。總括而言，是一餐非常之有水準的輕盈素食午餐。👍👍👍…查看更多

心血來潮想食拉麵，在openrice中找到這間評價不錯的拉麵店。順著地圖一路找來，途中經過了兩次店舖也認不出來，因為這間店的店面真的不是很起眼，看地圖也不是很明確知道地點，如果跟大家說是在穿過街市後，在一家招牌有隻蟹的店鋪旁邊或者會比較清楚。🙈12點半開門，我12:45左右到，不用等位直接可以入座。一踏入門口，店員就好熱情地招待我並教我使用門口旁的點餐機。這種點餐機的點餐設計的確有點像日本拉麵店的感覺。❤我在進來之前就已經想好要吃『慢煮A4和牛濃蝦湯拉麵』(HK$138)，因此很快就點好餐，隨便找了個面向街的位子坐。坐下來會有一塊木牌給我，上面寫上了Wifi的login跟密碼。在等待的時候剛好可以上網打發一下時間。大概10分鐘左右，拉麵就來了！拉麵本身有洋蔥、荀、木耳、紫菜、糖心蛋等基本配料跟3塊慢煮和牛。（如果有不吃的配料，可以在點餐時剔走）先飲湯底，個濃蝦湯非常濃郁，跟吃沾麵時的沾麵湯有點像，但又不會讓人喝完感到口乾，個湯好飲到我一滴不漏全部飲晒，如果有多啲湯，真的想叫多個飯加落去撈埋啲湯一齊食。半熟的醬油糖心蛋調味很好，和牛是薄切的，燒得剛剛好，不會韌，整體而言，是個高品質的拉麵，價錢是有點小貴，但值得一試。👍…查看更多

午飯時間跟同事想坐得舒服又唔會比人趕，決定過嚟雅蘭中心。這裡食肆選擇不算多，不過想起很久沒吃過意粉，剛好見到有間餐廳叫《意粉狂熱》，感覺好像做意粉很專業，決定一試。午餐餐牌除了固定的意粉選擇外，也有些每日精選，如果不想吃意粉，也可以選擇飯或薄餅，不過眼見來這裡的人都是點意粉居多。入座後店員會比一個QR code你，自行掃描在網頁上下單，挺方便的。午餐選了『香草烤雞雜菌羅勒忌廉意粉』，配洋蔥湯跟餐飲蘋果汁。洋蔥湯有好多切碎了的洋蔥，但味道好鹹，唔係咁接受到，飲完會好口乾。意粉份量好多，不過雞肉很少，跟意粉份量不成比例，意粉醬味道很淡，如果意粉醬做得好就咁食意粉都會覺得好味。有點感覺這裡的意粉對不起店鋪前威風的店名招牌。🙈…查看更多

之前係呢度食過龍蝦泡飯，覺得佢啲湯真係好好味今次決定過嚟試佢個燉湯。點了招牌之一的『花膠螺頭雞煲翅』，上枱嘅時候嚇死我，賣HK$68有成半隻雞咁多，仲有一個螺頭同兩塊翅，真係超抵食！！👍👍👍唔怪得呢間舖成日都咁多人係度排隊啦。講返個湯真係好正，好似飲緊平時媽媽煲嘅花膠雞湯咁，好足料，煲得又夠火喉，如果好耐無飲湯，想嚟飲啖足料靚湯呢個價錢都相當合理。雞無斬件，不過已經煮到好“淋”，所以好易夾，而且佢有提供膠手套比你用手撕嚟食，好方便。如果驚得個湯唔夠食，其實可以加錢配套餐，會有埋飯、菜同餐飲。…查看更多

以前喺旺角返工，同事成日帶我嚟食雞湯米線。《農米莊》標榜不含味精的健康雞湯，係連湯都可以飲埋嘅雞湯米線。我記得之前食過嘅黑蒜雞湯米線、莞茜雞湯米線、椰子雞湯米線都好好味，個湯好濃郁、飲完唔會口乾，雞件又好滑。所以今次決定試個最貴(HK$98)、自己又未食過嘅『花膠雞湯米線』。個米線好足料，有蟲草花、杞子、蜜棗，雞件、花膠，冬菇、雲耳、支竹、豆卜、生菜等等。我睇個名以為個湯係“花膠雞湯”，但原來係“普通清雞湯”，有點失望🙈。但個湯其實清清地都好味嘅，飲完都唔會口乾。喺呢度食米線我覺得係唔需要嗌飲品，因為飲湯就得啦👍😎花膠幾大舊的，不過我覺得無咩味，雞件滑好味，整體而言係不錯的，但價錢始終唔平，下次都係食返其他HK$58嘅米線🙈…查看更多

午市時間一大班人去食飯，最煩就係等極都等唔到大枱。不過呢日嚟《Le Viet》唔洗等，直接就入得。今日胃口麻麻地，想食啲甜甜酸酸開胃嘅食物，所以點了「豬頸肉撈檬」。「豬頸肉撈檬」賣相精美✨，豬頸肉同檬粉比例剛剛好，不會太多檬粉太少豬頸肉😋。而且豬頸肉醃得好入味，份量我覺得都幾多下，有成8-9塊，仲要唔係薄切，亦唔係切到細細塊咁，係每一塊都有差不多我兩隻手指咁大😆。而且最緊要係佢燒得好，每塊我都食到脆邊❤，有驚喜👍。…查看更多

