eunicelamlam的个人专页

之前同朋友路過好幾次都未試過呢間，今次到自己喺元朗搵嘢食，就入咗去啦。唔太識分佢係咩菜，地中海？土耳其？定其他呢？ 😅開頭以為呢個窄門口既setting 會好似旺角嗰D有轉轉燒肉既餐廳咁，得條窄行，原來入面別有洞天，裝修都幾靚，有特色！💕食咗個下午茶D餐 , chicken quesadilla,味道、溫度都好好，有4件，食完勁飽！同場有3款汁可以點（薄荷？ 乳酪？ 甜+酸+辣既沙律？） 三款都各有特色，夾埋個餅到食又得，唔同既醬mix 埋食又有驚喜，最後我清哂3格😂唯一要留意既係鋪頭近馬路，餐碟同檯面都有d 灰塵，抹一抹都okay ! …查看更多

🥶凍凍地想食熱野，行行下見到餃子鋪，午餐仲送🍶清酒，睇左餃子D味，再平時食開既，又有D特別口味，咁就入去試試佢。叫左個「餃子+主食+小食」既餐，🥟有8隻餃子，仲要可以雙拼！ 🥚🍙主食就叫左個溫泉蛋紫菜拌飯，🍢小食就叫左關東煮（凍冰冰要飲個熱湯😄）平時唔係飲開酒，杯清酒既size都剛好夠淺嚐，個飯黎到，又凍又餓就食飯啦，餃子未到，個飯都好好食！ 食飯食到尾，餃子就到，有得飲湯，餃子既餡都實淨，皮薄既，好味！ 食餃子食到尾其實已經好飽😂關東煮出場啦！ 又食埋，飽足感300%，飽到夜晚都唔使食⋯！😆咁多野，埋單都係$80，仲要咁高質，真心要推一推，仲有其他味既餃子未試，值得再戰！另讚兩位職員（可能係老闆？）都好有禮貌，上菜速度又好好，真係可以食完一樣，先到另一樣，滿足呀，要出返個post讚賞下😁…查看更多

2023年12月19日，晴☀️休息日去左花園街閒逛，行到餓就用OpenRice 個「附近」功能搵餐廳（懶）。發現到呢間W&T喺附近，轉個彎就到就去望下，見到鋪頭入面好多植物裝飾，價錢唔貴，就入去啦。叫左個午餐：檸檬奶油雞扒意粉 + 熱百香果蜜鋪頭幾靚，等食期間就影下相，見圖，野食到，相機食先，都係見圖。意粉質地唔會好淋，個汁好好味，上面亦有D蟹籽，多一重口感，雞扒肉質無特別，唔算差亦唔算好好，對得住個價錢既🍝熱飲 百香果蜜都好飲，乾燥季節滋潤下🍯因為門口對正洗衣街，外面海量車，餐廳門口無玻璃、無隔音，食食下就會係咁聽到馬路邊既聲，係有D影響既，如果大家去呢間餐廳，可以試下request 坐入D ? 第一次去，又真係無留意到。…查看更多

成日聽人講呢度似好正，OpenRice 觀塘區排名長期名列前茅，專登早左出門去觀塘試試佢。上樓梯去到門口，已經見到5-6人排緊隊，幸運地，因為我地得兩個人，所以即時有得入！🙌🏻入面好多檯，但全部坐滿，再次對於成功入座要感個恩！🙏🏻職員通知我地有限時，咁就渣渣臨叫野食，有點心紙，點返平時二人份量既野食，等左陣，野食就黎啦，見到人生從未見過既巨人化點心，食到一半開始飽飽地，仲有一半黎緊😂size 令人驚喜，味道都好，物有所值！☺️#補打返8月既食評…查看更多

後知後覺原來無印有自己既餐廳，大鄉里出城要打返個食評先！8月尾午市去，無位，咁就行陣街睇埋當時既NBA展，下午茶時段再戰，成功入座，打開menu都花多眼亂，樣樣都想試，最後叫咗呢款「個個都大推既梳乎厘」，一黎到，擺盤靚💕又打卡、又好食、仲要飽肚，唔似得其他甜品鋪既梳乎厘咁，似食「空氣」一樣！👍🏻真.一次過滿足哂3個願望😄服務都幾好，職員有禮貌，上菜速度都ok! 環境更加係 好 好 好 啦！ 無印風/文青風/簡潔風/日式風，咩都好，總之就舒服！日式飯餸都吸引，可以再戰！…查看更多

之前同屋企人都黎過呢間餐廳幾次，通常食：1️⃣燒牛肉/豚肉丼，好味，肉、汁量都夠，個飯都好食👍🏻2️⃣鹽燒牛肉丼，抱住好奇心之下試，出奇地好味❤️3️⃣芝士燒牛肉/豚肉丼，芝士量都足夠，個飯食食下可以拉絲😄基於對上幾次既好評體驗，今次試左新野➡️野菜燒牛肉定食🍱主菜：野菜燒牛肉，成盤菜+肉咁上，味道較為咸，適合喜咸人士食用飯既份量亦較大，食唔哂浪費左⋯🙏🏻🤧如果用QR Code 落單嗰陣有得揀少飯就好啦味噌湯正常，入面既材料比其他日式餐廳多少少，沙律係一堆凍菜，無調過味，就咁食真係麻麻地，用返定食既汁、肉撈埋一齊食，又出奇地好食左，中和返牛肉既咸、沙律菜既淡🫢👍🏻定係個set原本既設計已經係咁食？呢個價錢+平日食物quality，喺科學園黎講算幾高CP值了，下次會再黎支持！…查看更多

