stfbbbb的个人专页

覺得店主好有heart ，一個人做晒既One Man Company。絕對係一個有要求嘅人。雖然店舖地址有啲唔就腳同店舖細細冇得堂食。但耐唔耐想食台灣嘢心思思都想支持下。咖啡出色有驚喜。叫外賣所野都係足料兼且熱辣辣，即叫即整。而且餐具用料實淨又抌本。我覺得有心有力又堅持既店主唔多，定必多多支持。…查看更多

身為一個開心果控，見今日有時間特登走入來朝聖一下個開心果Terrine順便飲杯咖啡chill一下。咁佢個開心果Terrine 係的確冇令我失望，不枉我專誠過來。佢係分兩層，一層係香滑cream cheese嘅Texture 另一層就係厚實嘅cheese cake Texture，開心果味重得來香滑又唔死甜到膩，開心果又香又脆，有驚喜。開心果愛好者我覺得絕對值得一試。而飲品方便我覺得咖啡真係一般，而且店舖細細，店員態度也是一般。整個用餐過程不是太開心。下刪100字。簡單來說我唔會為咗開心果Terrine再返轉頭。 …查看更多

聽聞甜品好色。咁我就對啲pancake，waffle情有獨鍾，而咁啱經過見到有新推出開心果味，見佢唔使排隊就試一試。自問同差唔多類型嘅甜品waffle食過唔少，但因為佢開心果又唔夠開心果味，waffle又唔夠熱辣辣，Cream又唔係超級香滑，仲有上面嗰啲腰果，開心果粒粒又唔係脆卜卜。食完我個係覺得失望嘅。絕對食過有更加出色的。順帶一提，其實都有嗌咗個意粉。正正常常，冇乜特別，但係個問題都係唔夠熱。我去個時段已經係算冇乜人，可能我比較執着食物嘅熱度。所以總括嚟講都係失望。 試一次就夠啦。 …查看更多

食完飯心血來潮想食雞蛋仔，行過見到門口排長龍就令我更加想食。排就排嗱，於是我就叫左粒粒朱古力味雞蛋仔，足足等左20分鐘。到手係熱辣辣新鮮做嘅，入口的確係外脆內軟，但好矛盾，因為我完全食唔到蛋香味，亦無朱古力味。就算跌朵有朱古力味都係啲廉價朱古力味，好淡好cheap 個隻。我10個失望呀。既然甘有heart堅持現成做，又有心機做到外脆內軟，如果好好食我唔介意等呀，但我建議可以用啲靚材料去做好個餡囉。如果唔係我一定唔會再排隊食。…查看更多

同女友人2個有啲掛住泰國，就想搵正宗泰國野食懷念一下嗱。除咗係九龍城之外，我地見網上都幾多人讚尼間，所以就決定試一試。我地點左泰國必食活蝦刺身，青咖喱軟殼蟹配法包，串燒雞中翼，通菜，一個細嘅泰式拼盤，一份Pad Thai 同2杯啤酒。活蝦刺身新鮮，冇乜野。青咖喱軟殼蟹蟹仔就好細仔，得四件仔，但味道都幾好，咖喱配法包好開胃。泰式拼盤正常，唔係話特別好食，吾算驚喜。串燒雞中翼不過不失。Pad Thai 好味，幾正宗，但分量唔算大。正常至於通菜係就係最失望，通菜好老好硬又唔入味，同係泰國食到既真係完全冇得比。環境可以，服務員尚算有禮，總括來講不過不失嗱。…查看更多

本人係一個奶茶鐵粉，既然自稱得茶王，當然要試一試。我同老公就的起心肝排隊都要入去飲杯奶茶食個T啦。咁我就叫左一杯茶走同豬扒包，我老公就叫左黑椒滑蛋豬扒飯同一杯凍奶茶多奶。我杯茶走系OK嘅，茶味香，又夠熱，絕對above average的， 但又未至於係我飲過最好飲嘅奶茶。而豬扒包個包就太淋，一啲都唔脆，豬排就甘簿簿一塊，麻麻地。而我老公個杯凍奶茶多奶就失望地淡，冇茶味又冇奶味。黑椒滑蛋豬扒飯就同普通茶餐廳一樣囉，冇乜特別。又要排隊，坐得又迫，普普通通，唔會話掛住杯奶茶會返轉頭個種。…查看更多