下午茶HK$29起，可自選一款餸+薯角+腸仔+汽水。加HK$6仲可以配迷你咖喱飯，非常抵食，好適合我呢種鍾意將下午茶當Lunch食嘅人。😜講返食物先，原本以為下午茶塊吉列豬排會細啲，結果係正常Size，炸粉唔厚，炸得唔錯，啲肉唔會炸到好似某些開到成巷成市嘅連鎖快餐店咁乾身，塊肉又薄咁。吉列豬排的豬排醬如不夠，可叫店員加，店員都好Nice。薯角熱辣辣脆口，腸仔唔係廚師牌，係正常雞肉腸。咖喱係唔辣嘅日式咖喱，枱面有醃菜可以加埋落咖喱一齊食👈我特別鍾意加，鍾意加左酸酸地同啲醃菜口感好好。🤗其實個下午茶唔加咖喱飯個份量都好夠我食，加咗咖喱飯後反而有啲食唔晒…🙈總括而言，HK$35有咁多嘢食，仲可以食到咁飽，性價比高。👍…查看更多

喺門口被其簡約餐牌及裝修吸引，12點半已經坐到8成滿，還好我只是一個人來吃，所以一進門就有位子可以搭枱了。餐牌很簡單，款式不算多，午市可選擇飯或手工麵類。因為最近比較少吃飯，而服務員又跟我推介飯類，因此點了《牛奶汁烤焗芝士雞塊配飯》+ 是日餐湯《蘑菇忌廉湯》，餐飲配自家製水果冰茶。🌟先來《蘑菇忌廉湯》， 睇相都覺得濃郁，飲落食到一粒粒蘑菇肉，忌廉味濃烈，雖然要加錢$12配，但係係煮得有心思，鍾意飲蘑菇忌廉湯嘅朋友仔可以試下。🌟主食是《牛奶汁烤焗芝士雞塊配飯》，飯份量不多，雞塊有3件，男生應該會吃不飽，對女生而言則剛剛好。米食得出係珍珠米，細細粒。牛奶汁好味，但略嫌唔夠撈飯。雞塊整得好好食，皮脆，咬下去有肉汁，同食到香濃的芝士味。絕對會為咗呢個雞塊encore。💓🌟水果冰茶不甜、味道淡淡的，飲唔到有水果味，不過因為跟餐是免費，幾乎每桌都是點水果冰茶。…查看更多

見到餐牌話有個《溫泉蛋蟹肉蟹爪飯》新登場，睇圖片見賣相唔錯，而且蟹肉同溫泉蛋都係我鍾意食嘅嘢，故且試下。溫泉蛋係分開有個碗裝比你的，我放上飯上面時唔小心整穿咗去，搞到賣相唔靚。🙈但食嘢重點還是味道，把蛋攬勻跟紫菜、蟹肉一起吃，第一啖無味…懷疑係咪自己無食到蟹肉，再食多啖淨係蟹肉都係無味…開始放棄蟹肉…直接食蟹爪，的確係真蟹爪，但都係無味😲。其實嚟得呢度食都預你係比急凍蟹肉蟹爪，唔會好鮮甜，但至少都唔好就咁煮熟就算，應該要諗下點樣煮得好食，至少要做調味。係create一個新菜式時唔係應該有人去負責試味嘅咩？🙄最後我係食唔晒，因為一直食之無味…唔知自己食緊咩咁，又一次中伏事件發生。😓😓😓…查看更多

專程嚟旺角試『茶王冰室』的“叉燒蛋包包”，之前喺網上見到係用滑蛋包著叉燒包時就覺得這道菜超有趣！今日決定慕名而來💓店鋪是新派裝修，仿傳統冰室設計。叉燒蛋包包：唔好以為只係普通叉燒包上面舖啲炒蛋咁簡單～滑蛋炒得好，很幼滑，中間包著的叉燒包可以見到叉燒很大舊，一塊塊的很完整，而不是比啲頭頭尾尾你一粒粒的，而且叉燒唔肥，肥膏很少，啱晒我呢啲怕肥嘅人。🙈奶茶：嚟茶王冰室點可以唔叫奶茶！？奶茶夠香夠滑，茶味夠香濃，沒有被奶味蓋過，調配比例剛剛好。必點之一～👍…查看更多

港人至愛食物之一，我相信『車仔麵』一定榜上有名。自主性極高，無論是麵底、餸菜、湯底都可以隨心情感覺自由選擇，配搭極多。店鋪入面坐位不是好多，唔建議一大班人嚟食，因為午市時間實要等好耐位，但如果自己一個，或2，3個人嚟都有機會等到。店鋪order紙分兩款，一款是堂食用，而另一款是外賣專用。麵底方面有銀針粉提供，由於比較少車仔麵店會提供，因此選了它🙈。餸菜方面選了雞翼尖、水魷魚同酸齋。雞翼尖煮得夠入味而且好淋好好食，水魷魚是白烚，無特別，純粹是我個人鍾意吃，酸齋酸酸甜甜的好好味，而且我很喜歡酸齋那種煙煙韌韌的口感。…查看更多

自從開始見營養師之後就無食糖水好耐啦…但今日是個很值得慶祝的日子所以可以放鬆一下🤗喜歡小方糖的甜品是因為他們的每款甜品裡都充滿不同的元素，很適合我這種樣樣都想吃少少的人🙈。點了一款感覺很滋潤的甜品 -『椰皇芋圓湯丸燉蛋白』。這款甜品吸引我之處就是把所有我喜愛的元素都混合在一起，味道非常配搭之餘還要每款材料都很好味。芝麻湯丸皮薄餡滿甜而不膩、芋圓QQ彈牙、蛋白也燉得剛剛好，這個甜品吃完會感覺很滿足。😆…查看更多