終於試左出名既「慢煮屋」，難得唔使排，可以坐最後一張吉檯（不過後一兩檯既客就開始要排了）！QR Code 落單都方便，兩杯野飲到先，顏色靚，併埋一齊有少女心💕野飲入面有啫喱，再好味左！野食方面，叫左個1）慢煮雞髀芝士爆丼雞髀同芝士既味唔算夾，雞肉略為淡味，都可接受既 2）慢煮三文魚牛油果丼，天氣熱轉左食蕎麥麵 兩個set 都有飯半熟蛋，涼涼地，正！小食方面，再加左個炸餃子、芝士燒手羽（雞翼） 餃子好味！ 都juicy , 整體都唔錯👍🏻…查看更多

晚市去太和搵食，見美新一帶似有新餐廳 「友團伙」，乾淨、無乜人就入去試下啦，見無食燒肉，預左會燒到成個身都有陣味，結果發現⋯ 原來又唔一定要燒肉，可以揀 飯/burger 等，都有幾多選擇！最後叫左兩個burger (落左單先發現有孖堡餐，哎呀😂）1）和牛芝士burger : 包香、肉好juicy , 亦夠牛味！ 🫶🏻2）烤菠蘿雞扒 burger : 包香、肉香、夾埋菠蘿食，好好味！ 🫶🏻店員仲好貼心地比左食burger 用既紙套我地👍🏻👍🏻否則會食得好 “呢hea”，由入門到出門都好有禮貌，service 都要讚下😄👍🏻仲要再分享埋個包既size ,下次再試其他😄…查看更多

早幾日要去「富利工業大廈」做野，放飯一個鐘，落到地下發現落大雨，諗起搭𨋢嗰陣見到有餐廳既poster 貼左0係𨋢入面，好奇就試試佢。入到去，可以用QR code 落單，都方便既！今次叫左：1）奶油咖喱軟殼蟹: 好食😋如果咖喱度有少少薯仔/菜粒就好啦2）奶油naan bread：同平時食開既唔同，相對片身，無平時食既咁乾3) Mango Lassi ：好飲⭐️⭐️⭐️⭐️⭐️Menu 上面仲有其他野食都想試，可以翻叮！…查看更多

新界牛好少出TST，因工作關係出左去，想食台灣野，路過見到就入去，個下午茶⋯非常豐富☺️（抱歉未有影齊相）當日餓底，所以Upgrade左份多士有沙律、炒滑蛋、仲有個米粉，再加錢轉埋做特飲，都係$53埋單，食完飽到夜晚0個餐都唔使食！同意樓上 / 樓下 另一位網友所指，真係窮人恩物！呢個時勢，呢個地區，呢個份量，呢個價錢，真心係良心價呀！個野飲menu 都好吸引，好多杯都想試😄下次再出「省城」，都考慮翻叮多次👍🏻…查看更多

小人較懶，通常係開open rice 睇人地寫既食評，不過呢次誤打誤撞去到「滾餃」，實在太驚喜！ 明知自己文筆唔好，都想出個post 讚賞下🙌🏻先講「餃」，湯餃皮薄！👍🏻煎餃爆汁！👍🏻肉鬆皮蛋豆腐清涼，醬汁亦好味，大熱天時，食落去，喉嚨好舒服☺️餃子類別有新意，正常既韮菜、粟米之外，仲有黑松露、芝士煙肉、京蔥豬肉等（sorry 唔記得左款餃既全名）😄 好味！ 鋪頭乾淨、店員們又nice（順道再讚埋個菜甫都好食），仲有播既歌都揀得好，有近期開演唱會既小明聽🥹P.S. 文筆麻麻之外，影相技術都有進步空間，請見諒🙇🏻‍♀️🙏🏻…查看更多

今日11:47 落單，叫左個lunch set 鐵板餐，侍應姐姐話等一陣，見佢檯檯都咁樣講，原因係：早餐午餐轉緊menu，好啦咁就等，坐坐下，不時都聽到其他檯既客人催單，聽到有D話等左20分鐘、有d就半個鐘⋯ 仲有檯客係等緊個「早餐」😨到12:23 ，足半個鐘頭先黎個湯，味道同溫度係ok既👌🏻到12:30 個主菜都未到⋯ 杯檸茶又未到，呢下唔關早餐轉午餐事啦掛？😓因為太餓，望左好幾次出菜位，留意到廚房出菜位有碟野，放左成10分鐘都無人拎，再請侍應跟跟單，結果原來就係0個碟！足45分鐘，個鐵板餐終於黎到，個黑椒汁又無左⋯ 蘿蔔仔係凍既？😨咁唯有食返塊扒，食鐵板，舊肉都可以係唔熱既？？⋯真心食唔落，侍應都爽快地肯void 單，再諗一諗，咁容易就肯void？咁到底之前發生過幾多次同樣既事情呢？ 如果唔介意等45分鐘食凍既鐵板，可以去既⋯ P.S. 辛苦哂幾位落力維持樓面情況既侍應🙏🏻管理層問題黎，祝幾位早日轉到去更好既餐廳🙏🏻…查看更多

天氣好熱，飲杯豆漿解熱、食餃子醫肚檯面有酸蘿蔔，唔係間間有得食，都幾驚喜！ :) 同行朋友唔飲得甜野，想要一杯水，話無供應⋯⋯ 叫左雙拼湯餃、煎芝士餃，先講湯餃，湯清淡，粉葛湯吧？ 唔算好鹹，老人家都0岩食粟米餃，明顯無乜味精，幾好（不過覺得八方雲集好味d , haha ) 大白菜餃 （黃芽白），無乜特別，可食，唔係好食/難食跟住講芝士餃，味濃，食左兩粒都濟濟地😂😂😂美中不足係無水供應 同咪 兩位侍應姨姨都有點黑面（天氣太熱掛？ ） …查看更多