每次同我隻狗仔係梭椏道睇完醫生之後都會經過，發覺門口可以帶埋狗仔一齊食，所以好奇心之下就試一試。但係門口得兩張枱仔，店員都好友善，狗仔可以一齊坐，唔會一定要你放佢喺地下。今次我就點左一份芥末蜜糖雞翼，一份黑松露薯條，一份smoke salmon egg benedict 同一杯熱mocha。 芥末蜜糖雞翼算有驚喜，芥末味帶甜甜地上枱又夠熱辣辣，幾夾。黑松露薯條正常，都係熱嘅係略嫌薯條淋左少少。至於salmon egg benedict都係上枱熱辣辣，不過不失。最後杯咖啡可以，冇話好驚喜亦冇失望。感覺所有嘢都係新鮮做，下次經過會再來試吓Menu其他食物的。…查看更多

樂茶軒環境幽靜，位於香港公園裏邊，絕對係忙裏偷閑嘅好地方。原來樂茶軒係主打品茶同素食點心。我點左南瓜粟米餅，素鮑片菜心，紅菜頭餃，生煎包同埋菠菜面。南瓜粟米餅算係甘多樣中最好食，算係最濃味但都係比較油膩。而素鮑片菜心就真係好素好清淡。紅菜頭餃配搭幾得意，算有驚喜。生煎包普通，不過不失亦都算油膩。而菠菜麵就真係又乾又硬又冇味，非常失望。至於茶類，我就揀咗玫瑰普洱茶，幾好幾清新。茶類選擇非常多，品茶控可以一試。但至於點心我就略嫌淡味但油膩。…查看更多

想食墨魚丸一定諗起九龍城黃明記，黃明記墨魚丸一向出名，墨魚丸控絕對必食。本人唯獨大愛黃明記嘅墨魚丸，細細粒既彈牙而又非常有口感，感覺真材實料。另外無論面質或河粉類都非常之出色，彈牙。順帶一提，辣椒油辣度適中而且非常香。其中一個缺點係每碗粉面類份量唔多，男士可能要食兩碗先夠飽肚。所以是消夜或下午茶之選。可是失望的是黃明基油菜款式不多，是永遠沒有菜心的。 而且奶茶亦是失望的。 但麵食類及墨魚丸絕對推介👍🏾…查看更多

本人是個不折不扣嘅奶茶控 經常走遍港九新界去尋覓一杯好嘅奶茶飲 個人認為九龍城德昌奶茶必入九龍區三甲 無論凍或都熱暫時冇令我失望 水準非常穩定 另外順帶一提 魚柳包亦是冇得輸 豬仔包外脆內軟 永遠上抬都係熱辣辣 魚柳新鮮炸 但個人認為可以加些生菜或者蕃茄就會更加完美 絕對有heart既茶餐廳…查看更多

昨晚一行八人訂了龍泉八位招牌餐。蟹肉魚翅普通料，蟹肉唔多見，魚翅都叫足份量，但有少少腥，湯係偏杰身但套餐來講算合格。芝麻雞好食新鮮炸夠熱蒸魚新鮮肉質彈牙生熟程度啱啱好三色蝦尚算合格蝦丸唔似蝦丸黃金蝦同埋煎蝦唔夠熱冬菇海參鮑魚西蘭花份量足，味道OK炒飯夠乾身好食最大鑊係個免費甜品聲稱係芒果布甸但其實人造假芒果味又淡又吾知道想點嘅大菜糕 完全嚇死人 總括嚟講 以套餐來説質素絕對合格有尚 係地點麻麻 服務員都有禮貌嘅 環境都尚算乾淨…查看更多

兩個人去order左四樣嘢i) Bellini嘅 sangria - 完全冇紅酒味，好似飲緊soda water 噤ii)海膽帶子包 - 海膽好重魚腥味，唔新鮮，帶子同個包就又硬又凍，成舊石頭咁iii) Cold cut platter - 啲包一樣又凍又硬，而啲肉既fat，簡直係溶曬一pat 野甘，應該真係放咗36個月一樣iv) 炸蝦 - 啲粉成寸厚 ，隻蝦瘦到未成年一樣，上到枱成碟凍冰冰買單$1039，性價比奇底.......大家千祈唔好中伏…查看更多